ئێمە لە تۆرە کۆمەڵایەتیەکان

کوردستان

مامۆستایەكی ئایینی بۆ كردنەوەی مزگەوتەكان 4 پێشنیار دەداتە ئەوقاف

خەڵك- بەشی هەواڵ
مامۆستایەكی ئایینی لە شاری هەولێر داوای كردنەوەی دەرگای مزگەوتەكان بەڕووی نوێژخوێناندا دەكات و بۆ ئەوەش چوار پێشنیار لە ڕێگەی (خەڵك)ەوە دەداتە وەزارەتی ئەوقافی هەرێم و داواش لە مامۆستایانی ئایینی و هاووڵاتیان دەكات پشتیوانی لێ‌ بكەن.

مەلا موسلم مەلا صاڵح، پێش نوێژ و وتارخوێنی مزگەوتی مەلا صاڵح له كەسنەزان بۆ (خەڵك) ڕایگەیاند، ئەم هەینیە شەشەمین هەینیە وتار و نوێژەكانمان بەكۆمەڵ لە مزگەوت ناكەین و مزگەوتەكان داخراون و هەموومان پابەندبووین بە بڕیاری حكومەت و وەزارەتی خۆمان و تا ئێستاش هیچ سەرپێچیەك نەكراوە.

دەشڵێت: “داوا ئەكەین، كە لە شەوی هەینی داهاتوو 16لەسەر17ی مانگی چوار، كە كاتژمێر 12ی شەو بە بڕیاری حكومەت قەدەغەی هاتووچۆ كۆتایی دێت، بڕیار بدەن بۆ ئەوكاتە بۆ نوێژی بەیانی دەرگای مزگەوت لە ڕووی نوێژخوێنان بكرێتەوە و وەك جەژن بە (اللە اكبر) و دڵخۆشیەوە موسڵمانان ڕووبكەینەوە مزگەوتەكان”.

جەختیشی كردۆتەوە، هەر ئەو ڕۆژش، كە دەكاتە 4/17 نوێژ و وتاری هەینی بخوێندرێنەوە و كۆتایی بە جۆڵی مزگەوتەكان بهێنرێت.

دەقی داواكارییەكەی مەلا موسلم مەلا ساڵح:

داواكاری بۆ كردنەوەی دەرگای مزگەوتەكان
بەناوی خودای گەورەی میهرەبان
داوایەك لە وەزارەتی ئەوقاف و كاروباری ئاینی
ئەم جومعەیە شەشەمین جومعەیە خوتبەو نوێژەكانمان بەكۆمەڵ لە مزگەوت ناكەین و, مزگەوتەكان داخراون..
وە هەموومان پابەندبووین بە بڕیاری حكومەت و وەزارەتی خۆمان..
وە تا ئێستاش هیچ سەرپێچیەك نەكراوە..
بۆیە تكاو داوا ئەكەین كە لە شەوی جومعەی دادێت 16لەسەر17ی مانگی چوار كە كاتژمێر 12ی شەو بە بڕیاری حكومەت قەدەغەی هاتووچۆ هەڵدەگیرێت..
تكایە لەو ڕۆژانە بڕیار بدەن لۆ ئەوكات كە هەر ئەمشەوە كە دووای دووازدەی شەو قەدەغەی هاتووچۆ هەڵدەگیرێت
بۆ نوێژی بەیانی دەرگای مزگەوت لە ڕووی نوێژخوێنان بكرێتەوەو وەك جەژن بە اللە اكبرو دڵخۆشیەوە موسڵمانان ڕووبكەینەوە مزگەوتەكان.. بۆ ئەوەی خێرو بێرو بەرەكەتی ئیلاهی بەسەر تەواوی كوردستانە ئازیزەكەمان دابڕژێت ان شا‌والله..
وە هەر ئەوڕۆژیش كە دەكاتە 4/17 نوێژو وتاری جومعە بخوێندرێنەوە..
تكایە تكایە تكایە
ئەو داوایەمان پەسەند بكەن و با كۆتایی بە چۆڵی و بێ نازی مزگەوتەكان بێت و, بەڵكو خودای گەورە رەحممان پێ دەكات.
مسلم ملاصالح
پێش نوێژو وتارخوێنی
مزگەوتی ملاصالح له كسنزان
2020/4/10
تێبینی/ لۆیە لێرەم نوسی:
1- لۆ ئەوەی زۆربەی مامۆستایانی ئاینی و موسڵمانان لەجیاتی گردبوونەوە و قەرەباڵغی و یان گەڕان بە دووای واژوو!! بەڵكو بەشێوەیەكی ئەلكتڕۆنی زۆر ئاسان لێرە واژووی خۆمان بكەین بۆ كردنەوەی دەرگای مزگەوتەكان ان شا‌والله..
لۆ ئەوەی ئەو داوایەمان بگاتە بەردەستی بەڕێز جەنابی وەزیر و بەڕێز سەرۆكی حكومەتی كوردستان، جا بە موشارەكە بیت, یان بە كۆمێنتێكی پشتگیری.. خودا پاداشتی هەموولایەك بداتەوە لۆ بەشداریتان.
2- تاوەكو چیدیكەش نەڵێن كەس داوای ئەوەی نەكردیە دەرگای مزگەوتەكان بكرێنەوە! ئەوە داوامان لەوەزارەتی ئەوقاف ی خۆمان كرد.
3- لۆ ئەوەی لۆ هەموو لایەك ئەو حەقیقەتەی ناخمان ڕون بێت و بزانن كە هەر زۆریش موسڵمانان بە دڵ و ناخ دەكوڵێین لە دووری مزگەوتەكان.. بەڵام پابەندی بڕیارو رێنوماییەكانی حكومەت و وەزارەتی تەندروستی بووین لەبەر بەرژەوەندی گشتی و پاراستنی گیانی مرۆڤەكان!
وە ئەلێرەش باشترە لەوەی قەرەباڵغی پەیدابكەین و بچینە دیوانی وەزارەت.. هیوادارم بگاتە جێ خۆیی و بە پیل داواكاریەكەمانەوە بێن ان شا‌والله.
4- ئەو جومعەی دادێت 4/17 زۆر زۆر گرنگە وتار بخوێندرێتەوە بۆ ڕینومایی پێویستی موسڵمانان لۆ مانگی رەمەزانی پیرۆز .. تكایە.

خوایە ئەو ڤایرۆس و نەخۆشی و ناخۆشیە لەسەر ئێمە و تەواوی جیهان لابدە و دەرگای ماڵەكانی خۆت لە ڕوومان واڵابكەوە و ژیانمان ئاسایی بێتەوە یا اللە..اللهم ێ‌مین.

کوردستان

هەپەگە؛لە هەفتانین و خواكورك و دێرسیم چالاكییان ئەنجامداوە و سێ سەرباز كوژرا

خەڵك – بەشی هەواڵ

ناوەندی ڕاگەیاندنی هێزەكانی پاراستنی گەل- هەپەگە ڕایدەگەیەنێت، لە هەفتانین خواكورك و دێرسیم لەگەڵ گەریلاكانی یەژاستار دژی سوپای توركیا چالاكییان ئەنجامدا.

ئەمڕۆ ناوەندی ڕاگەیاندنی هێزەكانی پاراستنی گەل-هەپەگە لە ڕاگەیەنراوێكدا بڵاویكردەوە، لە دوو ڕۆژی ڕابردوودا لە هەفتانین خواكورك و دێرسیم لەگەڵ گەریلاكانی یەژاستار دژی سوپای توركیا چالاكییان ئەنجامداوە و سێ سەرباز كوژرا.

 

دەقی ڕاگەیەنراوەكەی هەپەگە :
هەفتانین
گەریلاكانی یەژاستار لە چوارچێوەی هەنگاوی شۆڕشگێریی جەنگی هەفتانین، ڕۆژی ١٥ی ئەم مانگە كاتژمێر ٠٣:٥٠ خولەكی دوانیوەڕۆ، دژی سوپای تورك لە گردی شەهیدان چالاكیی نیشانشكێنیان ئەنجامدا، لەو چالاكییەدا سەربازێك كوژرا.

خواكورك
ڕۆژی ١٦ی ئەم مانگە كاتژمێر ٠٤:٠٠ی بەرەبەیان، هێزەكانمان لە چوارچێوەی هەنگاوی شۆڕشگێریی شەهید باگەڕ و شەهید ڕۆنیا-دا، لە گردی شەهید دەروێش دژی سوپای داگیركەری تورك چالاكییان ئەنجامدا، لە چالاكییەكەدا مۆڵگە و حەشارگەی دووژمن كرانە ئامانج، بەڵام ژمارەی كوژراو بریندارەكان ڕوون نەبووەتەوە.

دێرسیم
سوپای داگیركەری تورك لە نزیك گوندی چاكماكلی لە ناوچەی خۆزاتی دێرسیم بارەگایەك دروست دەكات، گەریلاكانی یەژاستار ڕۆژی ١٤ی ئەم مانگە كاتژمێر ٠٨:٠٠ی بەیانی دژی پاسەوانانی بارەگاكە چالاكییان ئەنجامدا، لەم چالاكییەدا دوو سەربازی دووژمن كوژران و دووی دیكەش برینداربوون، یەكینەكەمان بە سەلامەت گەڕایەوە شوێنی خۆی.

هێرشی ئاسمانیی
فڕۆكە جەنگییەكانی سوپای داگیركەری تورك، ڕۆژی ١٤ی ئەم مانگە كاتژمێر ٠١:٠٠ی بەرەبەیان ناوچەی خانتوری هەفتانین، ڕۆژی ١٥ی ئەم مانگە كاتژمێر ٠٥:٠٠ی ئێوارە ناوچەی بەكتۆریا و هەروەها ڕۆژی ١٥ی ئەم مانگەش كاتژمێر ١٠:٣٠ خولەكی شەو گردی ئامێدی لە ناوچەی ئامێدی سەربە دهۆك-یان بۆردوومانكرد.

بەردەوام بە لە خوێندنەوە

کوردستان

هەولێر؛دزێك دەستگیركرا كە ماددەی هۆشبەریشی بەكارهێناوە

خەڵك – بەشی هەواڵ
بەڕێوەبەرایەتیی پۆلیسی پارێزگای هەولێر ڕایدەگەیەنێت ، دوای كۆكردنەوەی زانیاری و بەدواداچوون كەسێكیان دەستگیركرد ، كە تۆمەتبارە بە دزینی 2 ماتۆڕسكیل، دەشڵێت،”لە ماڵەكەیدا دەست بەسەر ماددەی هۆشبەر و كەرەستەكانی بەكارهێنانی و جلوبەرگی سەربازی بە پلەی عەمید گیرا”.

بەڕێوەبەرایەتیی پۆلیسی پارێزگای هەولێر لە ڕاگەیەنراوێكدا ، كە وێنەیەكی دەست (خەڵك) كەوتووە ڕایگەیاندووە، تیمەكانمان دوای كۆكردنەوەی زانیاری و بەدواداچوون، لە ماوەی كاتژمێرێكدا لە گەڕەكی پۆلیسان كەسێكیان بە ناوی (س.ع) بە تۆمەتی دزینی 2 ماتۆڕسكیل دەستگیر كرد.

ڕاشیگەیاندووە، لە ماڵەكەیدا ماددەی هۆشبەر و كەرەستەی بەكارهێنانی ماددە هۆشبەرەكان و دەمانچەیەك و 2 ماتۆڕسكیلەكە و كۆمەڵێك فیشەك و هەندێك (جلوبەرگی سەربازی بە پلەی عەمید) دەستیان بەسەردا گیرا.

ئاماژە بۆ ئەوەشكراوە، تۆمەتباری ناوبراو بەپێی ماددە (446) لە یاسای سزادان بەند كرا و دۆسیەیەكی دیكەی سەربەخۆش لەسەر تۆمەتبار كرایەوە بەپێی ماددە (14)ی هۆشبەرەكان، لەبەر ئەوەی ماددەی هۆشبەری بەكارهێنابوو.

بەردەوام بە لە خوێندنەوە

کوردستان

تەقینەوەیەك لە كەركوك ڕویدا

 

خەڵك- بەشی هەواڵ

تەقینەوەیەك لە كەركوك ڕویدا و سەرچاوەیەكی ئەمنیش دەڵێت، ڕووداوەكە جگە لە زیانی ماددی، قوربانی لێنەكەوتۆتەوە.

دوانیوەڕۆی ئەمڕۆ پێنج شەممە، سەرچاوەیەكی ئەمنی لە شاری كەركوك ڕایگەیاند”تەقیتەوەیەك لە ناوەڕاستی شاری كەركوك و لە نزیك كۆلێژی یاساوە ڕویدا”.

بەوتەی سەرچاوەكە”تەقینەوەكە بەهۆی كەوتنەخوارەوەی گوللـەیەكی هاوەنەوە بووە لە نزیك كۆلێژی یاسا لە ناوەڕاستی كەركوك”، ڕەتیشكردەوە جگە لە زیانی ماددەی، ڕووداوەكە هیچ قوربانییەكی لێكەوتبێتەوە.

پێشتر سەرچاوەكان لە شاری كەركوك، ئاماژەیان بە تەقینەوەیەك كرد لە نزیك كۆلێژی یاسا لە شارەكە، بەبێ‌ ئەوەی زانیاریی لەبارەی سروشتی تەقینەوەكەوە بخەنەڕوو.

بەردەوام بە لە خوێندنەوە

کوردستان