ئێمە لە تۆرە کۆمەڵایەتیەکان

کوردستان

سلێمانی؛كارگەیەكی لەقتونانی ساختەكاری دادەخرێت

خەڵك – بەشی هەواڵ

لیژنە هاوبەشەكانی قائیمقامیەتی سلێمانی ڕایدەگەیەنێت ، لیژنەكەیان كارگەیەكی بێ مۆڵەتی لەقتونانی داخستوە، كە بەشێوەیەكی ساختەكاری خواردەمەنی وشكە‌ی گۆڕیوە بۆ خواردەمەنی دیكەی بەناوبانگ و بەسەر هاووڵاتیاندا ساغیكردوەتەوە.

لیژنە هاوبەشەكانی قائیمقامیەتی سلێمانی لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ئەمڕۆ پێنجشەممە 23یی نیسانی 2020 لە سەر زانیاری و بەدواداچوونەكانی ئاسایشی سلێمانی كارگەیەكی بێ مۆڵەتی لەقتونان یان داخستوە، كە بەشێوەیەكی ساختەكاری خواردەمەنی وشكە‌ی گۆڕیوە بۆ خواردەمەنی دیكەی بەناوبانگ و بەسەر هاوڵاتیاندا ساغیكردوەتەوە.

ڕاشیگەیاندووە، كارگەكە ئەو خواردەمەنیە وشكانەی لەقتوناوە، كە ماوەی بەسەرچوونیان نزیك بوەتەوە لە نەشیاوی بۆ خواردن، بەبەكارهێنانی لۆگۆی دیكەی بەناوبانگ، خاوەن كارگەكە جۆرە دەفرێكی (650) گرامی بەكارهێناوە و خواردەمەنییەكانی تێكردوە، لەگەڵ ئەوەشدا ماوەی بەكارهێنانی درێژ كردوەتەوە.

ئاماژەبۆ ئەوەشكراوە، بەپێی یاسای بازرگانی عیراق، هەركەس و شوێنێك دەستكاری لیبڵ و ئەو دەفرانە‌ی شمەكی تێكراوە بكات ، یان زانیارییەكانی بگۆڕیت، فێڵی بازرگانیە و سزای بۆ ئەنجامدەرانی دیاریكردوە، بۆیە بەفەرمانی قائیمقامی سلێمانی كارگەكە دادەخرێت و خاوەنەكەشی روبەڕوی رێكاری یاسایی توند دەكرێتەوە.

کوردستان

بوومەلەرزە لە شارێكی كوردستان ڕوویدا

خەڵك – بەشی هەواڵ
بوومەلەرزەیەك بە گوڕی 4.2 پلە بە پێوەری ڕێختەر شاری قەسری شیرینی لە پارێزگای كرماشانی ڕۆژهەڵاتی كوردستانی هەژاند.

بوومەلەرزەكە كاتژمێر 11:40 خوولەك و بە قووڵایی 10 كیلۆمەتر لە ئاستی ڕووی زەوی و دووری 19 كیلۆمەتر لە ناوەندی شاری قەسری شیرین ڕوویدا.

تا ئێستا زانیاری دەربارەی ئەگەری كەوتنەوەی زیانی گیانی یان ماددی لە بوومەلەرزەكە ڕانەگەیەندراوە.

بەردەوام بە لە خوێندنەوە

کوردستان

فڕۆكە جەنگییەكانی توركیا چیای گارە بۆردومان دەكەن

خەڵك – بەشی هەواڵ
بۆردومان و هێرشەكانی توركیا بۆ سەر هەرێمی كوردستان بەردەوامە و ئەمڕۆش چیای گارە بۆردومان كرایەوە.

ئەمڕۆ چوار شەممە فڕۆكە جەنگییەكانی توركیا چیای گارەیان لە سنووری پارێزگای دهۆك بۆردومان كرد.

توركیا لە ناوەڕاستی مانگی ڕابردووەوە بە بیانووی بوونی هێزەكانی پەكەكە لەشكركێشییەكی بەرفراوانی لە سنووری هەردوو پارێزگای هەولێر و دهۆك دەستپێكردووە و بە پێی ئەو زانیارییانەی توركیا بە فەرمی بڵاویكردوونەتەوە، تا ئێستا ژمارەی بنكە سەربازییەكانی لە هەرێمی كوردستاندا گەیاندووەتە 37 بنكە و بەردەوامیش ناوچە سنوورییەكان بۆردومان دەكات.

بەردەوام بە لە خوێندنەوە

کوردستان

كۆبوونەوەی شاندی باڵای یەكێتی و یەكگرتوو دەستیپێكرد

خەڵك – بەشی هەواڵ
شاندی باڵای یەكێتیی نیشتمانیی كوردستان و یەكگرتووی ئیسلامی كوردستان لە سلێمانی كۆبوونەوە.

میدیای فەرمی یەكێتی بڵاویكردەوە كە لە كۆبوونەوەكەدا ” پێشهاته‌ سیاسی و ئابوورییه‌كان” تاووتوێ ده‌كرێن.

پێشتریش لاهور شێخ جەنگی هاوسەرۆكی یەكێتی لە سەردانێكیدا بۆ لای سەڵاحەدین بەهادین ئەمینداری گشتی یەكگرتوو باسیان لە چارەسەركردنی دۆخی سیاسی هەرێم و پەیوەندییەكانی نێوان هەولێر و بەغدا كردبوو.

بەردەوام بە لە خوێندنەوە

کوردستان