ئێمە لە تۆرە کۆمەڵایەتیەکان

کوردستان

گەرمیانییەكان بۆ یەكێتی و پارتی و پەكەكە: با هەمووان شەڕی براكوژی شەرمەزار بكەین

خەڵك – بەشی هەواڵ
جەماوەری دەڤەری گەرمیان لە ڕاگەیەنراوێكدا ڕایدەگەیەنن: با هەمووان شەڕی براكوژی شەرمەزار بكەین.

جەماوەری دەڤەری گەرمیان لە ڕاگەیەنراوێكدا دەڵێن: لە كاتێكدا بەڵای ڤایرۆسی كۆرۆنا یەخەی هەموو جیهانی گرتووە، وڵاتان هەموو هەوڵی خۆیان و زۆربەی ئابوورییەكەشیان تەرخان كردووە بۆ ڕزگاربوون لەو بەڵایە, هەمووان سەرقاڵی پلان و بەرنامەن بۆ سەردەمی كۆرۆنا و دوای كۆرۆنا وەك زۆربەی بیرمەندانی سیاسی و ئابووریناسان باس لە گۆڕانكاری سیستەمی جیهانی دەكەن و سیستمێكی نوێ دێتە گۆڕێ.

ئاماژە بەوەشدەدەن: بە داخەوە دەبینین ڕەوشێكی نەخوازراو لە (زینی وەرتێ) هاتووەتە ئاراوە كە شیمانەی شەڕی براكوژی لێدەكرێت ئەمەش خواستی گەلی كورد نییە، بەڵكو هەوڵ و پیلانی دوژمنانی گەلی كوردە بەتایبەتی دەوڵەتی توركیا, هەوڵدەدات شەڕێكی ناوخۆ و ماڵوێرانكەر لە نێوان كورداندا دروست بكات هەموو ئەو دەستكەوتانەی گەلی كورد بەتایبەتی لە باشوری كوردستان كە بە خوێنی هەزاران شەهید و ئەنفال بەدەست هاتوون لە باری بەرێت, بۆیە ئێمە وەكو جەماوەری دەڤەری گەرمیان داوا لە هەرسێ لایەنی (پارتی دیموكراتی كوردستان, یەكێتیی نیشتمانیی كوردستان, پارتی كرێكارانی كوردستان) دەكەین بە وریاییەوە مامەڵە بكەن دۆخی هەستیاری كوردستان و ناوچەكە لە بەر چاوبگرن.

 

دەقی ڕاگەیەنراوەكە:

با هەمووان شەڕی براكوژی شەرمەزار بكەین

كۆمەڵانی خەڵكی كوردستان و ئازادیخوازان:

لە كاتێكدا بەڵای ڤایرۆسی (كۆرۆنا) یەخەی هەموو جیهانی گرتووە، ووڵاتان هەموو هەوڵی خۆیان و زۆربەی ئابوریەكەشیان تەرخان كردووە بۆ ڕزگار بوون لەو بەڵایە, هەمووان سەرقاڵی پلان و بەرنامەن بۆ سەردەمی كۆرۆنا و دوای كۆرۆنا وەك زۆربەی بیرمەندانی سیاسی و ئابوری ناسان باس لە گۆڕانكاری سیستەمی جیهانی دەكەن و سیستەمێكی نوێ دێتە گۆڕێ.

حكومەتی هەرێمی كوردستانیش دەبێت بە هەموو هێزی سیاسی و حكومڕانیەوە بە دانانی پلان و بەرنامەی تۆكمە خۆیان بۆ ئەو ئەگەر و پێشهاتانە ئامادەبكەن تاوەكو لە گۆڕانكاری سەددە دا لەگەڵ ئەو ڕێڕەوەدا بڕوات و جێ نەمێنێت وەكو سەددەكانی ڕابردوو, ئەویش بە لەیەك تێگەیشتن و نزیك بوونەوەی سەرجەم لایەنە سیاسیەكان لە هەر چوار بەشی ووڵات.

بەڵام بە داخەوە دەبینین ڕەوشێكی نەخوازراو لە (زینی وەرتێ) هاتۆتە ئاراوە كە شیمانەی شەڕی براكوژی لێدەكرێت ئەمەش خواستی گەلی كورد نیە بەڵكو هەوڵ و پیلانی دووژمنانی گەلی كوردە بەتایبەتی دەوڵەتی توركیا, هەوڵدەدات شەڕێكی ناوخۆ و ماڵوێرانكەر لە نێوان كورداندا دروست بكات هەموو ئەو دەستكەوتانەی گەلی كورد بەتایبەتی لە باشوری كوردستان كە بە خوێنی هەزاران شەهید و ئەنفال بەدەست هاتوون لە باری بەرێت, بۆیە ئێمە وەكو جەماوەری دەڤەری گەرمیان داوا لە هەرسێ لایەنی (پارتی دیموكراتی كوردستان , یەكێتی نیشتمانی كوردستان , پارتی كرێكارانی كوردستان ) دەكەین بە ووریاییەوە مامەڵە بكەن دۆخی هەستیاری كوردستان و ناوچەكە لە بەر چاوبگرن.

هەروەها توركیای داگیركەر بەردەوامە لە تۆببارانی كردنی خاكی هەرێمی كوردستان لەم ڕۆژانەش دا بناری قەندیل و مەخموری تۆبباران كرد كە بووە هۆی شەهید بوونی سێ گەریلا و سێ هاووڵاتی مەدەنی لە مخمور كە هەرسێكیان ژن بوون, بۆیە هەموو ئەو تۆببارانە شەرمەزار دەكەین ئەمەش بن پێكردنی یاسا نێودەوڵەتیەكان و سەروەری خاكی هەرێمی كوردستان و عێراقە, بۆیە داوا لە حكومەتی عێراق و كۆمەڵگەی نێودەوڵەتی دەكەین سنورێك بۆ ئەو دەست درێژیانەی توركیای داگیركەر دابنێت.

لە كۆتاییدا دووپاتی دەكەینەوە وەكو جەماوەری گەرمیان دژی هەر ئەگەرێكی براكوژی دەوەستینەوە لە ئاكامدا سەرجەم شێواز و ڕێكارە مەدەنیەكان دەگرینەبەر دژی هەر هێزیك بیەوێ خەتی سوری نەتەوەیی و نیشتمانی ببەزێنێ.

هەروەها داوا دەكەین هەموو ئەو هێزانەی هێنراون بۆ زینی وەرتێ بگەڕێنەوە و ببرێن بۆ كەركوك و داقووق و كوڵەجۆ چونكە لەو ناوچانە مەترسی داعش هەیە و هێرش و پەلاماریان دەست پێكردووە نەك زینی وەرتێ كە ناوچەیەكی ئارام و بێ كێشەیە.

جەماوەری دەڤەری گەرمیان
18-4-2020

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان