ئێمە لە تۆرە کۆمەڵایەتیەکان

کوردستان

نەخۆشخانەی هیوا لە سلێمانی ڕاگەیەنراوێك بڵاودەكاتەوە

خەڵك – بەشی هەواڵ
نەخۆشخانەی هیوا لە سلێمانی ڕادەگەیەنێت، بەهۆی قەدەغەی هاتووچۆوە تەنها بۆ حاڵەتە فریاگوزاریە كتوپڕەكان سەردان بكەن و چارەسەرەكانی دیكە دوادەخرێت و لەپاش تێپەڕبوونی ئەو ماوەیە لەڕێگەی ئاگادارینامە و پەیوەندی تەلەفۆنییەوە ڕێنمایی و وادەی چارەسەرەكانتان پێ ڕادەگەیەنین.

نەخۆشخانەی هیوا بۆ چارەسەری نەخۆشانی شێرپەنجە لە سلێمانی لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ئاگاداری چارەخوازانمان دەكەین، كە لەماوەی ٤٨ كاتژمێری توندكردنەوەی قەدەغەی هاتووچۆدا تەنها بۆ حاڵەتە فریاگوزاریە كتوپڕەكان سەردان بكەن و چارەسەرەكانی دیكە دوادەخرێت.

دەشڵێت: “لەپاش تێپەڕبوونی ئەو ماوەیە لەڕێگەی ئاگادارینامە و پەیوەندی تەلەفونیەوە ڕێنمایی و وادەی چارەسەرەكانتان پێڕادەگەیەنین”.

ڕاشیگەیاندووە، ئەم ڕێكارانە لە چوارچێوەی هەوڵەكانی تەندروستیدایە بۆ پاراستنی گیانی هاووڵاتیان و نەخۆشەكانمان، خودا هەموولایەكتان بپارێزێت، لەكاتی زۆر پێویستدا دەتوانن بە ژمارە تەلەفۆنی 0533265677 پەیوەندی لەگەڵ بەشی كارگێڕی ئەنجام بدەن.

کوردستان

بوومەلەرزە لە شارێكی كوردستان ڕوویدا

خەڵك – بەشی هەواڵ
بوومەلەرزەیەك بە گوڕی 4.2 پلە بە پێوەری ڕێختەر شاری قەسری شیرینی لە پارێزگای كرماشانی ڕۆژهەڵاتی كوردستانی هەژاند.

بوومەلەرزەكە كاتژمێر 11:40 خوولەك و بە قووڵایی 10 كیلۆمەتر لە ئاستی ڕووی زەوی و دووری 19 كیلۆمەتر لە ناوەندی شاری قەسری شیرین ڕوویدا.

تا ئێستا زانیاری دەربارەی ئەگەری كەوتنەوەی زیانی گیانی یان ماددی لە بوومەلەرزەكە ڕانەگەیەندراوە.

بەردەوام بە لە خوێندنەوە

کوردستان

فڕۆكە جەنگییەكانی توركیا چیای گارە بۆردومان دەكەن

خەڵك – بەشی هەواڵ
بۆردومان و هێرشەكانی توركیا بۆ سەر هەرێمی كوردستان بەردەوامە و ئەمڕۆش چیای گارە بۆردومان كرایەوە.

ئەمڕۆ چوار شەممە فڕۆكە جەنگییەكانی توركیا چیای گارەیان لە سنووری پارێزگای دهۆك بۆردومان كرد.

توركیا لە ناوەڕاستی مانگی ڕابردووەوە بە بیانووی بوونی هێزەكانی پەكەكە لەشكركێشییەكی بەرفراوانی لە سنووری هەردوو پارێزگای هەولێر و دهۆك دەستپێكردووە و بە پێی ئەو زانیارییانەی توركیا بە فەرمی بڵاویكردوونەتەوە، تا ئێستا ژمارەی بنكە سەربازییەكانی لە هەرێمی كوردستاندا گەیاندووەتە 37 بنكە و بەردەوامیش ناوچە سنوورییەكان بۆردومان دەكات.

بەردەوام بە لە خوێندنەوە

کوردستان

كۆبوونەوەی شاندی باڵای یەكێتی و یەكگرتوو دەستیپێكرد

خەڵك – بەشی هەواڵ
شاندی باڵای یەكێتیی نیشتمانیی كوردستان و یەكگرتووی ئیسلامی كوردستان لە سلێمانی كۆبوونەوە.

میدیای فەرمی یەكێتی بڵاویكردەوە كە لە كۆبوونەوەكەدا ” پێشهاته‌ سیاسی و ئابوورییه‌كان” تاووتوێ ده‌كرێن.

پێشتریش لاهور شێخ جەنگی هاوسەرۆكی یەكێتی لە سەردانێكیدا بۆ لای سەڵاحەدین بەهادین ئەمینداری گشتی یەكگرتوو باسیان لە چارەسەركردنی دۆخی سیاسی هەرێم و پەیوەندییەكانی نێوان هەولێر و بەغدا كردبوو.

بەردەوام بە لە خوێندنەوە

کوردستان