ئێمە لە تۆرە کۆمەڵایەتیەکان

خۆشەویستی

ژنێكی ئه‌مریكی، به‌خێو كردنی منداڵێكی چین-ی ده‌گرێته‌ئه‌ستۆ


خێزان ـ لوقمان غه‌فوور

ژنێكی ئه‌مریكی كه‌ خۆی خاوه‌نی سێ منداڵه‌، ده‌یه‌وێت مندالێكی چینی به‌خێو بكات كه‌ دایك و باوكی پێكه‌وه‌ به‌ كۆرۆنا ڤایرۆس مردوون و ئێستا لای یه‌كێك له‌ خوشكی ژنه‌كه‌یه‌ له‌شاری جه‌نچاون له‌ كه‌رتی گانسو.

ئه‌و منداڵه‌ به‌هۆی خراپی باری دارایی خوشكی ژنه‌كه‌وه‌ له‌ رێگه‌ی به‌رنامه‌یه‌كی ته‌له‌فزیۆنیی چین-ه‌وه‌ داوای كرد هاوكاری به‌خێوكردنی بكه‌ن، بۆیه‌ ئه‌م خێزانه‌ ئه‌مریكییه‌ كه‌ نیشته‌جێی شاری فارگۆ ویلایه‌تی نۆرس داكۆتا-یه‌ داوای منداڵه‌كه‌یان كردووه‌ و بڕیار بوو هه‌فته‌ی ئاینده‌ بگاته‌ ده‌ستیان به‌ڵام به‌هۆی گرفتی هاتووچۆوه‌ و داخرانی رێگه‌وه‌ ناردنی منداڵه‌كه‌ دواده‌كه‌وێت.

به‌خێوكردنی یان ته‌به‌نیكردنی منداڵی بێلانه‌ یه‌كێكه‌ له‌و به‌رنامانه‌ی كه‌ له‌ ئه‌مریكا په‌یڕِه‌و ده‌كرێت و ساڵانه‌ به‌ سه‌دان منداڵی بێلانه‌ له‌لایه‌ن خێزانه‌ ده‌وڵه‌مه‌ند و به‌تواناكانه‌وه‌ له‌ ئه‌فریكا و ئاسیاوه‌ ده‌هێنرێته‌ ئه‌مریكا.

جۆیسلین ج راسل له‌لێدوانێكیدا بۆ كه‌ناڵی لۆكاڵی ڤالی نیوز رایگه‌یاند پێشتر هێنانی منداڵ له‌ وڵاتانی ئه‌فریكا و ئاسیا-ه‌وه‌ كارێكی ئاسان بوو، به‌ڵام ئێستا به‌هۆی بڵاوبوونه‌وه‌ی كۆرۆنا ڤایرۆس كێشه‌ دروستبووه‌ له‌ هێنانی ئه‌و منداڵه‌ بێسه‌رپه‌رشتانه‌. وتیشی: “ئێمه‌ وێنه‌ی خێزانی خۆمان له‌ رێگه‌ی كۆنسڵی ئه‌مریكییه‌وه‌ له‌ گانسۆ بۆ خێزانه‌كه‌ ناردوو هه‌موو به‌ڵننامه‌یه‌كیشمان له‌ 5 ی فێبریوه‌ری پڕكردۆته‌وه‌، بڕیاریش بوو منداڵه‌كه‌مان به‌ده‌ست بگات به‌ڵام بڵاوبوونه‌وه‌ی كۆرۆنا ڤایرۆس به‌شێوه‌یه‌كی به‌ربڵاو له‌ جیهان و به‌تایبه‌تی ئه‌مریكا كاره‌كه‌ی لێ تێكداین”.

راسڵ ده‌ڵێت: “ده‌مێكه‌ چاوه‌ڕێی به‌خێوكردنی منداڵێكی بێ سه‌رپه‌رشتم، هیوادارم له‌ هه‌فته‌كانی داهاتوو به‌دیداری ئه‌و منداڵه‌ شاد بین، خۆ ئه‌گه‌ر به‌ده‌ستمان نه‌گات واته‌ كارێكی زۆر بێ مانایه‌ چونكه‌ ئه‌و منداڵه‌ ژیانی باش نییه‌”.

ئه‌وه‌ش ناشارێته‌وه‌ كه‌ به‌رپرسه‌ ئیدارییه‌كانی ویلایه‌ته‌كه‌ ئه‌وه‌مان ده‌خه‌نه‌ به‌ر گوێ كه‌ كارێكی ئه‌سته‌نگه‌ هێنانی ئه‌م منداڵه‌ له‌م كاته‌دا كه‌نه‌خۆشییه‌ك بڵاوبۆته‌وه‌. وتیشی: “له‌كاتێكدا ئێمه‌ هه‌موو مه‌سره‌فێكی هێنانی ئه‌و منداڵه‌ كوڕه‌مان له‌ ئه‌ستۆ گرتووه‌ و كۆتایی هاتووه‌”.

هه‌روه‌ها جه‌خت له‌وه‌شده‌كاته‌وه‌ بڕیاره‌ بگه‌یه‌نرێت به‌ (سه‌نته‌ری باوانی ئه‌لته‌رناتیڤ) كه‌ هه‌ر له‌رێگه‌ی ئه‌وانیشه‌وه‌ داواكراوه‌. وتیشی:”ده‌چین بۆ كالیفۆرنیا و له‌وێوه‌ ده‌یهێنین بۆ شاری فارگۆ”.
سه‌نته‌ری باوانی ئه‌لته‌رناتیڤ، سه‌نته‌رێكه‌ كاری دۆزینه‌وه‌ی باوانه‌ له‌ئه‌مریكا بۆ منداڵه‌ بێسه‌رپه‌رشته‌كانی ئاسیا و ئه‌فریكا.

له‌میانی پرسیارێكدا ئایا ترسیان له‌ ته‌ندروستی منداڵه‌كه‌ نییه‌، راسل وتی: “نه‌خێر له‌به‌رئه‌وه‌ی به‌ر له‌وه‌ی بگه‌یه‌نرێته‌ ئه‌مریكا هه‌موو پشكنینێكی پزیشكی بۆ منداڵه‌كه‌ ده‌كرێت”.

خۆشەویستی

گەر لەگەڵ مێردەکەت ئەم 5 دۆخە نەخوازراوەتان تێپەڕاندووە، ئەوا پیرۆزە بۆ هەمیشە بەیەکەوە دەبن


خێزان

ئەمەی خوارەوە کۆمەڵێک دۆخە کە گەر لەگەڵ مێردەکەت بەیەکەوە تێتان پەڕاندووە، ئەوا پیرۆزە بۆ هەمیشە بەیەکەوە دەبن و هەنگاوە قورسەکانتان بڕیوە:

 

 

-ڕەخنەگرتن

ڕەخنە لەیەک گرتن و شەڕکردن لەسەر هەڵسوکەوت و کارەکانی ڕۆژانە شتێکی ئاساییە کە توشی هاوسەرەکان دەبێت وگرنگە بە دڵێکی فراوانەوە لە یەکدی وەربگرن.

 

-درووستکردنی دیوار

زۆرجار ڕوودەدات کە لەپاش شەڕ بۆ ماوەیەک کەس قسە لەگەڵ ئەوەی دی ناکات و دۆخێکی ناخۆش درووستدەبێت، بەڵام بەپێی توێژینەوەکان ٨٠٪ پیاوان ئاماژەیان بەوە داوە کە ئەم کارەیان مەبەست لێی ئەوە نییە کە گوێ بە ژنەکانیان نەدەن، بەڵکوو دەیانەوێت ماوەیەک هەبێت بۆ ئەوەی باشتر بیر لە دۆخەکە بکرێتەوە

 

-تەعلیق و یەکتر شکاندن

لە نێوان هاوسەرەکان ناکۆکی درووستدەبێت و بە تەعلیق لەیەکدان و هەندێکجار شکاندنی یەکتر دەری دەبڕن، بەڵام دەبێت ئەوە    بزانیت وەک ئاوێنەیەک وایە و تا تەعلیق زیاتر بدەیت زیاتر ناکۆکی قوڵدەبێتەوە، بۆیە پێویستە تێی بپەڕێنن.

 

-تەقینەوە

هەندێکجار ڕوودەدات کە بەهۆی هەژاری و منداڵ و خزمی خراپ و چەندین هۆکاری دیکەوە دەگەیتە دۆخی تەقینەوە و چیدیکە تەحەمولت نامێنێت، بۆیە دەتەوێت دەست لە هەموو شت هەڵبگریت و بڕۆیت، بەڵام ئەوەت بیر نەچێت کە ئەوەش بەشێکە لە ئاڵنگاریەکانی ژیان و کاتییە، بۆیە پێویستە هەوڵبدەیت تێی بپەڕێنیت.

 

-لێبوردەیی و قبوڵکردن

لەپاش تێپەڕاندنی ئەو قۆناغانە دەگەنە ئەو ئاستەی کە لێبوردەبن بەرامبەر بەیەک و باشتر یەکتر قبوڵبکەن بەو جۆرەی کەهەن و کێشەکانتان بەشێوەیەکی ئارامتر چارەسەر دەکەن.

 

-مانەوە بەیەکەوە

لەم قۆناغەدا دەگەیتە ئەو ئاستەی کە ناڕەحەتی زۆرت لەگەڵ هاوسەرەکت بڕیووە و دڵنیایت لەوەی کە لەگەڵیدا دەمێنیتەوە و بەیەکەوە دەتوانن بەسەر هەموو ناخۆشیتەکاندا زاڵببن.

بەردەوام بە لە خوێندنەوە

خۆشەویستی

چوار تایبەتمەندی، کە دەتکاتە شازی ژن بۆ پیاوەکەت


خێزان

بە سروشتی پیاو حەزی لە هەندێك تایبه‌تمه‌ندیه‌، كە لە هاوسەرەكەیدا هەبێت، بەڵام دەگمەنن ئەو پیاوانەی داوا لە هاوسەرەكانیان دەكەن ئەو سیفاتانە دروست بكەن، چونكە پیاوان لە بنەڕەتەوە حەزیان لە وتنی حەزەكانیان نیە، بەڵكو دەیانەوێت ژنەكانیان بیزانن، گه‌ر ئه‌م 4 تایبه‌تمه‌ندیه‌ش له‌ هه‌ر خانمێكدا هه‌بێت، ئه‌وا به‌دڵنیایه‌وه‌ هه‌موو پیاوێك حه‌زده‌كات هاوسه‌رێكی له‌م شێوه‌یه‌ی هه‌بێت.

گرنگترین ئەو سیفاتانەی پیاوان حەز دەكەن ژنەكانیان هەیان بێت:

ۆمانسی

-پیاوان حەز دەكەن ژنەكانیان رۆمانسی بن، سروشتی سۆزداریان زیاتر بێت، بەتایبەتی لە سۆزدار و سێكسدا، كە دیارترینیان دەستپێشخەری بۆ سێكس.

 

–  پاراستنی شەهامەتی پیاوانە

-پیاوان حەز دەكەن هەمیشە وەك پیاو دەربكەون، تەنانەت لای ژنەكانیشیان، بۆیە دەبێت ژنەكانیش ئاگاداری هەستی پیاوانە بن و داواكارییەك نەكەن هەست بە شكاندنی هەستی پیاوانەی بكات.

 

– گرنگیدان

-پیاوان پێیانخۆش ژنەكانیان گرنگی زیاتر بە خۆیان و پیاوەكانیان بدەن، بەتایبەتی لە بوارەكانی پاك و خاوێنی، سێكس و زیندوكردنەوەی پەیوەندییە كۆمەڵایەتییەكان.

 

– ئیدارەی ماڵ

-پیاوان پێیانخۆش نییە، رێنمای بدەنە ژنەكانیان، حەز دەكەن سەرپشكیان بكەن لە ئیدارەكردنی ماڵدا، بۆیە باشترین كار ژن بیكات ئیدارەیەكی هۆشیارانە و رچاوكردنی توانستی ماددی مێردەكەیەتی.

بەردەوام بە لە خوێندنەوە

خۆشەویستی

باشتره‌ هیچكات ئه‌م پێنج قسه‌یه‌ به‌ مێردەکەیت نه‌ڵێیت


خێزان

له‌ ژیانی هاوسه‌رگیریماندا زۆركات بێزاریمان توشده‌بێت، به‌ڵام له‌گه‌ڵ ئه‌وه‌شدا كۆمه‌ڵێك قسه‌و ده‌سته‌واژه‌ هه‌یه‌ كه‌ باشتره‌ له‌ هه‌موو دۆخێكدا خۆتیان لێبپارێزیت، چونكه‌ له‌و جۆره‌ قسانه‌یه‌ كه‌ “برینه‌كه‌ی ساڕێژ نابێت”، ئه‌و قسانه‌ش بریتین له‌ :

 

-په‌شیمانم له‌وه‌ی شووم به‌تۆكرد

-ئه‌م وشه‌یه‌ به‌لای پیاوانه‌وه‌ له‌بیر ناكرێت، به‌تایبه‌ت له‌ كاتێكدا كه‌ تۆ له‌ توڕه‌یدا ده‌یڵێیت و له‌ دڵته‌وه‌ ده‌رده‌چێت، هه‌ر بۆیه‌ هه‌میشه‌ له‌ خه‌یاڵیاندا ده‌مێنێته‌وه‌ و هه‌ڵوێستی به‌رامبه‌ر وه‌رده‌گرن.

 

-تۆ هیچكات له‌ من ناگه‌یت

-ئه‌مه‌ ڕسته‌یه‌كه‌ ده‌رگای گفتوگۆ داده‌خات، هه‌ر بۆیه‌ گه‌ر هه‌ر ناچاریشبویت بیڵێیت ئه‌وا هه‌رگیز وشه‌ی “هیچكات”ی له‌گه‌ڵدا مه‌ڵێ.

 

-تۆ وه‌ك هاورێكه‌یی پێشووم وایت

-ئه‌م ده‌سته‌واژه‌یه‌ زیاتر بۆ ئه‌و كه‌سانه‌یه‌ كه‌ پێشتر په‌یوه‌ندی دیكه‌یان هه‌بووه‌و جیابونه‌ته‌وه‌، به‌ڵام نابێت ئه‌م ڕسته‌یه‌ به‌ هاوسه‌ر یاخود ئه‌و كه‌سه‌ بلێن كه‌ ئێستا په‌یوه‌ندیان له‌گه‌ڵی هه‌یه‌، چونكه‌ ئه‌وه‌ مانای ئه‌وه‌یه‌ كۆتای ئه‌م په‌یوه‌ندیه‌ش هه‌ر وه‌ك ئه‌وه‌ی پێشوتر ده‌بێت.

 

-سه‌یركه‌ چه‌ند پیاوێكی جوانه‌

-ڕه‌نگه‌ ئاسایی بێت كه‌ پیاوێكت به‌لاوه‌ جوان یاخود سه‌رنجڕاكێش بێت، به‌ڵام گه‌ر ئه‌و هه‌سته‌ت بۆ هاوسه‌ر یاخود  خۆشه‌ویسته‌كه‌ت ده‌رببڕیت ئه‌وا به‌دڵنیایه‌وه‌ ئاسایی نییه‌.

 

-تۆ ناتوانیت پێداویستیه‌كانم دابین بكه‌یت

-ئه‌م ڕسته‌یه‌ ڕاسته‌وخۆ له‌ پیاوه‌تی هاوسه‌ره‌كه‌ت ده‌دات و وای لێده‌كات هه‌ستبكات كه‌ تۆ هه‌وڵده‌ده‌یت پێداویستیه‌كانت لای پیاوێكی دیكه‌ پڕبكه‌یته‌وه‌.

بەردەوام بە لە خوێندنەوە

کوردستان