ئێمە لە تۆرە کۆمەڵایەتیەکان

کوردستان

ژمارەیەك نوێنەری كورد لە بەغدا لەبارەی مووچەی فەرمانبەرانەوە ڕوونكردنەوەیەكیان بڵاوكردەوە

خەڵك – بەشی هەواڵ

ژمارەیەك نوێنەری كورد لە ئەنجومەنی نوێنەرانی عیراق لە ڕوونكردنەوەیەكدا ڕایدەگەیەنن:”لەم ساتەوەختە مێژوییە هەستیارەدا، خەڵكی عیراق هەست بە دڵەڕاوكێیەكی زۆر دەكەن بەهۆی ئەوەی زیاد لەقەیرانێك ڕووبەڕوویان بووەتەوە، لەوانە قەیرانی سیاسی و حوكمڕانی كە خۆی لە پێكنەهێنان و ڕێكنەكەوتن لەسەر كابینەیەكی نوێی حكومەتی فیدڕاڵدا دەبینێتەوە و هاوزەمان قەیرانی دارایی و ئابووریش بووەتە هەڕەشە و جگە لە لاوازی سیستمی تەندروستیی كە دەمێكە داوای گۆڕینی بنەڕەتی دەكرێت تیایدا.

ئەوەشدەخەنەڕوو: هەرێمی كوردستان وەك بەشێك لە هاوكێشەی ئەو ناوچە پڕئالۆزە، لەجیاتی ئەوەی سەركردە و بكەرە سیاسییە سەرەكییەكانی كاری شەو و ڕۆژیان هاوشانی گەڕان بەدوای دەرچەیەكدا بۆ ڕزگاربوون لەو ڤایرۆسە و پاراستنی هاووڵاتیان، لەهەوڵی ئەوەدابن لێكەوتە نەرێنییەكانی قەدەغەی هاتوچۆ و وەستانی كار و كاسبی و بازاڕ، بەسەر هاووڵاتییانی هەژار و كەمدەرامەت كەمبكەنەوە، كەچی زۆرینەی كۆبوونەوەكانیان تەرخانكردووە بۆ زیادكردن و فراوانكردنی كاریگەرییە نەرێنیەكانی ئەو دۆخە لەسەر ژیانی هاووڵاتییان بەگشتی بە مووچەخۆر و خەڵكی كاسبەوە.

دەشڵێن: ئێمە بۆ پاراستنی موچەی فەرمانبەرانی هەرێم لە دەستكاریكردن و كەمكردنەوە هەموو هەوڵێكی پەرلەمانی و یاسایی و مەدەنی و دبلۆماسی دەگرینەبەر .

دەقی ڕونكردنەوەكە:

روونكردنەوەیەك بۆ ڕایگشتی

لەكاتێكدا بەهۆی بڵاوبوونەوەی پەتای ڤایروسی كۆرۆناوە، تەواوی حكومەتەكانی دنیا رێوشوێنی خۆپارێزیان گرتۆتە بەر و هەوڵدەدەن كاریگەریە تەندروستی و كۆمەلایەتی و ئابوریەكانی لەسەر شانی كۆمەڵگەكانیان سوك بكەن و مەترسیەكانی لە خەڵك بەدور بگرن .

لەم ساتەوەختە مێژوییە هەستیارەدا، خەڵكی عێراق هەست بە دڵەڕاوكێیەكی زۆر دەكەن بەهۆی ئەوەی زیاد لەقەیرانێك رووبەڕوویان بۆتەوە،لەوانە قەیرانی سیاسی و حوكمڕانی كە خۆی لە پێكنەهێنان و رێكنەكەوتن لەسەر كابینەیەكی نوێی حكومەتی فیدڕاڵدا دەبینێتەوە و هاوزەمان قەیرانی دارایی و ئابووریش بۆتە هەڕەشە و جگە لە لاوازی سیستمی تەندروستیی كە دەمێكە داوای گۆرینی بنەرەتی دەكرێت تیایدا.

هەرێمی كوردستان وەك بەشێك لە هاوكێشەی ئەو ناوچە پڕئالۆزە،لەجیاتی ئەوەی سەركردە و بكەرە سیاسیە سەرەكیەكانی كاری شەو و ڕۆژیان هاوشانی گەڕان بەدوای دەرچەیەكدا بۆ ڕزگاربوون لەو ڤایروسە و پاراستنی هاووڵاتیان،لەهەوڵی ئەوەدابن لێكەوتە نەرێنییەكانی قەدەغەی هاتوچۆ و وەستانی كار و كاسبی و بازاڕ، بەسەر هاووڵاتییانی هەژار و كەمدەرامەت كەمبكەنەوە،كەچی زۆرینەی كۆبونەوەكانیان تەرخانكردووە بۆ زیادكردن و فراوانكردنی كاریگەرییە نەرێنیەكانی ئەو دۆخە لەسەر ژیانی هاووڵاتییان بەگشتی بە مووچەخۆر و خەڵكی كاسبەوە.

دیارترین هۆكار بۆ بڵاوكردنەوەی ترس و دڵەڕاوكێی خەڵك لە هەرێمی كوردستان پرسی كەمكردنەوەی مووچە و دەرماڵەی فەرمانبەرانە ئەمەش بە لێدوانی زۆر و جیا و دژیەك لەلایەن بەرپرسانی حكومەتەوە.

ئەم دەستەپاچەبونەی حكومەتی هەرێم لەكاتێكدایە لەزۆرێك لە ولاتاندا حكومەتەكان پارە تەرخاندەكەن بۆ ڕووبەڕووبونەوەی ڤایرۆسەكە و لێكەوتەكانی و قەرەبووكردنەوەی ئەو كەسانەی بەهۆی كەرەنتینەكردنیانەوە دووچاری بێدەرامەتی بوون و سەبەتەی خۆراكیان بۆ دەنێرێتە ماڵەكانیان و مووچەی تایبەتیان بۆ دەبڕنەوە.

بەرپرسانی هەرێم بەهۆی لێنەوەشاوەییان لەئیدارەدانی هەرێمێكی (٥) ملیۆن كەسی، وە بەهۆی ئەو كەموكوڕییە كەڵەكەبوانەی سالانی حوكمڕانیان تائێستا نەیانتوانیوە پلانێكی گونجاو لەبەرژەوەندی خەڵكی كوردستان بە تایبەت لە سەر ئاستی ئابوری بخەنە ڕوو.

لەبەرامبەر نەبونی ئەو پلانەدا لەسەر زاری بەرپرسە باڵاكانی حكومەت و پەرلەمانی هەرێمەوە ئاماژە بەوەدەكرێت جارێكی تر دەستكاری موچەی فەرمانبەران بكەن لەكاتێكدا مانگانە پشكی هەرێم لە بەغداوە دەنێردرێ.

ئەو پارەیەی كەلە بەغداوە دەنێردرێت بۆ موچەی فەرمانبەرانی هەرێم تەرخانكراوە و لە یاسای بودجەشدا بەو ناوەوە جێگیركراوە و بەهیچ شێوەیەك و لە ژێر هیچ پاساوێكدا حكومەتی هەرێم بۆی نیە دەستببات بۆ كەمكردنەوەی موچە یا بەكارهینانی لە كایەی تردا.

حكومەتی هەرێم كە حەوت ساڵە نەیتوانیوە یاسای بودجەی هەبێت بۆ بە یاساییكردنی داهات و خەرجیەكانی ئیستا ناتوانێت هەركاتێك مەبەستی بو بێ هیچ چوارچیوەیەكی یاسایی دەسكاری موچە و قوتی خەڵك بكا .

لە هەمو سیستمە سیاسیەكان بە سیستمە نادیموكراسیەكانیشەوە موچەی فەرمانبەر جۆرێك لە پارێزبەندی هەیە و بەیاسا نەبێت دەسكاری ناكرێ پێچەوانەی هەرێمی كوردستان كە لە رابردودا بینیمان لەلایەن حكومەتەوە بێ گەرانەوە بۆ پەرلەمان دەسكاریكرا و سیستمی پاشەكەوتی زۆرەملێ بەسەر موچەی فەرمانبەراندا سەپێنرا.

لێرەوە هۆشداری دەدەین ئەگەر دەستكاری مووچە و قوتی فەرمانبەران بكرێت، ئێمە ئەو پەرلەمانتارانەی لە خوارەوە واژۆمان كردوە بە هەموو شێوەیەك دژی هەنگاوێكی لەوشێوەیەی حكومەتی هەرێم دەوەستینەوە.

ئێمە بۆ پاراستنی موچەی فەرمانبەرانی هەرێم لە دەستكاریكردن و كەمكردنەوە هەموو هەوڵێكی پەرلەمانی و یاسایی و مەدەنی و دبلۆماسی دەگرینەبەر .

۱.ئەحمەدی حاجی رەشید
۲.غالب محەمەد علی
۳.سەركەوت شەمس الدین
٤.رێبوار كەریم محمود
٥.كاوە محەمەد
٦.رابون معروف
۷.مثنی امین نادر
۸.سروە ونس عمر
۹.هۆشیار عەبدوڵا

کوردستان

راوێژكاری ئاسایشی نەتەوەیی عێراق گەیشتە هەولێر

خەڵك- بەشی هەواڵ

راوێژكاری ئاسایشی نەتەوەیی عێراق قاسم ئەعرەجی گەیشتە هەولێر بە سەرۆكایەتی شاندێكی ئەمنی.

سەرچاوەیەك بۆ الاخباریە وتی: ئەعرەجی لەگەڵ شاندێكی ئەمنی گەیشتووەتە هەولێر.

ناوبراو لەگەڵ بەرپرسە ئەمنییەكانی هەرێمی كوردستاندا كۆدەبێتەوە.

زانیاری زیاتر لەبارەی سەردانەكە بڵاونەكراوەتەوە، بەڵام هاوكاتە لەگەڵ هەڕەشە و هۆشدارییەكانی ئەمریكا بۆ عێراق لەسەر هێرشكردنەسەر بەرژەوەندییەكانی ئەمریكا لەلایەن ملیشیا چەكدارەكانەوە.

هاوكات نێچیرڤان بارزانی سەرۆكی هەرێمی كوردستان ئامادەیی هاوكاری و پشتیوانی بۆ دابینكردنی سەقامگیری و ئاسایش لە عێراق نیشانداوە.

بەردەوام بە لە خوێندنەوە

کوردستان

بەڕێوەبەری گشتی پەروەردەی سلێمانی پشتیوانی لە خۆپیشاندانی مامۆستایان دەكات

خەڵك-بەشی هەواڵ

 

بەڕێوەبەری گشتی پەروەردەی سلێمانی ڕایدەگەیەنێت، لەگەڵ كردنەوەی دەرگای خوێندنگەكان لە سنووری پارێزگای سلێمانی، هەوڵدەدەن خۆیان لەگەڵ ڤایرۆسی كۆرۆنا ڕابهێنن و بیكەنە بەشێك لە ژیانیان.

ئەمڕۆ یەك شەممە 27-9-2020 دڵشاد عومەر بەڕێوەبەری گشتی پەروەردەی سلێمانی، لە كۆنگرەیەكی ڕۆژنامەوانی و لە یەكێك لە خوێندنگەكانی سلێمانی دەستپێكردنی پڕۆسەی خوێندنی ساڵی 2020- 2021ی بۆ خوێندكارانی پۆلی 12ی ئامادەیی و قۆناغەكانی یەك و دووی بنەڕەتی ڕاگەیاند.

ناوبراو ئاشكرایكرد، ئەمڕۆ دەستدەكرێتەوە بە پڕۆسەی نوێی خوێندن بۆ خوێندكارانی پۆلی 12ی ئامادەیی و یەك و دوو بنەڕەتی و 10ی 10ش قۆناغەكانی تر دەستپێدەكەنەوە كە ماوەی 14 ڕۆژ بەردەستە، ئەگەر سەركەوتوو بن دەتوانن قۆناغەكانی تریش بهێننەوە بۆ ناو خوێندنگەكان.

ئاماژەی بۆ ئەوەش كرد، دەبێت ڤایرۆسی كۆرۆنا بكەین بە بەشێك لە ژیانمان و ژیان ئاسایی بكەینەوە، كارو كەسابەت باش بێت، ڕەوشی ئابووری وڵات باش بێت ئاشتەوایی بەدوادادێت.

بەڕوەبەری پەروەردە پشتیوانی خۆشی بۆ ئەو مامۆستایانە دەربڕی كە ئەمرشۆ خۆپیشاندان دەكەن و وتیشی”هەوڵ دەدەین هەموو مافەكانتان بۆ جێبەجێ بكرێت و ئێمەش بەشێكین لە ئێوە، چونكە پاشەكەوت و لێبڕین ئێمەشی گرتووەتەوە”..

بەردەوام بە لە خوێندنەوە

کوردستان

لە دەشتی هەولێر زەنگی خوێندنی ئەمساڵ لێدرا

خەڵك-ئارام سەردار

 

ئەمڕۆ یەكشەممە ٢٧ی ئەیلولی ٢٠٢٠ لەژێر چاودێری قایمقامی دەشتی هەولێر و بەڕێوەبەری پەروەردەی دەشتی هەولێر و چالاكی قوتابخانەكانی دەشتی هەولێر زەنگی نوێی ساڵی خوێندنی ٢٠٢٠-٢٠٢١ لێدرا و بەفەڕمی پۆلی ١٢ی ئامادەیی چوونە پۆلەكانی خوێندن.
مامۆستا عومەر وەلی، بەڕێوەبەری پەروەردەی دەشتی هەولێر بەوەكالەت لەبارەی كردنەوەی دەرگای قوتابخانەكان ڕایگەیاند، ساڵی ڕابردوو ساڵێكی پڕناخۆشی بوو بەهۆی كۆڕۆناوە، بەڵام سەڕەڕای ئەو پەتایە وەك پەروەرد كۆڵمان نەدا تاوەكو خوێندن بەردەوام بێت و پیرۆزبایی دەستپێكی ساڵی نوێش لە خوێندكاران و مامۆستایان دەكەن.

دەشڵێت، ساڵانە ژمارەیەكی باشی خوێندكاران بەنمرەی باش دەردەچن بۆ خزمەتی وڵات، مامۆستایانیش سەڕەڕای نەبوونی كۆڵیان نەداوە و بەردەوام بوون، مێژووش ئەوەی سەلماندوە كە خزمەتی نیشتیمانیان كردوە، سوپاسی بەردەوامی مامۆستایان دەكەین.

ئەوەشی خستەڕوو، قەیرانی دارایی كاریگەری لەسەر هەموو جیهان كردووە، بەڵام مامۆستایان بەردەوام بوون لەخزمەت بۆ دابینكردنی دواڕۆژێكی گەش بۆ نەوەی داهاتوو و چارەسەركردنی كێشە و گرفتەكان داواشی لەخوێندكاران كرد پێویستە ڕێنماییەكانی وەزارەتی پەروەردە و تەندروستی جێبەجێ بكەن و بەدەمامك و دەستكێش دەوام بكەن، لەبەرنامەشدایە بتوانین هەموو قۆناغەكان دەست بەخوێندن بكەنەوە.

بەردەوام بە لە خوێندنەوە

کوردستان