ئێمە لە تۆرە کۆمەڵایەتیەکان

کوردستان

کلینیکێکى ئۆنلاین ڕاگەیەندرا

خەڵک – بەشی هەواڵ

زانکۆی کۆیە پڕۆژەیەکی کلینکی ئۆنلاین بەبەشداری زیاتر لە ٣٠پزیشکی پسپۆڕ و بەشێک لەخوێندکارانی قۆناغی شەشەمی بەشی پزیشکی ڕاگەیاند.

 

سکولی پزیشکی زانکۆی کۆیە و پزیشکانی شاری کۆیە بۆ هاوکاری خەڵک لەو بارودۆخەی کۆرۆنا لە ڕێی فۆڕمێکی ئۆنلاینەوە هاوکاری ئەو نەخؤشانە دەکات، کە ڕەنگە نەتوانن بۆ نەخۆشخانە بچن.

بۆ حاڵەتی خێرا نەخۆشخانەکان کراونەتەوە و نەخۆش دەبێت سەردانیان بکات، بۆیە ئەم کلینیکە تەنها بۆ ڕێنیشاندان و هاوکاریکردنە، نەک بۆ دەستنیشانکردنی نەخۆشی بەتەواوی، چونکە دەستنیشانکردنی نەخۆشی پێویستى بەپشکنین و زانیاری ورد هەیە.

بۆ ئەوەی کەسەکە وەڵامی ڕاستی دەستبکەوێت دەبێت زانیاری تەواو و ئیمەیلی ڕاست دابنێت، چونکە وەڵامەکان بە ئیمەیل وەردەگیرێت.

لەو لینکەوە هەر کەسێک دەتوانێت پرسیار بنێرێت، بەڵام دەبێت ئیمەیل و ژمارەی ڤایبەری ڕاست دابنێ، بۆئەوەی وەڵامەکەی بە دروستی لەڕێگەى ئیمەلەوە دەستبکەوێتەوە

https://docs.google.com/forms/d/e/1FAIpQLScuktmKHBFXmu0I4Twz9GCG1AOEzcxpCxXaMXLUcRZNSsMuSQ/viewform

پزیشکە بەشداربوەکان:

1 دکتۆر دەوەن جمال حویزی پسپۆری نەشتەرگەری گشتی سەرۆکی سکولی پزیشکی
2 دکتۆر هۆشمەند جمال حمد مستەفا پسپۆری ئیسک و شکان بریاردەری سکول
3 دکتۆر ئاراس عمر شێخانی پسپۆری نەشتەرگەری گشتی
4 دکتۆر ولید باقر پسپۆری نەشتەرگەری گشتی
5 دکتۆر هێمن رسول پزیشکی پسپۆری هەناو
6 دکتۆر بەهادین قادر محمود پزیشکی پسپۆری هەناو
7 دکتۆر سەرمد رحیم کریم پسپۆری نەخۆشیزانی
8 دکتۆر دەوەن دلشاد پسپۆری منالان
9 دکتۆر فەیسەل مستەفا ابراهیم پسپۆری دەرونی
١٠ دکتۆر علی قوربانی پسپۆری گورچیلە و میزەرۆ
١١ دکتۆرە ارتقا محمد پسپۆری ژنان و منال بون
١٢ دکتۆرە هەوری محمد پسپۆری ژنان و منال بون
١٣ دکتۆر ئازاد محمد شارەزای میزەرۆ
١٤ دکتۆر دهام جعفر شارەزای ئیسک و شکان
١٥ دکتۆر کوردۆ محمد پسپۆری چاو
١٦ دکتۆر ژوان مغدید پسپۆری قورگ و گوێ و لووت
١7 دکتۆرە بیریفان هەورامی شارەزای پیست
١٨ دکتۆر صباح غفور پسپۆری تیشک و سونەر
١٩ دکتۆرە سوما گوشاد شارەزای ددان و شەویلاگ
٢٠ دکتۆر راماو چاپوک شارەزای گورچیلە و میزەرۆ
٢١ دکتۆر شەمال سارابی شارەزای گشتی
٢٢ دکتۆر مقداد جیاد پسپۆری بیهۆشکاری و ئازار
٢٣ دکتۆر عمران شوکت پسپۆری بیهۆشکاری و ئازار
٢٤ دکتۆر هیرش نافع پسپۆری دەرمانزانی
٢٥ دکتۆرە بنار پسپۆری دەرمان
٢٦ دکتۆر رنین العبیدی پسپۆری تیشک و سونەر
٢٧ دکتۆر عمار سمیر العلی پسپۆری نەشتەرگەری میشک و دەمار
٢٨ دکتۆرە گەشین عبدالواحد پسپۆری رۆمااتیرزم و نەخۆشی جومگە
٢٩ دکتۆر لیزان خیرالدین پسپۆری نەشتەرگەری گشتی
30 دکتۆر کاوە سابر شارەزای قورگ و گوی و لووت
31 دکتۆرە داستان شیخانی شارەزای پیست
32 دکتۆرە نوالە دلزار شارەزای گشتی
٣٣ دکتۆر فازل علی احمد پسپۆری هەناوی

ریکلام

کوردستان

ئەم هەواڵە نوێدەكرێتەوە..
خۆپیشاندانی سەرتاسەری مامۆستایان دەستیپێكرد

سلێمانی ـ نزار جەزا

ئەمڕۆ شەممە لە یەكەم رۆژی دەستپێكردنی ساڵی نوێی خوێندن لە شاری سلێمانی مامۆستایان نەچوونە هۆڵەكانی خوێندن و خۆپیشاندانیان دەستپێكرد.

پەیامنێری (خەڵك) لە شوێنی خۆپیشاندانەكەدا وتی: خۆپیشاندەران لە پێش بەڕێوەبەرایەتی پەروەردەی رۆژئاوا كۆبوونەتەوە و خۆپیشاندانیان سازكردووە و خەڵكی دیكەشیان لەگەڵدایە.

ئاماژەی بەوەشكرد خۆپیشاندەران داوای خەرجكردنی موچەكانیان دەكەن كە ماوەی چەند مانگە پێیان نەدراوە لەگەڵ دابەشكردنی موچە مانگانە لە كاتی خۆیدا.

ناڕازییەکان کە مامۆستایان ڕابەرییان دەکەن لەبەردەم بەڕێوەبەرایەتی پەروەردەی ڕۆژئاوای سلێمانی گردبوونەتەوە و دروشمی جۆراوجۆر دەڵێنەوە.

بڕیارە پاش کەمێکی دیکە بەڕێپێوان بەڕێبکەون بۆ بەردەم بینای پارێزگای سلێمانی و لەوێ بەیاننامەی خۆیان بخوێننەوە و تێیدا کۆی داواکارییەکانیان دەخەنەڕوو و هەنگاوی دواتریان ئاشکرادەکەن.

هاوكات لە شاری كەلار و كۆیەش خۆپیشاندانی مامۆستایان دەستیپێكردووە و لەبەردەم بەڕێوەبەرایەتییەكانی پەروەردەی شارەكانیاندا كۆبوونەتەوە.

هاوكات بڕیارە لە شاری هەڵەبجە و رانیەش خۆپیشاندانی مامۆستایان بەڕێوەبچێت.
زانیاری نوێتر…

بەردەوام بە لە خوێندنەوە

کوردستان

راوێژكاری ئاسایشی نەتەوەیی عێراق گەیشتە هەولێر

خەڵك- بەشی هەواڵ

راوێژكاری ئاسایشی نەتەوەیی عێراق قاسم ئەعرەجی گەیشتە هەولێر بە سەرۆكایەتی شاندێكی ئەمنی.

سەرچاوەیەك بۆ الاخباریە وتی: ئەعرەجی لەگەڵ شاندێكی ئەمنی گەیشتووەتە هەولێر.

ناوبراو لەگەڵ بەرپرسە ئەمنییەكانی هەرێمی كوردستاندا كۆدەبێتەوە.

زانیاری زیاتر لەبارەی سەردانەكە بڵاونەكراوەتەوە، بەڵام هاوكاتە لەگەڵ هەڕەشە و هۆشدارییەكانی ئەمریكا بۆ عێراق لەسەر هێرشكردنەسەر بەرژەوەندییەكانی ئەمریكا لەلایەن ملیشیا چەكدارەكانەوە.

هاوكات نێچیرڤان بارزانی سەرۆكی هەرێمی كوردستان ئامادەیی هاوكاری و پشتیوانی بۆ دابینكردنی سەقامگیری و ئاسایش لە عێراق نیشانداوە.

بەردەوام بە لە خوێندنەوە

کوردستان

بەڕێوەبەری گشتی پەروەردەی سلێمانی پشتیوانی لە خۆپیشاندانی مامۆستایان دەكات

خەڵك-بەشی هەواڵ

 

بەڕێوەبەری گشتی پەروەردەی سلێمانی ڕایدەگەیەنێت، لەگەڵ كردنەوەی دەرگای خوێندنگەكان لە سنووری پارێزگای سلێمانی، هەوڵدەدەن خۆیان لەگەڵ ڤایرۆسی كۆرۆنا ڕابهێنن و بیكەنە بەشێك لە ژیانیان.

ئەمڕۆ یەك شەممە 27-9-2020 دڵشاد عومەر بەڕێوەبەری گشتی پەروەردەی سلێمانی، لە كۆنگرەیەكی ڕۆژنامەوانی و لە یەكێك لە خوێندنگەكانی سلێمانی دەستپێكردنی پڕۆسەی خوێندنی ساڵی 2020- 2021ی بۆ خوێندكارانی پۆلی 12ی ئامادەیی و قۆناغەكانی یەك و دووی بنەڕەتی ڕاگەیاند.

ناوبراو ئاشكرایكرد، ئەمڕۆ دەستدەكرێتەوە بە پڕۆسەی نوێی خوێندن بۆ خوێندكارانی پۆلی 12ی ئامادەیی و یەك و دوو بنەڕەتی و 10ی 10ش قۆناغەكانی تر دەستپێدەكەنەوە كە ماوەی 14 ڕۆژ بەردەستە، ئەگەر سەركەوتوو بن دەتوانن قۆناغەكانی تریش بهێننەوە بۆ ناو خوێندنگەكان.

ئاماژەی بۆ ئەوەش كرد، دەبێت ڤایرۆسی كۆرۆنا بكەین بە بەشێك لە ژیانمان و ژیان ئاسایی بكەینەوە، كارو كەسابەت باش بێت، ڕەوشی ئابووری وڵات باش بێت ئاشتەوایی بەدوادادێت.

بەڕوەبەری پەروەردە پشتیوانی خۆشی بۆ ئەو مامۆستایانە دەربڕی كە ئەمرشۆ خۆپیشاندان دەكەن و وتیشی”هەوڵ دەدەین هەموو مافەكانتان بۆ جێبەجێ بكرێت و ئێمەش بەشێكین لە ئێوە، چونكە پاشەكەوت و لێبڕین ئێمەشی گرتووەتەوە”..

بەردەوام بە لە خوێندنەوە

کوردستان