ئێمە لە تۆرە کۆمەڵایەتیەکان

کوردستان

پۆلیسی دارستان و ژینگەی ڕاپەڕین: لەدەربەندی ڕانیە دوو هاوڵاتی‌ لەخنكان ڕزگاركران

خەڵك – بەشی هەواڵ

بەڕێوەبەرایەتی پۆلیسی دارستان و ژینگەی ڕاپەڕین ڕایدەگەیەنێت: لەدەربەندی ڕانیە دوو هاوڵاتی‌ لەخنكان ڕزگاركران.

بەڕێوەبەرایەتی پۆلیسی دارستان و ژینگەی ڕاپەڕین لە ڕاگەیەنراوێدا ئاشكرایكرد: ئەمڕۆ‌ چوارشەممە 22/4/2020 كاتژمێر 5:30 خولەكەی ئێوارە لەلایەن شوانێكەوە ئاگادركراونەتەوە دوو هاووڵاتی ژیانیان لە مەترسی بووە و ئەگەری خنكانایان هەبووە لە ئاوی دەربەنددا، دەستبەجێ مەفرەزەیەكی بەڕێوەبەرایەتیەكەیان لەخاڵی جێگیری دەربەند گەیشتنە شوێنی ڕووداوەكە هەردوو هاووڵاتییەكە بەسەلامەتی ڕزگاركران.

دەقی ڕاگەیەنراوەكە:

لەدەربەندی ڕانیە دوو هاوڵاتی‌ لەخنكان ڕزگاركران

ئەمڕۆ‌ چوارشەممە/۲۰۲۰/٤/۲۲/كاتژمێر ٥:۳۰ لەلایەن شوانێكەوە ئاگادر كراینەوە دوو هاوڵاتی خەریكن بخنكێن ،دەست بەجێ مەفرەزەیەكی بەڕێوەبەرایەتی پۆلیسی دارستان و ژینگەی ڕاپەڕین لەخاڵی جێگیری دەربەند گەیشتنە شوێنی ڕوداوەكە خۆش بەختانە هەردوو هاوڵاتییەكە بەسەلامەتی ڕزگاركران .

دەستان خۆش شێرە كوڕانی پۆلیسی دارستان و ژینگەی ڕاپەڕین بەڕاستی جێگەی ڕێزن سەرەڕای ئەركی خۆتان كەپاراسنی سامانی ماسی و سورشت و ژینگەیە بەهانای هاوڵاتیانەوەش دەچن .

ڕاگەیاندنی بەڕێوەبەرایەتی پۆلیسی دارستان و ژینگەی ڕاپەڕین

 

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان