ئێمە لە تۆرە کۆمەڵایەتیەکان

کوردستان

ژمارەی قوربانیانی كۆرۆنا لە ڕۆژهەڵاتی كوردستان گەیشتە 332 كەس

خەڵك- بەشیهەواڵ
بە گیانلەدەستدانی ١٧ كەسی دیكە بە هۆی توشبوون بە پەتای كۆرۆنا، ژمارەی ئەو كەسانەی لە كوردستان بە هۆی توشبوون بە پەتای كۆرۆنا گیانیان لەدەستداوە گەیشتە ٣٣٢ كەس.

بە پشتبەستن بە ئامارەكانی ڕێكخراوی مافی مرۆڤی هەنگاو، لە ماوەی ٢٤ كاتژمێری ڕابردوودا ١٧ هاووڵاتی دیكە لە شارەكانی بانە (١ حاڵەت)، سنە (١ حاڵەت)، دێولان (١ حاڵەت)، قوروە (١حاڵەت)، مەریوان (١حاڵەت)، سەقز (١حاڵەت)، كرماشان (١حاڵەت)، سونقوڕ (١حاڵەت) ، كەنگاوەر (١حاڵەت)، ئەیوانی ڕۆژئاوا (١حاڵەت)، ئیلام (١حاڵەت) ، ئورمیە (٢حاڵەت)، میاندواو (٢حاڵەت)، ماكو (١حاڵەت) و خۆی (١حاڵەت) بە هۆی تووشبوون بە پەتای كۆرۆنا گیانیان لەدەستداوە.

ڕاشیگەیاندووە، ٦ كەسیان لە شارەكانی قوروە، سەقز، ئەیوانی ڕۆژئاوا ، كەنگاوەر، ماكۆ و میاندواو ژن بوون.

بە پشتبەستن بە ئامارەكە، لانیكەم ٣٣٢ هاووڵاتی كورد لەو ماوەیەدا بە هۆی تووشبوون بە پەتای كۆرۆناوە گیانیان لەدەستداوە، كە ١٠٨ كەسیان ژن و ٣٢٤ كەسیان پیاو بوون.

جیا كردنەوە بەپێی پارێزگاكان:
پارێزگای ئیلام: ٥٣ حاڵەت (١٨ ژن و ٣٥ پیاو)
پارێزگای كرماشان : ٧٣ حاڵەت (٢٦ ژن و ٤٧ پیاو)
پارێزگای سنە: ١٢١ حاڵەت (٣٧ ژن و ٨٤ پیاو)
پارێزگای ئورمیە: ٨٥ حاڵەت (٢٨ ژن و ٥٧ پیاو)

تۆمار كردنی ئەو ئامارانە لەلایەن هەنگاو لە حاڵێكدایە، كە حكومەتی ئێران تەنیا ١٦٨ حاڵەتی بڵاو كردۆتەوە و بە پێی ئامارە حكومەتییەكان، لە پارێزگای سنە ٦١ كەس، ئورمیە ٥٥ كەس، كرماشان ٢٨ كەس و ئیلام ٢١ كەس بە هۆی تووشبوون بە پەتای كۆرۆنا گیانیان لە دەست داوە.

جیا كردنەوە بەپێی شارەكان:
سەقز (٥٧ حاڵەت)، كرماشان (٣٦ حاڵەت)، ئورمیە (٣٢ حاڵەت)، ئیلام (٢٥ حاڵەت)، سنە ( ٢٠ حاڵەت)، ئەیوانی ڕۆژئاوا (١٦ حاڵەت)، سونقوڕ و كولیایی (١٥ حاڵەت)، كیەڵان (٥ حاڵەت)، سەرپێڵی زەهاو (٦ حاڵەت)، بانە (١٠ حاڵەت)، خۆی (١٤ حاڵەت)، بۆكان (٨ حاڵەت)، قوروە (١١ حاڵەت)، میاندواو (٩ حاڵەت)، پیرانشار (٦ حاڵەت)، كەنگاوەر (٦ حاڵەت)، كامیاران (٨ حاڵەت)، مەریوان (٧ حاڵەت)، بیجاڕ (٤ حاڵەت)، تیكاب (٣ حاڵەت)، سایین قەڵا (٥ حاڵەت)، مەلەكشاهی (١ حاڵەت)، داڵاهۆ (١ حاڵەت)، شنۆ (٢ حاڵەت)، چایپارە (١ حاڵەت)، نەغەدە (١ حاڵەت)، ڕەبەت (٢ حاڵەت)، شاباد (١ حاڵەت)، پاوە (١ حاڵەت) ، مێهران (٥ حاڵەت)، مەهاباد (٢ حاڵەت)، هەرسین (٢ حاڵەت)، دەڕەشار (٣ حاڵەت)، دیواندەرە (٤ حالەت)، دێهلۆڕان (١ حاڵەت)، بەدرە (١ حاڵەت)، دێولان (١ حاڵەت)، ماكۆ (١ حاڵەت).

کوردستان

وێنە.. لە شارەزوور ژمارەیەك گەنجی خۆبەخش بەشێك لە هێما شكاوەكانی هاتوچۆی سنوورەكە و نوێدەكەنەوە

خەڵك – یەحیا حبیب

ئەمشەو دووشەممە، ژمارەیەك لە گەنجانی شارۆچكەی شارەزوور هەستان بە چاككردنی بەشێك لە هێما شكاوەكانی هاتوچۆی سنوورەكە و نوێكردنەوە و دانانی لەزگەی درەوشاوەی هاتوچۆ بۆ هێماكان.

كاروان كەریم، یەكێكە لەو گەنجە خۆبەخشانە و بە (تۆڕی میدیایی خەڵك)ی ڕایگەیاند، “ئێمە لە سۆنگەی بەرپرسیارێتیمانەوە لەگەڵ ستافێك لە گەنجی ماندوو نەناسی سنوورەكە هەڵدەستین بە چاكردنەوەی ئەو هێمای هاتوچۆیانەی كە شكاون بە هەر هۆكارێك یان خراپ بوون، لەگەڵ ئەوەشدا لەزگەی درەوشاوەی شەو لەو هێمایانە دەدەین كە شۆفێر پێویستە ئاگاداری بێت لە پێشییەوە چی هەیە “.

ئەو گەنجە خۆبەخشە وتیشی، “ڕێگای شارەزوور، دەربەندیخان و ئیدارەی گەرمیان و مەرزی پەروێزخان و سەیدسادق و پێنجوێن و پارێزگای هەڵەبجە پێكەوە دەبەستێت، بۆیە زۆرینەی شۆفێرەكان دەكرێت نوێ بن وە شارەزار ڕێگا نەبن”.

كاروان كەریم ئاماژەی بەوەشكرد، “چاككردنی هێماكان و نوێكرنەوەی لەزگەی هاتوچۆ سوودێكی باشی دەبێت بەتایبەت لە شەواندا، چونكە هێماكانی هاتوچۆ لەگەڵ شۆفێراندا دەدوێت و بەمەش ڕووداوی نەخوازراوی هاتوچۆ لە ناوچەكە زۆر كەمتر دەكات”.

 

بەردەوام بە لە خوێندنەوە

کوردستان

قەڵادزێ.. بەهۆی دەمەقاڵێوە دوو كەس بریندار بوون

خەڵك – بەشی هەواڵ

بەڕێوەبەرایەتی پۆلیسی ڕاپەڕین ڕایدەگەیەنێت: ئەمڕۆ دوو بریندار گەیەنرانە نەخۆشخانەی قەڵادزی كە شوێنی فیشەك و چەقۆ بەسەر جەستەیانەوە بووە.

بەڕێوەبەرایەتی پۆلیسی ڕاپەڕین لە ڕاگەیەنراوێكدا ڕایگەیاند: ئێوارەی ئەمڕۆ دوو بریندار گەیەنرانە نەخۆشخانە كە یەكێك لە بریندارەكان بەناوی ( ع . ح . م ) لەدایك بووی ساڵی 1997 پیشەی كاسب، دانیشتووی قەڵادزێ گەڕەكی كارەبا شوێنەواری دوو فیشەك بە هەردوو قاچییەوە هەیە و بریندارەكەی تریش شوێنەواری چەقۆ بەسەر جەستەیەوە هەیە.

پۆلیسی ڕاپەڕین ڕوونیشیكردووەتەوە، بەوتەی یەكێك لە بریندارەكان بەهۆی دەمەقاڵێ شەڕ لەنێوان ئەوان و چەند گەنجێكی تر دروستبووە و دواتر ئاڵۆزی كەوتووەتە نێوانیان و چەكی جۆری دەمانچە و چەقۆ بەكار هاتووە.

بەڕێوەبەرایەتی پۆلیسی ڕاپەڕین ئاشكراشیكردووە، دۆسیەی لێكۆڵینەوە بە ماددەكانی 405 /31 لە یاسایی سزادانی عیراقی و ماددەی 413 لە یاسای سزادانی عیراقی ڕێكخراوە و لێكۆڵینەوەش بەردەوامە.

بەڕێوەبەرایەتی پۆلیسی ڕاپەڕین ئاماژەی بەوەشداوە، بە بڕیاری دادوەر 3 كەس لە هەردوو لایەن ڕاگیركران و دوای ڕووداوەكەش مەفرەزەكانیان لە نووسینگەی نەهێشتنی تاوانی پشدەر و پۆلیسی فریاكەوتنی پشدەر گەیشتوونەتە شوێنی مەبەست و دەستبەجێ ڕووداوەكەیان كۆنتڕۆڵكردووە و دەستیش گیراوە بەسەر چەكی بەكارهاتوو و چەقۆكەدا.

بەردەوام بە لە خوێندنەوە

کوردستان

فەرهاد پیرباڵ دامەزرایەوە

خەڵك – بەشی هەواڵ

بە فەرمانی مەسرور بارزانی سەرۆكی حكومەتی هەرێم فەرهاد پیرباڵ وەك مامۆستای زانكۆی سەلاحەدین دامەزرایەوە.

د. فەرهاد پیرباڵ مامۆستای زانكۆ ماوەی زیاتر لە ساڵ و نیوێكە لە كارەكەی دوورخراوەتەوە، ئەمڕۆش بە فەرمانی ژمارە (1354) لە 28/7/2020 كە واژۆی د. ئومێد سەباح سەرۆكی دیوانی ئەنجومەنی وەزیرانی هەرێمی لەسەرە ئاماژە بەوەكراوە لەسەر فەرمانی سەرۆكی ئەنجومەنی وەزیران بڕیاریانداوە بە دامەزراندنەوەی (د.فەرهاد پیرباڵ عومەر) بەناونیشانی (مامۆستا) بە شێوەی هەمیشەیی) لەسەر میلاكی وەزارەتی خوێندنی باڵا و توێژینەوەی زانستی / زانكۆی سەڵاحەدین / كۆلیژی پەرەوەردە. بەمووچە و دەرماڵەی شایستە لە ڕێكەوتی دەستبەكاربوونی.

د. فەرهاد پیرباڵ لە بارەی دووبارە دامەزراندنەوەی لە لاپەڕەی فەڕمی خۆی لە تۆڕی كۆمەڵایەتی فەیسبوك دەڵێت:”ٳنشا‌ءاللە دەچمەوە خزمەتی قوتابیەكانم، سوپاسی هەمووان دەكەم،، تكایە بگات بەدەستی سەرۆك زانكۆی سەلاحەددین دكتۆر جەوهەر: لە بڕیارەكە نووسراوە “دامەزراندنەوە”. ئەمەش واتە دیارە من پێشتر فەسڵكرابووم و ساڵێك و 8 مانگە یەك فلس مووچەی زانكۆشم وەرنەگرتووە.. ئێستا بەم بڕیارەی سەرۆك حكوومەت، سەرلەنوێ، وەك ئەوەی تازە لە پاریس هاتبوومەوە لە 1994 دامەزرام لە زانكۆ.”.

بەردەوام بە لە خوێندنەوە

کوردستان