ئێمە لە تۆرە کۆمەڵایەتیەکان

عێراق

نوێژی هەینی لەماڵەكانتاندا بكەن
موقتەدا سەدر؛ ئەگەر خەڵكی ناوچەی سەدر پابەند نەبن لە داهاتوودا لە شارەكانی ئال سەدردا نامێنن

خەڵك – بەشی هەواڵ

ڕێبەری ڕەوتی سەدر ڕایدەگەیەنێت، وتاربێژەانی نوێژی هەینی لەماڵەكانیاندا نوێژ بكەن تەنیا لەگەڵ حەوت كەسدا و پێویستە خەڵكانی دیكە پابەندبن بە قەدەغەی هاتوچۆوە، دەشڵێت،”بیستوومە خەڵكی ناوچەی سەدر پابەندی قەدەغەی هاتووچۆ نابن، ئەوانە شوینیان لەناو ئال سەدردا نامێنێت”.

موقتەدا سەدر، ڕێبەری ڕەوتی سەدر لە هەژماری تایبەتی خۆی لە تویتەر ڕایگەیاندووە، پێویستە لەسەر باوەڕداران تا دەتوانن خۆیان بپارێزن، چونكە بەرژەوەندی گشتی گەورەترو گرنگترە، هەواڵم پێدەگات لە ناوچەی سەدر پابەند نین بە قەدەغەی هاتووچۆ وە، ئەگەر پابەند نەبن لە داهاتوودا لە شارەكانی ئال سەدردا نامێنن.

ڕاشیگەیاندووە، پێویستە لەسەر وتاربێژانی نوێژی هەینی لەماڵەكانیاندا لەگەڵ حەوت كەسدا نوێژ بكەن و خەڵكانی دیكە پابەند بن بە قەدەغەی هاتووچۆ وە.

 

عێراق

كازمی هەڕەشە دەكات

خەڵك- بەشی هەواڵ
سەرۆك وەزیرانی عیراق لەسەر دەستپێكردنەوەی خۆپیشاندانەكان پەیامێكی بڵاوكردەوە و هەڕەشە لەوانە دەكات، كە خۆپیشاندانەكان بەلاڕێدا دەبەن.

مستەفا كازمی، سەرۆك وەزیرانی عیراق لە وتارێكدا لە ئاهەنگی دەرچوونی خولی پێگەیاندنی وەزارەتی ناوخۆ ڕایگەیاندووە، عیراق هیج ڕێز و شكۆیەكی نیە ئەگەر هاووڵاتیان ڕێزلێگیراو نەبن و شكۆیان نەپارێزرێت، بۆیە دەبێت هاووڵاتی هەست بە ئاسایش و هێمنی بكات، كە لە ماوەی ڕابردوودا ڕووبەڕووی ئازاڕ و زوڵم بۆتەوە.

ڕاشیگەیاندووە، ڕێگە بە هیچ كەس و لایەنێك نادەین هاووڵاتی لە مافەكانی بێ بەش بكات و لەهەمان كاتدا ڕێگە بەدەستدرێژی بۆ سەر هێزە ئەمنیەكان نادەین.

كازمی دەشڵێت: “هاووڵاتی مافی خۆپیشاندانی ئاشتیانەی هەیە و ئەوان برا و كەسی نزیكی ئیمەن”.

ئاماژەی بەوەشكردووە، مێژوو چاودێرە بەسەرمانەوە و گەلی عیراق چاوی لەدەستی ئێمەیە و دەبێت لە ئاستی بەرپرسیارێتیدابین و هەموو چركە ڕۆێك مێژوویەكی پڕ شكۆ بۆ وڵات و گەل تۆمار بكەین ئەگەرنا بوونی ئێمە لە دەسەڵاتدا سوودی چیە.

بەردەوام بە لە خوێندنەوە

عێراق

لە عیراق و هەرێم گەورەترین ژمارەی تووشبوون بە كۆرۆنا تۆماركرا

خەڵك- بەشی هەواڵ
وەزارەتی تەندروستی عیراق ئاشكرای دەكات، 4293 حاڵەتی نوێی تووشبوون بە ڤایرۆسی كۆرۆنا تۆماركراوە و 2571 كەسیش چاكبوونەتەوە و 76 حاڵەتی مردنیش هەبووە.

وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 18 هەزار و 295 پشكنینی تایبەت بە كۆرۆنا ئەنجام دراوە و دەركەوتووە 4293 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

ئاشكراشی كردووە، كە زۆرینەی تووشبووەكان لە بەغدا بوون، هەروەها لە سلێمانی 148 و هەولێر 443 و كەركوك 184 و دهۆك 67 حاڵەت تۆماركراوە.

ڕوونیشی كردۆتەوە، كە 2571 تووشبوو بە پەتاكە چاكبوونەتەوە، كە زۆرینەیان لە بەغدا بوون و هەروەها لە سلێمانی 25 و هەولێر 115 و دهۆك 39 و كەركوك 107 كەس چاكبوونەوە.

ڕاشیگەیاندووە، 76 كەس بە پەتاكە گیانیان لەدەستداوە و بەوەش ژمارەی مردووان گەیشتۆتە 5785 كەس.

بەردەوام بە لە خوێندنەوە

عێراق

هەرێم و بەغداد دەست بەگفتوگۆکان دەکەنەوە

خەڵک – بەشی هەواڵ

جێگری سەرۆكی ئەنجومەنی نوێنەرانی عیراق رایگەیاند، بەم زووانە ھەردوو حكومەتی ھەرێم و بەغداد دەست بە گفتوگۆكان دەكەنەوە، چونكە ھیچ بەربەستێكی قورس لە بەردەمیان نییە بۆ ئەوەی بگەنە رێككەوتن.

دكتۆر بەشیر خەلیل حەداد، بۆ ماڵپەڕی فەرمیی پارتی دیموكراتی كوردستان وتی: “دەستپێخەرییەكمان كردووە، كە ھەردوو حكوومەتی ھەرێمی كوردستان و عیراق بگەڕێنەوە سەر مێزی گفتوگۆ و دانوستان دەست پێبكەنەوە، چونكە چەند گفتوگۆ دوابكەوێت، زیانی بۆ خەڵكی كوردستان دەبێت”.

وتیشی: “داوامان كردووە بەپیر داوەكەمان بێن و دەست بە گفتوگۆ بكەن، چاوەڕێش دەكەین بەم زووانە گفتوگۆكان دەست پێبكەنەوە، چونكە بەربەستێكی قورس نییە كە نەگەنە رێككەوتن، بۆیە گفتوگۆكان دەست پێدەكەنەوە بۆ ئەوەی ھەردوولا بگەنە رێككەوتن”.

جێگری سەرۆكی ئەنجومەنی نوێنەرانی عیراق دەشڵێت: “بەھۆی پشووی پەرلەمان و تووشبوونی ژمارەیەكی زۆری پەرلەمانتار و فەرمانبەرانی پەرلەمانی عیراق بە ڤایرۆسی كۆرۆنا، تا 1/9 ناتوانین دەست بە كۆبوونەوەكان بكەینەوە، بە تایبەت لەبارەی كێشەكانی نێوان ھەرێم و بەغدا”.

بەردەوام بە لە خوێندنەوە

کوردستان