ئێمە لە تۆرە کۆمەڵایەتیەکان

ئابوری

پەروەردەی هەولێر ڕوونكردنەوەیەكی لەسەر مووچە و پڕۆسەی خوێندن بڵاوكردەوە

خەڵك-ئارام سەردار
بەڕێوەبەری گشتی پەروەردەی هەولێر ڕایدەگەیەنێت، ڕێكاری پێویست دانراوە بۆ سەلامەتی تەندروستی لەكاتی دابەشكردنی مووچە، ئاشكراشی دەكات، وەزارەت سەرقاڵی تۆماركردنی وانە و بابەتەكانە بۆ بەئەلیكترۆنی كردنیان و لەداهاتوویەكی نزیك ڕایدەگەیەنێت.

بەشدار عەبدولخالق، بەڕێوەبەری گشتی پەروەردەی هەولێر لەبارەی پرسی خوێندن و كەرتی پەروەردە ڕایگەیاند، بەهۆی پەتای كۆڕۆناوە لە ۲٦ی شوباتی ۲۰۲۰ سەرۆكایەتی ئەنجوومەنی وەزیران بڕیاری هەڵپەساردنی دەوامی خوێندنی ڕاگەیاند، هەرچەندە ئێمە بەفەرمی تاوەكو ۱۰ی ئادار دەوام دەكەین و ئەوەی تر پشووە، بۆیە ئەوەی تائێستا ڕۆیشتبێت لە خوێندن تەنها ماوەی ۱٥ ڕۆژە بەبێ پشووەكان، واتە زۆرمان لێ نەڕۆیشتووە، ئێستاش بەهۆی قەدەغەی هاتووچۆ و بنبڕنەكردنی كۆڕۆنا ناكرێت دەوامی قوتابخانەكان بكرێنەوە.

دەشڵێت: “وەزیری پەروەردەش ڕایگەیاندووە چەند پڵانێك هەیە، بەڵام هیچ پلانێك ڕانەگەیەنراوە، چونكە كاتیش زۆر نەڕۆیشتووە، ئەگەر هاتوو ماوەی قەدەغەی هاتووچۆ و دەوام نەكردنیش درێژكرایەوە ئەو كاتە وەزارەتی پەروەردە پلانەكانی خۆی ڕادەگەیەنێت، بەڵام خوێندكاران دڵنیا دەكەینەوە مافیان نافەوتێت و لەبەرژەوەندی خوێندكاران دەبێت”.

بەشدار عەبدولخاڵق ئاماژەی بۆ ئەوەشكرد، حكومەت زۆر زوو، زۆر باش ڕێكاری پێویستی گرتەبەر، بەتایبەت قوتابخانەكان كە ژمارەی خوێندكاران زۆرە و ناوەندێكی گونجاون بۆ گواستنەوەی ڤایرۆسەكە، ئەگەر لەداهاتووش ئەو پەتایەمان تێپەڕكرد وەك وانەیەك سوودی لێ دەبینین و زیاتر گرنگی بەپاك و خاوێنی دەدەین.

لەبارەی شێوازی دابەشكردنی مووچە ڕوونی كردەوە، هەر ڕێنماییەك بڵاوبكەینەوە مەبەست لێی پاراستنی سەلامەتی تەندروستی و ژیانی مامۆستایانە، لەكاتی دابەشكردنی مووچەش ئەگەر یەك مامۆستا ببێتە بەركەوتەی ئەو پەتایە دەبێتە هۆكاری تووشبوونی خێزان و دراوسێكانی، بۆیە لیستی پەروەردە و قوتابخانەكان دادەنرێت بۆ دابەشكردنی مووچە و دەدرێتە بانكەكان بەپێی خشتەیەك، كەبانك دایدەنێت و پەروەردەكان كات دیاری دەكەن بۆ دابەشكردنی چەكی بانكی، هیواداریشین هیچ قەرەباڵغیەك دروست نەكرێت، دوای وەرگرتنی مووچەش بەڕێوەبەر و یاریدەدەرەكانیان بەنوسراوی فەرمی قوتابخانە مووچە بۆ مامۆستاكان دەبەن، مەبەست ئەوەیە مامۆستاكان نەیەنە دەرەوە، ئەو ڕێكارەش ناچاریە.

بەڕێوەبەری گشتی پەروەردەی هەولێر ئەوەشی خستەڕوو، بەڕێوەبەری قوتابخانە سەركردەی قوتابخانەیە، بۆیە ڕۆڵی بەڕێوەبەر زۆر گرنگە لەسەر بەڕێوەبردنی قوتابخانە و بەرزكردنەوی ئاستی زانستی و پاكڕاگرتنی، بۆیە ئومێدەوارم مامۆستاكان هاوكاری بەڕێوەبەری قوتابخانەكان بن.

لەبارەی خوێندنی ئۆنلاین وتی، “ڕەنگە هەموو قوتابیان ئامێری پێویستیان لەبەردەست نەبێت، بەڵام ڕێكاری ئاسانتر گیراوەتەبەر و وەزارەت سەرقاڵی تۆماركردنی وانە و بابەتەكانە بۆ بەئەلیكترۆنی كردنیان و لەداهاتوویەكی نزیك ڕایدەگەیەنێت، دڵنیاشم لەبەرژەوەندی خوێندكاران دەبێت و ئالیەتی ئاسانتر دادەنرێت”.

ئابوری

وەزیری تەندروستی و پەڕلەمان و نەخۆشخانە ئەهلیەكان بۆ دیاریكردنی نرخ لەكۆبوونەوەدان

خەڵك-ئارام سەردار
كۆبوونەوەی وەزارەتی تەندروستی و بەڕێوەبەری نەخۆشخانە ئەهلیەكان و لیژنەی تەندروستی پەڕلەمانی كوردستان بۆ قسەكردن لەسەر مانەوەی نەخۆش لە نەخۆشخانە ئەهلیەكان بەردەوامە.

دوای ئەوەی وەزارەتی تەندروستی بڕیاریدا نرخی نەخۆشخانە ئەهلیەكان بەڕێژەی لە ٤٠٪ بۆ ٥٠٪ كەم بكاتەوە بۆ چارسەری تووشبووانی كۆڕۆنا، بەڵام بەهۆی زۆری نرخەكان نیگەرانیەكی زۆر لای هاووڵاتیان دروست بوو و ئەو نرخانەیان بەمردنی هەژاران لێكدایەوە، بۆیە ئەمڕۆ ئێوارە هەریەكە لە وەزارەتی تەندروستی و بەڕێوەبەری نەخۆشخانە ئەهلیەكان و لیژنەی تەندروستی پەڕلەمانی كوردستان بۆ قسەكردن لەسەر مانەوەی نەخۆش لە نەخۆشخانە ئەهلیەكان كۆبوونەوە و تائێستاش بەردەوامە.

وەزارەتی تەندروستیش جەختی كردەوە، كەوا هەر نەخۆشخانەیەك پابەندی داشكانی نرخەكان نەبێت ئەوا مۆڵەتەكەی هەڵدەوەشێننەوە، چاوەڕوا دەكرێت هەوڵی چارەسەركردنی كێشەی زۆری نرخ بدرێت و نرخەكان زیاتر داببەزێندرێت، چونكە لەئێستادا تادێت ژمارەی تووشبووان بەتایبەت لەهەولێر لەزۆربووندایە و ژمارەی پێوانەیی تۆماركردوە.

بەردەوام بە لە خوێندنەوە

ئابوری

نرخی نەوت 45 دۆلاری تێپەڕاند

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ سێ شەممە، 11ی‌ ئابی 2020 بەرز بووەوە، بەشێوەیەك نرخی‌ نەوتی برێنت بە 45 دۆلار و 16 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 42 دۆلارو 22 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

ئابوری

باسی مەرزەكانی هەرێمیش كراوە
عیراق داهاتی بەدەستهاتووی مانگێكی خاڵە سنورییەكان ئاشكرادەكات

خەڵك- بەشی هەواڵ
سەرۆكی دەزگای گشتی خاڵە سنورییەكانی عیراق، داهاتی بەدەستهاتووی مانگی تەمموزی ڕابردوو ئاشكرا دەكات و دەڵێت لە 10 ملیار دینار نزیكبۆتەوە.

ئەمڕۆ دوو شەممە، ئاژانسی دەنگوباسی (العراقیە)ی نیمچە فەرمی، لە زاری عومەر وائیلی سەرۆكی دەزگای گشتی خاڵە سنورییەكانی عیراق بڵاویكردەوە”داهاتی بەدەستهاتووی مانگی تەمموزی ڕابردوو نزیكەی 100 ملیار دینارە، ئەمەش وێڕای سفكردنەوەی ڕسومی گومرگی و لێبوردنێكی زۆر بۆ كاڵاكان، لەگەڵ داخستنی زۆرێك لە مەرزە سنورییەكان بەهۆی پەتای كۆرۆنا، داهاتە بەدەستهاتووەكەش لە ئەنجامی كاریی 7 بۆ 8 خاڵی گومرگی بووە لەكۆی 21 خاڵی گومرگی”.

وائیلی ئاماژەی بە خواستی دەزگاكەش كردووە بۆ بەدیهێنانی داهاتی زیاتر بۆ پشتیوانی لە خەزێنەی دەوڵەت و ڕووبەڕووبوونەوەی زیاتری تەنگژەی دارایی كە وڵات پێیدا تێدەپەڕێت.

سەبارەت بە مەرزە سنورییەكانی هەرێمی كوردستانیش، سەرۆكی دەزگای خاڵە سنورییەكانی عیراق ڕایگەیاندووە”سەرۆك وەزیران كۆبوونەوەیەكی ئامادەكاریی سازكردووە لەپێناو گەیشتن بە چارەسەری هاوبەش لەگەڵ لایەنی كوردی، بۆ ئەو مەبەستەش پلانی بەرنامەبۆداڕێژراو هەیە كە لەسەر هەماهەنگی هاوبەش بەندە بۆ گەیشتن بە ئەنجامێكی سەركەوتوو”.

بەردەوام بە لە خوێندنەوە

کوردستان