ئێمە لە تۆرە کۆمەڵایەتیەکان

کوردستان

بارەگای بارزانی ڕاگەیەنراوێكی بڵاوكردەوە
“پێشمەرگە بە پێی دەستوور هێزێكی شەرعی و یاساییە”

خەڵك – بەشی هەواڵ
وتەبێژی فەرمیی بارەگای بارزانی ڕایدەگەیەنێت، لە كاتێكدا عیراق بەرەو پێكهێنانی حكوومەتێكی نیشتمانی هەنگاو دەنێن، هەندێ دەنگی نەشاز دەبیستین بە تێكەڵكردنی كارتەكان، دەشڵێت،”پێشمەرگە بە پێی دەستوور هێزێكی شەرعی و یاساییە”.

ڤیان دەخیل، وتەبێژی فەرمیی بارەگای بارزانی لە ڕاگەیەنراوێكدا بڵاویكردەوە، لە كاتێكدا هێزە سیاسییە نیشتمانییەكان و پێكهاتەكانی عیراق بەرەو پێكهێنانی حكوومەتێكی نیشتمانی هەنگاو دەنێن، تا بەسەر ئەو ئاستەنگانەدا زاڵ بن ، كە بەرۆكی دەوڵەتی عیراقیان گرتووە، لەم كاتە هەستیارەدا كە پێویستی‌ بە یەكڕیزیی هەمووان هەیە بۆ رووبەڕووبوونەوەی تەحەدیاتەكان و گەیاندنی وڵات بە كەناری ئارامی، گوێبیستی هەندێ دەنگی نەشاز دەبین بە تێكەڵكردنی كارتەكان و دەیانەوێ مەبەستە راستەقینەكەی پێكهێنانی حكوومەتی داهاتوو بە لاڕێدا ببەن.

دەشڵێت ،”پشتیوانی لە هەموو هەنگاو و كارەكانی حكوومەت دەكەین بۆ بونیادنانی دەوڵەتێكی دیموكراسی و شارستانی كە تیایدا دەستوور و یاسا و هاونیشتیمانیبوون تێیدا سەروەر بێ، ئەو هەوڵانەش ڕەتدەكەینەوە كە هەوڵی رێگریكردن لە هەنگاوی راست و دروست‌ و لێدوانی‌ نابەرپرسیارانە دەدەن”.

ڕاشیگەیاندووە، هێزی پێشمەرگە‌ دوای دەیان ساڵ لە خەباتدا بووە دژی دیكتاتۆرییەت و قوربانیی زۆری داوە لە پێناو دۆزی گەلی كورد و دەوڵەتی عیراقدا، نابێ ناوی بخرێتە لیستی ئەو كۆمەڵە چەكدارانەی‌ بە نایاسایی‌ دروست بوونە و سەروەریی دەوڵەت و گەلانی عێراقیان پێشێل و ئەتك كردووە.

ڕاگەیەندراوێك بە ناوی گوتەبێژی فەرمیی بارەگای بارزانی
لە كاتێكدا كە هێزە سیاسییە نیشتمانییەكان و پێكهاتەكانی عێراق بەرەو پێكهێنانی حكوومەتێكی نیشتمانی هەنگاو دەنێن، تا بەسەر ئەو ئاستەنگانەدا زاڵ بن كە بەرۆكی دەوڵەتی عێراقیان گرتووه، لەم كاتە هەستیارەدا كە پێویستی‌ بە یەكڕیزیی هەمووان هەیە بۆ رووبەڕووبوونەوەی تەحەدیاتەكان و گەیاندنی وڵات بە كەناری ئارامی، گوێبیستی هەندێ دەنگی نەشاز دەبین بە تێكەڵكردنی كارتەكان و، دەیانەوێ مەبەستە راستەقینەكەی پێكهێنانی حكوومەتی داهاتوو بە لاڕێدا ببەن، بەوەی كە لە پرسی هێشتنەوەی چەك لە دەستی‌ دوڵەتدا و، لە نەهێشتنی هەموو شێوەكانی هەبوونی سەربازیی ناشەرعی و نادەستووری، ئاماژە بە هێزی پێشمەرگەی كوردستانیش كراوە.
ئێمە لە كاتێدا‌ رایدەگەیێنین كە پشتیوانی لە هەموو هەنگاو و كارەكانی حكوومەت دەكەین بۆ بونیادنانی دەوڵەتێكی دیموكراسی و شارستانی كە تیایدا دەستوور و یاسا و هاونیشتیمانیبوون تێیدا سەروەر بێ، ئەو هەوڵانەش ڕەت دەكەینەوە كە هەوڵی رێگریكردن لە هەنگاوی راست و دروست‌ و لێدوانی‌ نابەرپرسیارانە دەدەن و دەشڵێین: پێشمەرگە بە گوێرەی بڕگەی پێنجەمی ماددەی 121/ دەستوور هێزێكی شەرعی و یاساییە.
هێزی پێشمەرگە‌ دوای دەیان ساڵ لە خەباتدا بووە دژی دیكتاتۆرییەت و قوربانیی زۆری داوە لە پێناو دۆزی گەلی كورد و دەوڵەتی عێڕاقدا، نابێ ناوی بخرێتە لیستی ئەو كۆمەڵە چەكدارانەی‌ بە نایاسایی‌ دروست بوونە و سەروەریی دەوڵەت و گەلانی عێراقیان پێشێل و ئەتك كردووە و وەك هێزێكی دەوڵەتی ناو دەوڵەتدا ڕەفتار دەكەن، كە جگە لە خزمەتكردنی بەرژەوەنییە تەسكەكانی خۆیان و جێبەجێكردنی ئەجێندای دەرەكی ئامانجێكی دیكەیان نییە.
ئەوە‌ی پێشمەرگە ناناسێ با بچێ لاپەڕەكانی مێژوو بگەڕێ، ئەو كاتە دەزانێ كە پێشمەرگە قەدەری میللەتی كورد‌‌ و هێڵی سوورە، لە رابردوودا قەڵای پۆڵایین و پارێزەری باوەڕپێكراوی ئاسایش و ئارامیی هەرێمی كوردستان بووە و هەر وایش دەمێنێتەوە‌. هێزی پێمەرگە بەشێكە لە هێزە سەربازییە دەستوورییەكان و، هەر هەنگاوێكیش كە بنرێ بەرەو هێشتنەوەی چەك تەنیا بە دەستی دەوڵەتەوە، دەبێ دوور لە موزایەداتی ئەوانەی شارەزای مێژوو نین ئەو راستییە لە بەرچاو بگیرێ.
ڤیان دەخیل
گوتەبێژی فەرمیی بارەگای بارزانی
۱۸ـی ٤ـی ۲٠۲٠

کوردستان

تووشبوویەكی كۆرۆنا لە ڕاپەڕین گیانی لە دەست دا

خەڵك – بەشی هەواڵ
تووشبوویەكی كۆرۆنا لە دەڤەری ڕاپەڕین گیانی لە دەست دا كە پیاوێكی تەمەن 63 ساڵە.

بە پێی زانیارییەكان ئەو هاووڵاتییە ماوەی 10 لە نەخۆشخانە مابووەوە بۆ چارەسەركردن، بەڵام بە كاریگەری ڤایرۆسی كۆرۆنا گیانی لە دەست دا.

بەوەش ژمارەی حاڵەتەكانی مردن بە كۆرۆنا لە ڕاپەڕین گەیشتە 10 كەس كە پێنج ژن و پێنج پیاون.

تا ئێستا 287 حاڵەتی تووشبوون بە كۆرۆنا لە ئیدارەی ڕاپەڕین تۆمار كراوە کە 176یان پیاوە و 104 کەسی دیکەیان ژنن و حەوتیشیان منداڵن.

بەردەوام بە لە خوێندنەوە

کوردستان

حزبێكی توركمان دروشمی “كەركوك توركە و هەر بە توركیش دەمێنێتەوە” لەسەر دیواری بارەگاكەی دەنووسێت

خەڵك – بەشی هەواڵ
هێزێكی لیوای 61ی سەر بە سەرۆك وەززیرانی عیراق چوونە سەر بارەگای بارەگایەکی تورکمانەکان و داوای سڕینەوەی دروشمێکی سەر دیواری بارەگاكەیان لێدەكەن كە نووسویانە “كەركوك توركە و هەر توركیش دەمێنێتەوە”.
درەنگانێكی شەوی ڕابردوو هێزێكی سەر بە لیوای 61 كە ئەركی پاراستنی ئاسایشی كەركوكی لەسەرشانە، چوونە سەر بارەگای پارتێكی توركمانەكان داوایان لێكردن ئەو دروشمە بسڕنەوە كە لەسەر دیواری بارەگاكەیان نووسیویانە.
لە دروشمەكەدا نووسراوە “كەركوك توركە و هەر بە توركیش دەمێنێتەوە”.
بە پێی زانیارییەكان، بۆ ڕێگرتن لە دروستبوونی گرژی ئەرشەد ساڵحی سەرۆكی بەرەی توركمانی دەستوەردانی كردووە و هێزە عیراقییەكە كشاونەتەوە، بەڵام سوورن لەسەر ئەوەی دەبێت دروشمەكە بسڕنەوە.

بارەگاکە شوێنی گروپێکی توندڕەوی تورکمانەکانە و لە ئاڵاکەیاندا وێنەی گورگەبۆرەکانی تێدایە کە تورکە ڕەگەزپەرستەکان وەك دروشمی خۆیان بەرزی دەکەنەوە، لە نێویشیاندا بزووتنەوەی ڕەگەزپەرستی “مەهەپە” لە تورکیا، کە بەردەوام نکوڵی لە بوونی کورد دەکات و لە ڕابردووشدا داوای کردبوو ئاڵای تورك لەسەر قەندیل هەڵبکرێت.

بەردەوام بە لە خوێندنەوە

کوردستان

فرسەت سۆفی: بەرهەمهێنانی چارەسەری كۆرۆنا لە هەولێر دەستكەوتێكی مەزنە بۆ مرۆڤایەتی

خەڵك – بەشی هەواڵ
فرسەت سۆفی پارێزگاری هەولێر دەستخۆشی لە كۆمپانیایەكی دەرمان دەكات لە هەولێر كە دەرمانی چارسەركردنی تووشبووانی ڤایرۆسی كۆرۆنای بەرهەمهێناوە و ئەو هەنگاوەش بە دەستكەوتێكی مەزن بۆ مرۆڤایەتی وەسف دەكات.

نووسینگەی د. فرسەت سۆفی پارێزگاری هەولێر سوپاسنامەیەکی بە ناوی پارێزگای هەولێرەوە ئاڕاستەی كۆمپانیای ئاوامێدیكا كرد كە دەرمانی فابیڤیر”Favipiravir”ی بەرهەمهێناوە و ئەمەش دەقەكەیەتی:

بەناوی پارێزگای هەولێر، سوپاسی کۆمپانیای ئاوامێدیکا بۆ بەرهەمهێنانی دەرمان لەهەولێر دەکەین کە توانییان بە هاوکاری سەنتەرە پسپۆڕییە جیهانییەکان بەسەرکەوتوویی دەرمانی دژە ڤایرۆسی فابیڤیر”Favipiravir”ی بۆ چارەسەری توشبووانی کۆرۆنای نوێ (کۆڤید-١٩) بەرهەمبهێنن.

سەربەرز و خۆشحاڵین كە کۆمپانیایەکی گەورە لەهەولێر، دەستکەوتێکی گەورەی بۆ شارەکەمان دەستەبەر کردووە، لەم کات و ساتەدا بەهەمهێنانی ئەمجۆرە دژە ڤایرۆسە دەستکەوتێکی مەزنە بۆ شارەکەمان و تەواوی مرۆڤایەتی، بۆیە بەناوی پارێزگای هەولێر، پیرۆزباییەکی گەرم لە خەڵکی شاری هەولێر دەکەین و سوپاس و دەستخۆشیەکی زۆریش بۆ بەڕێوەبەران و تەواوی ستاف و کارمەندانی کۆمپانیای ئاوامێدیکا بۆ بەرهەمهێنانی دەرمان، دووپاتی دەکەینەوە بە هەموو شێوەیەک پاڵپشت و هاوکاریانین.

دەرمانی دژە ڤایرۆسی فابیڤیر “Favipiravir”ی بۆ چارەسەری توشبووانی کۆرۆنا، لە ڕوسیا و یابان و زۆر وڵاتی دیکە تاقیکراوەتەوە و سەرکەوتنی باشی بەدەستهێناوە، ئێستاش لە پرۆتۆکۆڵی وەزارەتی تەندروستی عێراق دانی پێدانراوە و بۆ چارەسەری حاڵەتی مام ناوەند و تووندی تووشبووانی ڤایرۆسی کۆرۆنا بەکاردهێنرێت.

بەردەوام بە لە خوێندنەوە

کوردستان