ئێمە لە تۆرە کۆمەڵایەتیەکان

کوردستان

گروپی كۆمپانیاكانی HST، هەڵمەتێكی گەورەی خێرخوازی لە گەرمیان ڕاگەیاند

خەڵك – بەشی هەواڵ

 

گروپی كۆمپانیاكانی HST، كە یەكێك لە كۆمپانیا دیارەكانی هەرێمی كوردستانە، لەدەڤەری گەرمیان، هەڵمەتێكی خێرخوازی گەورە بۆ دابەشكردنی سەبەتەی خۆراك بەسەر هاووڵاتیان ڕاگەیاند و بەدەم داوای خاوەنی گروپی كۆمپانیاكانی بەرێز هات كە ڕایسپاردبوو، 2000 سەبەتەی خۆراك دابەش بكات.

لە ئێستادا زۆرێك لە كۆمپانیا وەبەرهێن و سەرمایەدارەكان، سەرقاڵی دابەشكردنی سەبەتی خۆراكی و ڕاگەیاندنی كەمپەینی خێرخوازین و تا دێت ئەم هەوڵە ڕووی لەفراوان بوونە.

پێشتر یاسین مەحمود ڕەشید، دوای ڕاگەیاندنی دابەشكردنی 5000 سەبەتەی خۆراك لە لایەن گروپی كۆمپانیاكانی بەرێز، هادی عەبدولڕەحمان خاوەنی گروپی كۆمپانیاكانی HST ڕاسپارد كە لای خۆیەوە، هەڵمەتێكی دابەشكردنی خۆراك بەسەر هاووڵاتیان ڕابگەیەنێت، ئەمڕۆش ناوبراو بەدەم داواكەی مەلا یاسین هات و هەڵمەتێكی گەورەی دابەشكردنی خۆراكیان ڕاگەیاند، كە خۆی لەدابەشكردنی 2000 سەبەتەی خۆراك دەبینێتەوە.

هەریەكە لە دەزگای خێرخوازیەكانی پارتە سیاسەكان و كۆمپانیاكانی قەیوان، فاروق، بەرێز و زۆرێك لە كەسایەتی كۆمپانیاكانی دیكە، هەڵمەتێكی گەورەی نیشتمانیان ڕاگەیاندووە بۆ دابەشكردنی خۆراك و كۆمەككردنی هاووڵاتیان و تادێت بازنەی ئەم هەڵمەتە فراوانتر دەبێت.

ژینگە

بەهۆی دابەشنەکردنی نەوتەوە مەترسی لەناوچوونی دارستانەکان هەیە

خەڵک – بەشی هەواڵ

دارستانەکانی هەرێمی کوردستان مەترسی لەناوچوونیان لەسەرە، بەتایبەت لەئێستادا کە حکومەتى هەرێم سوتەمەنی بۆ هاوڵاتییان دابینناکات، بەشێک لەهاوڵاتییان بۆ خۆگەرمکردنەوە لەوەرزی زستاندا داری دارستانەکان دەبڕنەوە.

 

ڕێبوار کەمال بەرپرسی  ڕێکخراوی ملەکەوە بۆ پاراستنی ژینگە بە(خەڵک)ی ڕاگەیاند، بڕینەوەی داری دارستانەکان بەمەبەستی سوتەمەنی، یەکێکە لەمەترسییەکانی سەر کەمبوونەوەى ڕێژەى سەوزایی، بۆ نمونە بەپێی ڕووپێوییەکی ساڵی ٢٠١٨ی وەزارەتی کشتوکاڵ، لەسەدا ٥٠ی دارستانەکانی هەرێم لەناوچوون، کە یەکێک لەهۆکارەکان بڕینەوەی دارەکانە.

 

وتیشی: بەداخەوە حکومەتى هەرێم چەندین ساڵە نەیتوانیوە سوتەمەنی پێویست بۆ هاوڵاتییان دابینبکات، تەنانەت لەوڵاتان گازی سروشتى لەجێگەی نەوت بەکاردێت، بەڵام ئەم کە گازە سروشتییەکە دابینناکات، نەوتەکەش دابەشناکات.

 

ئەوەشی خستەڕوو، بەشێک لەگوندنشینەکان خۆیان دەزانن چۆن دار ببڕنەوە و شێوەیەکی زانستییانە پەل وپۆ و دارە وشکەکان دەبڕنەوە، بەڵام ئەوەی کێشەیە هەندێک کەس بەمەبەستی بازرگانی کە ڕوودەکاتە دارستانێک هەموو دارەکان لەبنەوە بەسەوز و بەوشکەوە هەمووی دەبڕێتەوە، کە حکومەتیش نەیتوانییوە وەک پێویست ئەم کەسانە دەستگیربکات و سزایانبدات.

 

ئاماژەى بەئەوەشدا، خەڵک هەیە بە دە تاکو ٢٠ گەڵابە دار لەناوچەیەکی دیاریکراو دەبڕێتەوە، ئەمەش کاریگەری زۆر خراپ لەسەر ئەو ناوچەیە دروستدەکات.

 

باسی لەئەوەشکرد، بەداخەوە ئەو کەسانەى بەشێوەیەکی زۆر نامرۆڤانە ئەو دارانە بەڕیز هەمووی دەبڕنەوە، وادەکەن ناوچەکە ببێتە نیمچە بیابان.

 

ناوبراو لەبارەى مەترسییەکانی دیکەی سەر دارستانەکانی هەرێمی کوردستان وتی: سوتانی دارستانەکان یەکێکی دیکەیە لەهۆکاری لەناوچونی دارستانەکان، چونکە درەختە بچوکەکان بەتەواوی لەناودەبات، گەورەکانیش تووشی نەخۆشی و لاوازی دەبن، بەهۆی دووبارەبوونەوەی دارستانەکانیش ئەوە بەتەواوی دارستانەکە لەناودەچێت.

 

زیاتر ڕوونیکردەوە، بڕینەوەی داری دارستانەکان بۆ مەبەستی تایبەت، بۆ نمونە بۆ پڕۆژەیەکی وەبەرهێنان یان کشتوکاڵی یان ماڵ و ڤیلا دارەکان دەبڕدرێنەوە، ئەمەش مەترسییەکە تازە سەریهەڵداوە، بەشێوەیەک کەس هەیە سێ هەزار دار بەڕووی بڕیوەتەوە بۆئەوەی زەوییەکە بکاتە زەوی کشتوکاڵی.

بەردەوام بە لە خوێندنەوە

عێراق

پێویستە لەپاڵ وەفدە حکومییەکە، وەفدێکی سیاسی بچێتە بەغداد

خەڵک-ئارام سەردار

 

بڕیاردەری لیژنەی دارایی و ئابووری ڕایدەگەیەنێت، چوونی وەفدی هەرێم بۆ بەغدا زۆر گرنگە، بەباشی دەزانین لەپاڵ ئەو وەفدە وەفدێکی سیاسی بچێتە بەغدا.

 

محەمەد سەعدەدین، بڕیاردەری لیژنەی دارایی و ئابووری لەپەڕلەمانی کوردستان بە (خەڵک)ی ڕاگەیاند، پێشتر دانوستان لەنێوان هەولێر و بەغداد بەردەوام بوو و سەرکەوتووش بوون لەچارەسەرکردنی کێشەکان، هەروەها بۆ پلانی ستراتیژی بوودجەی ساڵەکانی ٢٠٢١ و ٢٠٢٢ و ٢٠٢٣ ڕێککەوتنیان هەبوو، بەڵام لەبابەتی یاسای قەرز هەندێ فڕاکسیۆن ڕای جیاوازیان هەبوو لەچوارچێوەی هەنگاوەکانی حکومەت بۆ چارەسەری کێشەکان کاریان نەکرد، ئەمەش جێگای نیگەرانی خەڵکی کوردستان و سەرکردایەتی سیاسی کورد بوو.

 

دەشڵێت، چوونی وەفدی هەرێم بۆ بەغدا زۆر گرنگە، بەباشی دەزانین لەپاڵ ئەو وەفدە وەفدێکی سیاسی بچێتە بەغدا، بۆ ئەوەی چۆن هەردوو حکومەت دەگەنە ڕێککەوتن بۆ چارەسەری کێشەکان، کوتلە جیاوازەکانیش لەحزبەکان هەمان ڕایان هەبێت و جارێکی تر ئەوەی ڕوویدا لەپەڕلەمان دووبارە نەبێتەوە.

 

لەبارەی ناردنی ٣٢٠ ملیار دینارەکە وتی، دەبێت تا ٢٠٢١ مانگانە ٣٢٠ ملیار دینارەکە ڕەوانە بکرێت، هۆکاری دواکەوتنەکەی بەهۆی کێشەی سیولە بوو لەبەغداد، ئێستا چارەسەربووە و عیراق دوای دابەشکردنی مووچەی خۆیان پشکی هەرێم لەمووچەی فەرمانبەران دەنێرێت.

بەردەوام بە لە خوێندنەوە

کوردستان

قائیمقامیەتی سلێمانی: ڕۆژانە ژیانی ژمارەیەكی زۆری هاووڵاتی دەپارێزین

خەڵك-بەشی هەواڵ

 

سەرۆكی لیژنەی یەك لەلیژنە هاوبەشەكانی قائیمقامیەتی سلێمانی ڕایدەگەیەنێت، ڕۆژانە لەلایەن لیژنەكانی قائیمقامیەتی سلێمانی ژیانی ژمارەیەكی زۆری هاووڵاتیان لە مواد و خۆراكی خراپ و بەسەرچوو دەپارێزین.

سامان حمید سەرۆكی لیژنەی یەك لەلیژنە هاوبەشەكانی قائیمقامیەتی سلێمانی كەتایبەتە بەچاودێری كردنی ماركێت و چێشتخانەكان لە ڕاگەیەنراوێكدا ئاماژە بۆ ئەوە دەكات، ڕۆژانە لەلایەن لیژنەكەوە سەردانی ماركێت و چێشتخانەكانی سلێمانی دەكرێت چاودێری ووردیان دەكرێت لەڕووی تەندروستی و كوالێتی خواردنەكانیانەوە.
وتیشی”لەكاتی ئەنجامدانی گەڕان و پشكنینەكاندا دەست بەسەر ژمارەیەكی زۆر مواد و خۆراكی ماوە بەسەرچوو دەگیرێت كە كاریگەری خراپیان بۆسەر تەندروستی هاووڵاتیان هەیە”.

ئاشكراشیكرد، هەر خاوەن ماركێت و چێشتخانەیەك پابەندی ڕێنماییەكانی كاركردن نەبێت ڕووبەڕووی ڕێكاری یاسایی دەكرێتەوە.

بەردەوام بە لە خوێندنەوە

کوردستان