ئێمە لە تۆرە کۆمەڵایەتیەکان

کوردستان

ڕوونكردنەوەی وتەبێژی حكومەت لەسەر هەواڵی كڕینی ئۆتۆمبێل بۆ وەزیرەكان


خەڵك – بەشی هەواڵ
وتەبێژی حكومەتی هەرێمی كوردستان ڕەتیدەكاتەوە كە ئۆتۆمبێلی مۆدێل 2020 بۆ وەزیرەكان كڕدرابێت.

جوتیار عادل وتەبێژی حكومەت وێڕای ڕەتكردنەوەی هەواڵەكە، ڕاشیگەیاند داوا لە داواکاری گشتی دەکەین رێکاری پێویست بەرامبەر ئەو كەس و لایەنانە بگرێتە بەر کە دەبنە هۆی ناسەقامگیریی کۆمەڵایەتی و نانەوەی ئاژاوە بۆ مەرامێکی سیاسیی دیاریکراو و لەمەودوا رێگە بەم چەشنە چەواشەکارییانە نەدات.

دەقی ڕوونكردنەوەكە:

روونکردنەوەیەک لە گوتەبێژی حكومەتی هەرێمی کوردستانەوە

لە هەندێ کەناڵی میدیایی ناوخۆیی، بەمەبەستی بەلارێدا بردنی رای گشتی، هەواڵی بێ بنەما بڵاوکراوەتەوە كە گوایە حکومەت ئۆتۆمبێلی مۆدێل ۲۰۲۰ بۆ وەزیرانی کابینەی نۆیەمی کڕیوە.

ئەم بابەتە دوورە لە راستییەوە و ھیچ بنەمایەكی نییە. لەم كاتە ھەستیارەدا پاراستنی سەلامەتی و تەندروستی هاووڵاتیان و دابینکردنی خۆراک و مووچەی فەرمانبەران لە كارە پێشینەكانی حكومەتە.

ئەندامانی کابینەی نۆیەمی حكومەتی ھەرێمی كوردستان بە هەستکردن بە بەرپرسیارێتیی ئەم دۆخە هەستیارە، هەر یەکەیان بە پێی پسپۆڕییەکەی بەتەواوەتی خۆیان بۆ پاراستنی تەندروستیی گشتی هاووڵاتیان تەرخانکردووە.

داوا لە داواکاری گشتی دەکەین رێکاری پێویست بەرامبەر ئەو كەس و لایەنانە بگرێتە بەر کە دەبنە هۆی ناسەقامگیریی کۆمەڵایەتی و نانەوەی ئاژاوە بۆ مەرامێکی سیاسیی دیاریکراو و لەمەودوا رێگە بەم چەشنە چەواشەکارییانە نەدات.

د. جوتیار عادل
گوتەبێژی حکومەتی هەرێمی کوردستان
٢٠٢٠/٤/٩

کوردستان

كەسێكی دیكە بەهۆی كۆرۆنا لە هەرێم گیانی لەدەستدا


خەڵك-بەشی هەواڵ

وەزارەتی تەندروستی ڕایدەگەیەنێت، تووشبووێكی دیكەی ڤایرۆسی كۆڕۆنا گیانی لەدەستدا .
وەزارەتی تەندروستی حكومەتی هەرێم لە ڕاگەیەنراوێكدا ئاماژە بۆ ئەوە دەكات، تووشبووێكی نەخۆشی ڤایرۆسی كۆڕۆنای نوی COVID19 پیاو تەمەن ٥٠ ساڵ دانیشتووی كامەرانی سیتی لە شاری هەولێر، دوای خەواندن لە نەخۆشخانە و مانەوەی لەسەر ئامێری هەناسەدانی دەستكرد لە بەشی چاودێری چڕ گیانی لەدەستدا.

بەردەوام بە لە خوێندنەوە

کوردستان

وەزارەتی دارایی، لەبارەی مووچەوە ڕاگەیەنراوێكی بڵاوكردەوە


خەڵك-بەشی هەواڵ

 

وەزارەتی دارایی حكومەتی هەرێم ڕایدەگەیەنێـت، ئەوەی لە هەندێك ماڵپەڕ و پەیج دەوترێت سەبارەت بە كەمكردنەوەی مووچە دوورە لە ڕاستییەوە و بابەتی كەمكردنەوەی مووچە لە كارنامەی كۆبوونەوەی 3/6/2020ی ئەنجومەنی وەزیرانی هەرێمی كوردستاندا نەبووە .

وەزارەتی دارایی لە ڕوونكردنەوەیەكدا ئاماژە بۆ ئەوە دەكات، سەرباری خراپی دۆخی دەروونی و تەندروستی و دارایی و ئابووری، هەندێك كەس و پەیج و سایت و لایەن، یاری و موزایەدە بە هەست و سۆزی هاووڵاتیانی هەرێمی كوردستان بەگشتی و فەرمانبەران و مووچەخۆران بەتایبەتی دەكەن. كە گوایە لە كۆبوونەوەی 3/6/2020 بابەتێكی كۆبوونەوەكە كەمكردنەوەی مووچەی فەرمانبەرانی هەرێم بووە. ئەمە چەواشەكارییە و دوورە لە راستییەوە، بۆ هەموو لایەكی روونیدەكەینەوە لە كارنامەی كۆبوونەوەكە بابەتی كەمكردنەوەی مووچەی تێدا نەبووە.

بەردەوام بە لە خوێندنەوە

کوردستان

قائمقامی قەزای کۆیە؛لەگەڵ داواکاری و داخوازی خەڵکی هەژار و کەم دەرامەتین


خەڵک – بەشی هەواڵ

قائمقامی قەزای کۆیە دەچێتە ناوخۆپیشاندەران و دەڵێت؛ لەگەڵ داواکاری و داخوازی خەڵکی هەژار و کەم دەرامەتین و دەربڕینی ناڕەزایی مافێکی ڕەوای هاوڵاتیانە و ئێمەش هەمووکات خۆمان بەنوێنەری خەڵک و هاوڵاتیان زانیوە.

ئەمشەو لەشاری کۆیە ژمارەیەک گەنج و لاو گردبونەوەیەکیان ئەنجام دا، وەک ناڕەزایەتی بەرامبەر خراپی گوزەران و دواکەتوتنی مووچەو نەبوننی خزمەتگوزاریی.

هاوکات بە پێی ڕاگەیانراوی ڕاگەیاندنی قائمقامیەتی قەزای کۆیە، بۆ گوێگرتن لەداوکاریەکانی خۆپیشاندەران مامۆستایوسف، قائمقامی قەزای کۆیە چووە ناوخۆپیشاندەران لەوتەیەکیشدا بۆ خۆپیشاندەران پێی ڕاگەیاندن لەگەڵ داواکاری و داخوازی خەڵکی هەژار و کەم دەرامەتە.

داواشی کرد پێویستە هەردەربڕینی ناڕەزایی وداواکاریەک بەشێوەی هێمنانەبێ و دوربێت لەپشێوی و بەڕێدا لابردن چونکە گردبونەوەو دەربڕینی ناڕەزایی مافێکی ڕەوای هاوڵاتیانە و ئێمەش هەموکات خۆمان بەنوێنەری خەڵک و هاوڵاتیان زانیوە.

هاوکات داواکاریش بوو هێزەئەمنیشەکان لەچوارچێوەی ڕێکارە یاسییەکان و دور لەتوندوتیژی بەدەم خۆپیشاندەرانەوەبچن.

 

بەردەوام بە لە خوێندنەوە

کوردستان