ئێمە لە تۆرە کۆمەڵایەتیەکان

کوردستان

مەترسی داڕوخانی بەرهەمهێنانی نەوتی هەرێم دەدرێت


خەڵك-بەشی هەواڵ

بەهۆی دابەزینی نرخی نەوت، بەرهەمهێنانی نەوت لە هەرێم لە مەترسیدایە.

گۆڤاری ئاپ ستریم كە پرسەكانی نەوت و گاز لێكدەداتەوە لە دوا ڕاپۆرتیدا بڵاویكردەوە، مەترسی لە دوا گۆڕانكارییەكانی بازاڕی نەوتی جیهانی دەدات و ئاشكراشیدەكات، دابەزینی نرخی نەوت پیشەسازی نەوتی لە هەرێمی كوردستان بەرو هەڵدێر بردووە.

ئاشكراشیكرد، بەشێوەیەكی كەموێنە نرخی نەوت لە بازاڕە جیهانییەكاندا دابەزیوە، بەشێوەیەك نرخی نەوت بۆ هەر بەرمیلێك گەیشتووەتە 20 دۆلار.

هەرێمی كوردستان لە ساڵی 2014وە بەشێوەیەكی سەربەخۆ نەوتی خۆی دەفرۆشێت، بەڵام بەهۆی بڵاوبوونەوەی ڤایرۆسی كۆرۆنا لە جیهان، هەرێمی كوردستانیش لە بواری سەرچاوە داراییەكاندا تووشی قەیران بووە، بەشێوەیەك، لانیكەم سێ كۆمپانیای گەورەی بیانی كە لە كەرتی نەوتی خاوی هەرێمی كوردستان چالاكن ڕایانگەیاندووە، بەهۆی كۆرۆناوە هاتوچۆی كارمەندەكانیان بۆ ژمارەیەك لە كێڵگە نەوتیەكانی هەرێمی كوردستان بەتەواوی ڕاگرتووە.

گۆڤارەكە هۆشداری ئەوە دەدات، كۆمپانیا بیانییەكانی نەوت لە هەرێمی كوردستان ئێستا هیچ قازانجێك لە مانەوەیان ناكەن و تەنها هەوڵی نەڕووخانی خۆیان دەدەن و هۆشداری ئەوەش دەدات، ئابووری هەرێمی كوردستان كاریگەریی نەرێنی لەم ڕووداوانە دەبینێت.

کوردستان

پارێزگاری سلێمانی، پرسەنامەیەك ئاڕاستەی خانەوادەی كۆچكردووان بە كۆرۆنا دەكات


خەڵك-بەشی هەواڵ

 

پارێزگاری سلێمانی پرسەنامەیەك ئاڕاستەی سەرجەم ئەو خێزانانە دەكات كە بەهۆی كۆرۆناوە گیانیان لەدەستداوە.
هەڤاڵ ئەبوبەكر پارێزگاری سلێمانی لە پرسەنامەیەكدا ئاماژە بۆ ئەوە دەكات، هاوشارییانی ئازیز، ماتەمگێڕانی كوردستان و ڕەوەندی كوردیی، بۆ هەموو ئەو خۆشەویستانەی لەم دۆخە ناهەموارە تەندروستییەی كوردستان و جیهاندا كۆچی خێریانكردووە و بەجێیان هێشتووین، بەناوی پارێزگای سلێمانییەوە، پرسە و پەژارە و ماتەمینیی خۆمان بۆ كۆچی هەموو ئەو ئازیزانە دەردەبڕین.

 

دەشڵێت”داوا خوازین لە بەخشندەی مەزن بیانكاتە خانەخوێی بەهەشتی نەبڕاوەی خۆیی و ئارامیی بە هەموو لایەكمان ببەخشێت، سوپاس بۆ پابەندیی و خۆپارێزیی و خەڵكپارێزیتان، كۆتایی ناخۆشییەكان بێت”.

بەردەوام بە لە خوێندنەوە

کوردستان

ئافرەتێک لەقەڵادزێ خۆی کوشت


خەڵک – بەشی هەواڵ

بەڕێوەبەرایەتی پۆلیسی ڕاپەڕین لەڕاگەیەندراوێکدا ڕایگەیاند،  لەقەڵادزێ تەرمی ئافرەتێک گەیەندرایە نەخۆشخانە، کە لەلێکۆڵینەوەکاندا دەرکەوتووە خۆیکوشتووە.

 

لەو ڕاگەیەندراوەدا ئاماژە بەئەوەدراوە، کاتژمێر 10:00ی بەیانی ئەمڕۆ تەرمی ئافرەتێک بەناوی ( بـ . م . و ) لەدایک بووی ساڵی 2003 پیشەی ژنی ماڵ، دانیشتوی گوندی (دوبێ) سەر بە ناحیەی هەڵشۆ ـ قەزای پشدەر (قەڵادزێ) گەیەندرایە نەخۆشخانەی گشتی.

 

باسی لەئەوەشکراوە، ئافرەتەکە بە چەکی جۆری کڵاشینکۆف خۆی کوشتووە. دوای توێکاری لاشەکەی دەرکەوت شوێنەواری یەک فیشەک بەسەر جەستەیەوە هەیە و دەستیش گیراوە بەسەر چەکی بەکارهاتوو.

 

ئەوەش خراوەتەڕوو، پاش توێکاری بۆ لاشەکەی ڕادەستی کەسوکاری کرایەوە، دۆسیەی لێکۆڵینەوە بۆ ڕووداوەکە ڕێکخراوە و لێکۆڵینەوەش بەردەوامە.

بەردەوام بە لە خوێندنەوە

کوردستان

بەشێک لەتەندروستکاران بایکۆتى دەوامیان لەسلێمانى ڕاگەیاند


خەڵک – بەشی هەواڵ

 

ئەمڕۆ شەممە بەشێک لەتەندروستکاران لەناوەندە تەندروستییەکان بایکۆتی دەوامیان ڕاگەیاند.

 

ئەمڕۆ کۆتا وادە بوو بۆ حکومەتى هەرێم، کە موچەى تەندروستکاران دابەشبکات، بەڵام کە دابەشی نەکرد، تەندروستکاران بایکۆتی کارەکانیان کرد.

 

پێشتر تەندروستکاران لەڕێگەى پەیامێکەوە ڕایانگەیاند، ئەگەر تاکو شەشی ئەم مانگە واتە ئەمڕۆ موچە وەرنەگرن، بایکۆت ڕادەگەیەنن، هەربۆیە ئەمڕۆ بایکۆتیان ڕاگەیاند.

 

 

بەردەوام بە لە خوێندنەوە

کوردستان