ئێمە لە تۆرە کۆمەڵایەتیەکان

کوردستان

ماوەی قەدەغەی هاتووچۆ لە هەرێم بڕیاری لێ‌ دەدرێت


خەڵك- بەشی هەواڵ
بەبڕیاری وەزارەتی ناوخۆی حكومەتی هەرێمی كوردستان و بە ڕاسپاردەی وەزارەتی تەندروستى قەدەغەی هاتووچۆ لە هەرێمی كوردستان بە ڕێنمایی نوێوە درێژ دەكرێتەوە یاخود كۆتایی پێ‌ دەهێنرێت.

بەپێی زانیارییەكانی (خەڵك) وەزارەتی ناوخۆ و پارێزگارەكانی هەرێم تاوتوێی درێژكردنەوەی ماوەی قەدەغەی هاتووچۆیان كردووە و بڕیارە ئێوارەی ئەمڕۆ وەزارەتی ناوخۆی هەرێم بەیاننامەیەك لەوبارەیەوە بڵاوبكاتەوە و ماوەی قەدەغەی هاتووچۆ دیاری بكات.

هەر بەپێی زانیارییەكان، وەزارەتی ناوخۆ لەگەڵ وەزارەتی تەندروستی هەڵسەنگاندن بۆ دۆخی هەرێم و ڕێژەی بڵاوبوونەوەی كۆرۆنا دەكەن و ماوەی قەدەغەی هاتووچۆ بەپێی چەند ڕێنماییەكی نوێ‌ درێژ دەكەنەوە یاخود قەدەغەی هاتووچۆ هەڵدەوەشێننەوە.

لای خۆشیەوە، وەزارەتی ناوخۆی هەرێم لە بەیاننامەیەكدا سەبارەت بە دەنگۆی درێژكردنەوەی قەدەغەی هاتووچۆ تاوەكو 15ی نیسان ڕایگەیاندووە، ئەو هەواڵە دوورە لە ڕاستییەوە و تا ئێستا هیچ بڕیارێكی لێ‌ نەدراوە.

جەختیشی كردۆتەوە، كە هەر كاتێك وەزارەتی تەندروستی ئاگاداری كردینەوە لە پێویستی درێژكردنەوە یان درێژنەكردنەوەی قەدەغەی هاتووچۆ، ئەوكاتە بڕیاری لەسەر دەدرێت.

پێشتر، د. سەباح هەورامی، بەڕێوەبەری گشتی تەندروستی سلێمانی لە پەیامێكدا ئاشكرای كرد، كە داوایان كردووە قەدەغەی هاتووچۆ تاوەكو 15ی نیسان درێژ بكرێتەوە، چونكە سوودی زۆری هەبووە بۆ هاووڵاتیان و كۆنتڕۆڵ كردنی ڤایرۆسی كۆرۆنا.

لە ڕۆژی 22-03-2020 وەزارەتی ناوخۆی هەرێمی كوردستان قەدەغەی هاتووچۆی تاوەكو 1ـی نیسان لە تەواوی هەرێمی كوردستان درێژكردەوە و ڕایگەیاندبوو.

کوردستان

هەر سەردانیکارێک دەستكێش و دەمامکی نەبەستبێت کاری بۆ ڕایی ناکرێت


خەڵک – بەشی هەواڵ

سەرۆکایەتی شارەوانی هەولێر، لەڕاگەیەنراوێکدا، هاووڵاتیان ئاگادار دەکاتەوە، لەکاتی سەردانیکردنیان بۆ راپەڕاندنی کاروبارەکانیان دەبێت دەمامک و دەستکێش بەکاربهێنن، بە پێچەوانەوە رێگای چونە ژورەوەیان پێنادرێت.

سەرۆکایەتی شارەوانی هەولێر لەڕاگەیەنراوێکەیدا ئاماژەی بەوەکردوە، هاووڵاتیان لەکاتی سەردانیکردنیان بۆ سەرۆکایەتیی شارەوانیی هەولێر و بەرێوەبەراتیەکانی سەر بە سەرۆکایەتی شارەوانی، دەبێت پابەندی رێنماییەکانی وەزارەتی تەندروستی بن، بە بەستنی دەمامک و دەستکێش.

بەپێی ڕاگەیەنراوەکە، هەرکەس سەرپێچی رێنماییەکان بکات بەپێی رێنمایی ژووری ئۆپەراسیۆنی پارێزگای هەولێر، رێگای چوونە ژورەوەی بۆ ناو بەرێوەبەراتییەکان پێنادرێت و کاروبارەکانی بۆ ڕایی ناکرێت.

 

 

بەردەوام بە لە خوێندنەوە

کوردستان

سبەی لەسلێمانی خۆپیشاندان دەکرێت


خەڵک – بەشی هەواڵ

ئه‌نجوومه‌نی فشار، لەڕاگەیەنراوێکدا ڕایدەگەیەنێت، ڕۆژی شه‌ممه‌ له‌شاری سلێمانی خۆپیشاندانێكی فراوان ئه‌نجامده‌درێت.

ئه‌نجوومه‌نی فشار، لەڕاگەیەنراوەکەیدا، ‌بانگه‌واز دەکات و ده‌ڵێت “هاونیشتمانیانی سەربەرز پێتان ڕادەگەیەنین  بەدروشمی( بـــێ دەنـــگ نـــابـــیــــن ) ڕۆژی شەممە ٦/٦/٢٠٢٠ کاتژمێر ٣ی پاش نیوەڕۆ لەبەردەم باخی گشتی خۆپیشاندانێکی بەرفراوان ئەنجام دەدەین”.

ئه‌نجوومه‌نه‌كه‌ داوا لەسەرجەم چین توێژەکان دەکات بەشدار بن و ئاماژە بەوەدەکەن “هیواخوازین لەهەموو شار و شارۆچکەکانی دیکەی کوردستان لەو کاتەدا پێکەوە بڕژێنەسەر شەقامەکان”.

بەردەوام بە لە خوێندنەوە

کوردستان

گومرگی هەرێمی كوردستان وەڵامی بەغدا دەداتەوە


خەڵك- بەشی هەواڵ
بەڕێوەبەری گشتی گومرگی هەرێمی كوردستان، ئەو “تۆمەتانە” ڕەتدەكاتەوە كە دەدرێنە پاڵ هەرێم سەبارەت بە پابەندنەبوون بەو قەدەغەكراوانەی  لەلایەن حكومەتی فیدراڵەوە دیاریی دەكرێن، بە تایبەتیش كۆمەڵێك لە ماددە هاوردەكراوەكان.

ساماڵ عەبدولڕەحمان، بەڕێوەبەری گشتی گومرگی هەرێمی كوردستان لە لێدوانێكیدا بۆ ماڵپەڕی (بغداد الیوم)ى عيراقى ڕایگەیاندووە:”مانگانە لیستێكمان لەبارەی قەدەغەكراوەكانەوە بەدەست دەگات، جا ماددەی خۆراكی بن یان پزیشكی یان پیشەسازی یان ئۆتۆمبێلەكان یان ئەوانی تر، ئەو لیستە  بەسەر هەر هەشت خاڵە سنورییەكەی نێو هەرێمی كوردستاندا گشتاندنی پێدەكرێت”.

بە وتەی ساماڵ عەبدولڕەحمان:”هەر ماددەیەك قەدەغەكراوبێت، هەرگیز ڕێگەی هاتنەناوەوەی بۆ هەرێمی كوردستان پێنادرێت، هەر قسەیەكیش بەپێچەوانەی ئەمەوە بكرێت ڕاست نییە و هیچ بەڵگەیەكیش لەو بارەیەوە لەبەردەستدا نییە، ئەوەی هەیە تەنیا قسەی میدیاكانە”.

ماڵپەڕە عیراقییە نوسویەتی”دۆسێی خاڵە سنورییەكانى هەرێمی كوردستان لە هەموو جارێكدا دەوروژێنرێت، بەو پێیەی گەندەڵی لەنێو مەزرەكاندا هەیە، وێڕای بوونی چەند مەرزێكیش كە لە دەرەوەی دەسەڵاتی حكومەتی فیدراڵن و لەژێر فەرمانەكانی بەغدادا نیین”.

 

بەردەوام بە لە خوێندنەوە

کوردستان