ئێمە لە تۆرە کۆمەڵایەتیەکان

عێراق

بە جەنگاوەر وەسفیان دەكات
سیستانی پەیامێك بۆ كارمەندانی تەندروستی دەنێرێت


خەڵك- بەشی هەواڵ
مەرجەعی باڵای ئاینی عیراق، پەیامێك بۆ كارمەندانی تەندروستی لە پزیشك و پەرستار و كارمەندانی تری تەندروستی دەنێرێت و بە جەنگاوەر وەسفیان دەكات.

ئەمڕۆ چوار شەممە، عەبدولمەهدی كەربەلائی نوێنەری عەلی سیستانی مەرجەعبی باڵای ئاینی لە عیراق، لە پەیامێكی دەنگیدا كە لەسەر تۆڕە كۆمەڵایەتییەكان بڵاوكرایەوە ڕایگەیاند”سەماحەتی ئایەتوڵڵا عەلی سیستانی ستایشی كار و دڵسۆزی كارمەندانی تەندروستی دەكات كە ژیانی خۆیان خستۆتە مەترسییەوە، لەپێناو پاراستنی گیانی هاووڵاتیان و چارەسەركردنی تووشبوان بە ڤایرۆسی كۆرۆنا”.

نوێنەرەكەی سیستانی لە پەیامە دەنگییەكەیدا دەڵێت”مەرجەعیەتی باڵای ئاینی، كار و دڵسۆزی كارمەندانی تەتدروستی، هاوتای ئەو جەنگاوەرانە دەكات كە سنگی خۆیان دەنێن بەبەر گوللـەی دوژمنەوە، بۆ پاراستنی خاك و نیشتمان و گەل”.

عەبدولمەهدی كەربەلائی لە زاری سیستانییەوە ڕایگەیاند”كارمەندانی تەندروستی لەبەرانبەر ئەو كار و خزمەتگوزارییە مەزدانەی پێشكەشی دەكەن بە خەڵك، خودا لەم دنیا و لە قیامەتیشدا پاداشتییان دەداتەوە”.

عێراق

سەركردەیەكی داعش لە بەغدا دەستگیر كرا


خەڵك-بەشی هەواڵ

 

وەزارەتی ناوخۆی عیراق ڕایدەگەیەنێت، لە بەغدا سەركردەیەكی داعشیان دەستگیر كردووە كە هەوڵی ئەنجامدانی تەقینەوەی داوە.

وەزارەتی ناوخۆی عیراق لە ڕاگەیەنراوێكدا ئاماژە بۆ ئەوە دەكات، هێزەكانی بەڕێوەبەرایەتی دەزگای هەواڵگریی و بەرەنگاربونەوەی تیرۆر لە بەغدا سەركردەیەكی داعشیان دەستگیركرد كە هەوڵی تەقاندنەوەی دوو بۆمبی چێنراوی دەدا بۆ ئەنجامدانی كردەیەكی تیرۆریستی لە باشووری بەغدا، بەڵام هێزە ئەمنییەكان پوچەڵیان كردووەتەوە.

ئاشكراشیكرد، تیرۆریستەكە لەمیانی ئۆپەراسیۆنی كۆنتڕۆڵكردنەوەی موسڵ بریندار بووە و سێ برای هەبووە كە سەرجەمیان لە موسڵ خۆیان تەقاندوەتەوە و جگە لەوەش باوكی ئۆتۆمبێلێكی بۆمبڕێژكراوی لە ناوچەی عەرەب جبور باشوری بەغدا تەقاندوەتەوە.

بەردەوام بە لە خوێندنەوە

عێراق

هێرشی داعش بۆسەر هێزەكانی پۆلیسی عیراق، كوژراو و برینداری لێكەوتەوە


خەڵك-بەشی هەواڵ

 

چەكدارانی داعش هیرشیان كردەسەر هێزە عیراقییەكان و بەهۆی هێرشەكەشەوە كوژراو و بریندار هەیە.

میدیا عیراقییەكان بڵاویانكردەوە، چەكدارەكانی داعش پەلاماری هێزەكانی پۆلیسی عیراقیان لە ناوچەی سەعیویەی سەربە ناحیەی موعتەسەمی باشوری سەڵاحەدین داوە.

بەپێی زانیارییەكان، بەهۆی پەلامارەكەوە پۆلیسێك كوژراوە و پێنجی تریش برینداربوون.

ئەمەش لەكاتێكدایە، ناوە ناوە چەكدارانی داعش هێرش و پەلامارەكانیان بۆسەر هێزە عیراقییەكان لەلایەك و هێزەكانی پێشمەرگە لەلایەكی دیكە ئەنجام دەدەن و زۆرجاریش هاووڵاتیانی سڤیل خۆیان و ماڵ و سامانەكەیان دەبنە قوربانی.

بەردەوام بە لە خوێندنەوە

عێراق

هەواڵی تووشبوونی عەدنان درجال بە ڤایرۆسی كۆرۆنا ڕەتكرایەوە


خەڵك – بەشی هەواڵ

وەزارەتی وەرزش و لاوانی عیراق تووشبوونی وەزیرەكەیانی بە ڤایرۆسی كۆرۆنا ڕەتكردەوە.

مۆفەق عەبدولوەهاب بەڕێوەبەری ڕاگەیاندنی وەزارەتی وەرزش و لاوانی عیراق لە ڕاگەیەنراوێكدا ڕایگەیاند: عەدنان درجال وەزیری وەرزش و لاوان تەندروستی باشە و ئەو هەواڵانەش بە هیچ شێوەیەك ڕاست نین كە سەبارەت بە تووشبوونی بە ڤایرۆسی كۆرۆنا بڵاوكراونەتەوە.

بەڕێوەبەری ڕاگەیاندنی وەزارەتی وەرزش و لاوانی عیراق ڕوونیشیكردەوە، عەدنان درجال دوو جار پشكنینی وردی لە هەولێر و بەغدا ئەنجامداوە و ئەنجامەكانیشی نێگەتیڤ بوون.

پێشتر، ماڵپەڕی شەفەق نیوز لە زاری سەرچاوەیەكی پزیشكیی عیراقییەوە بڵاویكردبووەوە: ئەنجامی پشكنینەكانی عەدنان درجال وەزیری وەرزش و لاوانی عیراق دەریخستووە كە تووشی ڤایرۆسی كۆرۆنا بووە.

ئەمەش لەكاتێكدایە، كۆتایی هەفتەی ڕابردوو لە سەردانەكەیدا بۆ هەولێر دوای وەرگرتنی سامپڵ لە دەستەی پاسەوانەكانی ڕاگەیەندرا كە دوو پاسەوانی بە گومانی تووشبوونیان بە كۆرۆنا گەڕێنراونەتەوە بۆ بەغدا، دواتر سەردانی موسڵی كرد و لەگەڵ لێپرسراوانی ئەو شارەش كۆبووەوە.

بەردەوام بە لە خوێندنەوە

کوردستان