ئێمە لە تۆرە کۆمەڵایەتیەکان

کوردستان

كۆمپانیایەك 5 ئۆتۆمبێل و مینی پاس بە تەندروستی هەولێر دەبەخشێ‌

خەڵك- بەشی هەواڵ

كۆمپانیایی (جوهرە البخیت)، 5 ئۆتۆمبێل و مینی پاس بە تەندروستی هەولێر دەبەخشێت.

بەپێی ڕاگەیەنراوێكی پارێزگای هەولێر، د.فرسەت سۆفی، پارێزگاری هەولێر، بەئامادەبوونی بەڕێوەبەری گشتی ئاسایشی هەولێر و بەڕێوەبەری گشتی تەندروستی هەولێر، پێشوازی لە ئەحمەد شهاب ئەحمەد، بەڕێوەبەری كۆمپانیای (جوهرە البخیت) بۆ بازرگانی ئۆتۆمبێل كرد.

ڕاشیگەیاندووە، كۆمپانیایی ناوبرا، پێنج ئۆتۆمبێلی بەخشی بە بەڕێوەبەرایەتی گشتی تەندروستی هەولێر، كە بریتی بوو لە (2 مینی پاس و 3 ئۆتۆمبێلی ساڵون).

بەپێی ڕاگەیەنراوەكە، لەلایەن پارێزگاری هەولێر دەستخۆشی و سوپاسی ئەو هەنگاوەیان كرا و ئاماژەی بەوەدا، لەو بارودۆخە نەخوازراوەی ڕووبەڕوومان بۆتەوە، هیوادارین نموونەی وەك ئێوە زۆربێت لە هاریكاری كردن و هەماهەنگی كردنی كەرتی تەندروستی.

کوردستان

بوومەلەرزە لە شارێكی كوردستان ڕوویدا

خەڵك – بەشی هەواڵ
بوومەلەرزەیەك بە گوڕی 4.2 پلە بە پێوەری ڕێختەر شاری قەسری شیرینی لە پارێزگای كرماشانی ڕۆژهەڵاتی كوردستانی هەژاند.

بوومەلەرزەكە كاتژمێر 11:40 خوولەك و بە قووڵایی 10 كیلۆمەتر لە ئاستی ڕووی زەوی و دووری 19 كیلۆمەتر لە ناوەندی شاری قەسری شیرین ڕوویدا.

تا ئێستا زانیاری دەربارەی ئەگەری كەوتنەوەی زیانی گیانی یان ماددی لە بوومەلەرزەكە ڕانەگەیەندراوە.

بەردەوام بە لە خوێندنەوە

کوردستان

فڕۆكە جەنگییەكانی توركیا چیای گارە بۆردومان دەكەن

خەڵك – بەشی هەواڵ
بۆردومان و هێرشەكانی توركیا بۆ سەر هەرێمی كوردستان بەردەوامە و ئەمڕۆش چیای گارە بۆردومان كرایەوە.

ئەمڕۆ چوار شەممە فڕۆكە جەنگییەكانی توركیا چیای گارەیان لە سنووری پارێزگای دهۆك بۆردومان كرد.

توركیا لە ناوەڕاستی مانگی ڕابردووەوە بە بیانووی بوونی هێزەكانی پەكەكە لەشكركێشییەكی بەرفراوانی لە سنووری هەردوو پارێزگای هەولێر و دهۆك دەستپێكردووە و بە پێی ئەو زانیارییانەی توركیا بە فەرمی بڵاویكردوونەتەوە، تا ئێستا ژمارەی بنكە سەربازییەكانی لە هەرێمی كوردستاندا گەیاندووەتە 37 بنكە و بەردەوامیش ناوچە سنوورییەكان بۆردومان دەكات.

بەردەوام بە لە خوێندنەوە

کوردستان

كۆبوونەوەی شاندی باڵای یەكێتی و یەكگرتوو دەستیپێكرد

خەڵك – بەشی هەواڵ
شاندی باڵای یەكێتیی نیشتمانیی كوردستان و یەكگرتووی ئیسلامی كوردستان لە سلێمانی كۆبوونەوە.

میدیای فەرمی یەكێتی بڵاویكردەوە كە لە كۆبوونەوەكەدا ” پێشهاته‌ سیاسی و ئابوورییه‌كان” تاووتوێ ده‌كرێن.

پێشتریش لاهور شێخ جەنگی هاوسەرۆكی یەكێتی لە سەردانێكیدا بۆ لای سەڵاحەدین بەهادین ئەمینداری گشتی یەكگرتوو باسیان لە چارەسەركردنی دۆخی سیاسی هەرێم و پەیوەندییەكانی نێوان هەولێر و بەغدا كردبوو.

بەردەوام بە لە خوێندنەوە

کوردستان