ئێمە لە تۆرە کۆمەڵایەتیەکان

عێراق

ئاماژە بە بەردەوامی دانوستانەكان دەكات
پەرلەمانتارێكی نەسر بۆ (خەڵك): كابینەكەی كازمی تێدەپەڕێنرێت

خەڵك- ئیدریس جەبار
پەرلەمانتارێكی هاوپەیمانی نەسر گەشبینی خۆی دەردەبڕێت بەرانبەر بە تێپەڕاتدنی كابینە وەزارییە چاوەڕوانكراوەكەی مستەفا كازمی سەرۆك وەزیرانی ڕاسێردراو و دەڵێت:”تائێستا ڕێگرییەكی وەها بەدی ناكرێت كە ببێتە مایەی لەمپەردروستكردن لەبەردەم تێپەڕبوونی حكومەتەكەی كازمی لە پەرلەمانەوە”.

مەها جەنابی، پەرلەمانتاری هاوپەیمانی نەسر، لە لێدوانێكی تایبەت بە (خەڵك) ڕایگەیاند:”لەم هەفتەیەدا بێت یان لە هەفتەی داهاتوو، پەرلەمان دانیشتنێكی تایبەت بۆ دەنگدان لەسەر كابینە وەزارییەكەی مستەفا كازمی ڕاسپێردراو بۆ پێكهێنانی حكومەت سازدەكات، ئێمەش لە هەموان زیاتر پابەندین بەو مۆڵەتە دەستورییەی دیاریی كراوە، لەئێستاشدا دەنگێكی هێند بەهێز نییە كە ببێتە مایەی ڕێگرتن لە تێپەڕبوونی كابینە حكومییەكەی كازمی”.

بە وتەی مەها جەنابی:”لەئێستادا دانوستانەكان بەردەوامن و ئەو دانوستانانەش بە دڵنیاییەوە بەرەنجامی باشیان دەبێت لەڕووی پەسەندكردنی حكومەتێك كە بتوانێت ئەركەكانی جێبەجێ‌ بكات و وڵات لەم رەوشە ڕزگاربكات كە تێیكەوتووە و لە ئاستی خواست و داواكاریی خۆپیشاندەران و قۆناغەكەدا بێت”.

ئەو پەرلەمانتارەی هاوپەیمانی نەسر دەڵێت:”تائێستا نەمانبیستووە ناڕٍەزاییەك هەبێت یان ڤیتۆ هەبێت بەرانبەر بە كابینە وەزارییەكەی مستەفا كازمی، بۆیە دەڵێین، تا دانوستان هەبێت، دەكرێت بگەینە بەرەنجامێكی وەها كە جێگەی ڕەزامەندی هەموان بێت”.

لەپاش شكستخواردنی هەریەك لە محەمەد تۆفیق عەللاوی و عەدنان زورفی، لە 9ی نیسانی 2020، بەرهەم ساڵح سەرۆك كۆماری عیراق، مستەفا كازمی سەرۆكی دەزگای هەواڵگری نیشتمانی بۆ پێكهێنانی حكومەتی ڕاگوزەز ڕاسپارد كە ئەركی زەمینەسازی دەبێت بۆ ئەنجامدانی هەڵبژاردنی پێشوەخت لە وڵاتدا.

عێراق

عیراق؛ ئاماری توشبوون بە كۆرۆنای بڵاوكردەوە

خەڵك- بەشی هەواڵ

وەزارەتی تەندروستی عیراق ئاشكرای دەكات، 4593 حاڵەتی نوێی تووشبوون بە ڤایرۆسی كۆرۆنا تۆماركراوە و 4505 كەسیش چاكبوونەتەوە و 68 حاڵەتی مردنیش هەبووە.

وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 20 هەزار و 662 پشكنینی تایبەت بە كۆرۆنا ئەنجام دراوە و دەركەوتووە 4593 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

ئاشكراشی كردووە، كە زۆرینەی تووشبووەكان لە بەغدا بوون، هەروەها لە سلێمانی 191 و هەولێر 250 و كەركوك 131 و دهۆك 265 حاڵەت تۆماركراوە.

ڕوونیشی كردۆتەوە ، كە 4505 تووشبوو بە پەتاكە چاكبوونەتەوە، كە زۆرینەیان لە بەغدا بوون و هەروەها لە سلێمانی 101 و هەولێر 194 و دهۆك 226 و كەركوك 111 كەس چاكبوونەوە.

ڕاشیگەیاندووە، 68 كەس بە پەتاكە گیانیان لەدەستداوە و بەوەش ژمارەی مردووان گەیشتۆتە 8867 كەس.

بەردەوام بە لە خوێندنەوە

عێراق

وەزیری دەرەوەی ئەمریكا: باڵیۆزخانەكەمان لە بەغدا دادەخەین

خەڵك- بەشی هەواڵ
سەرچاوەیەك لە نوسینگەی بەرهەم ساڵح سەرۆك كۆماری عیراق ڕایدەگەیەنێت، مایك پۆمپیۆ وەزیری دەرەوەی ئەمریكا بە سەرۆك كۆماری ڕایگەیاندووە، واشنتن باڵیۆزخانەكەی لە بەغدا دادەخات گەر هێرشە مووشەكییەكان ڕانەگیرێن، ئەمەش لەكاتێكدایە كە دەستی حەشدی شەعبی خۆی لە بۆردومانكردنی باڵیۆزخانەكە بە مووشەك، بێ‌ بەری كرد.

ئەمڕۆ هەینی، سەرچاوەیەك لە نوسینگەی سەرۆك كۆماری عیراق بە میدیاكانی عیراقی ڕاگەیاند”پۆمپیۆ لە پەیوەندییەكی تەلەفۆنیدا بە سەرۆك بەرهەمی ڕاگەیاندووە، وڵاتەكەی بەنیازە لەماوەیەكی كورتدا باڵیۆزخانەكەی لە بەغدا دابخات، گەر بەئامانجگرتنی باڵیۆزخانەكە بە مووشەك بەمێشوەی ئێستا بەردەوام بێت و ڕانەگیرێت”.

بە وتەی سەرچاوەكە”پۆمپیۆ بە سەرۆكی عیراقی وتووە، بڕیارەكه بۆ سەرۆك دۆناڵد ترەمپ دەگەڕێتەوە، چونكە ئەو نایەوێت بچێتە كێبڕكێی هەڵبژاردنەوە، لەكاتێكدا باڵیۆزخانەی وڵاتەكەی لە بەغدا ڕووبەڕووی بۆردومان و هەڕەشەی بەردەوام دەبێتەوە”.

بەردەوام بە لە خوێندنەوە

عێراق

عیراق، هۆكاریی بەرزبوونەوەی ژمارەى تووشبوون بە كۆرۆنا ئاشكرا دەكرێت

خەڵك- بەشی هەواڵ
وەزارەتی تەندروستی عیراق هۆكاریی بەرزبوونەوەی ئاستی تووشبوون بە ڤایرۆسی كۆرۆنا لە وڵاتدا بۆ جێبەێنەكردنی سزاكان دژ بە سەرپێچیكاران دەگێڕێتەوە.

ئەمڕۆ هەینی ئاژانسی فەرمی (العراقیە) لە زاری حازم جومەیلی بریكاری وەزیری تەندروستیى عيراقەوە بڵاویكردەوە”بەردەوامبوونی تۆماركردنی تووشبوونی زۆر دەستەواژەیەكی مەترسیدارە، جێبەجێنەكردنی سزاكانیش لەدژی سەرپێچیكاران بۆتە مایەی زیادبوونی ژمارەی تووشبوان”.

بە وتەی جومەیلی”ڕەوشی ئابوری وڵات وایكرد بڕیاری هەڵگرتنی قەدەغەكردنی هاتووچۆ دەربكرێت، ڕێكارەكانی وەزارەتی تەندروتیش خۆیان لە دابینكردنی نەخۆشخانەكان و كارمەندانی تەندروستی و ئۆكسیجیندا دەبینێتەوە بۆ بەرەنگاربوونەوەی پەتاكە”.

بەپێی دوایین ئامار كە دوێنێ‌ پێنج شەممە لەلایەن وەزارەتی تەندروستی عیراقەوە بڵاوكرایەوە، لەماوەی 24 كاتژمێری ڕابردوودا 4471 حاڵەتی تووشبوون بە ڤایرۆسی كۆرۆنا تۆماركراوە و 45 كەسیش بە ڤایرۆسەكە گیانيانلەدەستداوە.

بەردەوام بە لە خوێندنەوە

کوردستان