ئێمە لە تۆرە کۆمەڵایەتیەکان

کوردستان

تەندروستی ڕاپەڕین: پشكنینی كەسوكاری تووشبووەكەی حاجیاوا نێگەتیڤ بوو


خەڵك – بەشی هەواڵ
بەڕێوەبەرایەتی گشتی تەندروستی ڕاپەڕین ڕایدەگەیەنێت كە ئەنجامی پشكنینی سه‌رجه‌م كه‌سوكاری ئەو هاووڵاتییەی لە ناحیەی حاجیاوا تووشی كۆرۆنا بوو، نێگەتیڤ بووە.

ئەمڕۆ پێنج شەممە بەڕێوەبەرایەتی گشتی تەندروستی ڕاپەڕین ڕایگەیاند له‌ چوارچێوه‌ی هه‌وڵه‌ به‌رده‌وامه‌كانی به‌ڕێوه‌به‌رایه‌تی گشتی ته‌ندروستی ڕاپه‌ڕین بۆ ڕێگریكردن له‌ بڵاوبونه‌وه‌ی ڤایرۆسی كۆڕۆنا له‌ سنوره‌كه‌دا و ده‌ستنیشانكردنی توشبوان له‌ڕێگه‌ی پشكنینه‌وه‌، له‌ڕۆژی دووشه‌مه‌ به‌رواری 6ـ4ـ2020 دوای تۆماركردنی حاڵه‌تێكی كۆرۆنا له‌ناحیه‌ی حاجیاوا، تیمی به‌ره‌نگاربوونه‌وه‌ی ڤایرۆسی كۆرۆنا له‌سنوری به‌ڕێوه‌به‌ڕایه‌تی گشتی ته‌ندروستی ڕاپه‌ڕین سه‌رجه‌م خانه‌واده‌ی ئه‌و هاووڵاتیه‌ی كەرەنتین كرد و پشكنینیان بۆ كرا.

ڕوونیشیكردەوە، خۆشبه‌ختانه‌ ئه‌نجامی سه‌رجه‌م پشكنینه‌كانی خانه‌واده‌ی ئه‌و هاووڵاتییه‌ی هه‌ڵگری ڤایرۆسه‌كه‌بووه‌، كه ‌ژماره‌یان 16 كەسە،‌ نێگه‌تیڤ ده‌رچوون.

کوردستان

گومرگی هەرێمی كوردستان وەڵامی بەغدا دەداتەوە


خەڵك- بەشی هەواڵ
بەڕێوەبەری گشتی گومرگی هەرێمی كوردستان، ئەو “تۆمەتانە” ڕەتدەكاتەوە كە دەدرێنە پاڵ هەرێم سەبارەت بە پابەندنەبوون بەو قەدەغەكراوانەی  لەلایەن حكومەتی فیدراڵەوە دیاریی دەكرێن، بە تایبەتیش كۆمەڵێك لە ماددە هاوردەكراوەكان.

ساماڵ عەبدولڕەحمان، بەڕێوەبەری گشتی گومرگی هەرێمی كوردستان لە لێدوانێكیدا بۆ ماڵپەڕی (بغداد الیوم)ى عيراقى ڕایگەیاندووە:”مانگانە لیستێكمان لەبارەی قەدەغەكراوەكانەوە بەدەست دەگات، جا ماددەی خۆراكی بن یان پزیشكی یان پیشەسازی یان ئۆتۆمبێلەكان یان ئەوانی تر، ئەو لیستە  بەسەر هەر هەشت خاڵە سنورییەكەی نێو هەرێمی كوردستاندا گشتاندنی پێدەكرێت”.

بە وتەی ساماڵ عەبدولڕەحمان:”هەر ماددەیەك قەدەغەكراوبێت، هەرگیز ڕێگەی هاتنەناوەوەی بۆ هەرێمی كوردستان پێنادرێت، هەر قسەیەكیش بەپێچەوانەی ئەمەوە بكرێت ڕاست نییە و هیچ بەڵگەیەكیش لەو بارەیەوە لەبەردەستدا نییە، ئەوەی هەیە تەنیا قسەی میدیاكانە”.

ماڵپەڕە عیراقییە نوسویەتی”دۆسێی خاڵە سنورییەكانى هەرێمی كوردستان لە هەموو جارێكدا دەوروژێنرێت، بەو پێیەی گەندەڵی لەنێو مەزرەكاندا هەیە، وێڕای بوونی چەند مەرزێكیش كە لە دەرەوەی دەسەڵاتی حكومەتی فیدراڵن و لەژێر فەرمانەكانی بەغدادا نیین”.

 

بەردەوام بە لە خوێندنەوە

کوردستان

هەولێر، سێ‌ كەس بە تۆمەتی دزینی ئۆتۆمبێل دەستگیركران


خەڵك- بەشی هەواڵ

بەڕێوەبەرایەتی پۆلیسی هەولێر، دەستگیركردنی سێ‌ كەس بە تۆمەتی دزینی ئۆتۆمبێل و كێبڵی كارەبای دوو كۆمپانیا، ڕادەگەیەنێت.

بەپێی ڕاگەیەراندراوێك كە ئەمڕۆ هەینی لەلایەن بەڕێوەبەرایەتی پۆلیسی هەولێرەوە بڵاوكرایەوە‎ ‎ هێزەكانی پۆلیسی پارێزگای هەولێر، دوای كۆكردنەوەی زانیاری و لێكۆڵینەوەی ورد، درەنگانی شەو توانییان ناسنامەی سێ تۆمەتبار بە ناوەكانی (ا.ق.ف) و (م.ع.ت) و (س.س.هـ) یاشكرا بكەن”.

هەر لە ڕاگەیەندراوەكەی پۆلیسی هەولێردا هاتووە”ئەو سێ‌ تۆمەتبارە ئۆتۆمبێلێكی جۆری (بیك اب) و (دوو تەن) و كێبڵی كارەبایان لە دوو كۆمپانیا دزیبوو”.

پۆلیسی هەولێر دەڵێت”تۆمەتباران دانیان نا بە تاوانەكەیاندا، بۆیە بە پیێ ماددە (444) لە یاسای سزادان، بەند كران و درانە دادگا”.

 

بەردەوام بە لە خوێندنەوە

کوردستان

شارەزوور، شۆفێری دەڕاسەیەك گیانی لەدەستدا


خەڵك- بەشی هەواڵ
بەڕێوەبەرایەتی هاتووچۆی سلێمانی ئاماژە بە گیانلەدەستدانی شوفێرێكی دەڕاسە دەكات لە قەزای شارەزوور و دەڵێت، ڕووداوەكە لەكاتی دروێنەدا ڕویداوە.

بەپێی ڕاگەیەندراوێك كە لەلایەن بەڕێوەبەرایەتی هاتووچۆی سلێمانییەوە بڵاوكرایەوە:”لە قەزای شارەزوورو لەكاتی دروێنەدا،‌ شوفیِرێكی دەڕاسە بەربووەتەوە بۆ بەردەم دەڕاسەكەی ‌و كەوتوەتە ناو جەنجەڕی دەڕاسەكەوە و بەو هۆیەوە گیانی لەدەستداوە”.

بەڕێوەبەرایەتی هاتووچۆی سلێمانی دەڵێت:”شۆفێرەكە‌ ناوی (ع.م) و ئەمرۆ هەینی 5ی حوزەیرانی 2020، لەكاتی دروێنەدا بەربوەتەوە و گیانی لەدەستداوە، لە دوای ڕووداوەكەش تەرمەكەی‌ ڕەوانەی‌ پزیشكی دادوەری كراوە”.

بەردەوام بە لە خوێندنەوە

کوردستان