ئێمە لە تۆرە کۆمەڵایەتیەکان

عێراق

ئەو هاووڵاتییانەی لە دەرەوە گیریانخواردووە 3 هەزار دۆلاریان بۆ خەرج دەكرێت


خەڵك – بەشی هەواڵ
وەزارەتی دەرەوەی عیراق بڕیاری خەرجكردنی 3 هەزار دۆلاری دا بۆ هەر هاووڵاتییەك كە لە دەرەوەی وڵات گیریانخواردووە.

ئەمڕۆ دوو شەممە ئەحمەد سەحاف وتەبێژی وەزارەتی دەرەوەی عیراق ڕایگەیاند بڕی 3 هەزار دۆلار بۆ هەر هاووڵاتییەكی عیراقی خەرج دەكەن كە لە دەرەوەی وڵات گیریخواردووە.

سەحاف داوای لە كەسوكاری ئەو كەسانە كرد كە لە دەرەوەی وڵات گیریانخواردووە، سەردانی باڵەخانەی وەزارەتی دەرەوە بكەن بۆ تەواوكردنی ڕێوشوێنەكان.

وتیشی: “پارەكە لە ڕێی باڵیۆزخانەكانی عیراقەوە دەگەیەندرێت و باڵیۆزخانە و نوێنەرایەتییەكانیش لە دەرەوە ماڵی عیراقییەكانن”.

وتەبێژی وەزارەتی دەرەوەی عیراق ڕوونیشیكردەوە كە باڵیۆزخانە و نوێنەرایەتییەكانیان، خۆراكیش دەگەیەننە سەدان هاووڵاتی كە لە دەرەوەی وڵات ماونەتەوە و گیریانخواردووە.

مانگی ڕابردوو عیراق بڕیاری دا وەك ڕێوشوێنێکی خۆپارێزی بۆ ڕێگرتن لە تەشەنەکردنی ڤایرۆسی کۆرۆنا فڕۆکەخانەکانی دابخات و بەو هۆیەشەوە سەدان کەس لە دەرەوەی وڵات نەیانتوانی بەگەڕێنەوە بۆ عیراق و هەرێمی کوردستان.

عێراق

لە عیراق و هەرێمی كوردستان زیاتر لە هەزار كەس تووشی كۆرۆنا بوون


خەڵك- بەشی هەواڵ
وەزارەتی تەندروستی عیراق 1006حاڵەتی توشبوونی نوێ‌ بە ڤایرۆسی كۆرۆنا لەعیراقدا ڕادەگەیەنێت و ئاماژە بە گیانلەدەستدانی 14 كەسیش دەكات بەهۆی ڤایرۆسەكەوە.

بەپێی بەیاننامەیەك كە ئەمڕۆ هەینی لەلایەن وەزارەتی تەندروستی عیراقەوە بڵاوكرایەوە” لەماوەی 24 كاتژمێری ڕابردوودا 1006 حاڵەتی توشبوونی نوێ‌ لە تێكڕای پارێزگەكانی عیراقدا تۆماركران و 15 كەسیش بەهۆی ڤایرۆسەكەوە گیانیانلەدەستداوە”.

بەپێی ئامارەكان”بەغدا زۆرترین ژمارەی تووشبوانی تۆماركردووە و زۆربەی حاڵەتەكانیش لە بەری ڕەسافە بوون كە تەنیا لە ماوەی 24 كاتژمێری ڕابردوودا 233 حاڵەتی تۆماركردووە”.

لە بەیاننامەكەی وەزارەتی تەندروستی عیراقدا هاتووە،” تۆماركردنی حاڵەتەكانی توشبوون بە كۆرۆنا بەسەر زۆرێك لە پارێزگەكاندا دابەشبوون كە بەمشێوەیەن: بەغدا، ڕەسافە: 274 حاڵەت، مەدینە توب: 115 حاڵەت، بەغدا كەرخ: 139 حاڵەت،، بەسرە: 96 حاڵەت، نەجەف: 21 حاڵەت، سلێمانی: 87 حاڵەت، هەولێر: 12 حاڵەت، كەركوك: 28 حاڵەت، كەربەلا: 31 حاڵەت، واست: 42 حاڵەت، دیالە: 3 حاڵەت، بابل: 48 حاڵەت، میسان: 11 حاڵەت، دیوانیە: 24 حاڵەت، زیقار: 50 حاڵەت، موسەننا: 13 حاڵەت، نەینەوا: 1 حاڵەت، سەڵاحەدین: 5 حاڵەت”.

هەر لە بەیاننامەكەدا وەزارەتی تەندروستی عیراق، ئاماژەی بە تۆماركردنی 235 حاڵەتی چاكبوونەوەش كراوە كە لەماوەی 24 كاتژمێری ڕابردوودا نەخۆشخانەكانیان بەجێهێشتووە و گەڕونەتەوە ماڵەكانیان.

وەزارەتی تەندروستی عیراق دەڵێت”كۆی گشتی ژمارەی تووشبوان بە ڤایرۆسی كۆرۆنا لە وڵاتدا گەیشتۆتە 9848 كەس و لەو ژمارەیەش 285 كەس گیانیانلەدەستداوە و 4573 كەس نەخۆشییەكەیان پەڕاندووە و چاكبوونەتەوە، ئەوانەش كە تائێستا لە نەخۆشخانەن و چارەسەرییان بۆ دەكرێت 4988 كەسن كە 63 حاڵەتیان باری تەندروستییان ناجێگیرە”.

بەردەوام بە لە خوێندنەوە

عێراق

لەدانیشتنەكەی سبەینێدا كابینە وەزارییەكەی مستەفاكازمی تەواو دەكرێت


خەڵك – بەشی هەواڵ

ئەندامێكی پەڕلەمانی عیراق لە لیژنەی پەروەردە ڕایدەگەیەنێت، لە دانیشتنی سبەینێدا دەنگ لەسەر كاندیدی وەزارەتە بەتاڵەكانی كابینەكەی كازمی بدرێت ، دەشڵێت،”بەر لە ئەنجامدانی دانیشتنەكە سەرۆكی فراكسیۆنەكان لەگەڵ لیژنەی یاسایی پەڕلەمان كۆدەبنەوە”.

توعمە لەهیبی، ئەندامی لیژنەی پەروەردە لە پەڕلەمانی عیراق بۆ میدیا عیراقییەكان ڕایگەیاندووە ، سبەی شەممە 6-6-2020 دانیشتنی پەڕلەمان ئەنجام دەدرێت و باس لەوەش دەكرێت دەنگ بە تەواوكاری كابینە وەزارییەكەی مستەفا كازمی بدرێت.

ڕاشیگەیاندووە، سەبارەت بە یاسای هەڵبژاردنەكان بەر لە ئەنجامدانی دانیشتنەكە سەرۆكی فراكسیۆنەكان لەگەڵ لیژنەی یاسایی پەرلەمان كۆدەبنەوە.

ئەمە لەكاتێكدایە، دوێنێ نوسینگەی محەمەد حەلبوسی، سەرۆكی پەڕلەمانی عێراق راگەیەندراوێكی بڵاوكردەوە و ئاماژەی بەوە كرد، كە سەرۆكایەتی پەڕلەمان ناوی كاندیدانی وەزارەتە بەتاڵەكانی كابینەكەی مستەفا كازمییان بەدەست گەیشتووە بۆ ئەوەی لە پەڕلەمان بخرێتە دەنگدانەوە.

بەردەوام بە لە خوێندنەوە

عێراق

15 كەسیش گیانیانلەدەستدا
سەدان حاڵەتی تووشبوونی نوێ‌ بە كۆرۆنا لە عیراق و هەرێم تۆماركران


خەڵك- بەشی هەواڵ
وەزارەتی تەندروستی عیراق 672 حاڵەتی توشبوونی نوێ‌ بە ڤایرۆسی كۆرۆنا لەعیراقدا ڕادەگەیەنێت و ئاماژە بە گیانلەدەستدانی 15 كەسیش دەكات بەهۆی ڤایرۆسەكەوە.

بەپێی بەیاننامەیەك كە لەلایەن وەزارەتی تەندروستی عیراقەوە بڵاوكرایەوە” لەماوەی 24 كاتژمێری ڕابردوودا 672 حاڵەتی توشبوونی نوێ‌ لە تێكڕای پارێزگەكانی عیراقدا تۆماركران و 15 كەسیش بەهۆی ڤایرۆسەكەوە گیانیانلەدەستداوە”.

بەپێی ئامارەكان”بەغدا زۆرترین ژمارەی تووشبوانی تۆماركردووە و زۆربەی حاڵەتەكانیش لە بەری ڕەسافە بوون كە تەنیا لە ماوەی 24 كاتژمێری ڕابردوودا 233 حاڵەتی تۆماركردووە”.

لە بەیاننامەكەی وەزارەتی تەندروستی عیراقدا هاتووە،” تۆماركردنی حاڵەتەكانی توشبوون بە كۆرۆنا بەسەر زۆرێك لە پارێزگەكاندا دابەشبوون كە بەمشێوەیەن: بەغدا، ڕەسافە: 233 حاڵەت، مەدینە توب: 70 حاڵەت، بەغدا كەرخ: 60 حاڵەت،، بەسرە: 28 حاڵەت، نەجەف: 18 حاڵەت، سلێمانی: 57 حاڵەت، هەولێر: 4 حاڵەت، كەركوك: 11 حاڵەت، كەربەلا: 50 حاڵەت، واست: 31 حاڵەت، دیالە: 10 حاڵەت، بابل: 18 حاڵەت، میسان: 35 حاڵەت، دیوانیە: 6 حاڵەت، زیقار: 13 حاڵەت، موسەننا: 19 حاڵەت، ئەنبار: 1 حاڵەت، سەڵاحەدین: 2 حاڵەت”.

هەر لە بەیاننامەكەدا وەزارەتی تەندروستی عیراق، ئاماژەی بە تۆماركردنی 243 حاڵەتی چاكبوونەوەش كراوە كە لەماوەی 24 كاتژمێری ڕابردوودا نەخۆشخانەكانیان بەجێهێشتووە و گەڕونەتەوە ماڵەكانیان.

وەزارەتی تەندروستی عیراق دەڵێت”كۆی گشتی ژمارەی تووشبوان بە ڤایرۆسی كۆرۆنا لە وڵاتدا گەیشتۆتە 8840 كەس و لەو ژمارەیەش 271 كەس گیانیانلەدەستداوە و 4338 كەس نەخۆشییەكەیان پەڕاندووە و چاكبوونەتەوە، ئەوانەش كە تائێستا لە نەخۆشخانەن و چارەسەرییان بۆ دەكرێت 4231 كەسن كە 50 حاڵەتیان باری تەندروستییان ناجێگیرە”.

بەردەوام بە لە خوێندنەوە

کوردستان