ئێمە لە تۆرە کۆمەڵایەتیەکان

جیهان

ئیسپانیا ڕێوشوێنى پێویستى بۆ ڕێگرى لە کۆرۆنا بڵاوکردەوە

خەڵک- بەشى هەواڵ

حکومەتى ئیسپانیا ڕێوشوێنى زیاترى زیاد کرد بۆ ڕووبەڕووبونەوەى کۆرۆنا و هاتوچۆى بە تەواوەتى قەدەغەکرد لە وڵاتدا.

لە ڕاگەیەندراوێکدا حکومەتى ئەو وڵاتە باسى لەوەکردووە، بۆ ڕێگرى لە بڵاوبوونەوەى کۆرۆنا حکومەتى ئیسپانیا بڕیاریداوە هاتوچۆ قەدەغە بکرێت و فەرمانگەکانیش دەوام بە تەواوەتى ڕابگرن.

لە دواى ئیتالیا، ئیسپانیا زۆرترین زیانی بەرکەوتووە بەهۆى کۆرۆناوە و تائێستا زیاتر لە 85 هەزار هاوڵاتى ئەو وڵاتە توشى کۆرۆنا بوون و زیاتر لە 7 هەزار کەسیش گیانیان لەدەستداوە.

ریکلام

جیهان

خامنەیی هەڵوێستی خۆی لەبەرامبەر سەرۆكی نوێی ئەمریكا ڕاگەیاند

خەڵك – بەشی هەواڵ

لە ماوەی ڕابردوودا چەند لێپرسراوێكی حكومەتی تاران گەشبینی خۆیان خستوەتەڕوو بەوەی بە هەڵبژاردنی جۆ بایدن وەك سەرۆكی نوێی ئەمریكا ئەگەری هەیە سزاكانی سەر وڵاتەكەیان هەڵبگیرێت، بەڵام عەلی خامنەیی ڕێبەری باڵای شۆِرشی ئیسلامی ئێران ڕایەكی جیاوازی هەیە.

ئایەتوڵا عەلی خامنەیی ڕێبەری باڵای شۆِرشی ئیسلامی ئێران لە كۆبوونەوەی ئەنجومەنی باڵای ئابووری وڵاتەكەی ڕایگەیاند:”ناكرێت هیچ ئومێدێك لەسەر قسەی ئەمریكییەكان هەڵچنرێت و نابێت پلانەكانیان بە گوێرەی قسەی ئەوان دابڕێژن”.

خامنەیی ئاماژەی بەوەشدا:”دەبێت ئەوە بە بنەما بگیرێت كە هیچ چارەسەرییەك لە دەرەوەی سنوورەكان بوونی نییە و هەڵگرتنی سزاكان ڕێگەیەكە كە دوای چەند ساڵ دانوستان و گەیشتن بە ڕێككەوتنیش نەگەیشتووەتە ئەنجام”.

ڕێبەری باڵای شۆڕشی ئیسلامی ئێران ئەوەشی خستەڕوو، كە لە بری هەڵگرتنی سزاكان دەبێت بیر لە چارەسەری سزاكان بكەنەوە و لەوبارەیەوە وتی، بە پوچەڵكردنەوە و بێكاریگەركردنی گەمارۆ و سزاكان و زاڵبوون بەسەریاندا، هێدی هێدی لایەنی بەرامبەر تێدەگات كە سەپاندنی سزا هیچ ئەنجامێكی نابێت.

بەردەوام بە لە خوێندنەوە

جیهان

دواجار پاپا دانی پێدانا: مسوڵمانان لە وڵاتێكدا دەچەوسێنرێنەوە

خەڵك- بەشی هەواڵ
پاپا فرانسیس، بۆیەكەم جار دانی بەوەدانا كە كەمینە ئیگۆرییەكان لە چین دەچەوسێنرێنەوە، ئەمەش دوای هاندانی چەندان ساڵی چالاكوانانی مافەكانی مرۆڤ.

پاپا فرانسیس لە كتێبە نوێیەكەیدا بە ناونیشانی “ڕێگەمان بدەن با خەون ببینین: ڕێگە بەرەو ئایندەیەكی باشتر” دەڵێت:”پەتای كۆرۆنا دەبێت ببێتە هاندەر بۆ حكومەتەكان تا بەشێوەیەكی هەمیشەیی بیر لە دامەزراندنی داهاتێكی بنەڕەتی جیهانی بكەنەوە”.

لە یەكێك لە بەشەكانی كتێبەكەیدا كە باس لە مەسیحییە چەوساوەكان دەكات لە وڵاتە ئیسلامییەكان، پاپا دەڵێت:”هەمیشە بیر لە چەوساوەكان دەكەمەوە لە ڕۆهینگا و ئیگۆر و بەستەزمانە ئێزدییەكان”.

كتێبەكە كە لە 150 لاپەڕە پێكدێت و چاوەڕوان دەكرێت لە سەرەتای مانگی داهاتوودا بخرێتەبازاڕەوە، پاپا فرانسیس باس لە گۆڕانكارییە ئابوری و كۆمەڵایەتی و سیاسییەكان دەكات و بەپێویستی دەزانێت مامەڵە لەگەڵ نایەكسانییەكاندا بكرێت لە دوای كۆتایی هاتنی پەتاكە.

لەكاتێكدا پاپا فرانسیس پێشتر باسی لە ڕۆهینگا كردووە كە لە میانمار هەڵاتوون و باسی قەتڵوعامی ئێزدییەكانی كردبوو بەدەستی داعش لە عیراق، بەڵام ئەمە یەكەمین جارە باسی ئیگۆرییەكان دەكات.

بەردەوام بە لە خوێندنەوە

جیهان

نزیكەی 14 هەزار كەس لە ئێران تووشی كۆرۆنا بوون

خەڵك-بەشی هەواڵ

 

وتەبێژی وەزارەتی تەندروستی ئێران ڕایدەگەیەنێت، لە 24 كاتژمێری ڕابردوودا 13721 كەس تووشی كۆرۆنا بوون.

سیما سادات لاری وتەبێژی وەزارەتی تەندروستی ئێران لە كۆنفڕانسێكی ڕۆژنامەوانیدا ڕایگەیاند، لە 24 كاتژمێری ڕابردوودا 13721 كەس لە ئێران تووشی ڤایرۆسی كۆرۆنا بوون و 483 كەسیش گیانیان لە دەستداوە.

وتیشی”لە سەرەتای دەركەوتنی ڤایرۆسەكە تاكو ئەمڕۆ 880 هەزار و 542 كەس لە ئێران تووشی كۆرۆنا بوون”.

ئاماژەی بۆ ئەوەش كرد، هەر بەهۆی ڤایرۆسەكەوە تا ئێستا 45 هەزار و 738 كەس لە ئێران گیانیان لە دەستداوە.

بەردەوام بە لە خوێندنەوە

کوردستان