ئێمە لە تۆرە کۆمەڵایەتیەکان

ئابوری

شارێکی پیشەسازیی لە پەروێزخان دروستدەکرێت و ٢٥٠٠ ھەلی کار دابین دەکات

خەڵک-

بڕیارە شارێکی پیشەسازیی بەھاوبەشی نێوان دوو کۆمپانیای عیراقی و ئێرانی لە نزیک مەرزی پەروێزخان دروستدەکرێت و چاوەڕێ دەکرێت ٢٥٠٠ ھەلی کار بۆ دانیشتووانی گەرمیان دابین بکات.

لەو بارەیەوە عەلی تۆفیق، سەرپەرشتیاری مەرزی پەروێزخان ڕایگەیاند: ئەو شارە پیشەسازییە بڕیارە لە نزیک ناحیەی قۆرەتوو بە دووری ٣ کیلۆمەتر لە دەروازە سنورییەکە لەسەر ڕووبەری ٥٠٠ دۆنم زەوی دروستبکرێت.

ئەوەشی ڕاگەیاند: ئەو پرۆژەیە لە سەردانی نێچیرڤان بازرانی بۆ ئێران لە ساڵی ٢٠١٣ ـەوە بڕیاری لێدراوە بۆ سێ خاڵی سنوریی باشماخ و پەروێزخان و حاجی ئۆمەران، بەڵام ئەمەی پەروێزخان شوێنەکەی بۆ دابینکراوە و چاوەڕێی دوا ڕێوشوێنەکانی دەستپێکردنی پرۆژەکە دەکەین.

عەلی تۆفیق ئاماژە بەوە کرد: پرۆژەکە لە لایەن کۆمپانیای حەوایی عیراقی و شەھر سنعەتی ئێرانەوە بە گوژمەی ٦٥٠ ملیۆن دۆلار ئەنجامدەدرێت، چاوەڕێ دەکرێت ٢٥٠٠ ھەلی کار بۆ دانیشتووانی گەرمیان دابین بکات و نزیکی ٢٠٠٠ ھەزار بازرگانیش کارەکانیان بھێننە ئەو شوێنە.

ھێمای بەوەش کردووە: ئەو کۆمپانیا و شوێنانەی وەبەرھێنان لەو پرۆژەیەدا دەکەن ١٠ ساڵ لە باج دەبەخشرێن، ٥ ساڵیش باجی ھاوردەکردنی مادەی خامی جۆراوجۆر لە ھاوردەکاران وەرناگیرێت، بە مەرجی ئەوەی ئەو مادە خامانە لە ھەرێمی کوردستان بوونیان نەبێت.

دەروازەی سنوریی پەروێزان کەوتۆتە ناوچەی گەرمیان لە ٣٠ کیلۆمەتری رۆژھەڵاتی قەزای کەلارەوە.

 

ئابوری

نرخی دراوەكان لە بازاڕەكانی هەرێمی كوردستان

خەڵك- بەشی هەواڵ

ئاكام عەبدوڵا، خاوەنی نوسینگەی سروشتی چنگیان لە سلێمانی بە (خەڵك)ی راگەیاند، بەیانی ئەمڕۆ دوو شەممە نرخی دراوەكان بەم شێوەی لای خوارەوەن:

100 دۆلار 120 هەزار و 250 دینارە.
100 یۆرۆ 137 هەزار دینارە.
100 پاوەن 154 هەزار دینارە.
100 لیرە 23 هەزار دینارە.
100 هەزار تمەن 11 هەزار دینارە.

بەردەوام بە لە خوێندنەوە

ئابوری

حكومەتی هەرێم بۆ دابەشكردنی نەوت ڕێكارێكی دیكە دەگرێتەبەر

خەڵك – بەشی هەواڵ
وتەبێژی بەڕێوەبەرایەتی گشتی پەروەردەی سلێمانی ڕایدەگەیەنێت، پڕۆسەی دابەشكردنی نەوت بەسەر خوێندنگاكاندا بەردەوامە و دەشڵێت: “بۆ خێرا كردنی پڕۆسەكەش پلانێكی نوێ جێبەجێ كرا”.

مەریوان عومەر، وتەبێژی بەڕێوەبەرایەتی گشتی پەروەردەی سلێمانی بە (خەڵك)ی ڕاگەیاند، پڕۆسەی دابەشكردنی نەوت بەسەر خوێندنگاكاندا بەردەوامە و سەرەتا دابەشكردنی نەوت لەناوچە ساردەكانی قەڵادزێ‌ و ڕانیە و پێنجوێن دەستیپێكرد، كە بەسێ‌ قۆناغی نەوت دابەش دەكرێت و لە قۆناغی یەكەمدا 40% نەوتی تەرخانكراو دابەش دەكرێت، كە بڕەكەی ملیۆنێك و 464 هەزار لیترە.

وتیشی، “ساڵانی پێشوو حكومەت لە ڕێگەی وەزارەتی سامانە سروشتیەكانەوە نەوتی دابین دەكرد و ماوەیەكی دەخایاند، ئەمساڵ وەزارەتی دارایی بڕێك پارەی تەرخان كرد بۆ نەوتی خوێندنگەكان و بەكەمكردنەوەی ئاشكرا و لەلایەن كۆمپانیاوە دابینكراوە و پڕۆسەكەی زۆر خێراكرد”.

ڕاشیگەیاند، بەشێكی زۆر لە پەروەردەی قەزاكان و ناو شاریش هەندێكیان وەریان گرتووە، هەندێكی دیكە بەردەوامن لەوەرگرتنی، بەڵام ئەمساڵ پڕۆسەكە زۆر بە باشی و بە خێرایی نەوت دەگاتە خوێندنگەكان.

ئاشكراشی كرد، دابەشكردنی نەوت بە پێی كاتژمێری كاركردن و چوونە ژوورەوەی خوێندكاران دەبێت، خوێندنگەكەیە 12 پۆلی هەیە و دوو دەوامی تێدا دەكرێت، كە كۆی گشتی دەكاتە 24 پۆل ئێمە لەسەر ئەوە حسابمان بۆ كردووە و نەوت دراوە بەو خوێندنگەیە.

بەردەوام بە لە خوێندنەوە

ئابوری

خشتەی دابەشكردنی مووچەی ئەم هەفتەیە ئاشكراكرا

خەڵك- بەشی هەواڵ
دابەشكردنی مووچەی مانگی ئەیلول لە 5ی ئەم مانگەوە دەستی پێ‌ كردووە و بڕیارە لەم هەفتەیەدا مووچەی 5 وەزارەت و چەند توێژێك دابەش بكرێت و سەرچاوەیەكی دارایی دەڵێت: “لەم هەفتەیەدا مووچەی كەسوكاری شەهیدان و كەمئەندامان-یش دابەش بكرێت”.

سەرچاوەیەك لە گەنجینەی سلێمانی بۆ (خەڵك) ڕایگەیاند، كە سبەینێ‌ دوو شەممە10-12-2018 مووچەی وەزارەتی تەندروستی دابەشدەكرێت و ڕۆژی سێ‌ شەممە مووچەی وەزارەتی دارایی دابەش دەكرێت.

وتیشی، “ڕۆژی چوار شەممە مووچەی هەردوو وەزارەتی خوێندنی باڵا و كاروباری شەهیدان و ئەنفالكراوان لەگەڵ مووچەی كەسوكاری شەھیدان و ئەنفالكراوان و زیندانیانی سیاسی خەرج دەكرێت”.

ئاشكراشی كرد، كە ڕۆژی پێنج شەممە 13-12-2018 مووچەی وەزارەتی داد و ئەنجوومەنی دادوەری ھەرێم دابەش دەكرێت.

بە وتەی سەرچاوەكە، هەر لەم هەفتەیەدا مووچەی كەمئەندامانیش لە ڕۆژی چوار شەممە یان پێنج شەممە دابەش دەكرێت.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین