ئێمە لە تۆرە کۆمەڵایەتیەکان

کوردستان

خەڵك شێوازی دابەشكردنی مووچەی شەهیدان و ئەنفالكراوان بڵاودەكاتەوە


خەڵك – بەشی هەواڵ

بەڕێوەبەرایەتی گشتی شەهیدان و ئەنفالكراوانی سلێمانی ڕایدەگەیەنێت ، بەهۆی خۆپارێزی لەڤایرۆسی كۆرۆنا دابەشكردنی مووچە بە پێی خشتەیەكی دیاریكراو دابەشدەكرێت ، دەشڵێت ،”ڕۆژانی یەكشەممە و دووشەممە مووچەی شەهیدانی سەنگەر و سێشەممە مووچەی شەهیدانی كیمیاباران و جینۆساید و چوارشەممە و پێنجشەممە شەهیدانی هاووڵاتیان دابشدەكرێت”.

بەڕێوەبەرایەتی گشتی شەهیدان و ئەنفالكراوانی سلێمانی لە ئاگادارییەكدا، كە وێنەیەكی دەست (خەڵك) كەوتووە ڕایگەیاندووە ، كەسوكاری سەربەرزی شەهیدان و ئەنفالكراوان ئاگادار دەكەین، كە لە هەفتەی داهاتووە وە دابەشكردنی مووچە دەست پێدەكات ، بەڵام بەهۆی بارودۆخی بوونی ڤایرۆسی كورونا- وە شێوازی دابەشكردن گۆرانكاری پێكراوە.

ڕاشیگەیاندووە، خشتەكە لەلایەن وەزارەتی داراییەوە ڕێكخراوە پێویستە زۆر بەباشی ڕەچاوی ڕێنماییەكان بكرێت، بەمەبەستی پاراستنی تەندروستی هەموولایەك هیوادارین بە ڕەچاوكردنی خشتەكە سەردانی بانكەكان بكرێت و هەر كەسێكیش لە ڕۆژ و كاتی دیاركراوی خۆیدا نەبێت ناتوانێت مووچە وەربگرێت.

لە ڕاگەیەنراوەكەدا هاتووە ، بانكەكان تا كاتژمێر 3 ی پاش نیوەرۆ دەوام دەكەن و خشتەكەش بەم شێوەیە دەبێت، ڕۆژانی یەكشەممە و دووشەممە مووچەی شەهیدانی سەنگەر و سێشەممە مووچەی شەهیدانی كیمیاباران و جینۆساید و چوارشەممە و پێنجشەممە شەهیدانی هاووڵاتیان دابشدەكرێت .

ئاشكراشیكردووە، بۆ دابەشكردنی مووچەی بەخێوكاری دایك و باوك لەداهاتوودا ئاگاداری بڵاو دەكرێتەوە .

کوردستان

٩ توشبووی دیکەى کۆرۆنا لەهەرێم تۆمارکرا


خەڵک – بەشی هەواڵ

وەزارەتى تەندروستی حکومەتى هەرێم نۆ توشبووی دیکەى ڤایرۆسی کۆرۆنای ڕاگەیاند، بەمەش کۆی گشتی توشبووانى ڤایرۆسی کۆرۆنا لەهەرێمی کوردستان گەیشتە ١٢١ توشبوو.

 

دەقی ڕاگەیەندراوەکە:

 

ڕاگەیاندراوی وەزارەتی تەندروستی
ژمارە (٣٠)

سەبارەت بە نەخۆشی ڤایرۆسی کۆڕۆنای نوێ COVID-19 لە هەرێمی کوردستان، تیمەکانی تەندروستی بۆ کەڕەنتین کردن و دۆزینەوە و پشکنینی هەڵگرانی ئەم ڤایرۆسە ڕۆژانە بەردەوامن بەمەش:
1. کەرەنتین
ژمارەی هاوڵاتیان لە کەڕەنتینەکان (٥٢٧٣) هاوڵاتی بوون لە (٣٥) شوێنی جیاواز، لەئێستادا تەنها (١٤٢٢) هاوڵاتی لە کەرەنتین ماونەتەوە (٤٢٥) لە هەولێر، (٢٨١) لە سلێمانی، (٦٢٨) لە دهۆك، (٣٠) لە هەلەبجە، (٥) لە گەرمیان، (٣٣) لە ڕاپەرین، (٢٠) لە کۆیە وە (٣٦٥١) هاوڵاتی لە کەرەنتین دەرچوونە و گەڕانەوە ناو خانەوادەکانیان دوای تەواو بوونی ماوەی دوو هەفتە لەگەڵ کەڕەنتین کردنی ژمارەیەکی تری کەرەنتین کراو لە ٢٤ کاتژمێری ڕابردوو کە کۆی گشتی بریتی بوو (١٢٩) هاوڵاتی.

2. پشکنین
لەماوەی ٢٤ کاتژمێری ڕابردوو (٥٢١) پشکنین کراوە، (٤٠٧) هەولێر، (٩٧) سلێمانی، (١٧) دهۆك.
دەرەنجام (٩) تووشبووی نوێ تۆمارکرا وە بەم شێوەیەی خوارەوە:-

• پارێزگای هەولێر (٨) پۆزەتیڤ، کە (٢) ئافرەت تەمەن (٤١)، (٣١) ساڵ و (١) پیاو تەمەن (٣٢) ساڵ، (٢) منداڵ (٩)، (٣) ساڵ کە بەرکەوتەی تووشبووانی پێشوون.
• پارێزگای هەلەبجە (١) پۆزەتیڤ، کە پیاوێکی تەمەن (٣٧) ساڵ.

3. ئاماری گشتی
کۆی گشتی هەڵگرانی ڤایرۆسی کۆڕۆنای نوێ COVID-19 لە هەرێمی کوردستان (١٢١) تووشبوو، لەنێویاندا (٢) مردن هەیە و (٥١) نەخۆش چاکبووەتەوە، و ئەوانی تر هەموویان لەژێر چاودێری پزیشکی دان.

وێڕای دەستخۆشی بۆ تیمەکانی وەزارەتی ناوەخۆ و تیمەکانی پزیشکی کە لە کاردان جارێکی تر تکا دەکەین هاوڵاتیان بە هیچ شێوەیەك نەیەنە دەرەوە لە ماڵەکانیان وە پابەندبن بە ڕێنماییەکانی تەندروستی و بەرکەوتەی کەسی تر نەبن وە لەکاتی پێویستدا پەیوەندی بکەبن بە هێڵی گەرمی ژمارە (١٢٢).

وەزارەتی تەندروستی
حکومەتی هەرێمی کوردستان
٢٨ی ئازاری٢٠٢٠

بەردەوام بە لە خوێندنەوە

کوردستان

بانكەكان و فەرمانگە حکومییەکانی سلێمانی پاکژدەکرێنەوە


خەڵک – بەشی هەواڵ

وەك ئامادەكاری بۆ دابەشكردنی مووچەی فەرمانبەران بانكەكان و فەرمانگە حکومییەکان پاکژدەکرێنەوە.

 

سەباح هەورامی بەڕێوەبەری تەندروستى سلێمانى ڕایگەیاند، وەك ئامادەكاری بۆ دابەشكردنی مووچەی فەرمانبەران بانكەكان دەرمانڕێژ دەكرێن، هەڵمەتی پاککژکردنەوەی فەرمانگە حکومیەکان بەرێوەدەچێت.

 

ئاماژەى بەئەوەشدا، ئەم هەڵمەتە لە پێناو جێبەجێکردنی ڕێکارە تەندروستییەکانە دژی ڤایرۆسی کۆرۆنا.

بەردەوام بە لە خوێندنەوە

کوردستان

شێوازی دابەشكردنی موچەی شەهیدان ئاشكراكرا


خەڵك- نزار جەزا

موچەی شەهیدان لە سبەینێ یەك شەممەوە بۆ ماوەی پێنج ڕۆژ دەست بەدابەشكردنی دەكرێت.

ئەدیب لەتیف بەڕێوەبەری بەڕێوەبەرایەتی شەهیدان و ئەنفالكراوانی سلێمانی بە(خەڵك)ی ڕاگەیاند، موچەی شەهیدان لەماوەی پێنج ڕۆژدا دابەشدەكرێت.

باسی لەئەوەشكرد، ڕۆژی یەك شەممە و دوو شەممە موچەی شەهیدانی سەنگەر دابەشدەكرێت.

ئەوەشی خستەڕوو، ڕۆژی سێ شەممە موچەی جینۆساید دابەشدەكرێت، كە بریتییە لە بەركەوتووانی چەكی كیمیایی و ئەنفال و جینۆساید.

 

ئاماژەی بەئەوەشدا، ڕۆژی چوار شەممە و پێنج شەممە موچەی شەهیدانی هاوڵاتی دابەشدەكرێت.

 

باسی لەئەوەشكرد، لەگەڵ قائیمقامیەت قسەیان كردووە، موچەخۆرەكانیان بەو باجەی كە پێیانە دەتوانن هاتوچۆ بكەن و بڕۆن بۆ بانكەكانیان بۆ وەرگرتنی موچەكانیان و گرفتی هاتوچۆیان بۆ دروستنابێت.

 

بەردەوام بە لە خوێندنەوە

کوردستان