ئێمە لە تۆرە کۆمەڵایەتیەکان

ئابوری

سبەینێ‌ دابەشكردنی ئارد دەستپێدەكات و دوكانی بریكارەكان دەكرێنەوە

خەڵك – بەشی هەواڵ
بەڕێوەبەری كۆمپانیای دروستكراوی دانەوێڵەی سلێمانی ڕایدەگەیەنێت، سبەینێ دەست بە دابەشكردنی بەشە ئاردی مانگی 3 دەكرێت و داوا لە بریكارەكان دەكات دوكانەكانیان بكەنەوە و دااوش لە هاووڵاتیان دەكات ئاردەكە وەربگرن و گوێ بە پڕوپاگەندە نەدەن بەوەی گوایە ئاردەكە بۆ خواردن دەست نادات.

نەسرین محەمەد عەلی خان، بەڕێوەبەری كۆمپانیای دروستكراوی دانەوێڵەی سلێمانی بە (خەڵك)ی ڕاگەیاند، سبەی دەست بە دابەشكردنی بەشە ئاردی مانگی 3 دەكرێت بەسەر بریكارەكاندا داوایان لێ دەكەین دوكانەكانیان بكەنەوە بۆ ئەوەی ئاردەكە وەربگرن.

وتیشی، “ئەو ئاردەی ئێمە دابەشی دەكەین گەنمەكەی خۆماڵیە و هیچ كێشەیەكی نیە لە ڕووی كوالێتی، تەنها ئەوە نەبێت ئاردەكەی كەمێك بێ پێزە دەتوانن لەگەڵ ئاردی دیكە تێكەڵ بكرێت، هیچ كێشەیەكی نیە تەنها ئەوەیە گەنمەكەی خۆماڵیە، بۆیە كەمێك ڕەنگەكەی سوور باوە”.

ڕاشیگەیاندووە، لێرەو لەوێ‌ هەندێك لە بریكارەكان وا نیشانی هاووڵاتیان دەدەن، كە ئاردەكە بۆ نان بەكەڵك نایەت تا ئەم هەلە بۆ خۆیان بقۆزنەوە، بە پێچەوانە هیچ كێشەیەكی نیە بۆیە داوا لە هاووڵاتیان دەكەین بچن بەشە ئاردی خۆیان وەربگرن.

ئاشكراشیكرد، ئێمە ئەو ئاردەمان كردووە بە نان و كێشەی نەبووە، گەنمەكەمان لە سایلۆكانی سەیدسادق و پیرەمەگرون و چەمچەماڵ وەرگرتووە، بە میكانیزمی تەندروست كراوە بە ئارد.

ئابوری

نرخی نەوت لە بازاڕەكانی جیهان

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو كەمێك بەرز بووەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ چوار شەممە، 8ی‌ تەمووزی 2020 كەمێك بەرز بووەتەوە، بەشێوەیەك نرخی‌ نەوتی برێنت بە 42 دۆلار و 95 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 40 دۆلارو 47 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

ئابوری

چارەنووسی مووچەی مانگەكانی ( 3 و 4 و 5 و 6) ئاشكراكرا

خەڵك- بەشی هەواڵ
بەرپرسێكی باڵای حكومەتی هەرێمی كوردستان ئاشكرای دەكات، كە قۆناغی دووەم و سێیەمی بایۆمەتری دەستپێدەكات و دەشڵێت: “مووچەكانی مانگی  3 و 4 و 5 و 6 پەیوەندییان بە یاسای چاكسازییەوە نییە”.

ماوەی چەند ڕۆژێكە ترس و دڵەڕاوكێ‌ لای فەرمانبەران دروست بووە سەبارەت بە دەنگۆی ئەوەی گوایە مووچەی ئەو (4) مانگەی ئەمساڵ بەهۆی جێبەجێ‌ كردنی یاسای چاكسازییەوە نادرێن و بەهۆی ئەوەی لە مانگی تەمموز (7)ەوە دەچێتە بواری جێبەجێ‌ كردنەوە، مووچەش هەر لەو مانگەوە دەدرێت.

د.عەبدولحەكیم خەسرەو، سكرتێری لیژنەی باڵای جێبەجێكردنی یاسای چاكسازی لە ئەنجوومەنی وەزیرانی هەرێم لە بەرنامەیەكی تەلەفزیۆنیدا ڕایگەیاند، سبەینێ چوار شەممە 8-7-2020 قۆناغی دووەم ‌و سێیەمی سیستەمی بایۆمەتری دەچێتە بواری جێبەجێكردنەوە، كە سوودێكی زۆری دەبێت بۆ ڕێكخستنەوەی سیستەمی میلاكاتی وەزارەتەكان ‌و ڕێكخستنەوە سیستەمی مووچە‌ و نەهێشتنی ئەوەی پێى دەوترێ‌ بندیوار.

ڕاشیگەیاند، كە جێبەجێ‌ كردنی یاساكە لە مانگی (7)ەوە پەیوەندی نییە بە دابەشكردنی مووچەوە و مووچە بەردەوام دەبێت و ئەنجوومەنی وەزیران خۆی بڕیار دەدات كەی مووچە دابەش بكرێت.

سەبارەت بە دەرماڵەكان ئاماژەی بەوەكرد، بە سەرجەم دەرماڵەكانی فەرمانبەراندا دەچنەوە، كە نزیكەی 24 جۆر دەرماڵە هەیە و 56%ی مووچە بۆ دەرماڵەكان دەڕوات.

د.عەبدولحەكیم خەسرەو دەڵیت: “دەبێت پێداچوونەوە بە دەرماڵەكاندا بكرێت، بەڵام دەرماڵە جێگیرەكانی وەكو بڕوانامە و خێزان و منداڵ و پایە بە یاسا دراون و دەستكاری ناكرێن”.

بەردەوام بە لە خوێندنەوە

ئابوری

دابەشكردنی دوو مووچە ڕەتدەكرێتەوە
بەغدا هێشتا مووچەی مانگی حوزەیرانی دابەشنەكردووە

خەڵك- بەشی هەواڵ
ئەندامێكی لیژنەی دارایی لە پەرلەمانی عیراق، ڕەتیدەكاتەوە وەزارەتی دارایی بتوانێت مووچەی هەردوو مانگی حوزەیران و تەمموز بەیەكەوە دابەش بكات.

فەیسەڵ عیساوی ئەندامی لیژنەی دارایی پەرلەمانی عیراق لە لێدوانێكی ڕۆژنامەوانیدا ڕایگەیاند:”دابەشكردنی مووچەی مانگەكانی حوزەیران و تەمموز بە یەكەوە بەدووردەزانرێت، چونكە پارەی نەختینە لەبەردەستدا نییە”.

بە وتەی ئەو پەرلەمانتارە:”قەیرانی دارایی باڵی بەسەر ڕەوشی عیراقدا كێشاوە، بەڵام لەگەڵ ئەوەشدا زۆربەی كێشەكان چارەسەركراون و دەستكراوە بە كۆكردنەوەی پارە بۆ هەموو وەزارەتە ئەمنی و ئیدارییەكانی دەوڵەت”.

فەیسەڵ عیساوی دەڵێت:”بەر لە كۆتایی مانگی تەمموز، مووچەی مانگی حوزەیران دابەشدەكرێت، بەڵام ناكرێت دوو مووچە بەسەر یەكەوە دابەش بكرێت، چونكە پارەی نەختینە بەهۆی دابەزینی نرخی نەوتەوە بەردەست نییە”.

10 ڕۆژ زیاترە دابەشكردنی مووچەی مانگی حوزەیرانی فەرمانبەرانی ژمارەیەك وەزارەتی حكومەتی فیدراڵ دواكەوتووە و تائێستا دابەشنەكراوە.

بەردەوام بە لە خوێندنەوە

کوردستان