ئێمە لە تۆرە کۆمەڵایەتیەکان

عێراق

ڕاپۆرتێكی ئەمریكی: سیستانی و سەدر چاوپێكەوتنی قائانییان ڕەتكردەوە

خەڵك – بەشی هەواڵ
بە پێی ڕاپۆرتی ماڵپەڕێكی ئەمریكی گەورە مەرجەعی شیعەكان و سەرۆكی ڕەوتی سەدر كۆبوونەوەیان لەگەڵ ئیسماعیل قائانی فەرماندەی نوێی فەیلەقی قودس ڕەتكردووەتەوە و نووسیوێتی “عەرەبی نازانێت و كاریزماشی نییە”.

ماڵپەڕی ئەلمۆنیتۆری ئەمریكی لە ڕاپۆرتێكدا باس لە بێئەنجامیی سەردانەكەی ئیسماعیل قائانی فەرماندەی فەیلەقی قودسی سوپاسی پاسداران بۆ عیراق دەكات.

ماڵپەڕەكە ڕوونیكردووەتەوە كە عەلی سیستانی گەورە مەرجەعی شیعەكان ئامادە نەبووە قائانی ببینێت و موقتەدا سەدر سەرۆكی ڕەوتی سەدریش كە بڕیاربوو لە نەجەف لەگەڵ فەرماندەی فەیلەقی قودس كۆببێتەوە، بە نامەیەك كە لە ڕێی ئەبو دوعا عیساوی ڕاوێژكاری سەربازییەەوە ئاڕاستەی كردووە، دیدارەكەی ڕەتكردووەتەوە و نووسیوێتی: “نابێت دەستوەردانی بێگانە لە كاروباری ناوخۆی عیراقدا هەبێت”.

جگە لەو دوو كەسایەتییە دیارەی شیعەكان، قائانی لە میانی سەردانەكەی هەفتەی ڕابردوویدا بۆ عیراق چاویشی بە سەركردەكانی كورد و سوننە نەكەوتووە، بە پێچەوانەی قاسم سولەیمانی فەرماندەی پێشووی فەیلەقی قودسەوە كە لە سەردانەكانیدا بۆ عیراق دەیتوانی بە ئاسانی لەگەڵ سەركردەی سەرجەم پێكهاتەكاندا كۆببێتەوە و پەیوەندییەكی باشی لەگەڵ زۆربەیاندا هەبوو.

لە ڕاپۆرتی ماڵپەڕە ئەمریكییەكەدا ئەوە خراوەتەڕوو كە ئیسماعیل قائانی عەرەبی نازانێت و كاریزماشی نییە، ئەمەش دووان لەو خەسڵەتە دیارانە بوون كە قاسم سولەیمانییان پێ دەناسرانەوە.

عێراق

لە ناسریە هێرشكرایەسەر چالاكێكی مەدەنی

خەڵك- بەشی هەواڵ
ئەمڕۆ یەك شەممە چەكداری نەناسراو لە شاری ناسریە لە پارێزگای زیقار لە گەڕەكی شەهیدان هێرشیانكردەسەر چالاكێكی مەدەنی.

سەرچاوەیەك بە ئاژانسەكانی عێراقی وت: چەكدارەكان تەقەیان لە ئۆتۆمبێلی چالاكە مەدەنییەكە كردووە لە سەر رێگای خێرای ناسریە.
لە روداوەكەدا چالاكە مەدەنییەكە سەلامەت دەرچووە.

لە دوای خۆپیشاندانەكانی عێراق ماوە ماوە چالاكانی مەدەنی و رێكخەرانی خۆپیشاندانەكان و كەسایەتییە سەربەخۆكان دەكرێنە، میلیشیا چەكدارەكانی سەر بە ئێرانیش تۆمەتبار دەكرێن.

بەردەوام بە لە خوێندنەوە

عێراق

ئەمڕۆ پەڕلەمانی عیراق كۆدەبێتەوە

خەڵك-بەشی هەواڵ

دەستەی سەرۆكایەتی پەڕلەمانی عیراق ئاشكرایدەكات، ئەمڕۆ یەك شەممە پەڕلەمان كۆدەبێتەوە و بەپێی بەرنامەی كاری كۆبوونەوەكەش بێت، هیچ بڕگەیەك بۆ دەنگدان لەسەر بازنەكانی هەڵبژاردن نییە.

دەستەی سەرۆكایەتیی پەڕلەمانی عیراق لە ڕاگەیەنراوێكدا ئاماژە بۆ ئەوە دەكات، دانیشتنی ئەمڕۆ یەك شەممە كاتژمێر 12ی نیوەڕۆ دەست پێدەكات و دانیشتنەكە لە شەش بڕگە پێكهاتووە كە تیایدا دەنگ لەسەر چەند پڕۆژەیاسایەك دەدرێت و خوێندنەوەی دووەم و دەنگدانیش بۆ ژمارەیەكی دیكە دەكرێت.

بەپێی كارنامەكەش بێت، هیچ بڕگەیەكی تێدا نییە كە تایبەت بێت بە دەنگدان لەسەر یاسای هەڵبژاردنی نوێ و بازنەكانی هەڵبژاردن كە مشتومڕێكی زۆری لەنێوان لایەنە سیاسیەكانی عیراقدا ناوەتەوە.

بەردەوام بە لە خوێندنەوە

عێراق

“مالیكی و عامری بیانەوێت حكومەتەكەی كازمی بڕوخێنن پێویستیان بە كودەتا نییە”

خەڵك – بەشی هەواڵ

حزبی دەعوە ڕەتیدەكاتەوە كە هەریەك لە نوری مالیكی و هادی عامری بەنیازی كودەتای سەربازی بن بۆ ڕووخانی حكومەتەكەی مستەفا كازمی.

ڕۆژنامەی ئەلعەرەبی لەندەنی لەژمارەی ئەمڕۆیدا بڵاویكردبووەوە، لەلایەن هەریەك لە نوری مالیكی سەرۆكی هاوپەیمانی دەوڵەتی یاسا و هادی عامری سەرۆكی هاوپەیمانی فەتحەوە جموجۆلێكی سەربازی هەیە بۆ كۆتایی هێنان بە ‌حكومەتەكەی مستەفا كازمی.

لای خۆیەوە، عەدنان ئەسەدی سەركردە لە حزبی دەعوە لە جریوەیەكدا لە تۆڕی كۆمەڵایەتی تویتەر ئەو تۆمەتانەی ڕۆژنامەكە ڕەتدەكاتەوە و ڕایدەگەیەنێت:”ئەگەر ئەو دوو كەسە بیانەوێت كۆتایی بەهەر حكومەتێك بهێنن كە خزمەت بە گەلی عیراق نەكات ئەوا پێویستان بە كودەتای سەربازی نییە، بەڵكو ئەنجومەنی نوێنەران و ڕێوشوێنە دەستورییەكان هەیە”.

ئەسەدی ئاماژە بەوەشكردووە، هەموو ئەو دەنگۆیانەی باس لە كودەتا دەكەن دوورن‌ لە ڕاستییەوە.

بەردەوام بە لە خوێندنەوە

کوردستان