ئێمە لە تۆرە کۆمەڵایەتیەکان

کوردستان

سلێمانی؛گۆشتفرۆشی عەلی داخرا
هەر شوێنێك پابەند نەبێت مانگێك شوێنەكەی دادەخرێت

خەڵك – بەشی هەواڵ
بەهۆی پابەندنەبونی بە مەرج و رێنماییەكانی كاركردن و هەبوونی گۆشتی بێمۆر گۆشتفرۆشی عەلی داخرا و بەڕێوەبەری چاودێری بازرگانی سلێمانیش دەڵێت:” هەر شوێنێك سەرپێچی بڕیارەكانی ژووری ئۆپراسیۆنی خۆپارێزی لە ڤایرۆسی كۆرۆنا بكات یەك مانگ شوێنەكەی دادەخرێت”.

لیژنەی یەكی سەر بە لیژنە هاوبەشەكانی قائیمقامیەتی سلێمانی لە ڕاگەیەنراوێكدا، كەوێنەیەكی دەست (خەڵك) كەوتووە ڕایگەیاندووە، بەهۆی پابەندنەبونی بە مەرج و رێنماییەكانی كاركردن و هەبوونی گۆشتی بێمۆر دوكانی گۆشتفرۆشی عەلی لە گەڕەكی سەرچناری شاری سلێمانی-یان داخست و خاوەنەكەشی ڕووبەڕوی رێكاری یاسایی توند دەكەنەوە.

هەر لە ڕاگەیەنراوەكەدا هاتووە ، لەلایەن لیژنەكەوە و بەهۆی پابەند نەبوون بەڕێنماییەكانی خۆپارێزی لە ڤایرۆسی كۆرۆنا، دوو دوكانی فرۆشتنی تام و بۆنی نێرگەلە و پەڕاوگەیەكی دیكە داخران .

هاوكات سۆران عەبدولغەفوور، بەڕێوەبەری چاودێری بازرگانی سلێمانی لەلێدوانێكی ڕۆژنامەوانیدا ڕایگەیاندووە، هەر شوێنێك سەرپێچی بڕیارەكانی ژووری ئۆپراسیۆنی خۆپارێزی لە ڤایرۆسی كۆرۆنا بكات یەك مانگ شوێنەكەی دادەخرێت.

سه‌رپێچیكاران سزای توند ده‌درێن

سۆران عه‌بدولغه‌فوور: هه‌ر شوێنێك سه‌رپێچی بڕیاره‌كانی ژوری ئۆپراسیۆنی خۆپارێزی له‌ ڤایرۆسی كۆرۆنا بكات یه‌ك مانگ شوێنه‌كه‌ی داده‌خرێت

Posted by ‎قائیمقامیەتی سلێمانی Qaemqameati Slemani‎ on Monday, April 13, 2020

کوردستان

سبەینێ‌ لە سلێمانی گەڕەكێك بێ‌ كارەبا دەبێت

خەڵك- بەشی هەواڵ
لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی ئاگاداری هاووڵاتیانی دانیشتووی گەڕەكی بەختیاری دەكات، كە سبەینێ‌ بەهۆی بەستنی پێوەری زیرەكەوە بێ‌ كارەبا دەبن.

لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی لە ڕاگەیەنراوێكدا ئاماژەی بەوەكردووە، ئاگاداری دانیشتوانی گەڕەكی (بەختیاری) نزیك بەڕێوەبەرایەتی گشتی شارەوانیەكان، فیدەری (۱۹) دەكەین، سبەینێ پێنج شە‌ممە (6/8/2020) پێوەری زیرەكی كارەبایان بۆ دەبەسترێت.

دەشڵێت: “سبەینێ لە كاتژمێر (7 ی بەیانی بۆ 12ی نیوەڕۆ) كارەبای نیشتمانی و مۆلیدەیان نابێت، واتە مۆلیدەی ئەهلی سەر ئەو فیدەرە نابێت كار بكەن‌، ئەوەش لە پێناو سەلامەتی گیانی تیمەكانی كارەبا و هاووڵاتیان خۆیان”.

جەختیشی كردۆتەوە، بەستنی پێوەرەكە بێ بەرامبەر و هیچ بڕە پارەیەك لە هاووڵاتی وەرناگیرێت و خەرجییەكەی لەسەر حكومەتە.

ڕوونیشی كردۆتەوە، لە پێناو پاراستنی ئامێرە كارەباییەكان ئێوارە پێش لێدانەوەی كارەبا بۆ یەكەمجار هەموو ئامێرە كارەباییەكانیان بكوژێننەوە و دواتر لەدوای یەك هەڵیان بكەنەوە .

بەردەوام بە لە خوێندنەوە

کوردستان

لە نزیك پردی كۆبانێ‌ ئۆتۆمبێلێك ئاگری گرت

خەڵك- بەشی هەواڵ
هاتووچۆی سلێمانی ڕایدەگەیەنێت، كە لە نزیك پردی كۆبانێ‌ ئۆتۆمبێلێك لە جۆری تایبەت ئاگری گرتووە، بەڵام زیانی گیانی نەبووە.

بەڕێوەبەرایەتی هاتووچۆی سلێمانی لە ڕاگەیەنراوێكدا ئاماژەی بەوەكردووە، ئێوارەی ئەمڕۆ چوار شەممە ئۆتۆمبێلێك لەجۆری شۆفرلێت بلایزەر، لەسەر شەقامی بازنەیی مەلیك مەحمود نزیك پردی كۆبانێ ئاگری گرت و سووتا.

ڕاشیگەیاندووە، زیانی گیان بەدواوە نەبووە، تەنها زەرەری ماددی بەر ئۆتۆمبێلەكە كەوتووە.

بەردەوام بە لە خوێندنەوە

کوردستان

تووشبوانی كۆرۆنا زیادیان كردووە
پارێزگایەكی هەرێم ئاماژە بە سەپاندنەوەی قەدەغەكردنی هاتووچۆ دەكات

خەڵك- بەشی هەواڵ
پارێزگاری دهۆك ڕایدەگەیەنێت، پارێزگاكەیان پەنادەباتەوە بەر قەدەغەكردنی هاتووچۆ، گەر ژمارەی تووشبوانی كۆرۆنا ڕوو لە زیادبوون بكەن.

عەلی تەتەر، پارێزگاری دهۆك لە میانی سەردانێكیدا بۆ هەردوو قەزای ئاكرێ‌ و بەردەڕەش لە كۆنفرانسێكی ڕۆژنامەوانیدا داوای لە هاووڵاتیان كرد “پابەندبن بە ڕێنماییە تەندروستییەكان و بڕیارە حكومییەكان بۆ بەرگرتن لە بڵاوبوونەوەی زیاتری ڤایرۆسی كۆرۆنا”.

عەلی تەتەر، هۆشداریدا لەبارەی”گرتنەبەری سزای توند دژ بەوانەی سەرپێچی ڕێنماییەكان دەكەن”.

پارێزگاری دهۆك دەڵێت: “ئیدارەی پارێزگەكە پەنادەباتەوە بەر قەدەغەكردنی هاتووچۆ بۆ ماوەیەكی دیاریكراو، گەر ژمارەی تووشبوانی ڤایرۆسی كۆرۆنا ڕوو لە زیادبوون بكات”.

تائێستا ژمارەی ئەوانەی لە پارێزگەی دهۆك تووشی ڤایرۆسی كۆرۆنا بوون گەیشتۆتە 801 كەس و لەو نێوەندەشدا 6 كەس گیانیانلەدەستداوە و 376 كەسی تر چاكبوونەتەوە.

كۆی گشتی ژمارەی تووشبوان بە ڤایرۆسی كۆرۆنا لە هەرێمی كوردستان گەیشتۆتە 15173 كەس كە 586 كەسیان گیانیانلەدەستداوە و 9551 كەسی تر نەخۆشییەكەیان پەڕاندووە و چاكبوونەتەوە، 5036 كەسی تر تائێستا لە نەخۆشخانەدان و چارەسەر وەردەگرن.

بەردەوام بە لە خوێندنەوە

کوردستان