ئێمە لە تۆرە کۆمەڵایەتیەکان

کوردستان

مەسرور بارزانی سكاڵا لەسەر سۆران عومەر تۆمار دەكات

خەڵك- بەشی هەواڵ
نووسینگەی سەرۆكی حكومەتی هەرێم ڕوونكردنەوەیەك لەسەر قسەكانی سۆران عومەر بڵاودەكاتەوە، كە وتوویەتی، “سەرۆكی حكومەت گوایە خاوەنداریی بانكێك و كۆمپانیایەكی گەورە دەكات” و دەشڵێت: “دەبێت بەرپرسیاریەتی یاسایی ئەو چەواشەكاری و ناڕاستییانە لە ئەستۆ بگرێت”.

نووسینگەی مەسرور بارزانی، سەرۆكی حكومەتی هەرێمی كوردستان لە ڕوونكردنەوەكەدا ئاماژەی بەوەكردووە، “سۆران عومەر پەرلەمانتاری سەر بە كۆمەڵی ئیسلامی هەندێ لێدوانی ناڕاست و چەواشەكارانەی داوە كە گوایە، داهاتی حكومەت لە خەرجییەكانی زیاترە و هەروەها باسی لەوە كردووە كە سەرۆكی حكومەت گوایە خاوەنداریی بانكێك و كۆمپانیایەكی گەورە دەكات”.

ڕاشیگەیاندووە، “ڕێكاری ئاسایی دەگرینە بەر. ئەم كەسە پێویستە بەڵگەكانی ڕادەستی لایەنە یاساییەكان بكات”.

دەقی ڕوونكردنەوەكە:

روونكردنەوەیەك لە نووسینگەی سەرۆكی حكومەتی هەرێمی كوردستانەوە

دوابەدوای ئەوەی لە ناوەوە و دەرەوەی ھەرێم، رێكارەكانی حكومەتی ھەرێم بۆ ڕووبەڕووبوونەوەی پەتای ڤایرۆسی نوێی كۆرۆنا بووە جێگەی دەستخۆشی ، كەسانێك ویستیان بۆ شێواندنی ئەم دەسكەوتە خەلك چەواشە بكەن و بە ھەواڵی ساختە پێگەی سەرۆكی حكومەت بكەنە ئامانج ،لەوانەش سۆران عومەر پەرلەمانتاری سەر بە كۆمەڵی ئیسلامی هەندێ لێدوانی ناڕاست و چەواشەكارانەی داوە كە گوایە، داهاتی حكومەت لە خەرجییەكانی زیاترە و هەروەها باسی لەوە كردووە كە سەرۆكی حكومەت گوایە خاوەنداریی بانكێك و كۆمپانیایەكی گەورە دەكات. لەم كات و ساتەدا كە حكومەتی هەرێم هەموو تواناكانی خۆی بۆ پاراستنی تەندروستی وگیانی هاونیشتمانیان تەرخان كردووە، چاوەڕوانی ئەوە بووین دوور لە ململانێ سیاسییەكان هەموو لایەك بەشدار و هاوكار بن لە پێناو تێپەڕاندنی ئەم دۆخە سەختە، بەڵام بەداخەوە كەسانێك سەلماندوویانە كە هیچ كاتێك ناتوانن بە ئاراستەی بەرژەوەندیی گشتیدا هەنگاو بنێن. ئێمە لێرەدا وێڕای ڕەتكردنەوەی ئەم تۆمەتانە، لە پێناو ئاشكراكردنی ڕاستییەكان بۆ ھاووڵاتییانی خۆشەویستمان رێكاری ئاسایی دەگرینە بەر. ئەم كەسە پێویستە بەڵگەكانی ڕادەستی لایەنە یاساییەكان بكات، ئەگەرنا دەبێت بەرپرسیاریەتی یاسایی ئەو چەواشەكاری و ناڕاستییانە لە ئەستۆ بگرێت.

نووسینگەی سەرۆكی حكومەتی هەرێمی كوردستان

2020/4/1

عێراق

پێویستە لەپاڵ وەفدە حکومییەکە، وەفدێکی سیاسی بچێتە بەغداد

خەڵک-ئارام سەردار

 

بڕیاردەری لیژنەی دارایی و ئابووری ڕایدەگەیەنێت، چوونی وەفدی هەرێم بۆ بەغدا زۆر گرنگە، بەباشی دەزانین لەپاڵ ئەو وەفدە وەفدێکی سیاسی بچێتە بەغدا.

 

محەمەد سەعدەدین، بڕیاردەری لیژنەی دارایی و ئابووری لەپەڕلەمانی کوردستان بە (خەڵک)ی ڕاگەیاند، پێشتر دانوستان لەنێوان هەولێر و بەغداد بەردەوام بوو و سەرکەوتووش بوون لەچارەسەرکردنی کێشەکان، هەروەها بۆ پلانی ستراتیژی بوودجەی ساڵەکانی ٢٠٢١ و ٢٠٢٢ و ٢٠٢٣ ڕێککەوتنیان هەبوو، بەڵام لەبابەتی یاسای قەرز هەندێ فڕاکسیۆن ڕای جیاوازیان هەبوو لەچوارچێوەی هەنگاوەکانی حکومەت بۆ چارەسەری کێشەکان کاریان نەکرد، ئەمەش جێگای نیگەرانی خەڵکی کوردستان و سەرکردایەتی سیاسی کورد بوو.

 

دەشڵێت، چوونی وەفدی هەرێم بۆ بەغدا زۆر گرنگە، بەباشی دەزانین لەپاڵ ئەو وەفدە وەفدێکی سیاسی بچێتە بەغدا، بۆ ئەوەی چۆن هەردوو حکومەت دەگەنە ڕێککەوتن بۆ چارەسەری کێشەکان، کوتلە جیاوازەکانیش لەحزبەکان هەمان ڕایان هەبێت و جارێکی تر ئەوەی ڕوویدا لەپەڕلەمان دووبارە نەبێتەوە.

 

لەبارەی ناردنی ٣٢٠ ملیار دینارەکە وتی، دەبێت تا ٢٠٢١ مانگانە ٣٢٠ ملیار دینارەکە ڕەوانە بکرێت، هۆکاری دواکەوتنەکەی بەهۆی کێشەی سیولە بوو لەبەغداد، ئێستا چارەسەربووە و عیراق دوای دابەشکردنی مووچەی خۆیان پشکی هەرێم لەمووچەی فەرمانبەران دەنێرێت.

بەردەوام بە لە خوێندنەوە

کوردستان

قائیمقامیەتی سلێمانی: ڕۆژانە ژیانی ژمارەیەكی زۆری هاووڵاتی دەپارێزین

خەڵك-بەشی هەواڵ

 

سەرۆكی لیژنەی یەك لەلیژنە هاوبەشەكانی قائیمقامیەتی سلێمانی ڕایدەگەیەنێت، ڕۆژانە لەلایەن لیژنەكانی قائیمقامیەتی سلێمانی ژیانی ژمارەیەكی زۆری هاووڵاتیان لە مواد و خۆراكی خراپ و بەسەرچوو دەپارێزین.

سامان حمید سەرۆكی لیژنەی یەك لەلیژنە هاوبەشەكانی قائیمقامیەتی سلێمانی كەتایبەتە بەچاودێری كردنی ماركێت و چێشتخانەكان لە ڕاگەیەنراوێكدا ئاماژە بۆ ئەوە دەكات، ڕۆژانە لەلایەن لیژنەكەوە سەردانی ماركێت و چێشتخانەكانی سلێمانی دەكرێت چاودێری ووردیان دەكرێت لەڕووی تەندروستی و كوالێتی خواردنەكانیانەوە.
وتیشی”لەكاتی ئەنجامدانی گەڕان و پشكنینەكاندا دەست بەسەر ژمارەیەكی زۆر مواد و خۆراكی ماوە بەسەرچوو دەگیرێت كە كاریگەری خراپیان بۆسەر تەندروستی هاووڵاتیان هەیە”.

ئاشكراشیكرد، هەر خاوەن ماركێت و چێشتخانەیەك پابەندی ڕێنماییەكانی كاركردن نەبێت ڕووبەڕووی ڕێكاری یاسایی دەكرێتەوە.

بەردەوام بە لە خوێندنەوە

کوردستان

وەزارەتی خوێندنی باڵا 30 زەمالەی خوێندن ڕادەگەیەنێت

خەڵك-بەشی هەواڵ

 

وەزارەتی خوێندنی باڵا و توێژینەوەی زانستی زەمالەی خوێندنی باڵا ماستەر/دكتۆرا لە وڵاتی هەنگاریا بۆ ساڵی خوێندنی (٢٠٢١-٢٠٢٢) ڕادەگەیەنێت، كە لە چوارچێوەی ڕێكەوتنامەی نێوان وەزارەتی خوێندنی باڵای هەرێمی كوردستان و وەزارەتی توانستە مرۆییەكانی هەنگاریا ساڵانە ٣٠ سكۆلەرشیپ بۆ فێرخوازان و هاووڵاتیانی هەرێمی كوردستان ڕادەگەیەنێت.

د.ئارام محەمەد قادر وەزیری خوێندنی باڵا و توێژینەوەی زانستی لە لێدوانێكی ڕۆژنامەوانیدا ڕایگەیاند، وڵاتی هەنگاریا لەكاتێكدا هاوكاری پێشكەش بەهەرێمی كوردستان كرد، كە هەرێمەكەمان ڕووبەڕووی شەڕی دژی داعش و قەیرانی دارایی بووبووەوە.
وتیشی”هاوكارییەكانی ئەوان بۆ هێزی پێشمەرگە لەلایەك و بەردەوامیدان بەپێشكەشكردنی سكۆلەرشیپ بۆ خوێندكارانی كوردستان لەلایەكی دیكە مایەی ستایش و نرخاندێكی زۆرە”.

ئاشكراشیكرد، لە چوارچێوەی ڕێكەوتنامەی نێوان وەزارەتی خوێندنی باڵا و توێژینەوەی زانستی هەرێمی كوردستان و وەزارەتی توانستە مرۆییەكانی هەنگاریا كرد كە ساڵانە هەنگاریا (٣٠) سكۆلەرشیپ (١٠) ماستەر (٢٠) دكتۆرا بۆ فێرخوازان و هاووڵاتیانی هەرێمی كوردستان ڕادەگەیەنێت و لە ئێستاوە دەرگای پێشكەشكردن بۆ سكۆلەرشیپی خوێندنی باڵای هەنگاریا دەكەینەوە.

بۆ بینینی مەرجەكان كلیك بكە..

بەردەوام بە لە خوێندنەوە

کوردستان