ئێمە لە تۆرە کۆمەڵایەتیەکان

ئابوری

لە سلێمانی؛ سێ تەن ماست لەناودەبرێت

خەڵك- بەشی هەواڵ
بەهۆی نەشاوی بۆ خواردن و بەكارهێنان، لیژنە هاوبەشەكانی قائیمقامیەتی سلێمانی دەست بەسەر بڕێكی زۆر ماستدا دەگرن و لەناوی دەبەن.

ئازاد نەبی، سەرۆكی لیژنەی یەكی سەر بە لیژنە هاوبەشەكانی قائیمقامیەتی سلێمانی ڕایگەیاند؛ بەهۆی خراپبون و نەشیاوی بۆ خواردن و بەكارهێنان، لیژنەكە دەستی بەسەر بڕی سێ تەن ماستی بەستودا گرتووەكە، كە شیاوی خواردن و بەكارهێنان نەماوە.

وتیشی، “ئەو پلە گەرمییەی ماستی تێدا عەمبار دەكرێت پێویستە لە نێوان سفر و شەش پلەدابێت، بۆیە لەكاتی بەستنی ماستدا بەها خۆراكیەكەی لەدەست دەدات هەروەها دەبێتە هۆی لەناوچونی بەكتریا سود بەخشەكان تیایدا”.

ڕاشیگەیاند، سەرپێچییەكی تری شوێنەكە ماست كردنە ناو زەفی نایلۆنە بە شێوەیەكی نا تەندروست و بەدەر لە ڕێنماییەكان، كە ئەمەش مەترسی بۆسەر تەندروستی كڕیارانی دروست دەكات.

ڕزونیكردەوە؛ بەپێی ئەو رێنماییە نوێیانەی كە رێگە بەكردنەوەی دوكانەكانی شیرەمەنی دراوە، پێویستە پابەندی سەرجەم مەرج و رێنماییەكانی كاركرن و تەندروستی بن بۆ خۆپارێزی لە ڤایرۆسی كۆرۆنا، لەكاتی كەموكورتی و سەرپێچیدا شوێنەكەو خاوەنەكەشی روبەڕوی رێكاری یاسایی توند دەكرێتەوە.

ئاماژەی بۆ ئەوەكرد؛ بەفەرمانی قائیمقامی سلێمانی تەواوی ماستە دەست بەسەرداگیراوەكە لەناودەبرێت و خاوەنەكەشی روبەڕوی رێكاریی یاسایی توند دەكرێتەوە.

ئابوری

بانكی شارەزوور: سبەینێ‌ هەینی و ڕۆژی شەممەش دەوام دەكەین

خەڵك – یەحیا حبیب

بەهۆی ئەوەی بەشێك لە هاووڵاتیانی شارەزوور تا ئێستا هاوكارییەكەی حكومەتی هەرێمیان وەرنەگرتووە، بانكی شارەزوور ڕایدەگەیەنێت، “سبەینێ‌ هەینی و ڕۆژی شەممە دەوام دەكەین و هاووڵاتیان دەتوانن سەردان بكەن بۆ وەرگرتنی هاوكارییەكەی حكومەت”.

بە پێی زانیارییەكانی (تۆڕی میدیایی خەڵك) ڕۆژەكانی چوارشەممە و پێنجشەممە بانكی شارەزوور دەستی كرد بە دابەشكردنی بڕی 100 هەزار دیناری هاوكاری حكومەت بۆ هەژارانی سنوورەكە كە پێشتر لە چاودێری كۆمەڵایەتی شارەزوور فۆڕمیان پڕكردووەتەوە.

ئەمڕۆ پێنجشەممە بانكی شارەزوور لە تۆڕی كۆمەڵایەتی فەیسبوك ڕایگەیاند، “بەهۆی ئەم دۆخە ناهەموارە بڕیارمانداوە سبەینێ‌ هەینی و شەممەش دەوامی فەرمی بكەین لە پێناو هاووڵاتیان بۆ ئەوەی بڕی هاوكاریەكەی حكومەت وەربگرن”.

بە پێی زانیارییەكانی (تۆڕی میدیایی خەڵك) لە ماوەی دوو ڕۆژدا زیاتر لە هەزار خێزان هاوكارییەكەی وەرگرتووە لە بانكی شارەزوور و ژمارەی ئەو كەسانەشی ناویان گەڕاوەتەوە بریتییە لە 2042 خێزان لە شارۆچكەی شارەزوور.

هەر بەپێی ڕاگەیەنراوەكەی بانكی شارەزوور، دەبێت ئەو كەسەی ناوی هاتووەتەوە خۆی ئامادەیی هەبێت و كارتی نیشتمانی و فۆڕمی خۆراكی پێبێت.

 

بەردەوام بە لە خوێندنەوە

ئابوری

نرخی نەوت لە بازاڕەكانی جیهان بەرز بووەوە

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەتەوە.

 

ئاژانسەكانی جیهان بڵاویانكردەوە، نرخی نەوت بۆ ئەمڕۆ پێنج شەممە، 26ی تشرینی دووەمی 2020، بەشێوەیەك بووە كە نرخی‌ نەوتی برێنت بە 48 دۆلار و 82 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 45 دۆلارو 29 سەنت مامەڵەی پێوەكراوە.

بەهۆی كۆتاییهاتنی ئەنجامەكانی هەڵبژاردنەكانی ئەمریكاوە، جارێكی دیكە گۆڕانكاری بەسەر نرخی نەوتی جیهانیدا هاتووە، بەڵام تاكو ئێستاش نرخەكە ناجێگیرە.

هاوكات هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا بەشێك لە كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

ئابوری

جوتیار عادل: بەغدا پارەكە نەنێرێت بژاردەی ترمان هەیە

خەڵك – بەشی هەواڵ

وتەبێژی حكومەتی هەرێمی كوردستان ڕایدەگەیەنێت، گەشبینن لە چەند ڕۆژی داهاتوودا بەغدا 320 ملیار دینارەكە بنێرێت بۆ مووچە. دەشڵێت، ئەگەر پارەكە نەنێرن، بژارەی تریان هەیە.

جوتیار عادل، وتەبێژی حكومەتی هەرێمی كوردستان بە ڕووداوی ڕاگەیاند:”حكومەتی هەرێمی كوردستان هەموو هەوڵێك دەدات بۆ دابەشكردنی مووچە. گەشبینین لە چەند ڕۆژی داهاتوودا بەغدا 320 ملیار دینارەكە بنێرێت”.

وتەبێژی حكومەت وتیشی:ئەگەر 320 ملیار دینارەكە نەهات بۆ دابەشكردنی مووچە، ئێمە بژارەی خۆمان دەبێت. بەپێی ڕێككەوتن دەبێت لە عیراقەوە مووچەی چوار مانگی ترمان بۆ ڕەوانە بكرێت”.

بەردەوام بە لە خوێندنەوە

کوردستان