ئێمە لە تۆرە کۆمەڵایەتیەکان

عێراق

ئەڵمانیا، مێردمنداڵێكی عیراقی بە چەقۆ كوژرا


خەڵك- بەشی هەواڵ
پۆلیسی ویلایەتی سكسۆنیای خوارو لە ئەڵمانیا ڕایدەگەیەنێت، مێرمنداڵێك كە تەمەنی پانزە ساڵانە بووە و لە شەقامەكانی شاری تسیلەی باكووری خۆرئاوای وڵات بە پایسكیل سوڕاوەتەوە، لەلایەن كەسێكەوە بەبێ‌ هیچ پاساواێك بە چەقۆ هێرشكراوەتەسەری و كوژراوە.

ئەمڕۆ چوار شەممە پۆلیسی ئەڵمانیا لە بەیاننامەیەكدا ڕایگەیاند”سەرلەئێوارەی دوێنێ‌ سێ‌ شەممە، مێرمنداڵێك لە نزیك وێستگەی شەمەندۆفێر بە پایسكیل سوڕاوەتەوە و پیاوێكی تەمەن 29 ساڵان هێرشی كردۆتەسەر”.

پۆلیس دەڵێت هێرشەكە بە چەقۆ بووە و مێرمنداڵەكەش كە عیراقیە و دانیشتووی تسیلەیە، لە نەخۆشخانە بەهۆی سەختی برینەكەیەوە گیانی لەدەستداوە.

بەگوێرەی هەواڵ، ئەوانەی لە ڕووداوەكەوە نزیكبوون، توانیويانە گومانلێكراوەكە دەستگیربكەن و ڕادەستی پۆلیسی بكەن، بڕیاریشە ئەمڕۆ چوار شەممە ڕاپێچی بەردەم دادوەری لێكۆڵینەوە بكرێت.

وتەبێژی پۆلیس ڕایگەیاند، ئەوانەی ڕووداوەكەیان بە چاوی خۆیان بینیوە دەڵێن، هێرشبەرەكە كە تەنیا وەك هاووڵاتییەكی ئەڵمانی ناسێنراوە، لەبەردەم یەكێك لە تەلارەكانی ناوچەكەدا ڕاوەستابوو بەر لەوەی بەبێ‌ پاساو دەستدرێژییەكە ئەنجام بدات.

وتەبێژی پۆلیس ئاماژەی بە شڵەژانی گومانلێكراوەكەشكرد لەكانی دەستگیركردنیدا.

 

عێراق

هەواڵی تووشبوونی عەدنان درجال بە ڤایرۆسی كۆرۆنا ڕەتكرایەوە


خەڵك – بەشی هەواڵ

وەزارەتی وەرزش و لاوانی عیراق تووشبوونی وەزیرەكەیانی بە ڤایرۆسی كۆرۆنا ڕەتكردەوە.

مۆفەق عەبدولوەهاب بەڕێوەبەری ڕاگەیاندنی وەزارەتی وەرزش و لاوانی عیراق لە ڕاگەیەنراوێكدا ڕایگەیاند: عەدنان درجال وەزیری وەرزش و لاوان تەندروستی باشە و ئەو هەواڵانەش بە هیچ شێوەیەك ڕاست نین كە سەبارەت بە تووشبوونی بە ڤایرۆسی كۆرۆنا بڵاوكراونەتەوە.

بەڕێوەبەری ڕاگەیاندنی وەزارەتی وەرزش و لاوانی عیراق ڕوونیشیكردەوە، عەدنان درجال دوو جار پشكنینی وردی لە هەولێر و بەغدا ئەنجامداوە و ئەنجامەكانیشی نێگەتیڤ بوون.

پێشتر، ماڵپەڕی شەفەق نیوز لە زاری سەرچاوەیەكی پزیشكیی عیراقییەوە بڵاویكردبووەوە: ئەنجامی پشكنینەكانی عەدنان درجال وەزیری وەرزش و لاوانی عیراق دەریخستووە كە تووشی ڤایرۆسی كۆرۆنا بووە.

ئەمەش لەكاتێكدایە، كۆتایی هەفتەی ڕابردوو لە سەردانەكەیدا بۆ هەولێر دوای وەرگرتنی سامپڵ لە دەستەی پاسەوانەكانی ڕاگەیەندرا كە دوو پاسەوانی بە گومانی تووشبوونیان بە كۆرۆنا گەڕێنراونەتەوە بۆ بەغدا، دواتر سەردانی موسڵی كرد و لەگەڵ لێپرسراوانی ئەو شارەش كۆبووەوە.

بەردەوام بە لە خوێندنەوە

عێراق

وەزیرێكی عیراقی تووشی ڤایرۆسی كۆرۆنا بوو


خەڵك – بەشی هەواڵ

سەرچاوە پزیشكییە عیراقییەكان ئاشكرایانكرد، وەزیری وەرزش و لاوانی حكومەتی عیراق تووشی ڤایرۆسی كۆرۆنا بووە.

ماڵپەڕی شەفەق نیوز لە زاری سەرچاوەیەكی پزیشكیی عیراقییەوە بڵاویكردەوە: ئەنجامی پشكنینەكانی عەدنان درجال وەزیری وەرزش و لاوانی عیراق دەریخستووە كە تووشی ڤایرۆسی كۆرۆنا بووە.

ئەمەش لەكاتێكدایە، كۆتایی هەفتەی ڕابردوو لە سەردانەكەیدا بۆ هەولێر دوای وەرگرتنی سامپڵ لە دەستەی پاسەوانەكانی ڕاگەیەندرا كە دوو پاسەوانی بە گومانی تووشبوونیان بە كۆرۆنا گەڕێنراونەتەوە بۆ بەغدا، دواتر سەردانی موسڵی كرد و لەگەڵ لێپرسراوانی ئەو شارەش كۆبووەوە.

بەردەوام بە لە خوێندنەوە

عێراق

كازمی: مووچەی پلە باڵاكان كەمدەكرێتەوە


خەڵك – بەشی هەواڵ

سەرۆك وەزیرانی عیراق بڕیاریدا، چارەسەری دوو مووچەیی و بكرێت و مووچەی پلە باڵاكانیش كەمبكرێتەوە.

مستەفا كازمی سەرۆك وەزیرانی عیراق ئەمڕۆ شەممە 30/5/2020 سەرۆكایەتیی كۆبوونەوەی لیژنەی چاكسازیی ئابووریی كرد و بڕیاریدا چارەسەری دوو مووچەیی و بكرێت و مووچەی پلە باڵاكانیش كەمبكرێتەوە.

لە كۆبوونەوەكەدا مستەفا كازمی داوای كرد چەند ڕێكارێك بۆ چارەسەركردنی قەیرانی دارایی بگیرێتەبەر كە دیارترینیان كەمكردنەوەی مووچەی پلەباڵاكانی دامودەزگاكانی حكومەتە.

هەروەها، سەرۆك وەزیرانی عیراق بڕیاریدا، بەپێی بنەمای بەدیهێنانی دادوەریی كۆمەڵایەتی چارەسەری دوو مووچەیی و مووچەی ئەو خانەنشینانە بكرێت كە لە دەرەوەی وڵات نیشتەجێن.

بەردەوام بە لە خوێندنەوە

کوردستان