ئێمە لە تۆرە کۆمەڵایەتیەکان

جیهان

زیاتر لە 4 هەزار كەس گیانیان لەدەستداوە
ئەمریكا نەخۆشخانەی كاتی بۆ تووشبووانی كۆرۆنا دروست دەكات


 

خەڵك-بەشی هەواڵ

ژمارەی تووشبووانی بە ڤایرۆسی كۆرۆنا لە ئەمریكا مەترسی زیاتر بۆ سەر ئەو وڵاتە دروست دەكات و لە دوو ڕۆژی ڕابردوودا تووشبووان بۆ دوو هێندە زیادی كردووە.

ئەمڕۆ چوار شەممە 1-4-2020 زانكۆی جانز هاپكنزی ئەمریكی ئاشكرایكرد، لەماوەی 24 كاتژمێری ڕابردوو 865 كەس بەهۆی تووشبوونیان بە ڤایرۆسی كۆرۆنا گیانیان لەدەستداوە، ئەمەش گەورەترین ژمارەی گیانلەدەستدانە لە ئەمریكا بەهۆی ڤایرۆسی كۆرۆناوە تۆمار كراوە.

زانكۆكە لە ڕاگەیەنراوێكدا ئاماژە بۆ ئەوە دەكات، دوای ئەوەی ژمارەی ئەو كەسانەی بەهۆی ڤارۆسی كۆرۆناوە 4 هەزار كەسی تێپەڕاند، ئەوە نیشان دەدات كە ژمارەی قوربانیان لە سێ ڕۆژی ڕابردوودا دوو هێندە زیادی كردووە، ئەمەش لەكاتێكدایە حكومەتی ئەمریكا بۆ دروستكردنی سەدان نەخۆشخانەی كاتی لە نزیك شارە گەورەكان بودجەیەكی گەورەی تەرخان كردووە.

بڕیارەكەی ئەمریكا دوای ئەوە دێت كە ڤایرۆسی كۆرۆنا بەشێوەیەكی بەربڵاو لە ئەمریكا بڵاوبووەوە و وایلێهات نەخۆشخانەكانی ئەمریكا و كەرتی تەندروستی ئەمریكا زۆر دەستەوسان بێت لەبەرانبەر پێشوازی لەو نەخۆشانە.

بەپێی زانیارییەكانی ئەو زانكۆیە، ئەمڕۆ چوار شەممە ژمارەی ئەو كەسانەی بەهۆی ڤایرۆسەكەوە گیانیان لەدەستداوە گەیشتە 4 هەزار و 76 كەس.

ئەو زانكۆیە كە سەرچاوەی باوەڕپێكراوی بڵاوكردنەوەی هەواڵەكانی كۆرۆنایە لەو وڵاتە ئاشكرایكرد، ژمارەی ئەو كەسانەی تووشی كۆرۆنا بوون گەیشتووەتە 188 هەزار و 171 كەس، لەماوەی 24 كاتژمێری ڕابردوو 24 هەزار و 743 كەس تووشی ڤایرۆسەكە بوون.

جیهان

شەقامی “ژیانی ڕەشپێستەكان گرنگە”


خەڵك-لوقمان غەفوور

سەرۆكی شارەوانی كەرتی كۆلۆمبیا لە واشنگتۆن دی سی، بڕیاریدا یەكەم شەقام ناوبنێت “ژیانی ڕەشپێستەكان گرنگە”.
خاتوو مۆریل بوزر، 5ی حوزەیران شەقامی 16ی گۆڕی بە “ژیانی ڕەشپێستەكان گرنگە” و لەگەڵ ژمارەیەك لە كارمەندانی شارەوانی شەپامەكەیان بە بۆیەی زەرد نەخشاند و بەگەورەیی نوسیان ” ژیانی ڕەشپێستەكان گرنگە”.
شەقامی 16 ئەچێتەوە سەر مەیدانی لاڤایت و كۆشكی سپی. كە یەكێكە لە شەقامە سەرەكییەكانی واشنگتۆن.
ئەم بڕیارەی سەرۆكی شارەوانی لە دوای 8 ڕۆژ خۆپیشاندان دێت لەسەر ئەو شەقامە بەهۆی گیانلەدەستدانی جۆرج فلۆید پیاوە ڕەشەكەی شاری مەنیئاپلس-ی ویلایەتی مینیسۆتا لە رۆژی 26 ئایار لەژێر دەستی (دیریك شۆڤین) ی ئەفسەری پۆلیس.
بوزر لە كۆنگرەیەكی ڕۆژنامەنووسیدا باسی لەوەكرد خەڵك لێرە هاوسۆزن بۆ گۆێگرتن و بینین و دانپێدانان بە مرۆڤایەتیبوونیاندا. وتیشی: “ئێمە فرسەتی ئەوەمان بۆ هەڵكەوت كە بەدەنگێكی بەرز و ئاشكرا لە شەقامێكی گرنگی ویلایەتەكەماندا پەیامێك بگەیەنین”.
باسی لەوەشكرد كە ئەمە پەیامی گەلی ئەمریكایە بۆ دنیا كە ژیانی ڕەشپێست گرنگە لەلایە ئێمە.
جۆن فالتستیشیو بەرێوەبەری فەرمانبەرانی شارەوانی كەرتی كۆلۆمبیا لە واشنگتۆن دی سی، وتی: “سەرۆكی شارەوانی بەئاشكرا وتویەتی كە ئەم شەقامە پێشكەشە بە خۆپیشاندەران لەبەرئەوەی بەشێوەیەكی ئاشتیانە دوو شەوە خۆپیشاندەران ناوچەكەیان پاراستووە”.

بەردەوام بە لە خوێندنەوە

ئابوری

نرخی نەوت بەرز بووەوە


خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ شەممە، 6ی‌ حوزەیرانی 2020 بەرز بووەتەوە، بەشێوەیەك نرخی‌ نەوتی برێنت بە 41 دۆلار و 97 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 38 دۆلارو 95 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

لە سەرەتای ئەم مانگەوە، نرخی نەوت ووردە ووردە بەرز دەبێتەوە، هەرچەندە هەندێك وڵات هۆشداری هاتنەوەی ڤایرۆسی كۆرۆنا بۆ وڵاتەكانیان دەدەن.

بەردەوام بە لە خوێندنەوە

جیهان

نرخی نەوت 42 دۆلاری تێپەڕاند


خەڵك- بەشی هەواڵ
نرخی نەوت ڕووی لە بەرزبوونەوە كرد دوای ئەوەی ڕێژەی بێكاریی لە ولایەتە یەكگرتووەكان لە مانگی ئایاری ڕابردوودا بەشێوەیەكی ناچاوەڕوانكراو پاشەكشەی كرد، و (ئۆپیك)يش وادەیەكی بۆ گفتووگۆكردن لەبارەی كەمكردنەوەی ئاستی بەرهەمی نەوت، دیاریی كرد.

نرخی نەوتی برێنت بۆ گرێبەستە دواخراوەكان بە بڕی 2.7 دۆلار ڕووی لە بەرزبوونەوە كرد كە دەكاتە 5.2% و نرخی بەرمیلێكی گەیشتە 42.07 دۆلار، بەهەمان شێوە نرخی نەوتی خۆرئاوای تكساسی ئەمریكا بە بڕی 1.65 بەرزبۆوە ، واتا بە ڕێژەی 4.4% و نرخی بەرمیلێكی گەیشتە 39.02 دۆلار.

وەزارەتی كاری ئەمریكایی بەشێوەیەكی لەناكاو دابەزینی ڕێژەی بێكاریی بۆ 13.3% لە مانگی ڕابردوودا ڕاگەیاند، دوای ئەوەی ئەو ڕێژەیە لە مانگی نیسانی ڕابردوودا 14.7% بوو.

 

بەردەوام بە لە خوێندنەوە

کوردستان