ئێمە لە تۆرە کۆمەڵایەتیەکان

کوردستان

ڕێكاری یاسای لەبەرامبەر دووبنەماڵە دەگرنەبەر
تەندروستی هەولێر، هاووڵاتیانی هەولێر ئاگادار دەكاتەوە


خەڵك-بەشی هەواڵ

وتەبێژی بەڕێوبەرایەتی گشتی تەندروستی هەولێر بانگەوازێكی بەپەلە ئاڕاستەی هاوڵاتیانەی شاری هەولێر دەكات.

د.بژار موسا عەلی وتەبێژی بەڕێوبەرایەتی گشتی تەندروستی هەولێر لە ڕاگەیەنراوێكدا ئاماژە بۆ ئەوە دەكات، لەبەربەرژەوەندی گشتی و پاراستنی تەندروستی هاوڵاتیان، بڕیارماندا بەهەماهەنگی لەگەڵ ژووری ئۆپەراسیۆنی ڕووبەڕووبوونەی پەتای ڤایرۆسی كۆڕۆنا لە پارێزگای هەولێر لەڕێگای داواكاری گشتی ڕێككاری یاسای لەبەرامبەر دوو بنەماڵە بگرینەبەر.

 

دەقی ڕاگەیەنراوەكە..
بانگەوازێكی بەپەلە بۆ هاوڵاتیانەی شاری هەولێر

داوا لەو هاوڵاتیانە دەكەین كە سەردانی پرسەی خوالێخۆشبووان( فتاح حمد صالح ) و ( فاگمە رحمان حسین) لەگەڕەكی كارێزان لەڕۆژی شەممەی ۲۱ی ۳ی ۲٠۲٠ یان كردووە بە زووترین كات سەردانی سەنتەری چارەسەری كۆڕۆنا(فریاكەوتنی ناوند) یاخود پەیوەندی بەتیمەكانی فریاگوزاری ۱۲۲ بكەن بەمەبەستی دڵنیابوون بەئەنجامدانی پشكنینی تاقیگەیی تایبەت بۆ پەتای ڤایرۆسی كۆڕۆنا.

لەپەراوێزی ڕێنماییەكانی خۆپارێزی لەپەتای ڤایرۆسی كۆڕۆنا، بەرواری ۲ی ۳ی ۲٠۲٠ لێژنەی باڵای فەتوای هەرێم و وەزارەتی ئەوقاف و ژووری ئۆپەڕاسیۆن بڕیاریدا بەڕاگرتنی ڕێوڕەسمی پرسە بۆ كەمكردنەوەی بەریەككەوتن، بەڵام بەداخەوە پێچەوانەی هەموو ڕێنماییەكان دوو بنەماڵەی شاری هەولێر هەستان بەدانانی ڕێوڕەسمی پرسە لەگەڕەكی كارێزانی شاری هەولێر لە ڕۆژی شەممەی ۲۱ی ۳ی ۲٠۲٠ بووە هۆی ئەوەی ۳۲ كەس تووشی ئەم ڤایرۆسە ببن، تاوەكو ئەمڕۆ ٥ی ۳ی ۲٠۲٠ كەدەكاتە ڕێژەی نزیكەی ٪۳٥ی كۆی تووشبووانی شاری هەولێر، لەبەربەرژەوەندی گشتی و پاراستنی تەندروستی هاووڵاتیان بڕیارماندا بەهەماهەنگی لەگەڵ ژووری ئۆپەراسیۆنی ڕووبەڕووبوونەی پەتای ڤایرۆسی كۆڕۆنا لە پارێزگای هەولێر لەڕێگای داواكاری گشتی ڕێكاری یاسای لەبەرامبەر هەردووبنەماڵەی ئاماژەپێكراو دەگرینەبەر.

داوا لەهاوڵاتیانی شاری هەولێری خۆشەویست دەكەین پابەندی ڕێنماییە تەندروستیەكان بن.

د. بژار موسا عەلی
وتەبێژی بەڕێوبەرایەتی گشتی تەندروستی هەولێر
٥ی نیسانی ۲٠۲٠

کوردستان

“لە سلێمانی 30 كەس تووشی نیشانەی قورسی كۆرۆنا بوون”


خەڵك- بەشی هەواڵ
وتەبێژی تەندروستی سلێمانی هۆشداری دەدات بە هاووڵاتیان لەبارەی پابەندنەبوون بە ڕێنماییەكانی خۆپارێزی و دەشڵێت: “دۆخی تەندروستی نەخۆشێك ناجێگیرە”.

د. یاد نەقشبەندی، وتەبێژی بەڕێوەبەرایەتی گشتی تەندروستی سلێمانی لە هەژماری خۆی لە فەیسبووك ئاماژەی بەوەكردووە، تووشبوویەكی ڤایرۆسی كۆرۆنا لە شاری سلێمانی باری تەندروستی ناجێگیرە و ۳۰ توشبووش نیشانەی قورسی ڤایرۆسەكەیان هەیە.

د. یاد نەقشبەندی داوا لە هاووڵاتیان دەكات پابەندی ڕێكارەكانی خۆپارێزی بن و دەشڵێت: “تكایە پابەندبن”.

ئەمە لەكاتێكدایە، كە لە سێ‌ ڕۆژی ڕابردوودا لە سلێمانی ژمارەیەكی زۆری تووشبوو بە ڤایرۆسی كۆرۆنا تۆماركراوە و دوێنێ‌-ش كوڕێكی گەنجی تەمەن 37 ساڵ بەو نەخۆشییە گیانی لەدەستدا و وەك بەرپرسانی تەندروستی-ش دەڵێن: “دۆۆخەكە مەترسیدارە”.

بەردەوام بە لە خوێندنەوە

کوردستان

بڕینی سەرپێچییەكانی كارەبا لە هەولێر دەستپێدەكاتەوە


خەڵك – بەشی هەواڵ
پارێزگای هەولێر بڕیاری دا لە هەفتەی داهاتووەوە دەستبكاتەوە بە بڕینی سەرپێچییەكانی كارەبا.

ئەمڕۆ یەك شەممە بە سەرپەرشتی د.فرسەت سۆفی پارێزگاری هەولێر و بە ئامادەبوونی هەریەک لە هێمن قادر و مەسعود کاڕەش جێگرانی پارێزگار و حوسێن حەمەد بەرێوەبەری گشتی کارەبای هەولێر و لایەنە پەیوەندیدارەکان، لە دیوانی پارێزگا کۆبوونەوەیەک ئەنجامدرا و بۆ باشترکردنی دۆخی کارەبا و نەهێشتنی زێدەڕۆیی و سەرپێچی لەسەر تۆڕەکانی کارەبا.

لە كۆبوونەوەكەدا بڕیار درا كە لە ڕۆژی یەك شەممەی داهاتووەوە دەستبكرێتەوە بەهەڵمەتی بڕینی سەرپێچییەکانی سەر تۆڕی کارەبای هاوبەشانی پۆلەکانی بارزگانی گەورە و پیشەسازی و کشتوکاڵی.

پارێزگای هەولێر داوای لە هاوبەشانی ئەو پۆلانە كرد کە هەر جۆرە سەرپێچییەکیان لەسەر پێوەری کارەبا و تۆڕەکانی کارەبا ئەنجامداوە، سەردانی فەرمانگەکانی کارەبا بکەن بەمەستی نەهێشتنی سەرپێچییەکان، بەپێچەوانەوە ڕووبەڕووی ڕێکاری یاسایی دەبنەوە.

بەردەوام بە لە خوێندنەوە

کوردستان

قایمقامیەتی پشدەر دەست دەكات بە دابەشكردنی سەبەتەی خۆراكی كەمدەرامەتان


خەڵك – بەشی هەواڵ
قایمقامیەتی پشدەر ڕایگەیاند ئەمڕۆ دەستدەكەن بە دابەشكردنی سەبەتەی خۆراك بەسەر ئەو كەمدەرامەتانەی ناوی خۆیان تۆمار كردووە.

قایمقامیەتی پشدەر لە ئاگادارییەكدا بۆ ئەو هاووڵاتییانەی كە ناویان لە لیسی كەمدەرامەتان تۆماركردووە ڕایگەیاند ئەمڕۆ ئەو هاووڵاتییانە دەتوانن سەردانی ئەو وەکیلانە بکەن کە بۆ گەڕەکەکان دانراون، بە مەبەستی وەرگرتنی سەبەتەی خۆراکیەکانیان کە لەلایەن حکومەتی هەرێمی کوردستانەوە دابین کراوە.

ڕوونیشیكردەوە كە پێویستە هاوڵاتی لە کاتی سەردان کردنی وەکیلەکان وێنەیەک لە فۆڕمی خۆراک و ناسنامە یان کارتی نیشتیمانی سەرۆک خێزانی پێ بێت.

شوێنی وەکیلەکان بەم شێوەیەی خوارەوە دانراون:

۱- گەرەکی ھەنارۆك +گەرەکی امام قاسم+بەشێکی گەرەکی ڕاپەڕین
جەمال احمد خدر
تەنیشت کارگەی شەکری قەلادزێ
ــــــــــــــــــــــــــــــــــــــــــــــــــ
۲- بەشێکی گەرەکی ڕاپەڕین
امینە دێوانە دێوانە
نزیك مزگەوتی دەشتێویان
ــــــــــــــــــــــــ
۳- بەشێکی گەرەکی ڕاپەڕین
ابراھیم علی محموود،
نزیك مزگەوتی گەورەی راپەرین
ـــــــــــــــــــــــــــــــــــــ
٤- بەشێکی گەرەکی ئاشتی+گەرەکی فەرمانبەران+بەشێکی گەرەکی کارەبا+ گوندی ئاڵان+دێرێ+خرەبەردان+سەیداحمدان
خونچە احمد حسن،
نزیك مزگەوتی شێخ حسێن
ــــــــــــــــــــــــــــــ
٥- بەشێکی گەرەکی ئاشتی+گوندی
+گوندی گرتمەیتەر+گوندی گردەسپیان
عمر عبداللە حسن لە گەرەکی کارەبا
ــــــــــــــــــــــ
٦- گەرەکی شەھیدان +گەرەکی خانەقا+گوندی بێشیر+گوندی بنەوشان+گوندی سندۆڵان+گوندی نورەدین+گوندی شێخ ئاودەلان+بەشێکی گەرەکی ڕاپەڕین
عزیز شەریف رەسوڵ.
نزیك مزگەوتی خانەقا

بەردەوام بە لە خوێندنەوە

کوردستان