ئێمە لە تۆرە کۆمەڵایەتیەکان

جیهان

دەوڵەمەندەكانی ئاسیا لە ترسی كۆرۆنا، دوورگە دوورە دەستەكان دەكڕن

لوقمان غەفوور – ئەمریكا

لەكاتێكدا بەشێكی زۆری خەڵك لە ئەوروپا و ئەمریكا خۆی دابڕیوە لە ئەپارتمانێكی 100مەتر دووجا-دا، كەچی دەوڵەمەندەكانی ئاسیا پەناگەیەكی سەرنجڕاكێشتر بۆ ژیان هەڵدەبژێرن.

بریكاری فرۆشیارەكانی دنیا دەڵێن، ئەوان نقومبوون لەنێو پرسیاركردنی دەوڵەمەندەكانی ئاسیا كە وەبەرهێنەرن و دەتوانن دووركەونەوە لەو نەخۆشییانەی كە هەن، ئەویش بە ڕۆیشتنیان بۆ شوێنك دوور لە ترسی كۆرۆنا ڤایرۆس.

لەمەش گرنگتر، لەكاتێكدا هەندێك لە كەسە تایبەتەكان تا 100 ملیۆن دۆلاریش دەدەن بە دوورگەیەكی بچوك، هەروەك ئەوەی شوقەیەك لە هۆنگكۆنگ بكرێت بە 55 هەزار دۆلار.

ئیدوارت دی مالیت مۆرگان لە تیمی فرۆشیاری (سۆپەر نیم فرانكی نێو دەوڵەتی) لە لەندەن و تایبەتمەند بە فرۆشتنی دوورگە تایبەتەكان بۆ ڕۆژنامەی زە نیویۆرك تایمز دەڵێت: “نرخی دوورگە تایبەتەكان زۆر زیادیكردووە لەدوای سەرهەڵدانی كۆرۆنا ڤایرۆسەوە لە وۆهان-ی وڵاتی چین لە مانگی دیسێمبەری 2019ەوە”.

ئەو دەڵێت: “سەبارەت بە هەندێك لە كڕیارەكان تەنیا ئامانجیان ئەوەیە پارێزراوبن. چونكە دۆخی جیهانی ئێستا وادەخوازێت پەناگەیەكی ئارام و سەلامەت هەبێت. كڕیارەكان پێیان وایە پارە بۆ خۆشی و سەلامەتی شەخسییە”.

باس لەوەشدەكات كە كڕیارە (ئاسیا)ییەكان وەك شوفێر وان، جوانی و باشیان ناوێت، تەنیا ژینگەیەك بێت سەلامەت بن تێیدا.

كریس كۆرۆلۆ، بەڕێوەبەری جێبەجێكاری كۆمپانیای دوورگە تایبەتەكان لە ئۆنتریۆ-ی ڕۆژئاوای كالیفۆرنیا و خاوەنی دوورگەی گلادن. كە هەر شەوێك مانەوە لە دوورگەكەی بە 3 هەزار و 695 دۆلارە. دەڵێت: “نرخی دوورگەكان تێكڕا بەرزبوونەتەوە بەتایبەتی ئەوانەی سەر دەریای كاریبی و ئەمریكا”. هەروەها دەشڵێت: “كڕیارەكانی ئاسیا بەشی زۆریان وەبەرهێنەری وریان، بۆ شوێنێك دەگەڕێن كە فرۆشتیانەوە زیانێكی زۆر نەكەن”.

نیویۆرك تایمز نووسیویەتی كە كۆمپانیای كۆرۆلۆ لیستێكی خستە بەردەستمان كە 700 دوورگەی تیا بوو كە لەم مانگەدا فرۆشراون، كە لە 2.5 هێكتارەوە لە نۆڤسكۆشا-ی كەنارەكانی باكوری ڕۆژئاوای كەنەدا بە 95 هەزار دۆلار تا 9 هێكتار –ی زەوی نۆسا ریۆ لە دوورگەی سەلمۆن لە كەنارەكانی باكووری زەریای هێمن لە ئەمریكا بە 25 ملیۆن دۆلار. یاخود دوورگەی پەمپكین كی لە فلۆریدا نرخەكەی بە جۆرێك بەرزبووەتەوە لە خەیاڵ دەرچووە و بووە بە 95 ملیۆن دۆلار.

ك.ج

 

جیهان

تووشبووانی كۆرۆنا لە جیهان لە 12 ملیۆن كەسی نزیك دەبێتەوە

خەڵك-بەشی هەواڵ

 

بە گوێرەی دواین ئامار، تووشبووانی ڤایرۆسی كۆرۆنا لە جیهاندا گەیشتە 11 ملیۆن و 957 هەزار و 477 حاڵەت.

بە گوێرەی ئامارە جیهانییەكان، تاكو كاتژمێر 10ی ئەمڕۆ چوار شەممە ژمارەی تووشبووانی كۆرۆنا لە جیهاندا گەیشتە 11 ملیۆن و 957 هەزار و 477 حاڵەت، لەو ژمارەیەش پێنج سەد و 46 هەزار و 785 حاڵەتی گیانلەدەستدانیش هەبووە.

لەسەر ئاستی وڵاتانی جیهان، ئەمریكا زۆرترین ڕێژەی تووشبوون بە پەتاكەی تێدا تۆماركراوە و گەیشتووەتە سێ ملیۆن و 97 هەزار و 84 كەس و 133 هەزار و 972 كەسیش گیانیان لەدەستداوە.

ڤایرۆسی كۆرۆنا نەخۆشییەكی كوشندەیە و مانگی 12ی ساڵی ڕابردوو لەشاری وۆهانی وڵاتی چین سەریهەڵداو لەئێستاشدا لە زیاتر لە 210 وڵات و ناوچەی جیهان بڵاوبووەتەوە.

بەردەوام بە لە خوێندنەوە

ئابوری

نرخی نەوت لە بازاڕەكانی جیهان

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو كەمێك بەرز بووەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ چوار شەممە، 8ی‌ تەمووزی 2020 كەمێك بەرز بووەتەوە، بەشێوەیەك نرخی‌ نەوتی برێنت بە 42 دۆلار و 95 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 40 دۆلارو 47 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

جیهان

یۆنان 26 كۆچبەری نایاسایی گەڕاندەوە بۆ توركیا

خەڵك – بەشی هەواڵ
یۆنان 26 كۆچبەری گەڕاندەوە سنووری ئاوی توركیا كە ویستبوویان بە شێوەیەكی یاسایی بەرەو ئەوروپا كۆچ بكەن.

ئەمڕۆ چوار شەممە هێزەكانی پاسەوانی كەناراوەكانی توركیا 26 كۆچبەریان لە كەناراوەكانی پارێزگای ئیزمیر ڕزگاركرد.

كۆچبەرەكان لەسەر دوو بەلەم بوون و ویستوویانە بەرەو ئەوروپا بچن، بەڵام لەلایەن هێزەكانی پاراستنی كەناراوەكانی یۆنان ڕێگرییان لێكرا و گەڕێندرانەوە بۆ سنووری دەریایی توركیا.

كۆچبەرەكان ڕادەستی بەڕێوەبەرایەتی كۆچی ئیزمیر كران.

بەردەوام بە لە خوێندنەوە

کوردستان