ئێمە لە تۆرە کۆمەڵایەتیەکان

کوردستان

هەڤاڵ ئەبوبەكر پەیامێكی بۆ هاووڵاتیان بڵاوكردەوە


خەڵك- بەشی هەواڵ
پارێزگاری سلێمانی، كە هاوكات سەرۆكی لیژنەی باڵای ئۆپراسیۆنەكانی پارێزگای سلێمانیە بۆ بەرەنگاربوونەوەی كۆرۆنا پەیامێك ئاڕاستەی هاووڵاتیان دەكات و ڕایدەگەیەنێت، بەرنامەی پێویست و فریادڕەسی نوێمان وەك پارێزگای سلێمانی، پەرەپێدانی كەلتوری خۆپارێزیی و تاكپارێزییە.

د. هەڤاڵ ئەبوبەكر، پارێزگاری سلێمانی لە پەیامەكەیدا، كە وێنەی دراوە بە (خەڵك) ئاماژەی بەوەكردووە، پابەندبوونی ئێوە، ڕێگای دووری دەربازبوون لەم پەتایە، كورت دەكاتەوە و مەترسییەكانی سەر ژیانی هاووڵاتیان، بۆ دەرفەتەكانی ژیانەوە و بوژانەوە و ئاساییبوونەوەی بارودۆخەكان دەگۆڕێت.

دەقی پەیامەكە:
بەناوی لیژنەی باڵای ئۆپراسیۆنەكانی پارێزگای سلێمانی بۆ بەرەنگاربوونەوەی كۆرۆنا، سوپاسی خۆپارێزیی و پابەندیی و خۆڕاگریی و گیانی بەرپرسیارانەی هەموو هاونیشتمانیانی هۆشمەندو دانشمەندی پارێزگای سلێمانی و كوردستان و دامودەزگاكانی دەوڵەت و لایەنە سیاسییەكان و كەرتی تایبەتی نیشتمانیی و مێدیاكان و ڕێكخراوە ناوخۆیی و نێودەوڵەتییەكان دەكەین.

بەرنامەی پێویست و فریادڕەسی نوێمان وەك پارێزگای سلێمانی، پەرەپێدانی كەلتوری خۆپارێزیی و تاكپارێزییە، بەو مانایەی هەریەكێكمان ببینە پزیشكی خۆمان و لە هەر كات و دۆخ و شوێن و كارێكدا بین، هەركەسەمان لەسەر بنەمای (پاراستنی خۆم؛ پاراستنی هەموومانە، پاراستنی خۆت؛ پاراستنی هەموو جیهانە)، ڕەفتار بكەین.

بۆ ئەوەی ژیان ئاسایی بكەینەوە و ژینگەی كارو چالاكیی ڕۆژانە دەستپێبكاتەوە، وادەخوازێت، تاك بە هۆشیاریی و هەستیارییەوە، خۆی خۆی بپارێزێت، دەوروبەرو كۆمەڵگایش سەرزەنشت و لێپرسینەوە لەگەڵ هەركەسێكدا بكات، كە سەرپێچی و سەركەشی و بێباكی لە خۆپارێزیی خۆیدا دەكات و، رێگە نەدەین هیچ كەسێك بەبێ ڕێكارو رێنماییە تەندروستییەكان، بەبێ دەستكێش و دەمامك، گوزەر بكات، كار بكات.

دەبێت خۆمان لە دروستكردنی قەرەباڵغی و بەریەككەوتن و تێكەڵاوبوون، بپارێزین، بۆئەوەی خۆمان و مرۆڤایەتیش بپارێزین.

هەر لێرەوە، داوا لە هەموو لایەنە سیاسییەكانی هەرێمی كوردستان دەكەین، لەم پەیام و پلانە تەندروستییە مرۆییە نیشتمانییەدا پشتیوانمان بن و هانی ئەندام و لایەنگرو هەوادارو هەڵسوڕاوەكانیان بدەن بۆ (خۆپارێزیی و تاكپارێزیی)و پابەندبوونی تەواو بە ڕێنماییە تەندروستییەكانەوە.

پابەندبوونی ئێوە، ڕێگای دووری دەربازبوون لەم پەتایە، كورت دەكاتەوە و مەترسییەكانی سەر ژیانی هاووڵاتیان، بۆ دەرفەتەكانی ژیانەوە و بوژانەوە و ئاساییبوونەوەی بارودۆخەكان دەگۆڕێت.

بەهەمان شێوە داوا لە هەموو دەزگاو كەناڵەكانی ڕاگەیاندن دەكەین پشتیوانیی تەواوی ئەم پەیامی (خۆپارێزیی و تاكپارێزیی)یە بن، بۆئەوەی بە هەموومان ژیان لە مردن ڕزگار بكەین.

لە بەشداریی و پشتیوانیی هەمووتان دڵنیاین،

چاوەڕوانی هیممەتی مەردانەتانین.

د. هەڤاڵ ئەبوبەكر
پارێزگاری سلێمانی
سەرۆكی لیژنەی باڵای ئۆپراسیۆنەكانی پارێزگای سلێمانی بۆ بەرەنگاربوونەوەی كۆرۆنا
٥ / ٤ / 2020

کوردستان

پارێزگاری سلێمانی، پرسەنامەیەك ئاڕاستەی خانەوادەی كۆچكردووان بە كۆرۆنا دەكات


خەڵك-بەشی هەواڵ

 

پارێزگاری سلێمانی پرسەنامەیەك ئاڕاستەی سەرجەم ئەو خێزانانە دەكات كە بەهۆی كۆرۆناوە گیانیان لەدەستداوە.
هەڤاڵ ئەبوبەكر پارێزگاری سلێمانی لە پرسەنامەیەكدا ئاماژە بۆ ئەوە دەكات، هاوشارییانی ئازیز، ماتەمگێڕانی كوردستان و ڕەوەندی كوردیی، بۆ هەموو ئەو خۆشەویستانەی لەم دۆخە ناهەموارە تەندروستییەی كوردستان و جیهاندا كۆچی خێریانكردووە و بەجێیان هێشتووین، بەناوی پارێزگای سلێمانییەوە، پرسە و پەژارە و ماتەمینیی خۆمان بۆ كۆچی هەموو ئەو ئازیزانە دەردەبڕین.

 

دەشڵێت”داوا خوازین لە بەخشندەی مەزن بیانكاتە خانەخوێی بەهەشتی نەبڕاوەی خۆیی و ئارامیی بە هەموو لایەكمان ببەخشێت، سوپاس بۆ پابەندیی و خۆپارێزیی و خەڵكپارێزیتان، كۆتایی ناخۆشییەكان بێت”.

بەردەوام بە لە خوێندنەوە

کوردستان

ئافرەتێک لەقەڵادزێ خۆی کوشت


خەڵک – بەشی هەواڵ

بەڕێوەبەرایەتی پۆلیسی ڕاپەڕین لەڕاگەیەندراوێکدا ڕایگەیاند،  لەقەڵادزێ تەرمی ئافرەتێک گەیەندرایە نەخۆشخانە، کە لەلێکۆڵینەوەکاندا دەرکەوتووە خۆیکوشتووە.

 

لەو ڕاگەیەندراوەدا ئاماژە بەئەوەدراوە، کاتژمێر 10:00ی بەیانی ئەمڕۆ تەرمی ئافرەتێک بەناوی ( بـ . م . و ) لەدایک بووی ساڵی 2003 پیشەی ژنی ماڵ، دانیشتوی گوندی (دوبێ) سەر بە ناحیەی هەڵشۆ ـ قەزای پشدەر (قەڵادزێ) گەیەندرایە نەخۆشخانەی گشتی.

 

باسی لەئەوەشکراوە، ئافرەتەکە بە چەکی جۆری کڵاشینکۆف خۆی کوشتووە. دوای توێکاری لاشەکەی دەرکەوت شوێنەواری یەک فیشەک بەسەر جەستەیەوە هەیە و دەستیش گیراوە بەسەر چەکی بەکارهاتوو.

 

ئەوەش خراوەتەڕوو، پاش توێکاری بۆ لاشەکەی ڕادەستی کەسوکاری کرایەوە، دۆسیەی لێکۆڵینەوە بۆ ڕووداوەکە ڕێکخراوە و لێکۆڵینەوەش بەردەوامە.

بەردەوام بە لە خوێندنەوە

کوردستان

بەشێک لەتەندروستکاران بایکۆتى دەوامیان لەسلێمانى ڕاگەیاند


خەڵک – بەشی هەواڵ

 

ئەمڕۆ شەممە بەشێک لەتەندروستکاران لەناوەندە تەندروستییەکان بایکۆتی دەوامیان ڕاگەیاند.

 

ئەمڕۆ کۆتا وادە بوو بۆ حکومەتى هەرێم، کە موچەى تەندروستکاران دابەشبکات، بەڵام کە دابەشی نەکرد، تەندروستکاران بایکۆتی کارەکانیان کرد.

 

پێشتر تەندروستکاران لەڕێگەى پەیامێکەوە ڕایانگەیاند، ئەگەر تاکو شەشی ئەم مانگە واتە ئەمڕۆ موچە وەرنەگرن، بایکۆت ڕادەگەیەنن، هەربۆیە ئەمڕۆ بایکۆتیان ڕاگەیاند.

 

 

بەردەوام بە لە خوێندنەوە

کوردستان