ئێمە لە تۆرە کۆمەڵایەتیەکان

کوردستان

قائیمقامییەتی سلێمانی: ھێزە ئەمنییەكان ڕاسپێردراون لێپرسینەوەی تەواو لەگەڵ ئەو كەسانەدا بكەن كە پابەندی ڕێنماییەكان نابن

خەڵك – بەشی هەواڵ

قائیمقامییەتی سلێمانی لە ڕاگەیەنراوێكدا ڕایدەگەیەنێت: بەھۆی ھەستیاری دۆخەكە و زیادبوونی حاڵەتەكانی كۆرۆنا لە ھەرێمی كوردستان، لەبەر ڕۆشنایی بڕیارە نوێكانی حكومەتی ھەرێمی كوردستان ڕێكارەكانی قەدەغەكردنی ھاتوچۆ تەواو توندتر دەكرێنەوە و بەھیچ ھۆكارێك ڕێگە بەھاتوچۆی ئۆتۆمبێل و پیادەڕەو نادرێت.

قائیمقامییەتی سلێمانی ئاماژەبەوەشدەكات: ھێزە ئەمنییەكان ڕاسپێردراون لێپرسینەوەی تەواو لەگەڵ ئەو كەسانەدا بكەن كە پابەندی ڕێنماییەكان نابن.

هەروەك ڕوونیشكراوەتەوە: بڕیارەكانی حكومەتی ھەرێم لە سبەینێوە جێبەجێ دەكرێن و بەھۆی مەترسی بڵاوبووەنەوە و تەشەنەسەندنی كۆرۆنا بۆ ماوەی ٤٨ كاتژمێر ڕێگە بەھیچ جۆرە جموجوڵێك نادرێت.

دەقی ڕاگەیەنراوەكە:

راگەیەندراوێك لە قائیمقامیەتی سلێمانیەوە ژمارە (11)

بەھۆی ھەستیاری دۆخەكەو زیادبونی حاڵەتەكانی كۆرۆنا لە ھەرێمی كوردستان ، لەبەر رۆشنایی بڕیارەنوێكانی حكومەتی ھەرێمی كوردستان رێكارەكانی قەدەغەكردنی ھاتووچۆ تەواو توندتر دەكرێنەوەو بەھیچ ھۆكارێك رێگە بەھاتووچۆی ئوتومبێل و پیادەڕەو نادرێت و ھێزە ئەمنییەكان راسپێردراون لەم رووە لێپرسینەوەی تەواو لەگەڵ ئەو كەسانەدا بكەن كە پابەند نابن ، بەھەموو لایەكی رادەگەیەنین بڕیارەكانی حكومەتی ھەرێم لە سبەینێ وە جێبەجێ دەكرێن و بەھۆی مەترسی بڵاوبوەنەوەو تەشەنەسەندنی كۆرۆنا بۆ ماوەی ٤٨ كاتژمێر رێگە بەھیچ جۆرە جموجوڵێك نادرێت، داواش لە ھاوڵاتیانی خۆشەویستی سلێمانی دەكەین بۆ سەلامەتی خۆیان و خێزانەكانیان و تەندروستی گشتی لە ماڵەكانیان نەیەنەدەر و بەتەواوی پابەندی رێنماییە تەندروستیەكان بن.

راگەیاندنی قائیمقامیەتی سلێمانی

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان