ئێمە لە تۆرە کۆمەڵایەتیەکان

کوردستان

لیژنە لەسەر گیانلەدەستدانی منداڵی ژنە دووگیانەكەی بالیسان دروست دەكرێت

خەڵك- ئارام سەردار
بەڕێوەبەری نەخۆشخانەی بالیسان ڕایدەگەیەنێت، جەخت لەسەر پێكهێنانی لێژنەیەكی لێكۆڵینەوە لەسەر گیانلەدەستدانی منداڵی ژنە دووگیانەكە كراوەتەوە، پارێزگاری هەولێرسش بەڵێنیدا لە دەرفەتێك سەردانی شارەدێی بالیسان بكات.

فەرهاد شێخ وەسانی، بەڕێوەبەری نەخۆشخانەی بالیسان بە(خەڵك)ی ڕاگەیاند، لەسەر ڕاسپاردەی قوباد گاڵەبانی، جێگری سەرۆكی حكومەتی هەرێمی كوردستان، بەڕێوەبەری شارەدێی بالیسان لەگەڵ بەشێك لە بەڕێوەبەری فەرمانگەكانی بالیسان و نوێنەری كەسوكاری شەهیدان، سەردانی ئەنجوومەنی پارێزگای هەولێریان كرد لەلایەن سەرۆكی ئەنجوومەن و ئەندامێكی ئەنجوومەنی پارێزگا لە فڕاكسیۆنی سەوز پێشوازیان لێكرا، دوای كۆبوونەوەیەك و باسكردنی كەموكوڕی و گیروگرفتەكان بەیاوەری سەرۆك و ئەندامی ئەنجوومەنی پارێزگا چاویان كەوت بە پارێزگاری هەولێر و جێگری پارێزگار و ئەندامانی پەڕلەمانی كوردستان.

دەشڵێت: “لە دیوانی پارێزگا كۆبوونەوەیەك بەڕێوەچوو، باس لە كەموكوڕی و گیروگرفتەكان كرا و بەڕێزیان بڕیاریاندا لێژنەیەك پێكبهێنرێت بۆ چارەسەركردنی كەموكوڕیەكان و بەدواداچوون لەسەر ئەم گرفتە كارگێڕیانەی، كە لە ڕۆژانی ڕابردوو ڕوویاندابوو”.

ئاماژەی بۆ ئەوەشكرد، لەكۆبوونەوەكە جەخت كرایەوە لەسەر پێكهێنانی لێژنەیەكی لێكۆڵینەوە لەسەر گیانلەدەستدانی منداڵی ژنە دووگیانەكە و پارێزگاری هەولێر بەڵێنیدا لە دەرفەتێك سەردانی بالیسان بكات، بەناوی بەرێوەبەرایەتی شارەدێی بالیسان زۆر سوپاسی هەموو ئەو بەرێزانە كرا، كە هاوكاری و پشتیوانی تەواوی خۆیان بۆ ئێمە دووپات كردەوە، هیواخوازبووین بە جدی بە تەنگ داواكاری خەڵكی ناوچەكەوە بێن و ئاوڕێك لەو دەڤەرە بدرێتەوە لە ڕووی خزمەتگوزاری و كەرتی تەندروستی.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان