ئێمە لە تۆرە کۆمەڵایەتیەکان

ئابوری

حكومەتی عیراق مووچەی فەرمانبەرانی هەرێم ڕەوانە دەكات

خەڵك- بەشی هەواڵ
حكومەتی عیراق ئەو بڕە پارەیە ڕەوانە دەكات كە بۆ مووچەی فەرمانبەرانی هەرێمی كوردستان تەرخانكراوە.

ئەمڕۆ پێنج شەممە، عابد ساڵح بەڕێوەبەری لقی هەولێری بانكی ناوەندی عیراقی بە ماڵپەڕی (شەفەق نیوز)ی ڕاگەیاندووە”حكومەتی عیراق بڕی 453 ملیار دیناری پۆ لقەكەیان ڕەوانە كردووە، بۆیە وەزارەتی دارایی و ئابوری حكومەتی هەرێمی كوردستان دەتوانێت سبەینێ‌ هەینی ئەو پارەیە وەربگرێت و لێوەی مووچەی فەرمانبەرانی هەرێم دابەشبكات، بڕەپارەكەش تەواوكەری مووچەی فەرمانبەرانە”.

پێشتر حكومەتی هەرێمی كوردستان ڕایگەیاندبوو كە چاوەڕوانی گەیشتنی پارەكەی بەغدایە، تا لێوەی پاشماوەی مووچەی فەرمانبەران دابەش بكات”.

وتەبێژی حكومەتی هەرێم ڕایگەیاندبوو، قەدەغەكردنی هاتووچۆ بەهۆی بڵاوبوونەوەی ڤایرۆسی كۆرۆنا ، وایكرد بەغدا دوابكەوێت لە ڕەوانەكردنی مووچەی فەرمانبەرانی هەرێم و وەزیری دارایی حكومەتی هەرێمیش لە پەیوەندی بەردەوامدایە لەگەڵ وەزیری دارایی حكومەتی فیدراڵ، تا چارەسەرێك بۆ ئەو كێشەیە بدۆزنەوە، بۆیە ئەوان لەئێستادا چاوەڕوانی گەیشتنی ئەو پارەیەن لەماوەی چەند ڕۆژی داهاتوو لە بەغدا و لەگەڵ گەیشتنیشی دەستبەجێ‌ بۆ مووچەی وەزارەتەكان خەرج دەكرێت.

ئابوری

وەزیری تەندروستی و پەڕلەمان و نەخۆشخانە ئەهلیەكان بۆ دیاریكردنی نرخ لەكۆبوونەوەدان

خەڵك-ئارام سەردار
كۆبوونەوەی وەزارەتی تەندروستی و بەڕێوەبەری نەخۆشخانە ئەهلیەكان و لیژنەی تەندروستی پەڕلەمانی كوردستان بۆ قسەكردن لەسەر مانەوەی نەخۆش لە نەخۆشخانە ئەهلیەكان بەردەوامە.

دوای ئەوەی وەزارەتی تەندروستی بڕیاریدا نرخی نەخۆشخانە ئەهلیەكان بەڕێژەی لە ٤٠٪ بۆ ٥٠٪ كەم بكاتەوە بۆ چارسەری تووشبووانی كۆڕۆنا، بەڵام بەهۆی زۆری نرخەكان نیگەرانیەكی زۆر لای هاووڵاتیان دروست بوو و ئەو نرخانەیان بەمردنی هەژاران لێكدایەوە، بۆیە ئەمڕۆ ئێوارە هەریەكە لە وەزارەتی تەندروستی و بەڕێوەبەری نەخۆشخانە ئەهلیەكان و لیژنەی تەندروستی پەڕلەمانی كوردستان بۆ قسەكردن لەسەر مانەوەی نەخۆش لە نەخۆشخانە ئەهلیەكان كۆبوونەوە و تائێستاش بەردەوامە.

وەزارەتی تەندروستیش جەختی كردەوە، كەوا هەر نەخۆشخانەیەك پابەندی داشكانی نرخەكان نەبێت ئەوا مۆڵەتەكەی هەڵدەوەشێننەوە، چاوەڕوا دەكرێت هەوڵی چارەسەركردنی كێشەی زۆری نرخ بدرێت و نرخەكان زیاتر داببەزێندرێت، چونكە لەئێستادا تادێت ژمارەی تووشبووان بەتایبەت لەهەولێر لەزۆربووندایە و ژمارەی پێوانەیی تۆماركردوە.

بەردەوام بە لە خوێندنەوە

ئابوری

نرخی نەوت 45 دۆلاری تێپەڕاند

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ سێ شەممە، 11ی‌ ئابی 2020 بەرز بووەوە، بەشێوەیەك نرخی‌ نەوتی برێنت بە 45 دۆلار و 16 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 42 دۆلارو 22 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

ئابوری

باسی مەرزەكانی هەرێمیش كراوە
عیراق داهاتی بەدەستهاتووی مانگێكی خاڵە سنورییەكان ئاشكرادەكات

خەڵك- بەشی هەواڵ
سەرۆكی دەزگای گشتی خاڵە سنورییەكانی عیراق، داهاتی بەدەستهاتووی مانگی تەمموزی ڕابردوو ئاشكرا دەكات و دەڵێت لە 10 ملیار دینار نزیكبۆتەوە.

ئەمڕۆ دوو شەممە، ئاژانسی دەنگوباسی (العراقیە)ی نیمچە فەرمی، لە زاری عومەر وائیلی سەرۆكی دەزگای گشتی خاڵە سنورییەكانی عیراق بڵاویكردەوە”داهاتی بەدەستهاتووی مانگی تەمموزی ڕابردوو نزیكەی 100 ملیار دینارە، ئەمەش وێڕای سفكردنەوەی ڕسومی گومرگی و لێبوردنێكی زۆر بۆ كاڵاكان، لەگەڵ داخستنی زۆرێك لە مەرزە سنورییەكان بەهۆی پەتای كۆرۆنا، داهاتە بەدەستهاتووەكەش لە ئەنجامی كاریی 7 بۆ 8 خاڵی گومرگی بووە لەكۆی 21 خاڵی گومرگی”.

وائیلی ئاماژەی بە خواستی دەزگاكەش كردووە بۆ بەدیهێنانی داهاتی زیاتر بۆ پشتیوانی لە خەزێنەی دەوڵەت و ڕووبەڕووبوونەوەی زیاتری تەنگژەی دارایی كە وڵات پێیدا تێدەپەڕێت.

سەبارەت بە مەرزە سنورییەكانی هەرێمی كوردستانیش، سەرۆكی دەزگای خاڵە سنورییەكانی عیراق ڕایگەیاندووە”سەرۆك وەزیران كۆبوونەوەیەكی ئامادەكاریی سازكردووە لەپێناو گەیشتن بە چارەسەری هاوبەش لەگەڵ لایەنی كوردی، بۆ ئەو مەبەستەش پلانی بەرنامەبۆداڕێژراو هەیە كە لەسەر هەماهەنگی هاوبەش بەندە بۆ گەیشتن بە ئەنجامێكی سەركەوتوو”.

بەردەوام بە لە خوێندنەوە

کوردستان