ئێمە لە تۆرە کۆمەڵایەتیەکان

کوردستان

حزبێكی هەرێم لەسەر مووچە پشتیوانی بۆ خۆپیشاندانی فەرمانبەران ڕاگەیاند

خەڵك- بەشی هەواڵ
دوابەدوای ڕاگەیەنراوەكەی فراكسیۆنی كۆمەڵی ئیسلامی لەسەر مووچەی فەرمانبەران، یەكگرتووی ئیسلامیش لەڕێگەی فراكسیۆنەكەیەوە لە پەڕلەمانی كوردستان هۆشداری بە حكومەتی هەرێم دەدات و ڕایدەگەیەنێت، پشتیوانی لە داخوازیە ڕەواكانی خۆپیشاندەران دەكەین، كە لە پێناو مووچە و بژێوی مانگانەیان ئەنجامی دەدەن.

فراكسیۆنی یەكگرتووی ئیسلامی لە پەڕلەمانی كوردستان لە ڕاگەیەنراوێكدا، كە وێنەی دراوە بە (خەڵك) ئاماژەی بەوەكردووە، “پێویستە دەسەڵاتداران لە داھاتە نادیار و شاراواكانی ھەرێم بژێوی ھاونیشتیمانیان و فەرمانبەران دابین بكەن.

ڕاشیگەیاندووە، پشتیوانی تەواو لە خۆپیشاندان و ناڕەزایەتیەكانی مووچەخۆرانی هەرێم دەكەین، كە لە پێناو مووچە و بژێوی مانگانەیان ئەنجامی دەدەن.

دەقی ڕاگەیەندراوەكەی فراكسیۆنی یەكگرتوو:

دیارە كەقەیرانەكان بەرۆكی گەلەكەمان بەرنادەن وستەم وناشەفافی ونادادی لە داھات و خەرجیەكان ژیان و گوزەرانی میللەتی شڵەژاندوە و لەبەرامبەردا پشت گوێخستنی چارەسەر و پرۆژە و فشارەكانمان لەلایەن دەسەڵاتدارانەوە دۆخی بژێوی گەیاندە ئەم ئاستە نەخوازراوەی ئێستا كە سەرەتایی ترین مافی فەرمانبەرانی تێدا دابین ناكرێت كەمووچەی مانگانەیە.
بۆیە ئێمە لێرەوە رایدەگەیەنین وەك فراكسیۆنی یەكگرتووی ئیسلامی كوردستان تەواوی پشتیوانی لە داخوازیە رەواكانی خۆپیشاندەران دەكەین كە لە پێناو مووچە و بژێوی مانگانەیان ئەنجامی دەدەن لە شاروشارۆچكەكانی كوردستان، هەروەها بەدەسەڵاتدارانیش دەڵێین ئەركی سەرشانتانە یەكگرتوویی ھەرێمی كوردستان بپارێزن و لە داھاتە نادیار و شاراواكانی ھەرێم بژێوی ھاونیشتیمانیان وفەرمانبەران دابین بكەن.
فراكسیۆنی یەكگرتووی ئیسلامی كوردستان
لەپەرلەمانی كوردستان
22-4-2020

کوردستان

تووشبوون بە كۆرۆنا لە هەرێم گەیشتە نزیكەی 50 هەزار كەس

خەڵك- بەشی هەواڵ
وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 636 حاڵەتی تووشبوون بە كۆرۆنا تۆماركراوە و 17 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، ٤٦٩٧ پشكنین ئەنجام دراوە و دەركەوتووە لە هەولیر 110 كەس و سلێمانی 109 كەس و لە گەرمیان 32 كەس و دهۆك 353 و هەڵەبجە 32 كەس تووشی كۆرۆنا بوون.

ئاشكراشی كردووە، كە ٤٠٣ كەس چاكبوونەوە و 17 كەسیش گیانیان لەدەستداوە.

ڕوونیشی كردۆتەوە، كە كۆی گشتی تووشبوون بە پەتاكە گەیشتۆتە ٤٢ هەزار و ٣٦٨ كەس و چاكبوونەوەش 27 هەزار و ٣٢٤ و مردنیش 1553 كەس.

بەردەوام بە لە خوێندنەوە

کوردستان

لە شارێكی هەرێم نزیكەی 4 هەزار نەخۆشی كۆرۆنا چاكبوونەوە

خەڵك- بەشی هەواڵ
بەڕێوەبەرایەتی گشتی تەندروستی دهۆك ئاشكرای دەكات، كە 126 نەخۆشی تووشبوو بە ڤایرۆسی كۆرۆنا چاكبوونەتەوە.

بەڕێوەبەرایەتی گشتی تەندروستی دهۆك لە ڕاگەیەنراوێكدا ئاماژەی بەوەكردووە، ئەمڕۆ سێ‌ شەممە 126 نەخۆشی تووشبوو بە ڤایرۆسی كۆرۆنای نوێ‌ بەتەواوی چارەسەر بوون و گەڕانەوە ماڵەوە.

ڕاشیگەیاندووە، ئەو نەخۆشانە هەموو پشكنینەكانیان بۆ ئەنجامدرا و دەركەوت بەتەواوی چاكبوونەوە و سەلامەت، بۆیە نەخۆشخانەیان جێهێشت.

ئاشكراشی كردووە، تاوەكو ئێستا 3836 تووشبووی كۆرۆنا چاكبوونەتەوە و 5751 كەسیش لەژێر چارەسەری پزیشكی لە نەخۆشخانە ماون.

بەردەوام بە لە خوێندنەوە

کوردستان

دەزگای تەندروستیی پێشمەرگە ئاگادارینامەیەکی بڵاوکردەوە

خەڵک – بەشی هەواڵ

 

دەزگای تەندروستیی پێشمەرگە ئاگادارییەکی بۆ هاوڵاتیانی شاری سلێمانی و دەوروبەری بڵاوکردەوە.

 

دەزگای تەندروستی پێشمەرگە لەئاگادارینامەیەکدا هاوڵاتیان ئاگادار دەکاتەوە،کە بەهۆی زیادبوون و هەڵکشانی توشبووانی ڤایرۆسی کۆڕۆناوە نەخۆشخانەکانیان زۆرترین لۆدی نەخۆشی لەسەرە.

 

داواکارن لەهاوڵاتیان، لە ئێستادا سەردانی نەخۆشخانەکانیان نەکەن بەمەبەستی نەشتەرگەری سارد، واتە ئەو نەشتەرگەرییانەی کەدەتوانرێت دوابخرێت بۆ کاتێکی دیکە.

ئەوەش باسکراوە، هیوادارن هاوڵاتیان هاوکاریانبن، بۆئەوەی بتوانن زۆرترین خزمەت بەونەخۆشانە بکەن، کە توشی ڤایرۆسی کۆرۆنابوون.

بەردەوام بە لە خوێندنەوە

کوردستان