ئێمە لە تۆرە کۆمەڵایەتیەکان

کوردستان

سێ‌ تۆمەتبار دوای چەندین فەرمانی دادوەر دەستگیركران

خەڵك- بەشی هەواڵ
مەفرەزەكانی بنكەی پۆلیسی بازیان سێ‌ تۆمەتباریان دەستگیركرد، كە چەندین فەرمانی گرتنیان هەبووە و هەستاون بە فێڵكردن لە هاووڵاتیان .

بەڕێوەبەرایەتی پۆلیسی سلێمانی لە ڕاگەیەنراوێكدا ئاماژەی بەوەكردووە، پاش ئەوەی لەلایەن چەند هاووڵاتییەكەوە سكاڵا لەسەر چەند تۆمەتبارێك تۆماركرا، كە فێڵیان كردووە و كەلوپەل و خۆراك و ئاژەڵیان لە هاووڵاتیان سەندووە، دادوەر بڕیاری گرتنی بۆ تۆمەتباران دەركرد و مەفرەزەكانی پۆلیسی بازیان لێكۆڵینەوەكانی دەستپێكرد.

ڕاشیگەیاندووە، توانرا هەر سێ‌ تۆمەتبارەكە بە هەمئاهەنگی لەگەڵ یاریدەدەرێتی ئاسایشی عەربەت لەڕۆژی 4ی نیسانی 2020 لە شارەدێی بازیان دەستگیر بكرێن .

ئاشكراشی كردووە، تۆمەتباران بەناوەكانی ( ر،ح ،ع – ع ، ع ، ف و د ، ش ، خ ) كە كوردن وتەیان لێوەرگیراوە و دانیان ناوە بە تاوانەكەیاندا و بەبڕیاری دادوەر و بەپێی ماددەی 456 لەیاسای سزادانی عیراقی ڕاگیراون ، لێكۆڵینەوە لە دۆسیەكەیان بەردەوامە .

پۆلیسی سلێمانی دەشڵێت: “تۆمەتباران لەهەریەك لە بنكەكانی پۆلیسی (تەكیە ، فرۆكەخانە ، نەهێتنی تاوان –بنكەی ڕزگاری، بازیان، تاسڵوجە، بەردەقارەمان، پیرەمەگرون) داواكراو بوون” .

کوردستان

وەزیرێكی عیراق گەیشتە شاری سلێمانی

خەڵك-بەشی هەواڵ

 

وەزیری لاوان و وەرزشی عیراق گەیشتە شاری سلێمانی.

بەرەبەیانی ئەمڕۆ پێنج شەممە 26-11-2020، عەدنان دەرجال وەزیری لاوان و وەرزشی عیراق گەیشتە شاری سلێمانی و لە لایەن پارێزگاری سلێمانی و وەفدێكی وەرزشی شارەكەوە پێشوازی لێكرا.

عەدنان دەرجال وەزیری لاوانا و وەرزشی عیراق لە لێدوانێكدا ڕایگەیاند، ئامانجی هاتنی بۆ سلێمانی بەسەركردنەوەی چەند یەكەیەكی وەرزشی و سازدانی چەندین كۆبوونەوە دەبێت لەگەڵ وەرزشكارانی سلێمانی.

بەپێی زانیارییەكان، سبەینێ ناوبراو سەردانی شاری كەركوك دەكات.

بەردەوام بە لە خوێندنەوە

کوردستان

لە ڕووداوێكی هاتوچۆدا كەسێك بووە قوربانی

خەڵك-بەشی هەواڵ

 

بەڕێوەبەرایەتی هاتوچۆی سلێمانی ڕایدەگەیەنێت، لە ڕووداوێكی هاتووچۆدا لەنزیك كەمپی ئاوارەكانی عەرەبەت كەسێك برینداربوو.
بەڕێوەبەرایەتی هاتوچۆی سلێمانی لە ڕاگەیەنراوێكدا ئاماژە بۆ ئەوە دەكات، ڕووداوەكە بەهۆی پەڕینەوەی ئاژەڵێكەوە ڕوویداوە، كەبەهۆی تاریكییەوە ئۆتۆمبێلی بارهەڵگر جۆری ئەتیكۆ مارسیدس لە ئاژەڵەكە دەدات و لەوكاتەدا ئۆتۆمبێلی دواتریش كە لەجۆری بارهەڵگرە كۆنتڕۆڵی خێرایی لەدەستدەدات و خۆی دەكێشێت بە ئۆتۆمبێلی یەكەمدا.

ئاشكراشیكرد، بەهۆی ڕووداوەكەوە كەسێك بریندار بووە و زیانی مادیی بەر هەردوو ئۆتۆبێلەكە كەوتووە.

بەردەوام بە لە خوێندنەوە

کوردستان

ئەمینداری یەكگرتوو: توندوتیژی لەگەڵ ژندا نیشانەی كزی ئیمانە

خەڵك-بەشی هەواڵ

 

ئەمینداری گشتی یەكگرتوو ڕایدەگەیەنێت، توندوتیژی لەگەڵ ژندا نیشانەی كزی ئیمانە.

سەلاحەدین محەممەد بەهائەدین ئەمینداری گشتی یەكگرتووی ئیسلامی كوردستان لە تویتێكدا بە بۆنەی ڕۆژی جیهانی بەرەنگاربوونەوەی توندوتیژی دژی ژنان ئاماژە بۆ ئەوە دەكات، ٢٥ نۆڤەمبەر، ڕۆژی بەرەنگاری توندوتیژی دژی ژنان، ڕێنماییەكانی پێغەمبەری سەروەرمان بیر دەخاتەوە (درودی خوای لەسەر بێت) كەدەفەرموێ: ( النساء شقائق الرجال، ما أكرمهن إلا كريم، وما أهانهن إلا لئيم”) توندوتیژی لەگەڵ ژندا نیشانەی كزی ئیمان و سەقەتی ئەخلاق و نزمی ئاستی نەجابەت و ڕەسەنایەتییە.

دوێنێ 25-11-2020 ڕۆژی جیهانی توندوتیژی دژی ژن بوو، بەو بۆنەوە سەرۆكایەتی هەرێم و سەرۆكایەتی حكومەت و پەڕلەمان و لایەنە پەیوەندیدارەكانی هەرێم ڕاگەیەنراویان لەو بارەوە بڵاوكردەوە.

بەردەوام بە لە خوێندنەوە

کوردستان