ئێمە لە تۆرە کۆمەڵایەتیەکان

کوردستان

قوباد تاڵەبانی: كارمەندانی شارەوانی وەك سەربازێكی ون ڕووبەڕووی كۆرۆنا بوونەتەوە

خەڵك- بەشی هەواڵ
جێگری سەرۆكی حكومەتی هەرێم بۆ بەدواداچوونی ڕێكارەكانی خۆپارێزی و قەدەغەی هاتووچۆ لە شارەوانی سلێمانی ڕایدەگەیەنێت، كە كارمەندانی شارەوانی دڵسۆزانە وەك سەربازێكی ون ڕووبەڕووی كۆرۆنا بوونەتەوە و دەشڵێت: ”

ئەمڕۆ شەممە، ٤ی نیسانی ٢٠٢٠، قوباد تاڵەبانی، جێگری سەرۆكی حكومەتی هەرێمی كوردستان سەردانی سەرۆكایەتی شارەوانی سلێمانی كرد، وێرای باسكردنی چۆنیەتی باشتركردنی هەڵمەتەكانی ڕوبەڕووبوونەوەی ڤایرۆسی كۆرۆنا، سوپاسی كارمەندان و ژینگەپارێزان و تیمەكانی شارەوانی سلێمانی كرد و بە “سەربازی ون” ناوی هێنان.

بەپێی ڕاگەیەنراوی سەرۆكایەتی شارەوانی سلێمانی، “ئامانجی سەردانەكەی جێگری سەرۆكی حكومەتی ھەرێم بۆ لە نزیكەوە ئاگاداربوون بوو لە بڕیار و رێوشوێنەكانی تایبەت بە بەرەنگاربوونەوەی ڤایرۆسی كۆرۆنا لە سلێمانی و گرتنەبەری ڕێكار و ڕێوشوێنی پێویست بۆ پاراستنی تەندروستی ھاووڵاتیان و ڕێگریكردن لە تەشەنەسەندنی زیاتری ڤایرۆسی كۆرۆنا لە ھەرێمی كوردستان.

قوباد تاڵەبانی ئاماژەی بەوەشكرد، كە لە ماوەی ڕابردوودا تا ئەم ساتەوەختە فەرمانبەران و ژینگەپارێزانی شارەوانی سلێمانی زۆر دڵسۆزانە وەك سەربازێكی ون بەبێ گوێدانە پشووی فەرمی لە ئەركدابوون و ڕووبەڕووی ڤایرۆسی كۆرۆنا بوونەتەوە، ئەوەش بۆ پاراستنی بەرژەوەندی و پاراستنی تەندروستی سەرجەم هاووڵاتییانی شاری سلێمانی.

کوردستان

بوومەلەرزە لە شارێكی كوردستان ڕوویدا

خەڵك – بەشی هەواڵ
بوومەلەرزەیەك بە گوڕی 4.2 پلە بە پێوەری ڕێختەر شاری قەسری شیرینی لە پارێزگای كرماشانی ڕۆژهەڵاتی كوردستانی هەژاند.

بوومەلەرزەكە كاتژمێر 11:40 خوولەك و بە قووڵایی 10 كیلۆمەتر لە ئاستی ڕووی زەوی و دووری 19 كیلۆمەتر لە ناوەندی شاری قەسری شیرین ڕوویدا.

تا ئێستا زانیاری دەربارەی ئەگەری كەوتنەوەی زیانی گیانی یان ماددی لە بوومەلەرزەكە ڕانەگەیەندراوە.

بەردەوام بە لە خوێندنەوە

کوردستان

فڕۆكە جەنگییەكانی توركیا چیای گارە بۆردومان دەكەن

خەڵك – بەشی هەواڵ
بۆردومان و هێرشەكانی توركیا بۆ سەر هەرێمی كوردستان بەردەوامە و ئەمڕۆش چیای گارە بۆردومان كرایەوە.

ئەمڕۆ چوار شەممە فڕۆكە جەنگییەكانی توركیا چیای گارەیان لە سنووری پارێزگای دهۆك بۆردومان كرد.

توركیا لە ناوەڕاستی مانگی ڕابردووەوە بە بیانووی بوونی هێزەكانی پەكەكە لەشكركێشییەكی بەرفراوانی لە سنووری هەردوو پارێزگای هەولێر و دهۆك دەستپێكردووە و بە پێی ئەو زانیارییانەی توركیا بە فەرمی بڵاویكردوونەتەوە، تا ئێستا ژمارەی بنكە سەربازییەكانی لە هەرێمی كوردستاندا گەیاندووەتە 37 بنكە و بەردەوامیش ناوچە سنوورییەكان بۆردومان دەكات.

بەردەوام بە لە خوێندنەوە

کوردستان

كۆبوونەوەی شاندی باڵای یەكێتی و یەكگرتوو دەستیپێكرد

خەڵك – بەشی هەواڵ
شاندی باڵای یەكێتیی نیشتمانیی كوردستان و یەكگرتووی ئیسلامی كوردستان لە سلێمانی كۆبوونەوە.

میدیای فەرمی یەكێتی بڵاویكردەوە كە لە كۆبوونەوەكەدا ” پێشهاته‌ سیاسی و ئابوورییه‌كان” تاووتوێ ده‌كرێن.

پێشتریش لاهور شێخ جەنگی هاوسەرۆكی یەكێتی لە سەردانێكیدا بۆ لای سەڵاحەدین بەهادین ئەمینداری گشتی یەكگرتوو باسیان لە چارەسەركردنی دۆخی سیاسی هەرێم و پەیوەندییەكانی نێوان هەولێر و بەغدا كردبوو.

بەردەوام بە لە خوێندنەوە

کوردستان