ئێمە لە تۆرە کۆمەڵایەتیەکان

کوردستان

پەڕلەمانی كوردستان ڕاگەیەنراوێكی بڵاوكردەوە


خەڵك- بەشی هەواڵ
لێژنەی پێشمەرگە لە پەڕلەمانی كوردستان ئیدانەی هێرشی تیرۆریستانی داعش بۆ سەر هێزەكانی پێشمەرگە لە شارەدێی كوڵەجۆ لە گەرمیان دەكات و ڕایدەگەیەنێت، سەرەڕای شەونخونی و ئەنجامدانی ئەركە سەختەكانیان، هەروەها ئەركی شانیان لەگەڵ تیمەكانی تری بەرەنگاربوونەوەی ڤایڕۆسی كۆڕۆنا لەهەرێم ئەنجام دەدەن.

لێژنەی پێشمەرگە لە پەڕلەمانی كوردستان لە ڕاگەیەنراوەكەدا، كە وێنەی دراوە بە (خەڵك) ئاماژەی بەوەكردووە، تیرۆریستان سوودیان لە بۆشایی ئەمنی بینیوە لەنێوان هێزەكانی پێشمەرگە و هێزەكانی عیراق، بۆیە داواكارین لە هێزی هاوپەیمانان و هێزەكانی عیراقی زیاتر هاوكاری هێزەكانی پێشمەرگە بن بۆ پاراستنی سنووورەكان.

دەقی ڕاگەیەنراوەكە:

وەكو لیژنەی كاروباری پێشمەرگە لە پەرلەمانی كوردستان ئیدانەی هێرشە تیرۆرستیەكەی داعش بۆسەر هێزەكانی پێشمەرگە لە ناحییەی كوڵەجۆ لە گەرمیان دەكەین كە بەداخەوە دووپێشمەرگەی لیوای ٥ی شارەزوور بە ناوی سوركێو رەشید و ئیسماعیل فارس شەهید بوون، و سەرەخۆشی لە خانەوادە بەڕێزەكەیان دەكەین، لێرەدا وەك لیژنەی پێشمەرگە هەر زوو لەرێگەی رێڤنگ هرۆری سەرۆكی لیژنە و عوسمان سێدەری جێگری سەرۆكی لیژنە پەیوەندی كراوە بە فەرماندەكانیان و بەفەرمی لەرێگەی ڕزگار محمد بڕیاردەری لیژنە، لیژنەیەكمان پێك هێناوە بۆ سەردانیكردنی هێزەكانی پێشمەرگە لە شوێنی شەڕەكە، بۆ ئەنجامدانی بەدواداچوونی پێویست. بەداخەوە تیرۆریستان سوودیان لە بۆشایی ئەمنی بینیوە لەنێوان هێزەكانی پێشمەرگە و هێزەكانی عێراق، ئێمە وەك لیژنەی كاروباری پێشمەرگە چەندین جار باسی مەترسی بۆشایی ئەمنی مان كردووە بە تایبەت لە كۆبوونەوەكانمان لەگەڵ هێزی هاوپەیمانان و ئاراستەی لایەنی پەیوەندیدارمان كردووە، بەڵام بەداخەوە تا ئێستا چارەسەر نەكراوە، ئەمەش بووەتە هۆكار كە تیرۆریستان دەرفەتیان بوو برەخسێت بۆ هێرش كردنە سەر هێزەكانی پێشمەرگە، بۆیە داواكارین لە هێزی هاوپەیمانان و هێزەكانی عێراقی كە زیاتر هاوكاری هێزەكانی پێشمەرگە بن بۆ پاراستنی سنووورەكان. وەك لیژنەی پێشمەرگە لەماوەی رابردوو بەدواداچوونی مەیدانیمان كردووە لە میحوەرەكانی هێزەكانی پێشمەرگە لەسەر كەمی ئیمكانیاتی هێزەكانی پێشمەرگە، هەموو داواكارییەكانیان لە كەل و پەل و چەكی پێویستی سەربازی و بەهێزكردنی سەنگەرەكانیان و شێوازی دەوام كردن و باری گوزەرانی ژیانیان ، ئاراستەی لایەنی پەیوەندیدار كردووە. وەك لیژنەی كاروباری پێشمەرگە لە پەرلەمانی كوردستان دەستخۆشی لە هێزەكانی پێشمەرگە دەكەین كە سەرەرای شەونخونی و ئەنجامدانی ئەركە سەختەكانیان، هەروەها ئەركی شانیان لەگەل تیمەكانی تری بەرەنگاربوونەوەی ڤایڕۆسی كۆڕۆنا لەهەرێم ئەنجام دەدەن. هەروەها دەستخۆشی لە هێزەكانی ئاسایش و پولیس و سەرجەم پزیشك و كارمەدانی تەندروستی دەكەین كە لەم دۆخە سەختەدا پێشمەرگە ئاسا خۆیان خستووەتە مەترسییەوە بۆ پاراستنی خەڵك لەم نەخۆشییە و سوپاسی رێكارە ئەمنی و تەندروستییەكانی حكومەتی هەرێمی كوردستان دەكەین بۆ بەرەنگاربوونەوەی ئەم ڤایرۆسە.

لێژنەی پێشمەرگە لە پەرلەمانی كوردستان

٨/٤/٢٠٢٠

کوردستان

هەولێر، سێ‌ كەس بە تۆمەتی دزینی ئۆتۆمبێل دەستگیركران


خەڵك- بەشی هەواڵ

بەڕێوەبەرایەتی پۆلیسی هەولێر، دەستگیركردنی سێ‌ كەس بە تۆمەتی دزینی ئۆتۆمبێل و كێبڵی كارەبای دوو كۆمپانیا، ڕادەگەیەنێت.

بەپێی ڕاگەیەراندراوێك كە ئەمڕۆ هەینی لەلایەن بەڕێوەبەرایەتی پۆلیسی هەولێرەوە بڵاوكرایەوە‎ ‎ هێزەكانی پۆلیسی پارێزگای هەولێر، دوای كۆكردنەوەی زانیاری و لێكۆڵینەوەی ورد، درەنگانی شەو توانییان ناسنامەی سێ تۆمەتبار بە ناوەكانی (ا.ق.ف) و (م.ع.ت) و (س.س.هـ) یاشكرا بكەن”.

هەر لە ڕاگەیەندراوەكەی پۆلیسی هەولێردا هاتووە”ئەو سێ‌ تۆمەتبارە ئۆتۆمبێلێكی جۆری (بیك اب) و (دوو تەن) و كێبڵی كارەبایان لە دوو كۆمپانیا دزیبوو”.

پۆلیسی هەولێر دەڵێت”تۆمەتباران دانیان نا بە تاوانەكەیاندا، بۆیە بە پیێ ماددە (444) لە یاسای سزادان، بەند كران و درانە دادگا”.

 

بەردەوام بە لە خوێندنەوە

کوردستان

شارەزوور، شۆفێری دەڕاسەیەك گیانی لەدەستدا


خەڵك- بەشی هەواڵ
بەڕێوەبەرایەتی هاتووچۆی سلێمانی ئاماژە بە گیانلەدەستدانی شوفێرێكی دەڕاسە دەكات لە قەزای شارەزوور و دەڵێت، ڕووداوەكە لەكاتی دروێنەدا ڕویداوە.

بەپێی ڕاگەیەندراوێك كە لەلایەن بەڕێوەبەرایەتی هاتووچۆی سلێمانییەوە بڵاوكرایەوە:”لە قەزای شارەزوورو لەكاتی دروێنەدا،‌ شوفیِرێكی دەڕاسە بەربووەتەوە بۆ بەردەم دەڕاسەكەی ‌و كەوتوەتە ناو جەنجەڕی دەڕاسەكەوە و بەو هۆیەوە گیانی لەدەستداوە”.

بەڕێوەبەرایەتی هاتووچۆی سلێمانی دەڵێت:”شۆفێرەكە‌ ناوی (ع.م) و ئەمرۆ هەینی 5ی حوزەیرانی 2020، لەكاتی دروێنەدا بەربوەتەوە و گیانی لەدەستداوە، لە دوای ڕووداوەكەش تەرمەكەی‌ ڕەوانەی‌ پزیشكی دادوەری كراوە”.

بەردەوام بە لە خوێندنەوە

کوردستان

105 كەس لە هەرێمی كوردستان تووشی كۆرۆنا بوون و دوانیش گیانیان لەدەستدا


خەڵك- بەشی هەواڵ
وەزارەتی تەندروستی هەرێمى كوردستان ئاماژە بە بەرەنجامی 24 كاتژمێری ڕابردوو دەكات و دەڵێت 105 كەسی تووشی كۆرۆنا بوون و 2 كەسیش گیانیانلەدەستدا.

بەپێی ڕاگەیەندراوێك كە ئەمڕۆ هەینی لەلایەن وەزارەتی تەندروستی هەرێمی كوردستانەوە بڵاوكرایەوە” دەرەنجامی 24 كاتژمێری ڕابردوو: (2) گیان لەدەستدان، و ( 105) تووشبووی نوێ تۆماركرا بەم شێوەیەی خوارەوە:

پارێزگای هەولێر (12) پۆزەتیڤ كە پیاو و (٤) ئافرەت و كچێكی گەنج و (2)منداڵ، ھەموویان بەركەوتووی تووشبووی پێشوون.

دانیشتووی گەڕەكەكانی كوێستان، ھەولێری نوێ، بەهار، فەرمانبەران، باداوەی شاری هەولێر، دوو تووشبوو دانیشتووی ناحیەی خەلیفان.
پارێزگای سلێمانی (٨٤) پۆزەتیڤ و (٢) گیان لەدەستدان: شاری سلێمانی (77) پۆزەتیڤ: 40) پیاو و (25) ئافرەت و (3) كچی گەنج و (3) كوڕی گەنچ و (6) منداڵ، بیست و یەك تووشبوو بەركەتووی تووشبووانی پێشوون و پەنجا و شەش تووشبووەكەی دیكە نیشانەیان هەیە، پێنج تووشبوو دانیشتووی قەزای چەمچاماڵ، پێنج تووشبوو دانیشتووی قەزای پێنجوین، یەك تووشبوو دانیشتووی كۆمەڵگەی باریكە سەر بە ناحیەی عەربەت، شەست و شەش تووشبوو دانیشتووی ناو شاری سلێمانین.

ئیدارەی گەرمیان (7) پۆزەتیڤ : 3 ئافرەت و (3) پیاو و كچێكی گەنج ، ھەموویان بەركەوتووی تووشبووانی پێشوون، دوو تووشبوو دانیشتووی گەڕەكی بنگرد لە قەزای كەلار، سێ تووشبوو دانیشتووی گەڕەكی شەھیدان قەزای كەلار، دوو تووشبوو دانیشتووی كوڵەجۆ قەزای كفری.

پارێزگای دهۆك (6) پۆزەتیڤ: (2 ) ئافرەت و (4) منداڵ ، یەك تووشبوو بەشداربووی داوەتەكەی نان خواردن بووە، تووشبووەكانی دیكە بەركەوتووی بەشداربوونی داوەتێكی نان خواردن بوونە، ھەموویان دانیشتووی شاری دھۆكن.

پارێزگای ‌هەڵەبجە (3) پۆزەتیڤ: پیاوێك و ئافرەتێك و منداڵێك ، پیاوەكە نیشانەی هەیە و ئافرەت و منداڵەكە بەركەوتووی هەمان تووشبووە،هەموویان دانیشتووی ناحیەی خۆرماڵن.

وەزارەتی تەندروستی هەرێمی كوردستان دەڵێت:”كۆی گشتی تووشبووان بە ڤایرۆسی كۆڕۆنای نوێ COVID-19 لە هەرێمی كوردستان 1015) تووشبوو، لەنێویاندا (18) مردن هەیە و (44) نەخۆش چاكبووەتەوە، وە ئێستا (555) نەخۆش لەژێر چاودێری پزیشكی دان، بۆ زانیاری زیاتر.

بەردەوام بە لە خوێندنەوە

کوردستان