ئێمە لە تۆرە کۆمەڵایەتیەکان

عێراق

هاووڵاتییەكی عیراقی لە بەریتانیا بەهۆی كۆرۆناوە گیانی لەدەستدا

خەڵك- بەشی هەواڵ
وەزارەتی دەرەوەی عیراق ڕایدەگەیەنێت، هاووڵاتییەكی عیراقی لە بەریتانیا بەهۆی توشبوونی بە ڤایرۆسی كۆرۆنا گیانی لەدەستدا.

ئەمڕۆ پێنج شەممە، ئەحمەد سەحاف وتەبێژی وەزارەتی دەرەوەی عیراق لە بەیاننامەیەكدا ڕایگەیاند”هاووڵاتییەكی عیراقی لە لەندەنی پایتەختی بەریتانیا، بەهۆی توشبوونی بە ڤایرۆسی كۆرۆنا، ئەمڕۆ گیانی لەدەستدا”.

بە وتەی سەحاف”باڵیۆزخانەی عیراق بەدواداچوونی لەگەڵ ئەو نەخۆشخانەیەدا كردووە كە هاووڵاتییەكەی تێدا بوو، تا ڕێوشوێنەكانی ڕادەستكردنی تەرمەكەی بە خێزانەكەی و بەخاسپاردنی لەیەكێك لە گۆڕستانەكانی لەندەن تەواو بكات”.

پێشتر وەزارەتی دەرەوەی عیراق، ئاماژەی بە بەرزبوونەوەی ژمارەی تووشبوانی هاووڵاتیانی عیراقی كردبوو لە دەرەوەی وڵات و لە بەیاننامەیەكدا ڕایگەیاندبوو”تائێستا كۆی گشتی ئەو عیراقیانەی لە دەرەوەی وڵات تووشی ڤایرۆسی كۆرۆنا بوون، گەیشتۆتە 20 كەس”.

عێراق

كازمی بڕیارێكی نوێی بۆ تاقیكردنەوەكانی خوێندكاران دەركرد

خەڵك- بەشی هەواڵ
سەرۆك وەزیرانی عیراق ڕەزامەندی دەربڕی بۆ ئەنجامدانی خوولی سێیەمی تاقیكردنەوەكان و بۆ ئەوەش خشتەیەكی نوێ‌ لەلایەن وەزارەتی پەروەردەوە دادەنرێت.

نووسینگەی سەرۆك وەزیرانی عیراق بڵاویكردەوە، ئەمڕۆ ئەنجوومەنی وەزیرانی عیراق بەسەرۆكایەتی مستەفا كامی كۆبۆتەوە و سەرۆك وەزیران ڕەزامەندی دەربڕیوە لەسەر ئەنجامیدانی خوولی سێیەمی تاقیكردنەوەكانی پۆلە كۆتاییەكان (شەشەمی ئامادەیی) بۆ ساڵی خوێندنی 2019- 2020.

ئاماژە بەوەشكراوە، كە بڕیاردراوە وەزارەتی پەروەردە و فێركردن كات و خشتەی تاقیكردنەوەكان دیاری بكات و لەداهاتوودا بڵاوی بكاتەوە.

بەهۆی بڵاوبوونەوەی ڤایرۆسی كۆرۆناوە پڕۆسەی خوێندن تا ئێستا دەستی پێنەكردۆتەوە و بڕیارە لە كۆتایی ئەم مانگەوە بەشێوەی ئەلیكترۆنی دەستپێبكاتەوە و تەنها یەك ڕۆژ خوێندكاران لەناو پۆل دەوام بكەن و پشووی ڕۆژانی شەممە هەڵوەشێنراوەتەوە.

بەردەوام بە لە خوێندنەوە

عێراق

عیراق، كەركوك زۆرترین ژمارەی تووشبوانی بە كۆرۆنا تۆماركرد

خەڵك- بەشی هەواڵ
وەزارەتی تەندروستی عیراق ڕایدەگەیەنێت، 2292 حاڵەتی نوێی تووشبوون بە ڤایرۆسی كۆرۆنا تۆماركراوە، 2130 كەسیش چاكبوونەتەوە و 35 كەسیش بەهۆی پەتاكەوە گیانیانلەدەستدا كە 11 كەسیان لە سلێمانی بوون.

بەپێی بەیاننامەیەك كە لەلایەن وەزارەتی تەندروستی عیراقەوە بڵاوكرایەوە” لە 24 كاتژمێری ڕابردوودا 26 هەزار و 504 پشكنینی تایبەت بە كۆرۆنا ئەنجامدراوە و دەركەوتووە 2292 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

هەر لە بەیاننامەكەدا هاتووە”زۆرینەی تووشبووەكان لە كەركوك و بەغدا و سلێمانی بوون، بەجۆرێك كە لە كەركوك 469، سلێمانی 196، هەولێر 135، و دهۆك 169 حاڵەت تۆماركراون”.

وەزارەتی تەندروستی عیراق ئاماژەی بە چاكبوونەوەی 2130 تووشبووی پەتاكە كردووە كە زۆربەیان لە بەغدا و دیالە و كركوك بوون، ویڕای گیانلەدەستدانی 35 كەس بە پەتاكە كە دیسانەوە پارێزگەی سلێمانی بە تۆماركردنی 11 حاڵەتی گیانلەدەستدان لە سەرو ڕیزبەندی پارێزگەكانی تردا ماوەتەوە لەڕووی زۆری ژمارەی گیانلەدەستدان بە كۆرۆنا.

بەردەوام بە لە خوێندنەوە

عێراق

بە بەڵگەوە، حەلبوسی دەیەوێت كێشەكانی نێوان هەرێم و بەغدا چارەسەر بكات

خەڵك- بەشی هەواڵ
محەمەد حەلبوسی سەرۆكی پەرلەمانی عیراق، دەیەوێت كێشەكانی نێوان حكومەتی فیدراڵ و حكومەتی هەرێم چارەسەر بكات، بۆ ئەو مەبەستەش لیژنەیەكی پەرلەمانی پێكدەهێنێت.

بەپێی بەڵگەنامەیەك كە وێنەیەكی دەست (خەڵك) كەوتووە”محەمەد حەلبوسی سەرۆكی پەرلەمانی عیراق، لیژنەیەكی پەرلەمانی پێكهێناوە كە ئەركی ئەنجامدانی دانوستان لەنێوان هەردوو حكومەتی فیدراڵ و حكومەتی هەرێمی كوردستان بۆ مەبەستی چارەسەركردنی ناكۆكییەكان و كێشە هەڵپەسێردراوەكانی نێوان هەردوولا، لە ئەستۆ دەگرێت”.

بەپێی ئەو ڕێنماییەی لەو بارەیەوە لەلایەن حەلبوسییەوە دەرچووە، لیژنەكە بۆ ئەنجامدانی دیالۆگ لەنێوان بەغدا و هەولێر ڕاسێردراوە”تا چارەسەری گونجاو بدۆزرێتەوە، بەشێوەیەك لەگەڵ دەستور و یاساكان و هێنانەدی دادپەروەریی لە دابەشكردنی داهاتەكان لەنێوان گەلی عیراقدا بگونجێت و لە دووتوێی دەقە یاساییەكان و لە ڕەشنوسی یاسای بودجەی فیدراڵی گشتی ساڵی 2021دا زامن بكرێت”.

بەردەوام بە لە خوێندنەوە

کوردستان