ئێمە لە تۆرە کۆمەڵایەتیەکان

کوردستان

“تا جەژنی ڕەمەزان یەك مووچەی تر دەدرێت”
ئەندامێكی ئەنجوومەن: تكایە مامۆستایان پارەكانتان مەدەنە حكومەت

خەڵك- بەشی هەواڵ
ئەندامێكی ئەنجوومەنی پارێزگای سلێمانی داوا لە مامۆستایان و ئەنجوومەنی زانكۆكان دەكات پارەی خۆیان نەخەنە سەر هەژماری حكومەتی هەرێم و دەڵێت: “زۆربەی زۆری مامە حاجی و باجیەكانی كۆلێژ و زانكۆكان لەھەژارترینی كۆمەلگەن و پێش ھەموو كەس كۆمەك و دەستگیرۆیی بەوان ڕەوایە” و پێشی وایە تاوەكو جەژنی ڕەمەزان یەك مووچەی دیكە دەدرێت.

ڕێكەوت زەكی، ئەندامی ئەنجوومەنی پارێزگای سلێمانی لە(خەڵك)ەوە پەیامێك بۆ ئەنجوومەن و مامۆستایانی زانكۆكانی سنووری پارێزگای سلێمانی و ھەلەبجە دەكات و دەڵێت: “تكا دەكەم نەچن بەدەم بانگەوازەكەی وەزارەتیان و مووچەی خۆیان نەخەنە سەر حسابی بانكی ئەنجومەنی وەزیران، چونكە حكومەتی ھەرێم باج و ڕسومات و گومرگ وەردەگرێت و داھاتی ناوخۆی ھەیە، پارەی لەحكومەتی بەغداوە بۆ دێت، پارە لەھاوپەیمانان وەردەگرێت، كۆمەك و ھاوكاری لەسەرمایەداران وەردەگرێت (تەنیا لەچەند ڕۆژی سەرەتادا ١٨ ملیۆن دۆلار)، نەوتی خۆی دەفرۆشێت و ماوەیەكی زۆر نەوتی كەركوكیشی دەفرۆشت، قەرز لەكۆمپانیا نەوتیەكان وەردەگرێت، لە سالێكدا لەبری ١٢ مووچە ٩ی دەدات، كەچی ھێشتا چاوی لەمووچەی مامۆستایەكە، كەدوێنێ لەپاشەكەوتی مووچە ڕزگاری بووە و تا جەژنی ڕەمەزانیش یەك مووچەی تر وەردەگرێتەوە!”.

ڕاشیگەیاندووە، لەسنوری پارێزگاكانی سلێمانی و ھەلەبجە و ئیدارەكانی گەرمیان و ڕاپەرین ٨ زانكۆ و دەستە ھەن، ئەو پۆستانەی كە داوای لە ٢٥٪‏ ی مووچەكانیان لێكراوە بەنزیكەی دەگاتە ١٠٠ ملیۆن دینار كە ( ٥٠٠٠ پێنج ھەزار) پاكێجی خواردن دەكات، لەكاتێكدا زۆربەی زۆری مامە حاجی و باجیەكانی كۆلێژ و زانكۆكان لەھەژارترینی كۆمەڵگەن و پێش ھەموو كەس كۆمەك و دەستگیرۆیی بەوان ڕەوایە نەك حسابەكەی ئەنجوومەنی وەزیران.

ئاماژەی بەوەشكردووە، “گەرمیان و ڕاپەرین و چەمچەمال و ھەڵەبجە و سلێمانی، كە خاوەنی زانكۆن لەسنوورەكانی خۆیان دەیان و سەدان ماڵە ھەژاری لێیە ئیتر بۆچی پارە بخەنە سەر حسابێك، كەلەوسەرەوە بەناوی دەزگایەكی خێرخوازیەوە بۆیان بكەن بەچەند كارتۆنێك خواردن”.

ڕێكەوت زەكی دەشڵێت: ” ھەربۆخۆی ئەو ھەموو برە پاشەكەوتەی وەك قەرز، كەلای حكومەتە گەورەترین دەستگیرۆیی و دەعمی مامۆستایان و فەرمانبەرانە بۆ حكومەتی ھەرێم، ئەگەر بابەتەكە خۆ شیرین كردنە تەنھا داھاتی زانكۆكان بۆ ئەمساڵی خوێندن كەخراوەتە سەر حسابی وەزارەتی دارایی نزیكەی ٥ ملیار دینارە فەرمون لەوە بیدەن! ئەگەر بۆ دەستگیرۆیی خوێندكاریشە فەرمون نیوەی ئەو پارەیەیان بۆ بگێرنەوە، كەكرێی خوێندنی ئەمساڵیان”.

کوردستان

دوواین ئاماری تووشبووانی كۆرۆنا لە ڕۆژئاوای كوردستان

خەڵك-بەشی هەواڵ

 

بەڕێوەبەرایەتی تەندروستی ئیدارەی خۆسەری لە ڕۆژئاوای كوردستان ڕایدەگەیەنێت، ئەمڕۆ یەك شەممە 39 تووشبووی نوێ لە ناوچەكانی باكوری سوریا تۆماركراون و دوو تووشبووش گیانیان لەدەستداوە.

بەڕێوەبەرایەتی تەندروستی ئیدارەی خۆسەری لە ڕۆژئاوای كوردستان لە ڕاگەیەنراوێكدا ئاماژە بۆ ئەوە دەكات، لە 24 كاتژمێری ڕابردوودا 39 تووشبووی نوێی كۆرۆنا لەناوچەكانی ئیدارەی خۆسەر تۆماركراون كە زۆرترینیان لە قامشلۆ 9 تووشبوو، حەسەكە 17 تووشبوو و لە شارۆچكەی گركێ لەگی-یش 4 تووشبوو تۆماركراون.

ئاشكراشیدەكات، دوو تووشبووی كۆرۆنا لە كۆبانی گیانیان لەدەستداوە و 7 تووشبووی دیكەش چاكبوونەتەوە و كۆی گشتی تووشبووانیش گەیشتە هەزار و 398 كەس.

بەردەوام بە لە خوێندنەوە

کوردستان

ئەم هەواڵە نوێدەكرێتەوە..
خۆپیشاندانی سەرتاسەری مامۆستایان دەستیپێكرد

سلێمانی ـ نزار جەزا

ئەمڕۆ شەممە لە یەكەم رۆژی دەستپێكردنی ساڵی نوێی خوێندن لە شاری سلێمانی مامۆستایان نەچوونە هۆڵەكانی خوێندن و خۆپیشاندانیان دەستپێكرد.

پەیامنێری (خەڵك) لە شوێنی خۆپیشاندانەكەدا وتی: خۆپیشاندەران لە پێش بەڕێوەبەرایەتی پەروەردەی رۆژئاوا كۆبوونەتەوە و خۆپیشاندانیان سازكردووە و خەڵكی دیكەشیان لەگەڵدایە.

ئاماژەی بەوەشكرد خۆپیشاندەران داوای خەرجكردنی موچەكانیان دەكەن كە ماوەی چەند مانگە پێیان نەدراوە لەگەڵ دابەشكردنی موچە مانگانە لە كاتی خۆیدا.

ناڕازییەکان کە مامۆستایان ڕابەرییان دەکەن لەبەردەم بەڕێوەبەرایەتی پەروەردەی ڕۆژئاوای سلێمانی گردبوونەتەوە و دروشمی جۆراوجۆر دەڵێنەوە.

بڕیارە پاش کەمێکی دیکە بەڕێپێوان بەڕێبکەون بۆ بەردەم بینای پارێزگای سلێمانی و لەوێ بەیاننامەی خۆیان بخوێننەوە و تێیدا کۆی داواکارییەکانیان دەخەنەڕوو و هەنگاوی دواتریان ئاشکرادەکەن.

هاوكات لە شاری كەلار و كۆیەش خۆپیشاندانی مامۆستایان دەستیپێكردووە و لەبەردەم بەڕێوەبەرایەتییەكانی پەروەردەی شارەكانیاندا كۆبوونەتەوە.

هاوكات بڕیارە لە شاری هەڵەبجە و رانیەش خۆپیشاندانی مامۆستایان بەڕێوەبچێت.
زانیاری نوێتر…

بەردەوام بە لە خوێندنەوە

کوردستان

راوێژكاری ئاسایشی نەتەوەیی عێراق گەیشتە هەولێر

خەڵك- بەشی هەواڵ

راوێژكاری ئاسایشی نەتەوەیی عێراق قاسم ئەعرەجی گەیشتە هەولێر بە سەرۆكایەتی شاندێكی ئەمنی.

سەرچاوەیەك بۆ الاخباریە وتی: ئەعرەجی لەگەڵ شاندێكی ئەمنی گەیشتووەتە هەولێر.

ناوبراو لەگەڵ بەرپرسە ئەمنییەكانی هەرێمی كوردستاندا كۆدەبێتەوە.

زانیاری زیاتر لەبارەی سەردانەكە بڵاونەكراوەتەوە، بەڵام هاوكاتە لەگەڵ هەڕەشە و هۆشدارییەكانی ئەمریكا بۆ عێراق لەسەر هێرشكردنەسەر بەرژەوەندییەكانی ئەمریكا لەلایەن ملیشیا چەكدارەكانەوە.

هاوكات نێچیرڤان بارزانی سەرۆكی هەرێمی كوردستان ئامادەیی هاوكاری و پشتیوانی بۆ دابینكردنی سەقامگیری و ئاسایش لە عێراق نیشانداوە.

بەردەوام بە لە خوێندنەوە

کوردستان