ئێمە لە تۆرە کۆمەڵایەتیەکان

کوردستان

” 42 ڕۆژە 6 جومعە و 210 جەماعەتمان فەوتاوە”
مامۆستایەكی ئایینی: دڵنیابن ئەمەش تەواو دەبێت

خەڵك- بەشی هەواڵ
مامۆستایەكی ئایینی لە شاری هەڵەبجە ڕایدەگەیەنێت، كە بەهۆی بڵاوبوونەوەی ڤایرۆسی كۆرۆنا و قەدەغەی هاتووچۆوە 42 ڕۆژە 6 نوێژی هەینی و بەكۆمەڵمان نییە و دەشڵێت: “پاكوخاوێنی بپارێزن و بۆ كاری زۆر پێویست نەبێت لە ماڵ دەرمەچن”.

مەلا تاهیر بامۆكی، وتاربێژ و مامۆستای ئایینی لە هەڵەبجە لە پەیامێكدا ئاماژەی بەوەكردووە، ئەوە 42 ڕۆژە دۆعاكردن زۆر بووە، خێر و ماڵ بەخشین زۆر بووە، دەست و دەموچاو شۆردن زۆر بووە، دەست كێش و دەمەوانە زۆر بووە، پاككردنەوەی ناو ماڵ و بازاڕ زۆر بووە، هەوای ئاسمان پاك بووەتەوە، خاك و زەوی وچانێكی داوە، ئاوی ڕووبار و كانیاوەكان ئەڵێی چاوی قرژانگن، سەوزە و میوە خواردن زۆر بووە، سەرۆكە ستەمكارەكان زۆر دەترسن.

ئەو مامۆستا ئایینە داوا لە هاووڵاتیان دەكات، “بە میوانی بۆ ماڵی كەس مەڕۆن، فەرموویش لە كەس مەكەن و گوێ‌ لە تەلەفزیۆن مەگرن و لەجیاتی ئەو بخوێننەوە و فێربن و وەرزش بكەن و قورئان بخوێنن و زیكر زۆر بكەن”.

جەختیشی كردۆتەوە، دڵنیابن ئەمەش تەواو دەبێت و دەبێت بە مێژوو، وەك كیمیاباران و ئەنفالەكە، وەك گرانی و بومەلەرزەكە، وەك شەڕە ماڵ و وڵات وێران كەرەكان، بەڵام هەوڵ بدەن زوو لەبیرتان نەچێتەوە و نەڕۆنەوە سەر بەزم و بایە و بەڕەكەی جاران.

بسم اللە الرحمن الرحیم
”ان في ذلك لذكري لمن كان لةقلب او القي السمع وهو شهيد”

ئەوە شەش جومعەیە جومعەمان نییە، ئەوە چل و دوو ڕۆژە جەماعەت نییە، (دووصەد و دە) جەماعەتمان فەوتاوە، ئەوە چل و دوو ڕۆژە هەڵقەی قورئان خوێندنی بەیانیانمان نەماوە و هەڵگیراوە، ئەوە چل و دوو ڕۆژە پرسەی مردوو نەماوە، سەردان و تەوقە و دەست ماچكردنی خاوەن ڕێزە گەورەكان نەماوە، ئەوە چل و دوو ڕۆژە زیندانین لە ماڵەوە، ئەوە چل و دوو ڕۆژە بازاڕ نەماوە، ئەوە چل و دوو ڕۆژە پژمەو هەڵامەتی ئاسایش نەماوە، نەخۆشی باری كردووە و مردنیش كەم بوەتەوە، ئەوە چل و دوو ڕۆژە سوڕانەوەی بازاڕ و پارە بە فیڕۆدان نەماوە، سۆنەری درۆینە و ئیشاعەی درۆینە و فەحصی درۆینە نەماوە، بە شاڵینە حەب و گولاج و شروب و دەرزی بەكارهێنان نەماوە، ئەوە چل و دوو ڕۆژە گۆشتی سوور و ماسی خواردن نەماوە و نەیش مردوین، ئەوە چل و دوو ڕۆژە گەلە كۆمەی ژن گەلی گەڕەك لە دەوری وردەواڵە فرۆش و باغە فرۆش و كوتاڵ و بەتانی و فەرش فرۆش نەماوە، ئەوە چل و دووڕۆژە شایی و زەماوەن و ئاڵتوون فرۆشتنیش نەماوە، ئەوە چل و دوو ڕۆژە نێرگەلە و عەرەق و بیرەی سەرجادە نەماوە، تێكەڵی گاگەلی كوڕ و كچ لە ناو پارك و قەراغ جادەكان نەماوە، ئەوە چل و دوو ڕۆژە گۆرانی و چەقەنە لێدان نەماوە، ئەوە چل و دوو ڕۆژە زلهێز!!! نەماوە هەموویان لەبەردەم زلهێزی كۆرۆنادا چۆكیان دا داوە ، ئەوە چل و دوو ڕۆژە فیتنەیی و شەڕنانەوە نەماوە، ئەوە چل و دوو ڕۆژە ئاسنگەر و دارتاش و سەرتاش وەستاو كرێكار و نقڵیات و نەفەر و دایرە و دەوام نەماوە……………. لەولایشەوە:
ئەوە چل و دوو ڕۆژە: دۆعاكردن زۆر بووە، خێر و ماڵ بەخشین زۆر بووە، دەست و دەموچاو شۆردن زۆر بووە، دەست كێش و دەمەوانە زۆر بووە، پاككردنەوەی ناو ماڵ و بازاڕ زۆر بووە، هەوای ئاسمان پاك بووەتەوە، خاك و زەوی وچانێكی داوە، ئاوی ڕوبار و كانیاوەكان ئەڵێی چاوی قرژانگن، سەوزە و میوە خواردن زۆر بووە، سەرۆكە ستەمكارەكان زۆر دەترسن، دەوڵەمەندە ڕەزیل و تەماع بازە دەست بڕەكان خەریكە زیڕە دەكەن، حیزبایەتی كاڵ بووەتەوە و حكومەتی بێ كەڵك تڕۆ بووە، ملیار و تریلیۆن دۆلار و دینار و تمەن و لیرەی چەپاو كراو و دزرا و ئێوە خۆش، سەدان كۆمپانیا و كارخانە كەوتنە سەر ساجی كرۆنا، خەریكە سڵاو كردن قەدر و قیمەت پەیدا دەكاتەوە، خەریكە نیوەی ئۆمەتی موحەمەد زیڕە ئەكات بۆ تەوقە كردن و ناوێرێ، بەڕێزان: چاك دەزانم نەخۆشی و ناخۆشی و مردن و لەیەكتر دابڕان ناخۆشە و ئاواتی هیچ ژیرێك نی یە، بەڵام ئایا دەزانن ئەم كرۆنایە چەندە گۆڕانكاری كرد لە ژیاندا، ئەو ئەمەریكا و ڕوس و چین و ئەوروپا و ئیسرائیل و عەرەب و تورك و فارس و كوردەی خۆیان لێ بوو بوو بە خوا و ئاسمانیان بە دەوار نەدەزانی چەند بچكۆلە و قەزم بونەتەوە لە بەردەم ئەو شتەی بەچاو نابینرێ و هەیشە، كەواتە: فشە بەسە، درۆ بەسە، خۆڵ لە چاو كردن بەسە، بەرەڵایی بەسە، چروكی و ماڵ پەرستی بەسە، پیس و پۆخڵی و گوێ بە خۆنەدان بەسە، بەرازخواردن و سەگ و پشیلە و مار و شەمشەمە كوێرە و مردارەوەبوو خواردن بەسە، ئایا كاتی ئەوە نەهاتووە بۆ جارێكیش مرۆڤایەتی بڕیارەكانی پەروەردگار جێ بەجێ بكات، لە كۆتاییدا داواكارم ئەم ئامۆژگارییانەم لێ وەر بگرن:
1- پاك و خاوێنی بپارێزن، بەتایبەتی دەست و دەموچاوتان زوو زوو بە صابون و شامپۆ بشۆرن، غەرغەرە و ئاو لە لوت ڕادان و مشكردنتان لەبیر نەچێت.
2- بۆ كاری زۆر پێویست نەبێت لە ماڵ دەر مەچن، لەپاش كارە گرنگەكەش زوو بگەڕێنەوە بۆ ماڵەوە، دەستكێش و دەمەوانەكانتان لە بیر نەچێ.
3- تكایە بە میوانی بۆ ماڵی كەس مەڕۆن، فەرموویش لە كەس مەكەن، كاتی نیە و گوناحەو عەیبە .
4- لە ماڵەوە زۆر گوێ لە دەهۆڵ و خەرەكە شكاوەكە (تەلەفزوێن) مەگرن بەتایبەتی بابەتە تۆقێنەرەكان، لە جێی ئەوە بخوێننەوە: بنوسن، فێرببن، فێر بكەن، بچنن، بخەون، وەرزش بكەن، چیرۆك و بەسەر هاتی خۆش و ڕاستەقینە بگێڕنەوە.
5- زیكری خوا زۆر بكەن بەتایبەتی : قورئان خوێندن، استغفر اللە، لاالە الا اللە، اللهم صل علی محمد وعلی ال محمد، دۆعا زۆر بكەن بۆ خۆتان و خۆشەویستانتان، ماڵ ببەخشن با كەمیش بێت، دڵێك خۆش بكەن، فرمێسكێك بسڕن، دوو كەس ئاشت بكەنەوە، لە خەڵك خۆش ببن.
6- دڵنیابن ئەمەش تەواو دەبێت و دەبێت بە مێژوو، وەك كیمیاباران و ئەنفالەكە، وەك گرانی و بومەلەرزەكە، وەك شەڕە ماڵ و وڵات وێران كەرەكان، بەڵام هەوڵ بدەن زوو لەبیرتان نەچێتەوە و نەڕۆنەوە سەر بەزم و بایە و بەڕەكەی جاران، ڕۆژانە ڕووداو بەسەرهاتی خۆتان و دنیا تۆمار بكەن، جاران ئەیان وت پیاو قسە دەكات، كە تۆبەتان كرد مەیشكێنن، لەگەڵ شەیتان ئاشت مەبنەوە……….فاعتبروا یا أولی الالباب . لەكۆتاییدا دەڵێم: چەند خۆشە یا ربی بەم هەموو عیصیانەوە بمبەخشی
ببەخشە بگرە دۆزەخ خۆڵە مێشی كەم بوو یەك مسقاڵ.

لەگەڵ ڕێز و سڵاوی براتان
مامۆستا مەلا گاهر

کوردستان

هەپەگە؛لە هەفتانین و خواكورك و دێرسیم چالاكییان ئەنجامداوە و سێ سەرباز كوژرا

خەڵك – بەشی هەواڵ

ناوەندی ڕاگەیاندنی هێزەكانی پاراستنی گەل- هەپەگە ڕایدەگەیەنێت، لە هەفتانین خواكورك و دێرسیم لەگەڵ گەریلاكانی یەژاستار دژی سوپای توركیا چالاكییان ئەنجامدا.

ئەمڕۆ ناوەندی ڕاگەیاندنی هێزەكانی پاراستنی گەل-هەپەگە لە ڕاگەیەنراوێكدا بڵاویكردەوە، لە دوو ڕۆژی ڕابردوودا لە هەفتانین خواكورك و دێرسیم لەگەڵ گەریلاكانی یەژاستار دژی سوپای توركیا چالاكییان ئەنجامداوە و سێ سەرباز كوژرا.

 

دەقی ڕاگەیەنراوەكەی هەپەگە :
هەفتانین
گەریلاكانی یەژاستار لە چوارچێوەی هەنگاوی شۆڕشگێریی جەنگی هەفتانین، ڕۆژی ١٥ی ئەم مانگە كاتژمێر ٠٣:٥٠ خولەكی دوانیوەڕۆ، دژی سوپای تورك لە گردی شەهیدان چالاكیی نیشانشكێنیان ئەنجامدا، لەو چالاكییەدا سەربازێك كوژرا.

خواكورك
ڕۆژی ١٦ی ئەم مانگە كاتژمێر ٠٤:٠٠ی بەرەبەیان، هێزەكانمان لە چوارچێوەی هەنگاوی شۆڕشگێریی شەهید باگەڕ و شەهید ڕۆنیا-دا، لە گردی شەهید دەروێش دژی سوپای داگیركەری تورك چالاكییان ئەنجامدا، لە چالاكییەكەدا مۆڵگە و حەشارگەی دووژمن كرانە ئامانج، بەڵام ژمارەی كوژراو بریندارەكان ڕوون نەبووەتەوە.

دێرسیم
سوپای داگیركەری تورك لە نزیك گوندی چاكماكلی لە ناوچەی خۆزاتی دێرسیم بارەگایەك دروست دەكات، گەریلاكانی یەژاستار ڕۆژی ١٤ی ئەم مانگە كاتژمێر ٠٨:٠٠ی بەیانی دژی پاسەوانانی بارەگاكە چالاكییان ئەنجامدا، لەم چالاكییەدا دوو سەربازی دووژمن كوژران و دووی دیكەش برینداربوون، یەكینەكەمان بە سەلامەت گەڕایەوە شوێنی خۆی.

هێرشی ئاسمانیی
فڕۆكە جەنگییەكانی سوپای داگیركەری تورك، ڕۆژی ١٤ی ئەم مانگە كاتژمێر ٠١:٠٠ی بەرەبەیان ناوچەی خانتوری هەفتانین، ڕۆژی ١٥ی ئەم مانگە كاتژمێر ٠٥:٠٠ی ئێوارە ناوچەی بەكتۆریا و هەروەها ڕۆژی ١٥ی ئەم مانگەش كاتژمێر ١٠:٣٠ خولەكی شەو گردی ئامێدی لە ناوچەی ئامێدی سەربە دهۆك-یان بۆردوومانكرد.

بەردەوام بە لە خوێندنەوە

کوردستان

هەولێر؛دزێك دەستگیركرا كە ماددەی هۆشبەریشی بەكارهێناوە

خەڵك – بەشی هەواڵ
بەڕێوەبەرایەتیی پۆلیسی پارێزگای هەولێر ڕایدەگەیەنێت ، دوای كۆكردنەوەی زانیاری و بەدواداچوون كەسێكیان دەستگیركرد ، كە تۆمەتبارە بە دزینی 2 ماتۆڕسكیل، دەشڵێت،”لە ماڵەكەیدا دەست بەسەر ماددەی هۆشبەر و كەرەستەكانی بەكارهێنانی و جلوبەرگی سەربازی بە پلەی عەمید گیرا”.

بەڕێوەبەرایەتیی پۆلیسی پارێزگای هەولێر لە ڕاگەیەنراوێكدا ، كە وێنەیەكی دەست (خەڵك) كەوتووە ڕایگەیاندووە، تیمەكانمان دوای كۆكردنەوەی زانیاری و بەدواداچوون، لە ماوەی كاتژمێرێكدا لە گەڕەكی پۆلیسان كەسێكیان بە ناوی (س.ع) بە تۆمەتی دزینی 2 ماتۆڕسكیل دەستگیر كرد.

ڕاشیگەیاندووە، لە ماڵەكەیدا ماددەی هۆشبەر و كەرەستەی بەكارهێنانی ماددە هۆشبەرەكان و دەمانچەیەك و 2 ماتۆڕسكیلەكە و كۆمەڵێك فیشەك و هەندێك (جلوبەرگی سەربازی بە پلەی عەمید) دەستیان بەسەردا گیرا.

ئاماژە بۆ ئەوەشكراوە، تۆمەتباری ناوبراو بەپێی ماددە (446) لە یاسای سزادان بەند كرا و دۆسیەیەكی دیكەی سەربەخۆش لەسەر تۆمەتبار كرایەوە بەپێی ماددە (14)ی هۆشبەرەكان، لەبەر ئەوەی ماددەی هۆشبەری بەكارهێنابوو.

بەردەوام بە لە خوێندنەوە

کوردستان

تەقینەوەیەك لە كەركوك ڕویدا

 

خەڵك- بەشی هەواڵ

تەقینەوەیەك لە كەركوك ڕویدا و سەرچاوەیەكی ئەمنیش دەڵێت، ڕووداوەكە جگە لە زیانی ماددی، قوربانی لێنەكەوتۆتەوە.

دوانیوەڕۆی ئەمڕۆ پێنج شەممە، سەرچاوەیەكی ئەمنی لە شاری كەركوك ڕایگەیاند”تەقیتەوەیەك لە ناوەڕاستی شاری كەركوك و لە نزیك كۆلێژی یاساوە ڕویدا”.

بەوتەی سەرچاوەكە”تەقینەوەكە بەهۆی كەوتنەخوارەوەی گوللـەیەكی هاوەنەوە بووە لە نزیك كۆلێژی یاسا لە ناوەڕاستی كەركوك”، ڕەتیشكردەوە جگە لە زیانی ماددەی، ڕووداوەكە هیچ قوربانییەكی لێكەوتبێتەوە.

پێشتر سەرچاوەكان لە شاری كەركوك، ئاماژەیان بە تەقینەوەیەك كرد لە نزیك كۆلێژی یاسا لە شارەكە، بەبێ‌ ئەوەی زانیاریی لەبارەی سروشتی تەقینەوەكەوە بخەنەڕوو.

بەردەوام بە لە خوێندنەوە

کوردستان