ئێمە لە تۆرە کۆمەڵایەتیەکان

جیهان

تایلەند ژمارەیەکى نوێى لە توشبون بە کۆرۆنا تۆمارکرد


خەڵک- بەشى هەواڵ

ئەمڕۆ دووشەممە حکومەتى تایلەند ڕایگەیاند، 136 کەسى دیکە توشى کۆرۆنا بوون و دوو کەسیش گیانیان لەدەستداوە.

حکومەتى تایلەند لە ڕاگەیەدراوێکدا نوسیویەتى، تائێستا ئەوانەى لەو وڵاتە توشى کۆرۆنا بوون گەیشتووەتە 1524 کەس و دۆخى تەندروستى زۆربەیان جێگیرە.

تایلەند یەکێکە لەو وڵاتانەى بە خێراى نەخۆشییەکەى تێدا بڵاوبووەوە و لە ماوەى چەند ڕۆژێکدا چەند هاووڵاتیەک لەو وڵاتە بەهۆى کۆرۆناوە گیانیان لەدەستدا.

کۆرۆنا لە کۆتایى ساڵى ڕابردوودا لە چین دەرکەوت و بەهۆیەوە تائێستا 35 هەزار کەس گیانیان لەدەستداوە.

ریکلام

جیهان

لە ڕوسیا زیاتر لە 230 كەسی دیكە بە كۆرۆنا گیانیان لە دەست دا


خەڵك – بەشی هەواڵ
ژمارەی مردن و تووشبوون بە ڤایرۆسی كۆرۆنا لە ڕوسیا زیاد دەكات.

ئەمڕۆ هەینی ژووری ئۆپەراسیۆنەكانی بەرەنگاربوونەی ڤایرۆسی كۆرۆنا لە ڕوسیا ڕایگەیاند لە ماوەی 24 كاتژمێری ڕابردوودا 232 كەسی دیكە بە هۆی تووشبوونیان بە پەتاكە گیانیان لە دەست دا، بەوەش كۆی گشتی حاڵەتەكانی مردن گەیشتە چوار هەزار و 374.

ڕوونیشیكردەوە كە هەر لەو 24 كاتژمێرەدا هەشت هەزار و 572 حاڵەتی نوێی تووشبوون بە كۆرۆنا تۆماركراوە، ئەمەش لە كاتێكدایە كە ئامارەكانی دوێنێ 174 مردن و هەشت هەزار و 338 تووشبوو بوون.

بە پێی ئامارە فەرمییەكان تا ئێستا 387 هەزار و 623 كەس لە ڕوسیا تووشی كۆرۆنا بوون، كە 159 هەزار و 257یان چاكبوونەتەوە.

بەردەوام بە لە خوێندنەوە

جیهان

كۆریای باكور؛ ژن و مێردێك بە هۆی هەڵاتنیان لە كەرەنتین لەسێدارەدران


خەڵك – بەشی هەواڵ
ژن و مێردێك ویستیان بە هۆی ڕێوشوێنەكانی بەرەنگاربوونەوەی كۆرۆناوە لە كۆریای باكوری هەڵبێن، بەڵام دوای دەستگیركردنیان لەسێدارەدران.

رۆژنامەی دەیلی مەیڵی بەریتانی بڵاویكردەوە كە ژن و مێردێكی دانیشتووی ناوچەی هییسان لە باكوری هەرێمی ریانگ ئانگی كۆریای باكور كە لە ماڵەكەیاندا كەرەنتین كرابوون، هەوڵیاندا بەرەو كۆریای باشوور هەڵبێن.

ڕوونیشیكردەوە كە ئەو دوو هاووڵاتییە بەنیازبوون لە ڕێی ڕووباری یالوەوە خۆیان بگەنە چین و لەوێشەوە بچنە كۆریای باشوور، بەڵام پلانەكەیان سەرینەگرت و دەستگیركران.

بە پێی هەواڵی ڕۆژنامە بەریتانییەكە، هەردوو هاوسەرەكە كە لە پەنجاكانی تەمەنیاندا بوون، دوای ئەشكەنجەدانیان بە بێ دادگاییكردن لەسەر سنوور كوژران.

بەردەوام بە لە خوێندنەوە

جیهان

ئەردۆغان كوشتنی ڕەشپێستێك لە ئەمریكا ئیدانە دەكات


خەڵك – بەشی هەواڵ
ڕەجەب تەیب ئەردۆغان سەرۆك كۆماری توركیا كوژرانی ڕەشپێستێك لەلایەن پۆلیسی ئەمریكاوە ئیدانە دەكات.

ئەردۆغان لە ڕێی هەژماری فەرمی خۆی لە تۆڕی كۆمەڵایەتی تویتەر چەند پەیامێكی دەربارەی كوشتنی كەسێكی ڕەشپێست لەلایەن پۆلیسێكی ئەمریكییەوە بڵاوكردەوە كە لە ناوخۆی وڵاتەكەش ناڕەزایی لێكەوتووەتەوە.

سەرۆكی توركیا نووسیوێتی كوژرانی جۆرج فڵوید بە ئەشكەنجە نەك هەر هەموومانی بێزار كردووە، بەڵكو بووەتە یەكێك لە ئازاربەخشترین دیمەنەكانی جیهانی نادادگەری.

بە پێی دیمەنێكی ڤیدیۆیی كە ساتی گیانلەدەستدانی فڵوید تۆمار دەكات، پۆلیسێك ئەو ڕەشپێستەی خستووە بە زەویدا و بە توندی قاچی خستووەتە سەر گەردنی، هەرچەندە هاوار دەكات كە ناتوانێت هەناسە بدات، بەڵام پۆلیسەكە و هاوڕێكانیشی گوێی پێنادەن تاوەكو لەو شوێنەدا لە ژێر قاچی پۆلیسە سپیپێستەكەدا گیان لە دەست دەدات.

بەردەوام بە لە خوێندنەوە

کوردستان