ئێمە لە تۆرە کۆمەڵایەتیەکان

عێراق

وەزیری تەندروستیی عێراق وادەی تێپەڕاندنی قەیرانی ڤایرۆسی کۆرۆنا ئاشكراكرد


وەزیری تەندروستیی عێراق وادەی تێپەڕاندنی قەیرانی ڤایرۆسی کۆرۆنا ئاشکراکرد و هۆشداریش لە هەرەسهێنانی دۆخی عێراق دەدات، ئەگەر هاووڵاتیان پابەندی قەدەخەی هاتووچۆ نەبن و ڕێنماییەکانى وەزارەتى تەندروستى جێبەجێنەکەن.

د.جەعفەر عەللاوی، وەزیری تەندروستیی عێراق رایگەیاند، دۆخی عێراق لە ژێر کۆنترۆڵدایە، بەڵام گرفتى سەرەکى ئەوەیە کە هاووڵاتیان پابەندى ڕێنماییەکان نابن.

وەزیری تەندروستیی عێراق جەخت لەوەدەکاتەوە، عێراق دەتوانێت لە ماوەی مانگێک ئەو قەیرانە تێپەڕێنێت، ئەگەر هاووڵاتیان بە تەواوی پابەندبن، بە پێچەوانەی ئەوە دەکرێت وڵات بەتەواوی هەرەس بهێنێت و باری نائاسایی رابگەیێنرێت.

وەزیری تەندروستی ئاماژەی بەوەشکرد، دەکرێت جارێکی دیکە قەدەخەی هاتووچۆ درێژ بکرێتەوە، ئەوەش کاریگەری گەورەی دەبێت لە رێگەگرتن لە بڵاوبوونەوەی ئەو ڤایرۆسە و ڕێگرى لە هەرەسهێنانى عیراق.

بەپێی دوایین ئامارەکانی وەزارەتی تەندروستیی عێراق تائێستا 48 کەس گیانیان لەدەستداوە و نزیکەى 600 هاووڵاتیش توشى ڤایرۆسەکە بوون.

ریکلام

عێراق

ئەمڕۆ پەڕلەمانی عیراق دەنگ بە 7 كاندیدی حكومەتەكەی كازمی دەدات


خەڵك-بەشی هەواڵ

 

پەڕلەمانی عیراق كۆدەبێتەوە و تەوەری كۆبوونەوەكەش دەنگدانە بە چەند كاندیدێك بۆ پۆستی وەزارەتەكان.
پەڕلەمانی عیراق لە ڕاگەیەنراوێكدا ئاماژە بۆ ئەوە دەكات، ئەمڕۆ شەممە 6-6-2020 پەڕلەمانی عیراق كۆدەبێتەوە.

ئاشكراشیدەكات ئەجێندای كۆبونەوەكە بۆ دەنگدانە بە 7 كاندید بۆ ئەو وەزارەتانەی ماونەتەوە لە كابینكەی كازمی.
جەخت لەوەش دەكاتەوە، كاتژمێر 1ی پاشنیوەڕۆی ئەمڕۆ، كۆبوونەوەكە دەست پێدەكات و لە كۆبونەوەكەشدا گفتوگۆ لەبارەی ڕاپۆرتی لیژنەی قەیرانی پەڕلەمانی عیراق لەبارەی ڤایرۆسی كۆرۆنا و ڕاپۆرتی لیژنەی داراییش لەبارەی دۆخی ئابوورییەوە دەكرێت.

بەپێی زانیارییەكان، ئیحسان عەبدولجەبار بۆ پۆستی وەزارەتی نەوت و فوئاد حسێن بۆ پۆستی وەزارەتی دەرەوە و ئیفان فایەق بۆ پۆستی وەزارەتی كۆچ و كۆچبەران، عەلا ئەحمەد بۆ پۆستی وەزارەتی بازرگانی و محەمەد كەریم بۆ پۆستی وەزارەتی كشتوكاڵ و سالار عەبدولستار بۆ پۆستی وەزارەتی داد و حەسەن نازم بۆ پۆستی وەزارەتی ڕۆشنبیری كاندید كراون.

بەردەوام بە لە خوێندنەوە

عێراق

کەرکوک؛ ٢٨ حاڵەتی نوێی تووشبوون بە کۆرۆنا ڕاگەیانەنران


خەڵک – بەشی هەواڵ

وەزارەتی تەندروستی و ژینگەی عیراق، ٢٨ حاڵەتی نوێی تووشبوون بە کۆرۆنای لەکەرکوک ڕاگەیاند.

بە پێی نوێترین ئاماری  تووشبوونی بە ڤایرۆسی کۆرۆنا، رۆژی ٥ی حوزەیران لە شاری کەرکوک ٢٨ حاڵەتی نوێی تووشبوون بە ڤایرۆسی کۆرۆنا تۆمارکراون.

لە سەرەتای دەرکەوتنی ڤایرۆسەکە، لە شاری کەرکوک ١٦٠ کەس تووشی ڤایرۆسەکە بوون، لە کۆی ئەو ژمارەیەش ٧٠ حاڵەتیان چاکبوونەتەوە و

تەنها ٣ حاڵەتی گیانلەدەستدان تۆمارکراون.

لەئێستاشدا ژمارەی ئەو کەسانەی هەڵگری ڤایرۆسی کۆرۆنان لە پارێزگای کەرکوک ژمارەیان ٨٥ کەسە.”

بەردەوام بە لە خوێندنەوە

عێراق

مردنی مالیكی بە كۆرۆنا ڕەتدەكرێتەوە


خەڵك- بەشی هەواڵ
لە تۆڕە كۆمەڵایەتییەكاندا دەنگۆی مردنی نوری مالیكی سەرۆكی هاوپەیمانی دەوڵەتی یاسا و سەرۆك وەزیرانی پێشووتری عیراق بڵاودەبێتەوە، بەڕێوەبەری نوسينگەكەشی ئەو دەنگۆیانە بەدرۆ دەخاتەوە.

ئەمڕۆ هەینی هیشام ڕەكابی بەڕێوەبەری نوسینگەی نوری مالیكی سەرۆكی دەوڵەتی یاسا، ڕەتیكردەوە مالیكی بە ڤایرۆسی كۆرۆنا مردبێت و ئەو هەواڵانەی بە پڕوپاگەندە و درۆ لەقەڵەمدا.

بەپێی تویتێك كە لەلایەن ڕەكابییەوە لەسەر تۆڕی كۆمەڵایەتی (تویتەر) بڵاوكراوەتەوە”پڕوپاگەندەی درۆ و هەواڵی ساختە چەكی مایەپوچەكان و ئەوانەن كە كینەلەدڵن بەرانبەر بە مالیكی و ناتوانن ڕووبەڕووی ببنەوە، بۆیە هیچیان لەدەستنایەت جگە لە بەبازاڕكردن و بڵاوكردنەوەی درۆكان”.

نوری مالیكی ئەمینداری حزبی دەعوەی ئیسلامی لە دایكبووی ساڵی 1950یە و لە ساڵی 2006وە بۆ دوو ماوە سەرۆكایەتی حكومەتی عیراقی كرد،  لەئێستاشدا سەرۆكی هاوپەیمانی دەوڵەتی یاسایە كە خاوەنی زیاتر لە 20 كورسی پەرلەمانی عیراقە.

 

بەردەوام بە لە خوێندنەوە

کوردستان