ئێمە لە تۆرە کۆمەڵایەتیەکان

کوردستان

قایمقامی كۆیە دەربارەی چوونی هێز بۆ ناوچەكەیان ڕوونكردنەوە دەدات


خەڵك – بەشی هەواڵ
قایمقامی قەزای كۆیە ئەو دەنگۆیانە ڕەتدەكاتەوە كە سەبارەت بە چوونی “هێز” بۆ ناوچەكەیان بڵاوكراونەتەوە.

ئەمڕۆ پێنج شەممە یوسف حەسەن كەلكانی قایمقامی كۆیە ڕایگەیاند ده‌نگۆی هاتن و چوونی هه‌ر هێزێك بۆ سنووره‌كه‌مان ڕه‌تده‌كه‌ینه‌وه‌.

ڕوونیشیكردەوە ئەوەی كە هەیە مەفرەزەی هاوبەشی ئاسایشی ڕۆژهەڵاتی هەولێر و كۆیە و پۆلیس و پۆلیسی هاتووچۆی كۆیە مەفرەزەی هاوبەشیان دەبێت بۆ جێبەجێكردنی بڕیاری قەدەغەی هاتووچۆ.

دەقی ڕوونكردنەوەكە:

لیژنه‌ی ئه‌منی كۆیه‌ بڕیاریداوه‌ بۆ پابه‌ندبوونی هاووڵاتیان به‌جێبه‌جێ كردنی بڕیاره‌كانی هه‌ردوو وه‌زاره‌تی ته‌ندروستی و ناوخۆی حكومه‌تی هه‌رێمی كوردستان له‌پێناو پاراستنی هاووڵاتیان له‌ بڵاوبوونه‌وه‌ و تووشبوونی هاووڵاتیان به‌ ڤایرۆسی كۆرۆنا له‌ سنووره‌كه‌مان، بڕیارمانداوه‌ مه‌فره‌زه‌یه‌كی هاوبه‌شی (ئاسایشی ڕۆژهه‌ڵاتی هه‌ولێر، ئاسایشی كۆیه‌، پۆلیسی كۆیه‌ و هاتوچۆی كۆیه‌) ڕۆژانه‌ ده‌ربچن بۆ ئه‌و ناوچانه‌ی كه‌ شاری كۆیه‌ به‌ شاری هه‌ولێر ده‌به‌ستێته‌وه‌، ئه‌مه‌ش له‌ پێناو ڕێگریكردن له‌ هاتوچۆی نایاسایی هاووڵاتیان.
لێره‌وه‌، ده‌نگۆی هاتن و چوونی هه‌ر هێزێك بۆ سنووره‌كه‌مان ڕه‌تده‌كه‌ینه‌وه‌.

یوسف حه‌سه‌ن كه‌لكانی
قائیمقامی قه‌زای كۆیه‌
9/4/2020

کوردستان

شانەی قەیرانەكانی كەركوك: ڕۆژانە 12 كاتژمێر قەدەغەی هاتوچۆی تەواوەتی جێبەجێ‌ دەكرێت


خەڵك – بەشی هەواڵ

شانەی قەیرانەكانی كەركوك بڕیاریدا، لە كاتژمێر 7ی ئێوارە تا 6ی بەیانی قەدەغەی هاتوچۆی تەواوەتی جێبەجێ دەكرێت.

شانەی قەیرانەكانی كەركوك ئەمڕۆ شەممە، لەبارەی ڕووبەڕووبوونەوەی ڤایرۆسی كۆرۆنا كۆبووەوە و بڕیاریدا، دەوامی سەرجەم فەرمانگەكان لە 31/5/2020 تا 4/6/2020 ڕابگیرێت.

هەر لە لە كۆبوونەوەكەدا بڕیاردرا قەدەغەكردنی ھاتوچۆ لە كاتژمێر ٦ بەیانی بۆ ٧ی ئێوارە لە كەركوك ھەڵبگیرێت، ھاوكات لە كاتژمێر 7ی ئێوارە تا 6ی بەیانی قەدەغەی هاتوچۆی تەواوەتی جێبەجێ دەكرێت و ڕۆژانی هەینی و شەممە قەدەغەی هاتوچۆی تەواوەتی لە پارێزگاكە جێبەجێ دەكرێت تا كاتێكی نادیار.

شانەی قەیرانەكانی كەركوك بڕیاریشدا، ڕێگە بە ھاتوچۆكردنی ھاووڵاتیانی شارەدێی شوان و قەرەھەنجیر و قەرەحەسەن بۆ ناو شاری كەركوك بدرێت.

هەروەها بڕیاردرا، بەمەبەستی پاراستنی سەلامەتی گیانی ھاووڵاتیان، بازگەكانی دەرەوەی پارێزگای كەركوك بە داخراوی بمینێتەوە.

بەردەوام بە لە خوێندنەوە

کوردستان

كۆیە.. لە ڕووادێكی هاتوچۆدا دوو كەس بوونە قوربانی


خەڵك – بەشی هەواڵ

بەڕێوەبەری هاتوچۆی كۆیە ڕایدەگەیەنێت: لە ڕووداوێكی هاتوچۆدا لە ڕێگای كۆیە – هەولێر كەسێك گیانی لەدەستدا و یەكێكی تریش برینداربوو.

عەقید زاهیر محەمەد بەڕێوەبەری هاتوچۆی كۆیە ڕایگەیاند: كاتژمێر هەشتی ئێوارەی ئەمڕۆ لە ڕێگای هەولێر – كۆیە ڕووداوێكی هاتوچۆ لە نێوان ئۆتۆمبێلی جۆری (تۆیۆتا / هایلۆكس) كە بە (مەرزیە) ناسراوە لەگەڵ بارهەڵگرێك ڕوویداوە.

بەڕێوەبەری هاتوچۆی كۆیە وتیشی، لە ڕووداوەكەدا شۆفێری تۆیۆتاكە برینداربووە و سەرنشینێكیش گیانی لەدەستداوە كە لە دایكبووی ساڵی 1989یە.

بەردەوام بە لە خوێندنەوە

کوردستان

د.سامان بەرزنجی: شەپۆلی ئەم جارەی كۆرۆنا مەترسیدارترە


خەڵك – بەشی هەواڵ

وەزیری تەندروستی هەرێم ڕایدەگەیەنێت: بەرزبوونەوەی پلەكانی گەرما كاریگەری لەسەر ڤایرۆسی كۆرۆنا نییە.

د.سامان بەرزنجی وەزیری تەندروستی حكومەتی هەرێمی كوردستان لەمیانی چاوپێكەوتنێكی لەگەڵ (كەناڵ 24) هۆكارەكانی خێرابوونی تەشەنەكردنی ڤایرۆسی كۆرۆنا لە هەرێمی كوردستان ئاشكرا دەكات و دووپاتی كردەوە، شەپۆلی ئەم جارەی كۆرۆنا مەترسیدارترە و دەبێت هاووڵاتیان مەترسییەكانی ئەو پەتایە بە جددی وەربگرن.

هاوكات، وەزیری تەندروستی هەرێم 3 هۆكاریشى بۆ خێرابوونی تەشەنەكردنی پەتاكە ئاشكراكرد، كە یەكەمیان زیادبوونی تێكەڵاوی و بەركەوتنی نێوان هاووڵاتیانە، دووەمیشیان، بەرزبوونەوەی ژمارەی تووشبووان لە بەغدا و شارەكانی تری عیراق و بوونی هاتوچۆ لەنێوان ئەو شارانەی عیراق و شارەكانی هەرێمی كوردستان گواستنەوەی پەتاكەی بۆ هەرێم خێراتر كردووە، سێیەم هۆكاریش، پابەند نەبوونی هاووڵاتیان و بەهەند وەرنەگرتنی ڕێنماییەكانی تەندروستی و خۆپارێزییە لە ڤایرۆسی كۆرۆنا.

د.سامان بەرزنجی داواشی لە هاووڵاتیانی هەرێمی كوردستان كرد، پابەندی ڕێكارەكانی تەندروستی و خۆپارێزی بن و وتیشی: تا ئێستا 583 حاڵەتی تووشبوون بە ڤایرۆسەكە لە هەرێمی كوردستان تۆماركراون، لەو ژمارەیەش 160 حاڵەت لەژێر چاودێری پزیشكیدان و دۆخی تەندروستی بەشێكیان ناجێگیرە.

سەبارەت بەو كەسانەی كە بانگەشە بۆ ئەوە دەكەن، گوایە ڤایرۆسی كۆرۆنا بوونی نییە، وەزیری تەندروستی وتی: بەداخەوە بۆ ئەو تێگەیشتنەی لای ئەو كەسانە دروستبووە و ئەو بانگەشانە بۆ مەرامی سیاسی دەكرێن و دووپاتی كردەوە، بە سیاسیكردنی پەتای كۆرۆنا هیچ لەبەرژەوەندی كۆمەڵگەدا نییە و مەترسییە بۆ سەر ژیانی هاووڵاتیان.

د.سامان بەرزنجی داواشی لە هاووڵاتیان كرد، مەترسییەكان بە جددی وەربگرن و نەكەونە ژێر كاریگەری هیچ كەس و لایەنێك، چونكە دۆخەكە مەترسیدارە و ناكرێت ڕێكارەكان پشتگوێ بخرێن.

بەردەوام بە لە خوێندنەوە

کوردستان