ئێمە لە تۆرە کۆمەڵایەتیەکان

کوردستان

پەڕلەمانتارێكی پێشووی یەكێتی: مووچە دەبێتە نیوە

خەڵك- بەشی هەواڵ
ئەندام پەڕلەمانێكی پێشووی یەكێتی ئاشكرای دەكات، كە زەمینە خۆش ئەكرێت بۆ دەستكاری كردنی مووچە و پارتی بە ئاشكرا بە تیمی یەكێتی و گۆرانی وتوە و هەردوولا ڕازی بوون و دەشڵێت: “دەستكاری مووچە ناكرێت، بەڵام بەدوو مانگ جارێك دەدرێت و ئەوەش واتا دەبێتە نیوە”.

زانا عەبدولڕەحمان، ئەندامیخوولی پێشووی پەڕلەمانی كوردستان لە فراكسیۆنی یەكێتی لە نووسینێكدا لە هەژماری خۆی لە فەیسبووك بەناوی (لەژوورە تاریكەكان) ئاماژەی بەوەكردووە، داواكراوە پێشنیارەكە وەزیرێك بیكات و پارتی نەبێت. هەموو بەیەك دەنگ بەرگری بكەن لەو هەنگاوە بە بیانووی دۆخی ئێستا و ڕووبەڕووبونەوەی كۆرۆنا و داواكراوە پەڕلەمان هاوكاربێت كێشە دروست نەكات، بۆیە پێ ئەچێت جگە لە هەندێك موزایەدەی بچووك هیچ هەڵوستێك نەبێت.

دەشڵێت: “گۆڕان بە هەردوو قاچ چۆتە حكومەتەكە ئەگەر مووچەش نەدرێت ناكشێنەوە و یەكێتیش جارێكی تر كەوتەوە دووڕییان، هەندێك هەمان ڕای گۆرانیان هەیە تاكۆتایی دەستیان بەحكومەتەوە بێت گوێ نەدەن بەوەی دۆخی خەڵك چۆن ئەبێت و هەندێكیش داوائەكەن بكشێنەوە ئەگەر حكومەت دەستكاری مووچەی كرد، بەڵام باوەرم وایە تا كۆتایی یەكێتی بە قەلەقی ئەمێنتەوە هیچ بریارێكی پێنادرێت”.

جەختیشی كردۆتەوە، “یاسای چاكسازی پارەیەكی زۆر ناگەڕێنێتەوە، بۆیە پێشنیارێكی تر هەیە، كە دەستكاری مووچە نەكرێت ئەو باسە دابخرێت و حكومەت دوو مانگ جارێك مووچە بدات، ئەم پیلانە لایەنگری زۆر ترە، چونكە هەم بەخەڵك ئەڵێن مووچە كەم نەكراوەتەوە، هەم 50%ی مووچەش ئەبڕن”.

دەقی وتارەكەی زانا عەبدولڕەحمان:

لەژوورە تاریكەكان

نرخی نەوەت تەواو دابەزیوە،نەوتی هەرێمیش كە چەند وەختە بە نرخی كەمتر لە بازاری نەوت فرۆشراوە
تەواو بێ نرخ بووە.

بەغداد چەند جار هەرێم ئاگاداركردوە ئەگەر موچەی بنێرێت و هەرێم دابەشی نەكات بیشارێتەوە ئیتر مووچە نانێرێت.

سەرۆكێ حكومەت كە پێش وەرگرتنی حكومەت راوێژی كردبوو،لەگەڵ كۆمەڵێك خەڵك لە دەرەوەی پارتی لەوانە پەرلەمانتارێكی ئۆپۆزسیۆن كە لە ژێرەوە راوێژكاری سەرۆكی حكومەتە..
پێیوتوە ئەگەر بەغدادیش پارە نەنێرێت، داهاتی ناوخۆ بەشی مووچە ئەكات بەمەرجێك یاسایی چاكسازی تێپەرێت،بەڵام ئێستا سەرۆكی حكومەت بۆی دەركەوتووە كە ئەو زانیارییە راست نیە و بەش ناكات ، تووشی شۆك بووە.

زەمینە خۆش ئەكرێت بۆ دەستكاری كردنی مووچە پارتی بە ئاشكرا بە تیمی یەكێتی و گۆران وتوە هەردوولا رازی بوون
داواشكراوە پێشنیارەكە،وەزیرێك بیكات و پارتی نەبێت. هەموو بەیەك دەنگ بەرگری بكەن لەو هەنگاوە بە بیانووی دۆخی ئێستا و رووبەرووبونەوەی كۆرۆنا.

داواكراوە پەرلەمان هاوكاربێت كێشە دروست نەكات،بۆیە پێ ئەچێت جگە لە هەندێك موزایەدەی بچووك هیچ هەڵوستێك نەبێت،رێگە خۆش بكەن حكومەت بەدڵی خۆی هەنگاو بنێت.

گۆڕان بە هەردوو قاچ چۆتە حكومەتەكە ئەگەر موچەش نەدرێت ناكشێنەوە.
یەكێتیش جارێكی تر كەوتەوە دووڕییان، هەندێك هەمان رایی گۆرانیان هەیە تاكۆتایی دەستییان بەحكومەتەوە بێت گوێ نەدەن بەوەی دۆخی خەڵك چۆن ئەبێت.
هەندێكیش داوائەكەن بكشێنەوە،ئەگەر حكومەت دەستكاری موچەی كرد ، بەڵام باوەرم وایە تا كۆتایی یەكێتی بە قەلەقی ئەمێنتەوە هیچ بریارێكی پێنادرێت

پارتیشی تووشی ئیحراجی بووە، نایانەوێت لە یەكەم تاقیكردنەوە ، سەرۆكی حكومەت شكست بهێنت.
هەموو هەوڵێك ئەدەن تەنها نەبن بەرپرسیارێتی دۆخەكە دابەش بكەن كە مووچە كەم كرایەوە زیاتر وەزیرەكانی یەكێتی وگۆران بەرپرسیاری بخنە ئەستۆیان پەرلەمنتارانیش بیانوو بهێنەوە بۆ دۆخەكە بۆ ئەوەی زۆر لەسەر پارتی نەكەوێت ، پێدەچێت رۆڵی زیاتر بدرێت بە جێگری سەرۆكی حكومەت وەكو جاری پێشوو ئەو بكەنە ئەندازیاری كەمكردنەوەی مووچە

ئەم چەند رۆژە هەندێك پەرلەمانتاری ئۆپۆزسیونی پێشوو و پارتی پرسی چاكسازی ئەجوڵێنن،بەتایبەت مەرزەكان و سەرنجەكەش لەسەر ئەو مەرزانە ئەبێت كە لە سنوری یەكێتی وەك فشارێك لەسەر یەكێتیی وچەواشەكردنی خەڵك.
بەڵام یاسایی چاكسازی بڕە پارەیەكی زۆركەمی گەراندۆتەوە هیچ كەلێنێكی پێناگیرێت،تەنها بەردێكی زل بوو حكومەت هاویشتی،بەڵام هیچی نەپێكا.

پێشنیارێكی تر هەیە،كە دەستكاری مووچە نەكرێت ئەو باسە دابخرێت ،حكومەت دوو مانگ جارێك مووچە بدات
ئەم پیلانە لایەنگری زۆر ترە،چونكە هەم بەخەڵك ئەڵێن مووچە كەم نەكراوەتەوە،هەم لەسەدای پەنجای مووچەش ئەبڕن

بەكورتی موچە ئەبێتە نیوە دانیشن بەخێر.

کوردستان

وەزارەتی خوێندنی باڵا شەش پۆست بۆ جاری یەكەم لە زانكۆی سلێمانی ڕادەگەیەنێت

خەڵك – بەشی هەواڵ
وەزارەتی خوێندنی باڵا و توێژینەوەی زانستی لە چوارچێوەی ڕێنماییەكاندا شەش پۆست بۆ جاری یەكەم لە زانكۆی سلێمانی ڕادەگەیەنێت، ماوەی وەرگرتنی (c.v) تا 20ی ئەم مانگە دەبێت.

وەزارەتی خوێندنی باڵا و توێژینەوەی زانستی حكومەتی هەرێم لە ڕاگەیەنراوێكدا، بڵاویكردەوە ، لە چوارچێوەی ڕێنماییەكاندا شەش پۆست بۆ جاری یەكەم لە زانكۆی سلێمانی ڕادەگەیەنێت، هەر كەسێك ئارەزوی هەیە و مەرجەكانی تێدایە دەتوانێت لە ماوەی دیاریكراودا (c.v) و داواكارییەكەی پێشكەش بكات، تا ناوی لە لیستی خوازیاراندا تۆمار بكرێت.

ڕاشیگەیاندووە، چانسی زیاتر دەدرێت بەو بەڕێزەی، كە دیدو بۆچوون و بەرنامەی كار و چالاكییەكانی خۆی پێشكەش بكات بۆ بەرەوپێشبردنی زانكۆ بۆ ئەو چوار ساڵەی كە پۆستەكەی وەردەگرێت ، زمانی ئینگلیزی و بەكارهێنانی كۆمپیوتەر هەلی زیاتر بۆ پیشكەشكار دەڕەخسێنیت.

ئاماژەبۆ ئەوەشكراوە، بۆ پێشكەشكردنی (c.v) و پوختەی ڕاژە كۆتایی دەوامی ڕێكەوتی (٢٠/٨/٢٠٢٠) دەبێت و پێویستە پوختەی ڕاژەی لەلایەن بەرپرسی یەكەمی فەرمانگەكەیەوە واژوو كرا بێت.

هەر بەڕێزێك ئارەزوی هەیەو مەرجەكانی سەرەوەی تێدا بەدی دەكرێت دەتوانی (c.v) و پوختەی ڕاژەی ڕاستەوخۆ بۆ ئەم ئیمیلە [email protected] بنێرێت.

پۆستەكان:
ڕاگری كۆلیژی پزیشكی
ڕاگری كۆلیژی پزیشكی ڤێتەرنەری
ڕاگری كۆلیژی زمان
ڕاگری كۆلیژی زانستە ئەندازیارییە كشتوكاڵییەكان
ڕاگری كۆلێژی بازرگانی
ڕاگری كۆلێژی هونەرە جوانەكان

مەرجەكان:
هەڵگری بڕوانامەی دكتۆرا بێت.
ناونیشانی زانستی لە پرۆفیسۆری یاریدەدەر كەمتر نەبێت.
خزمەتی زانكۆیی لە (10) ساڵ كەمتر نەبێت.

بەردەوام بە لە خوێندنەوە

ژینگە

عەبدولڕەحمان سدیق پۆستێكی باڵای لە كابینەی نۆ وەرگرت

خەڵك – بەشی هەواڵ
نووسەر و ئەندازیار سیاسەتمەداری كوردو ئەندامێكی پێشووی سەركردایەتی یەكگرتووی ئیسلامیی كوردستان پۆستی سەرۆكی دەستەی پاراستن و چاككردنی ژینگە لە هەرێمی كوردستان وەرگرت و ئەمڕۆ سەرۆكی هەرێم واژۆی لەسەر كرد .

نێچیرڤان بارزانی، سەرۆكی هەرێمی كوردستان ئەمڕۆ دووشەممە 10/8/2020، فەرمانی هەرێمی بۆ عەبدولڕەحمان سدیق، نووسەر و ئەندازیار سیاسەتمەدار ی كورد واژۆ كرد تا وەك سەرۆكی دەستەی پاراستن و چاككردنی ژینگە لە هەرێمی كوردستان دەست بەكار بێت.

سەرۆكی هەرێمی كوردستان لە دوای واژۆكردنی دەستبەكاربوونەكەی ستایشی شارەزایی و خزمەت و هەوڵەكانی بۆ پاراستنی ژینگە و بڵاوكردنەوەی كولتووری ژینگەپارێزی عەبدولڕەحمان سدیق كرد، كە هەر لەدوای ڕاپەرینی ئازاری 1991ـەوەبەردەوام بووە و هیوای سەركەوتن بۆ خواست .

بیۆگرافیا :
عەبدولڕەحمان سدیق لە دایكبووی ٢ی ئازاری ١٩٦٢ شاری كەركوك، نووسەر و ئەندازیار سیاسەتمەدار ی كوردە، ئەندامی پێشووی سەركردایەتی یەكگرتووی ئیسلامیی كوردستان بووە و بڕوانامەی ئەندازیاری هەیە و چالاكوانێكی بواری ژینگەیە، لەماوەی ٢٠٠٣ تاكوو ٢٠٠٤ وەزیری ژینگەی عێراق بوو هاوكات ئەندامی ئەنجوومەنی نوێنەران (پەڕلەمان)ی عیراق بوو.

بەردەوام بە لە خوێندنەوە

کوردستان

تەندروستی سلێمانی: لە 24 كاتژمێری ڕابردوودا 22 تووشبووی كۆرۆنا چاكبوونەتەوە

خەڵك – بەشی هەواڵ

وتەبێژی بەڕێوەبەرایەتی‌ گشتی‌ تەندروستی‌ سلێمانی‌ ڕایدەگەیەنێت: لە ماوەی 24 كاتژمێری ڕابردوودا 22 تووشبووی كۆرۆنا چاكبوونەتەوە و 3 تووشبووش گیانیان لەدەستداوە.

د.یاد نەقشبەندی‌ وتەبێژی‌ بەڕێوەبەرایەتی‌ گشتی‌ تەندروستی‌ سلێمانی‌ لە ڕاگەیەندراوێكدا ئاشكرایكرد: لە 24 كاتژمێری‌ ڕابردوودا 32 نەخۆش داخڵی‌ نەخۆشخانەكانی‌ كۆرۆنا بوون و 22 تووشبووش نەخۆشخانەیان جێهێشتووە.

وتەبێژی بەڕێوەبەرایەتی‌ گشتی‌ تەندروستی‌ سلێمانی ‌ئاماژەی بەوەشداوە: هاتووە 146 تووشبوو لە نەخۆشخانەكان ماونەتەوە و لەو ژمارەیە 32 تووشبوو لە چاودێری‌ چڕن و هاوكات لە 24 كاتژمێری‌ ڕابردوو 3 تووشبووی‌ كۆرۆنا گیانیان لەدەستداوە.

بەردەوام بە لە خوێندنەوە

کوردستان