ئێمە لە تۆرە کۆمەڵایەتیەکان

عێراق

بەرپرسێكی حكومەتی عیراقی تووشی كۆرۆنا بوو


خەڵك- بەشی هەواڵ
وەزارەتی بارزگانی عیراق ئاشكراشی دەكات، كە بریكاری پێشكەوتووی وەزارەتەكەیان تووشی ڤایرۆسی كۆرۆنا بووە و دەشڵێت: “تێكەڵی بەرپرسانی وەزارەتەكە و فەرمانبەران نەبووە”.

وەزارەتی بارزگانی عیراق لە بەیاننامەیەكدا ئاماژەی بەوەكردووە، كە “وەلید حلو” بریكاری پێشكەوتووی وەزارەت تووشی ڤایرۆسی كۆرۆنا بووە و پشكنینەكانی پشتڕاستی كردۆتەوە، كە تووشی كۆرۆنا بووە و لە ئێستادا لە یەكێك لە نەخۆشخانەكانی بەغدا داخڵ كراوە.

ئاماژەی بەوەشكردووە، كە بریكاری وەزیر لەناو وەزارەت كارنی نەكردووە، چونكە مۆڵەتی فەرمی بووە لە 15 ڕۆژی پێشوودا و هەر لەو ماوەی مۆڵەتەدا تووشی كۆرۆنا بووە.

جەختیشی كردۆتەوە، بریكاری وەزیر چاوی نەكەوتووە بەوەزیر و فەرمانبەران و لەئێستاشدا ڕێكاری خۆپارێزی گیراوەتە بەر بۆ پاكژكردنەوەی نووسینگەی وەزیر و كەرەنتینە كردنی ئەوانەی تێكەڵی تووشبووەكە بوون.

عێراق

ئەمڕۆ پەڕلەمانی عیراق دەنگ بە 7 كاندیدی حكومەتەكەی كازمی دەدات


خەڵك-بەشی هەواڵ

 

پەڕلەمانی عیراق كۆدەبێتەوە و تەوەری كۆبوونەوەكەش دەنگدانە بە چەند كاندیدێك بۆ پۆستی وەزارەتەكان.
پەڕلەمانی عیراق لە ڕاگەیەنراوێكدا ئاماژە بۆ ئەوە دەكات، ئەمڕۆ شەممە 6-6-2020 پەڕلەمانی عیراق كۆدەبێتەوە.

ئاشكراشیدەكات ئەجێندای كۆبونەوەكە بۆ دەنگدانە بە 7 كاندید بۆ ئەو وەزارەتانەی ماونەتەوە لە كابینكەی كازمی.
جەخت لەوەش دەكاتەوە، كاتژمێر 1ی پاشنیوەڕۆی ئەمڕۆ، كۆبوونەوەكە دەست پێدەكات و لە كۆبونەوەكەشدا گفتوگۆ لەبارەی ڕاپۆرتی لیژنەی قەیرانی پەڕلەمانی عیراق لەبارەی ڤایرۆسی كۆرۆنا و ڕاپۆرتی لیژنەی داراییش لەبارەی دۆخی ئابوورییەوە دەكرێت.

بەپێی زانیارییەكان، ئیحسان عەبدولجەبار بۆ پۆستی وەزارەتی نەوت و فوئاد حسێن بۆ پۆستی وەزارەتی دەرەوە و ئیفان فایەق بۆ پۆستی وەزارەتی كۆچ و كۆچبەران، عەلا ئەحمەد بۆ پۆستی وەزارەتی بازرگانی و محەمەد كەریم بۆ پۆستی وەزارەتی كشتوكاڵ و سالار عەبدولستار بۆ پۆستی وەزارەتی داد و حەسەن نازم بۆ پۆستی وەزارەتی ڕۆشنبیری كاندید كراون.

بەردەوام بە لە خوێندنەوە

عێراق

کەرکوک؛ ٢٨ حاڵەتی نوێی تووشبوون بە کۆرۆنا ڕاگەیانەنران


خەڵک – بەشی هەواڵ

وەزارەتی تەندروستی و ژینگەی عیراق، ٢٨ حاڵەتی نوێی تووشبوون بە کۆرۆنای لەکەرکوک ڕاگەیاند.

بە پێی نوێترین ئاماری  تووشبوونی بە ڤایرۆسی کۆرۆنا، رۆژی ٥ی حوزەیران لە شاری کەرکوک ٢٨ حاڵەتی نوێی تووشبوون بە ڤایرۆسی کۆرۆنا تۆمارکراون.

لە سەرەتای دەرکەوتنی ڤایرۆسەکە، لە شاری کەرکوک ١٦٠ کەس تووشی ڤایرۆسەکە بوون، لە کۆی ئەو ژمارەیەش ٧٠ حاڵەتیان چاکبوونەتەوە و

تەنها ٣ حاڵەتی گیانلەدەستدان تۆمارکراون.

لەئێستاشدا ژمارەی ئەو کەسانەی هەڵگری ڤایرۆسی کۆرۆنان لە پارێزگای کەرکوک ژمارەیان ٨٥ کەسە.”

بەردەوام بە لە خوێندنەوە

عێراق

مردنی مالیكی بە كۆرۆنا ڕەتدەكرێتەوە


خەڵك- بەشی هەواڵ
لە تۆڕە كۆمەڵایەتییەكاندا دەنگۆی مردنی نوری مالیكی سەرۆكی هاوپەیمانی دەوڵەتی یاسا و سەرۆك وەزیرانی پێشووتری عیراق بڵاودەبێتەوە، بەڕێوەبەری نوسينگەكەشی ئەو دەنگۆیانە بەدرۆ دەخاتەوە.

ئەمڕۆ هەینی هیشام ڕەكابی بەڕێوەبەری نوسینگەی نوری مالیكی سەرۆكی دەوڵەتی یاسا، ڕەتیكردەوە مالیكی بە ڤایرۆسی كۆرۆنا مردبێت و ئەو هەواڵانەی بە پڕوپاگەندە و درۆ لەقەڵەمدا.

بەپێی تویتێك كە لەلایەن ڕەكابییەوە لەسەر تۆڕی كۆمەڵایەتی (تویتەر) بڵاوكراوەتەوە”پڕوپاگەندەی درۆ و هەواڵی ساختە چەكی مایەپوچەكان و ئەوانەن كە كینەلەدڵن بەرانبەر بە مالیكی و ناتوانن ڕووبەڕووی ببنەوە، بۆیە هیچیان لەدەستنایەت جگە لە بەبازاڕكردن و بڵاوكردنەوەی درۆكان”.

نوری مالیكی ئەمینداری حزبی دەعوەی ئیسلامی لە دایكبووی ساڵی 1950یە و لە ساڵی 2006وە بۆ دوو ماوە سەرۆكایەتی حكومەتی عیراقی كرد،  لەئێستاشدا سەرۆكی هاوپەیمانی دەوڵەتی یاسایە كە خاوەنی زیاتر لە 20 كورسی پەرلەمانی عیراقە.

 

بەردەوام بە لە خوێندنەوە

کوردستان