ئێمە لە تۆرە کۆمەڵایەتیەکان

جیهان

ئەم هەفتەیە 11ی سێپتێمبەر لە ئەمریكا دووبارە دەبێتەوە

خەڵك-بەشی هەواڵ

ئەم هەفتەیە قورسترین و هەسیارترین هەفتە بۆ ئەمریكا، لەكاتێكدا ژمارەی گیان لەدەستدانەكان بەهۆی ڤایرۆسی كۆرۆنا لە نیویۆرك و میشیگن و لویزیانا زیاد دەكات.

ئاژانسی ڕۆیتەزر بڵاویكردەوە، ئاندرو كومۆ فەرمانڕەوای نیویۆرك ڕایگەیاند، لە ماوەی 24 كاتژمێری ڕابردوودا ئەو كەسانەی ڕەوانەی نەخۆشخانەكان كراون لە سەدا 50 كەمتر بوون بەبەراورد لەگەڵ ڕۆژی ڕابردوودا، بەڵام هۆشیاریدا لەسەر ئەوەی هێشتا ڕوون نیە كە ئایا قەیرانەكە هێشتا گەیشتووەتە لوتكە یاخود نا.

لەلایەكیتریشەوە، جیرۆم ئادامس پزیشكی نەشتەرگەری گشتی ئەمەریكا بە كەناڵی فۆكس نیوزی ڕاگەیاند، كاتە قورسەكان هێشتا لەبەردەمماندان و ئەگەر هەمووان بۆ ماوەی 30ڕۆژی داهاتوو پابەندبین بە ڕێنماییەكانەوە ئەوا هیوایەك دەبێت بۆ سەركەوتن.

وتیشی”لەڕاستیدا ئەم هەفتەیە قورسترین و خەمناكترین هەفتە دەبێت بۆ ئەمەریكیەكان، ئەمە وەكو پیرڵ هاربەر دەبێت، وەكو 11ی سێپتێمبەر دەبێت، جیاوازییەكە تەنها ئەوە دەبێت كە بەدیاریكراوی لە شوێنێك نابێت، بەڵكو لە سەرتاسەری وڵاتەكەدا دەبێت”.

جیهان

تووشبووانی كۆرۆنا لە جیهان لە 12 ملیۆن كەسی نزیك دەبێتەوە

خەڵك-بەشی هەواڵ

 

بە گوێرەی دواین ئامار، تووشبووانی ڤایرۆسی كۆرۆنا لە جیهاندا گەیشتە 11 ملیۆن و 957 هەزار و 477 حاڵەت.

بە گوێرەی ئامارە جیهانییەكان، تاكو كاتژمێر 10ی ئەمڕۆ چوار شەممە ژمارەی تووشبووانی كۆرۆنا لە جیهاندا گەیشتە 11 ملیۆن و 957 هەزار و 477 حاڵەت، لەو ژمارەیەش پێنج سەد و 46 هەزار و 785 حاڵەتی گیانلەدەستدانیش هەبووە.

لەسەر ئاستی وڵاتانی جیهان، ئەمریكا زۆرترین ڕێژەی تووشبوون بە پەتاكەی تێدا تۆماركراوە و گەیشتووەتە سێ ملیۆن و 97 هەزار و 84 كەس و 133 هەزار و 972 كەسیش گیانیان لەدەستداوە.

ڤایرۆسی كۆرۆنا نەخۆشییەكی كوشندەیە و مانگی 12ی ساڵی ڕابردوو لەشاری وۆهانی وڵاتی چین سەریهەڵداو لەئێستاشدا لە زیاتر لە 210 وڵات و ناوچەی جیهان بڵاوبووەتەوە.

بەردەوام بە لە خوێندنەوە

ئابوری

نرخی نەوت لە بازاڕەكانی جیهان

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو كەمێك بەرز بووەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ چوار شەممە، 8ی‌ تەمووزی 2020 كەمێك بەرز بووەتەوە، بەشێوەیەك نرخی‌ نەوتی برێنت بە 42 دۆلار و 95 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 40 دۆلارو 47 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

جیهان

یۆنان 26 كۆچبەری نایاسایی گەڕاندەوە بۆ توركیا

خەڵك – بەشی هەواڵ
یۆنان 26 كۆچبەری گەڕاندەوە سنووری ئاوی توركیا كە ویستبوویان بە شێوەیەكی یاسایی بەرەو ئەوروپا كۆچ بكەن.

ئەمڕۆ چوار شەممە هێزەكانی پاسەوانی كەناراوەكانی توركیا 26 كۆچبەریان لە كەناراوەكانی پارێزگای ئیزمیر ڕزگاركرد.

كۆچبەرەكان لەسەر دوو بەلەم بوون و ویستوویانە بەرەو ئەوروپا بچن، بەڵام لەلایەن هێزەكانی پاراستنی كەناراوەكانی یۆنان ڕێگرییان لێكرا و گەڕێندرانەوە بۆ سنووری دەریایی توركیا.

كۆچبەرەكان ڕادەستی بەڕێوەبەرایەتی كۆچی ئیزمیر كران.

بەردەوام بە لە خوێندنەوە

کوردستان